校長燒肉日韓料理 (沙咀道) (已結業)

相約朋友過年前聚一聚。相就朋友在荃灣晚飯，友人提議校長燒肉店，因為多元化，除左燒肉外，呢度仲有火煱，還有魚生，滿足不同需求。今晚嚟到，嘩......人山人海，咁多人食，想必定吾錯。去 counter 拎飛，準時入席。4人奉送大大隻蝦、和牛、豚肉大堂擺放多種食品，簡直令人眼花撩亂。各式各樣嘅肉類，亦有美味魚肉燒賣,香腸。如果打邊爐，有，響鈴，炸魚皮等等.....甜品，飲品。飲品也有多選擇，梅酒、汽水、呢隻賣相很 cute，最岩小朋友同埋我呢D大細路。至愛甜品，多款雪條呢款類似和菓子好好味，皮料煙煙勒勒.口感不錯。今晚簡直飽到一個點，還有好多食物未試。下次再嚟，性格比非常高。正⋯

過年前,跟朋友聚聚吃團年飯,當然揀些人氣旺,多人推薦的食店, 咁啱有朋友介紹荃灣校長燒肉日韓料理！咁就訂位去試啦.當天我們訂了7：15 那個時段,一早去到嚇一跳是那麽震撼,見人龍排着隊拿号碼等上樓開餐！地方整齊清潔,有燒烤和電磁火煱爐.食物枱擺满很多種類可供韓燒或火煱的食物！陣容相當豐富,犀利呀！也有提供熱食,生果,甜品！每枱有一籃特選海蝦、 肥牛、 豚肉.開餐啦,燒得香香,味道很正！餐廳提供很多免費飲品,梅酒,清酒和雪糕真的有很多選擇, 很滿足！犀利的放提啊！

今次同屋企人慶祝生日，近近地就揀咗荃灣呢間新開嘅校長燒肉放題，最貴嘅時段去食都只係$180有找一個人!!!!!就可以食到好多嘢!!!!真係幾抵食😋😋一到第一轉7點嘅時候樓下聚集咗好多人，大家都等上去，大家一上到去就開始搵嘢食！入到去環境好靚👍🏻有好多唔同嘅裝飾👍🏻可能因為係新店嘅關係亦都特別乾淨👍🏻👍🏻👍🏻👍🏻呢間燒肉放題唔止可以淨係食燒肉，仲有得打邊爐，飲品選擇好多，又可以飲hogarden啤酒梅酒清酒仲有黑啤添!!!鍾意飲酒嘅朋友唔好錯過呀😍😍😍而佢仲有一個位置係比大家沖花茶,有唔同嘅花比大家選擇，沖定一杯到最後食完飲，清熱解毒，真係唔錯😋打邊爐有得自己選湯底，然後拎打邊爐嘅料上去😬甜品嗰度有好多韓國唔同種類嘅雪條😎仲有食軟雪糕😋😋不過其他甜品嘅種類就冇乜啦🤔🤔係炸嘢方面，選擇都真係幾多，熟食都幾好食，又有蟹又有哈，十足十去食自助餐一樣!!!佢仲有魚生吧，係平日宵夜時段或者晚餐時段之前可以選擇唔要魚生吧，但係晚餐時段就一定會包埋魚生😯不過魚生就唔太建議好似唔太新鮮🤔🤔🤔總括而言呢一間放題係值得推介！

以日韓料理放題為名，除了各式燒肉、也有沙律、壽司、湯水、熱盤及甜品雪糕任食!!自助拎嘢食個位選擇算多，有刺身、凍肉、蔬菜、熟食同甜品，而餐廳係主打燒肉，所以肉類選擇多、質素也不錯，有豬頸肉、豚肉片、豬五花、牛排、牛柳粒、牛仔骨、豬扒、 雞翼、雞扒、雞腎、鴨胸、多春魚、等等..可以任食 。 每人都有一客, 比較高級豬腩片, 鮮蝦, 雪花牛肉，燒或灼任君選擇！因為可以同時打邊爐！！！刺身專櫃方面, 有北海道帶子，八爪魚，三文魚，希靈魚，玉子，甜蝦，質素不錯, 尤其三文魚和甜蝦都很鮮甜!!熟食區選擇不算太多....而小食方面就有薯條，麥樂雞，蝦多士 仲有章魚燒吃! 店員會先係爐上舖一塊牛油紙,避免d野食燒焦，唔易黏鑊，用更少油燒烤，食得更健康紙係無限換，燶左就可以要求換，不過服務員會主動過黎換紙。紙上烤肉就冇咁易燶，肉唔會黑蚊蚊!!自助調味區自由揀醬汁，醬汁款式都好多，有韓式辣醬，柚子醬，胡麻醬，燒肉汁等等，總有一款岩口味。仲可以同時間打邊爐，湯底有三款俾大家選擇，有辣有唔辣！我地食完一round又一round!!!總結d燒物好正, refill又快,唔會太淡,仲有鹽, 七味粉, 黑胡椒可以

款式多，有得食燒肉，又有得打邊爐，價錢相宜，我諗都冇咩邊度搵到。一坐低就比左呢三款豚肉、牛肉、蝦我地，我地三款都揀左燒，蝦好新鮮，肉好實！肉類都有好多款揀，覺得唔錯嘅有雞腎、豬頸肉、咖哩雞翼、肥牛，雞翼可以燒到好爽口，燒到差唔多熟就可以加少少黑椒上面，正！我地都揀左唔少蔬菜食甜甜的壽喜燒！火鍋湯底有得揀壽喜燒、豬骨湯、麻辣湯！竟然有熱維他奶飲！加分！仲有沙律、甜品同生果，奶凍口感細滑唔錯！當然唔少得diy雪糕！仲有花茶、果汁、咖啡、汽水同酒類！好多款飲品！

今日放假突登出荃灣等男朋友收工，前排去完日本已經好掛住燒肉！於是一早就訂左位二人世界地點唔算難搵，係附近抬高頭就會見到。樓下都有Counter 有大指示上樓一出lift 已經有人帶位啦！👍🏻晚上黃金時間大約$200其實都算還可以。一入門口已經有好多個雪櫃入面係好多好多唔同款野飲！起碼最基本既可樂檸檬茶，酒類，支裝都有包有幾款岩心水😂😂另外仲有啲特別野飲，味道我覺得還可以的！仲有一區係咖啡奶茶仲有DIY 花茶！岩曬健康人士👍🏻門口仲有日本刺身！實在太開心啦！排完又排都仲得！野食實在太多影唔曬，有沙律區就最岩我，食左啲菜打底無咁易肥😂另外有燒肉區同打邊爐區野食種類十分多，仲有人服務同推介野食比我地！店其實人好多，一開始個個都夾好快就比人清但上野食速度都好快，唔需要等就即刻上包你唔會浪費一分鐘咁😂打邊爐沙底要自己拎，我就揀左麻辣湯底比較啖味但都有辣香既！入坐仲送一set 海鮮同牛肉，係新鮮既！依家睇返啲相都仲好想食！甜品方面雪條比較出色，有韓國雪條都算係咁啦！DIY 雪糕我覺得比較啖味，但都有好多配料比人加😍😍總結黎講服務都好滿意的，燒烤用紙會主動幫我地換同埋收碟都好快手。野食種類多質素都唔

今天晚上和朋友來到荃灣這邊，在想吃什麼的時候突然看見校長烤肉的資料，所以就嘗試一下去這家餐廳。剛到門口的時候發現排隊的人特別多，所以就覺得這家餐廳應該很火，等了差不多半個小時才能進去。裡面肉的種類非常之多，有雞肉，豬肉，牛肉，香腸，丸子，還有各式各樣的食物。最欣賞就是裡面的牛肉，脂肪比例剛剛好，吃進去口感非常好。另外還有海鮮供我們選擇，比如一些貝殼類的海鮮，魷魚和螃蟹都是非常美味。還有一些煎餃，非常適合不太吃肉的朋友。每次去食韓燒之後都會覺得非常油膩，建議可以配搭一些新鮮的蔬菜一起吃，這樣吃完之後也不會覺得很油膩。離開之前千萬要記得去嘗試一下裡面的那些特色甜品，吃完之後，整餐就覺得非常圓滿。

試完荃灣呢間校長燒肉，我決定以後唔會再嚟，第一食物唔好味，第二碟同枱櫈都唔乾淨，第三有咩理由客人夾緊食物侍應囉住洗完嘅籃誇過客人個頭而過，如果個籃有水流到客人咁你地又會點做，只會講對唔住跟住比紙巾，之後又係走咗去，我真係好想知同樣嘅事發生係你自己身上你又會點呢，教你做嘢嘅人都唔識教…無言

多年好友相約係荃灣見面，正當頭痕諗緊食咩好的時候，我們見到長長的人龍，八卦後才知道是排隊入座食燒肉火鍋自助晚餐的人龍。坐升降機上2樓，一出門看見落大的空間，每張梳化位都很闊落，坐得開心又舒服。第一次食自助燒兼有火鍋，但實在太飽的原故，食燒肉和自助吧也非常満足了！熟食種類繁多，有湯有菜有炸物，魚生刺身都任食！肉類多到數不完，想食甚麼口味都找到。沙律吧，生果甜點吧非常大吧！除了海鮮和肉類，蔬菜菇類也非常足夠，平衡飲食。你看！連炸魚皮也源源不絕供應，火鍋湯底都有幾款任選，實在太多選擇了！媽：教我如何食哂它！優質海蝦食肉獸必愛之地在此也。飲品應有盡有，還有自助雪糕機。自助雪糕櫃，人大了，不及年輕仔女的大食量，但也食得很盡興，和朋友食下傾下又一晚，心滿意足了。

係YouTube 上面見到某飲食界既YouTuber 幫佢 賣廣告 見佢講到咁平 又多選擇就 膽粗粗咁book位去試下啦。我地原本係book6位既，但之後因爲有朋友會一齊所以加多左位 同埋有同行友人呢個月生日，生日可以有全枱88折優惠，所以之後就再打電話黎改返個booking,黎要發現根本無幫我地改，仲要俾張6人枱我地7個人，加上本身張枱已經好窄，變相逼上加迫 坐得非常唔舒服，而且啲staff係好唔耐煩 好無禮貌既，啲餐飯 食之無味。🔽食物方面如廣告所講 呢度有放題 打邊爐同韓燒 就好似食緊自幫餐咁。事實係呢度主打係韓燒，有好多種好類似既醃製肉 加工肉咁俾你燒；放題方面 其實只有個刺身位 俾你拎得果幾項選擇既刺身，好似蝦 三文魚 希靈魚等既刺身，啲刺身既溫度唔冷既 偏近常溫。仲有幾樣炸物同熟食，炸物正正常常 都仲幾熱既 溫度keep到 都唔錯既 ，但係啲熟食就焗住 焗到見到都唔想食。打邊爐都只係俾個好少既鍋仔你 有三樣湯底選擇 但湯底味道偏淡 火鍋配料主要都係靠用韓燒既 材料。佢地除左一黎送上既小錦盒既肉質素好啲之外 其他都好一般既醃肉。🔽飲品方面係佢地做得最好 選擇多 有啲酒類 例如

今次同家姐試荃灣呢間新開既火鍋燒烤放題，其實同我之前葵芳元朗食既放題差不多，但呢間就好多選擇，同餐廳好大，位坐得幾舒服。餐廳既裝修令人舒服，燈光配合得幾好，所有食物都擺放得好企理整齊。呢個係令我最高興既啤酒櫃，好少見放題係有呢幾隻日本啤酒，除左啤酒，重有水果酒，同埋都有自家製既梅酒同清酒！真心比個like軟雪糕，我就無試，但家姐試左覺得ok!雪櫃有雪條同雪糕，我食左條榴槤雪條，好食打邊爐唔少得既醬料，呢度都有齊無論火鍋定燒烤既食材都好多選擇，直頭多到眼花繚亂，有種眼闊肚窄既感覺甜品區雖然選擇唔多，但我食左粒類似菓子咁既甜點都幾好食火鍋有三款湯底任你選，麻辣唔係好辣，如果再辣會更好，但豬骨湯都幾香濃呢三樣，每台都會有一份,蝦，牛同豬。蝦我燒左黎食，都好新鮮彈牙，牛都係燒，我覺得比預期好，好有牛肉既鮮味，正！豬我都係燒，肥瘦比例岩岩好另外，呢度設有魚生區，每人每次限拎一份，有職員會切比你，呢度既魚生，真係唔錯，呢個價錢，只食魚生同飲酒都抵最後，我真心想讚係沙律，有好新鮮既菜同好多沙律醬同醋選擇，好少平價放題會做到，比個讚佢總括，呢間放題，性價比係無可挑剔了，而且真心想讚間野既服務員，有禮貌

新開燒肉放題，我之前有從YouTube 睇過有人介紹，所以特地去試下，時間比較特別，同一般放題唔同，佢地要分時段進入，因為每個時段都需要有半小時去撿場，作為分隔，我地9點3左右到，樓下見到已有好多人，我地準時9點半入場，一入場見到好多野食，有好多驚喜，最基本飲品，竟然有好多酒，有白威，有Hoegaatden,講真$160連加一，真係飲幾杯都番本，並且有刺身，刺身又唔使等，只需出去攞，刺身都唔錯，雖然刺身唔多選擇，但好新鮮，味道唔差，前菜都有炸野，有薯條，麥樂雞，蝦多士，估唔到連章魚小丸子都有，終於入主菜，真係大路野嘅都有，豬，牛，羊，雞都有，因為太多人比較難影相，廢事阻住人，最驚喜係竟然仲有火鍋，有三個湯底選擇，麻辣，豬骨湯，壽喜燒，真係燒又得，煲又得，只需$170（最夜時段），真係物超所值，最後就是基本雪糕甜品， 下次一定會再嚟。

同事表示在facebook上看到荃灣有一家新開張的任食燒肉和火鍋很吸引, 於是這天放工後便相約一起去試試。餐廳位於荃灣中心地帶, 在荃灣美食集中地 - 大鴻輝的斜對面。放題分三個時段, 每個時段收費不同, 一個價錢已包括燒肉和火鍋。是日大約7:20分到達, 此時段每位食客皆獲贈盛盒一個。雖然是星期四, 但一上到二樓已發覺座無虛席。侍應替我們安排了靠窗的卡位, 闊落舒適。入座後, 便跟朋友急不及待到外面看看有什麼食材供應。這裡的食物以自助形式供應, 可按自己所需及喜好拿取食物, 個人很喜歡這個安排, 因為不會有漏單的問題, 能真正的「吃到飽」。食物種類選擇非常多, 令人眼花撩亂, 除了燒烤和火鍋配料外, 還有沙律, 熟食, 刺身和甜品供應, 以此價錢的放題來說真的很驚喜。因為跟朋友都很餓, 所以先到刺身和熟食區逛逛。熟食區主要是炸物, 另外亦提供三款湯品和糖水。雖然刺身選擇不算太多, 但各款刺身質素不錯, 尤其三文魚和甜蝦都很鮮甜, 貴精不貴多。平時火鍋和烤肉會吃到的肉類和蔬菜配料, 這裡都有供應。烤肉方面, 肉類選擇繁多, 除了一般豬牛雞外, 還有魚類供應, 燒三文魚醃得入味。另外有

上星期同朋友經過荃灣 沙咀道 翡翠廣場、 看見有一大班食客 正在排隊 搭𨋢上樓上二樓， 原來上址新開了一間 (校長燒肉料理)每日晚上7時15分開始任食兩 小時。剛好我和朋友正在找餐廳食晚餐，朋友便建議到( 校長燒肉料理)體驗一下。我們上到餐廳， 餐廳內 地方寬闊 ，分別有不同區域。個人欣賞餐廳的細心 設計，將 燒烤的食物 和火鍋的食物，也 清楚地 份開的擺設， 讓客人 清晰鮮明 ，分別食物區域 。燒烤的食物款式 也有很多選擇， 基本的燒烤肉類， 有 豬，牛，雞，魚類， 各色其式， 應有盡有。火鍋食 物也可任揀自取，食物 種類有很多 。 也可自選 火鍋湯底。餐後還可以 自選 甜品 任食 ，雪糕，雪條 ，布甸 等，無限供應。飲品方面 :有果汁，汽水， 和樽裝維他奶等 ， 朋友都話抵食認真超值。

知道翡翠廣場新開了 "校長燒肉日韓放題"即去朝聖. 雖然已經訂了19:15 -21:15 但人頭擁擁, 見到價錢分3段由 :17:30-19:15, 19:15-21:15, 21:30後. 當然中間最貴, 我們是198一位. 好辛苦終於入坐, 等了小時電梯, 因為太多人排隊了, 電梯只得1部.餐廳很大很寬闊, 卡位同很多區域分隔, 比想像中舒服,衛生. 食物超級豐富. 日式剌身區刺身新鮮. 甜蝦即點即拆殼, 很鮮甜,小食炸物區有蝦多士, 超彈牙, 蝦膠同多士炸的很好, 食了5件....另外有炸春卷, 炸沙律卷, 炸麥樂雞,炸小丸子...燒烤食物區長長一桌, 有20款多食物, 呆了....開始烤啦(^^) 好喜歡它有一張韓式吸油煮食紙, 服務員還會更換. 牛油粟米, 牛油金菇以錫箔紙放. 燒雞翼燒豬朳很多種味道, 亦有豬肉片, 豬柳, 牛肉粒, 牛柳,尤魚, 午餐肉, 煙鴨胸....每人一枱, 比較高級豬腩片, 鮮蝦, 雪花牛肉燒好食物, 真心好食, 但美中不足是比較趕, 因為太多食物, 感覺2小時不夠用, 而且因為等電梯又少了時間火鍋食物區平常:肥牛, 豬肉, 魚蛋,  菜類, 炸魚