校長燒肉日韓料理 (沙咀道) (已結業)

月尾出糧 正常大食一餐 經過一輪搜尋 終於係荃灣的角落找到一間放題進內發覺種類不少燒烤都齊了 有豬有雞有牛有魚有內臟 店員也都即時補充重點來了 有燒烤 有火鍋 燒烤爐用上燒烤紙 不會痴爐 又用少啲油 這個做法不錯👍Standard set 每人都有一碟 蝦是新鮮的 烤後彈牙 肉類肥瘦合適與其說是韓燒 我覺得更加似香港bbq 牛油栗米 蒜蓉菇 對於整個冬天都沒有bbq的我 實在太吸引飲品種類都多 個人建議cider , taste fruity Gelato 波波 要試試 握在手中食 邊食邊溶 raw but feel good

好耐之前聽過呢間校長燒肉放題，聽講好多人，每晚入都要排隊。第一次試，已經感受到人多既程度。6點50左右到左，已經好多人排隊，名不虛傳!等左20分鐘左右，入去7:15 - 9:15時段每人198 (另加一)。發現入面環境裝修都唔錯!呢間放題真係唔講得笑，佢有好多種唔同種類既剌身﹑熟食﹑燒肉﹑炸物﹑火鍋料﹑甜品﹑雪糕等等，各式各樣，包羅萬有! 真係正正子!仲要每位送新鮮蝦﹑五花腩肉同牛肉，燒起上黎特別好味!我地燒肉同火鍋都有試，味道同款式都好好，我地最鍾意食雞腎﹑肥牛﹑雞軟骨﹑魚豆腐。同埋我最愛既hoegaarden!!

今次已經係第二次嚟啦，上一次係食晚市，今次就係食午市兩次我哋都係選擇食燒烤加火鍋（佢哋仲有一個選擇係燒烤火鍋再加刺身嘅選擇）不過我哋始終唔係好習慣刺身同生肉放喺同一張枱上邊食，一邊係熱野一邊係凍野，感覺總係怪怪咁真係好抵食啊今日星期日都係每位118再加一，總數$140就可以食足兩個鐘同班老友記吹吹水，座位舒服氣氛好好一邊燒烤一邊打邊爐已經滿足左兩個願望，飲品選擇又多，洒精類飲品就已經有好幾隻，仲有花茶漆呀！真係唔食飽都飲飽啊食物質素要有的都有齊，不過唯一美中不足就係午市冇雪糕食，只得一部整類似沙冰嘅軟雪糕機

Weekend路過見到排晒大排，咁我就趁平日唔洗等咁耐黎試試去。我黃金時段7:15入座限時兩小時，價錢就$198加一服務費食完覺得喱個價好值因爲實在太多野揀，而且樣樣味道都高質，可惜肚就得一個😐係門口攞在枱號之後就可以搭lift上二樓啦🙂坐低左之後佢送個價值118既丼盒黎，黃金時段獨有，有新鮮大蝦，牛肉和豚肉。除咗燒肉之外仲可以埋打邊爐，自己揀湯底。各種通粉，響鈴，炸魚皮都有。見到咁多嘢揀果一刻就好開心，樣樣都試咗啲，自己攞得最多係咖哩雞翼，三文魚骨腩，豬頸肉，迷你番薯，多春魚，帶子燒緊既同時可以食下啲熟食，咖喱蘿蔔魚蛋，炒蜆燒賣雞翼，炒油麥菜，炸物竟然有埋章魚小丸子飲品方面同平時一樣，有各種嘅罐裝，不過喱間有提供埋梅酒，清酒。我反而鐘意飲翻熱茶，感覺無咁熱氣。最後雖然好飽但都食返個甜品作為結尾。

忽而間想食燒肉, 咁見到呢間野幾多人排隊, 又唔貴, 大約$200位, 就上左去試下.間鋪好新淨, 企理同衛生, 感覺唔錯, 坐位都舒適, 係梳化卡位.牛肉同豬肉都好新鮮, 另外有好多唔同種類既食物, 大約有3十款, 全部都乾淨企理, 幾吸引.飲品方便有大約20款, 比較驚喜的係有熱玻璃樽維他奶, 清酒同梅酒, 都係任飲的.啤酒方面竟然有hoegaarden, 放題黎講比較小有.際左燒肉方面, 仲有小量熟食提供, 我試過質素係唔錯的.生果方便好靚好新鮮, 西瓜起沙的, 哈密瓜個色好靚, 不過未夠熟.另外仲有雪條雪糕供應, 幾款都幾吸引的.$200位好值得去一試

荃灣新開燒肉放題，身為街坊必定要試下啦，星期一都好好生意，應該都唔差，果然有好多選擇，燒肉不在話下，亦可以鍋，又可以壽司刺身，相當低食，燒肉要推介下個秘制叉燒，醃製到入晒味，又唔會有味精，肉質夠嫩滑，燒完都唔食硬晒好難食，呢個要食，另外就係魚，燒完唔會散晒，仲有口感，好好，而火鍋有幾款湯底可以自由選擇，個魚皮超正，新鮮炸好脆口，又大件，響鈴都係脆卜卜 ，刺身方面有我最鍾意食既三文魚腩，甜蝦，帶子，都好新鮮，入口唔係霉晒既貨式，好鮮甜，仲有其他熟食都好正，例如炒蜆，雞中翼等，太多野食，根本食唔晒，所以一定要再黎多次先得，樣樣都想食

行街竟然見到有一個大大既牌寫$100都唔使嘅燒肉放題，仲有兩個鐘慢慢食。所以就上左去啦。一上到去，環境好大，門口已經分左好多區，原來唔係剩係得燒肉架，仲有沙律吧，好多熱盤，同埋甜品。沙律菜，中華沙律同埋泡菜，一個日韓式沙律順利完成，又清新又好味。嘩，估唔到依個價錢，但食材一啲都輸。係有好多不同韓燒打邊爐食材任君選擇但講最欣賞一定係依度既熱盤。依個大冬菇，極度厚身，入味而且唔會愈食愈咸，好好食。八爪魚丸子都係驚喜之作，每粒真係有兩粒八爪魚肉係內面，仲唔會只得粉醬最後，依個甜品都係誠意之選，外層qq彈牙，內面係豆沙，好好食呀。最後加埋一只係108一個人，單係食熱盤同甜品都抵曬，燒肉同邊爐又等緊你，抵食。

荃灣這一間燒肉日韓放題，聽閒價錢十分合理，所以我便約了幾個朋友一起去試試。我們選擇了7:15的時段，我們準時7:15到達，已經開始讓人流進入了。這裏叫得上燒肉放題，所以大家都把集中力放在肉類身上，所以在燒肉那邊也聚集了很多人。除了燒肉之外，還有很多，例如沙律甜品熟食等等...我們已經很肚餓了，急不及待所以便拿了一些熟食。例如有咖喱魚蛋，燒賣及辣味炒蜆。這些都弄得很有風味，尤其是咖喱魚蛋，特別入味呢。而且外面還有壽司甜品等等...真的選擇包羅萬有。令我頓時覺得有選擇恐懼症，只好慢慢一樣一樣選擇。

之前在元朗食過校長燒肉，覺得唔錯，現荃灣又開一間，朋友約食飯，咁就收工去一試，到餐廳門口見到長長人龍，原來餐廳分時段入座，每次清場後再次入座，入到餐廳坐位寬敞，服務員熱誠招待，食物好多品種，燒物特別多款，牛仔骨，牛扒，雞翅，多春魚，魷魚等等，仲有刺生:三文魚、八爪魚、帶子、希靈魚及甜蝦。跟住枱面有好多熟食，炒蜆炒蟹都有，緊係我的至愛沙津唔少得，最後仲可以食火煱。湯底有幾款，我哋揀咗豬骨湯底，食到差不多就食甜品，蛋糕，和果子，生果唔少得，還有自選花茶及支裝维他奶飲！食埋雪糕真係大滿足

上星期朋友約我喺荃灣食慶生飯，知道喺元朗食過質素又ok既校長燒肉進駐荃灣，佢就book檯約埋我一齊擦返餐！估唔到7:15 入座，6:50 去到已經大排長龍，受歡迎程度可想而知，好在荃灣店位置多，地方又夠大，我見到一圍檯10 個8 個都無問題，場內場外都非常熱鬧！安頓好之後當然要馬上出去拎野食，因為限時120 mins , 一定要把握時間！先嚟新鮮既刺身熱下身先，每人每次限拎3 樣，有三文魚，甜蛋，帶子，八爪魚，熹靈魚得選擇，三文魚睇落幾新鮮，食落都非常甜美！其實為左呢餐，我哋兩個都專登無食下午茶，所以都幾肚餓，所以食完刺身之後，下一站就到熟食！熟食分左兩邊，蒸煮一邊，炸物又另一邊！供應都幾快，清晒就有新野出，基本既魚蛋燒賣雞翼魷魚係一定揾到！仲有其他小炒都係唔錯既選擇！炸物同樣供應不斷，質素都唔錯，款款都炸到金黃香脆！有勁受大家歡迎既蝦多士同小丸子，每之行出嚟都有新既食物更新！ 絕無冷場！燒烤配料選擇多到不得了，超過30 款，單係腸仔都有5 款，仲有有菇類，有丸類等另外各式肉類選擇都幾多，雞扒牛扒豬扒呢d係基本，雞翼呢d係必須，仲有特色既金沙骨，叉燒，西冷牛，五花腩免治雞串，餃子等等，

難得今日倆公婆都放4點幾，咁開心緊係放工行街食飯啦開頭都未諗到食咩，點知行到鹹田街見到勁多勁多人排隊，香港人嘅心態即刻睇下有咩先，點知一睇，原來係燒肉放題，勁抵食喎，我哋仲早，食5點個時段都係$100，不過係冇刺身嘅，如果食埋刺身都係加多少少錢，都係抵食，即刻決定食佢，食完仲好早都仲可以行街上到去，個場勁大一入門口就有部夾公仔機下次帶阿囡嚟肯定又要玩夾公仔，不過幾好丫，又有得食又有得玩環境好正，隔開哂，私隱度極高一入場個個都急不及待出去拎食物食物種類超多款式多元化總有啱食嘅嘢火鍋其實我好想食「壽喜燒」湯底，但奈何我倆今日都唔算太餓，怕食唔到咁多，所以放棄咗，下次嚟我一定要食，因為無論湯底、配料同食物種類都超吸引燒烤又係超多元化嘅食材，連較少有嘅雞軟骨都有，仲要係我至愛，今暈真係啱哂我其實好多款食物個醃料都好好食，醃得又夠味道，所以真係冇得輸另外要講講，燒烤爐上有一塊牛油紙，我覺得幾好，一嚟啲食物冇咁容易煎燶，二嚟燒耐咗要換都係就咁換張紙，唔駛成個爐換，真方便沙律前菜推介，醃製蘿蔔，食燒烤食物時食到個口有啲油膩感，食返少少蘿蔔即時舒緩哂，又開胃飲品區有選擇困難嘅我多款到唔知飲乜🤣熟食區一

同朋友仔概約到荃灣行街行左陣已經肚超餓好想瘋狂食任食韓燒想起校長燒肉正正在附近新開了分店一開始先食沙律開下胃沙律菜同蕃茄都好新鮮依度仲有唔同既沙律汁配合不同口味之後就係燒肉既環節本人覺得燒五花腩同肥牛肉係最正一邊燒，一邊油脂出曬黎一燒好，加埋燒肉汁，食落又香又多汁 豬仔認為食烤肉一定要有！酒精，靚靚啤酒任飲一啖肉一啖酒依種就係食烤肉幸福時既感覺同時間，我地都開左打邊爐淥下唔同蔬菜清清喉嚨最後，甜品時間蜜瓜奶凍係一定要嘗試蜜瓜味極濃而且甜度適中任食沙律、熱盤、韓燒、打邊爐、仲有甜品添加埋一以今時今日百物騰貴兩個人任飲任食埋單只係只係$216性價比超高正呀

今晚想同朋友食肉又唔想太貴，於是決定去荃灣新開既校長燒肉，$198加一就可以兩個鐘任食燒肉，仲有埋火鍋，勁扺！一上到去入門口，就即刻見到自助區，同其他放題自助餐唔同，校長燒肉係連肉都可以自己拎，唔洗下下搵waiter落單，可以自由選擇自己需要既分量，同埋慳好多時間。一開始拎左醬醃牛肉，香草豬肉同埋雞翼去燒，個爐鋪左耐熱紙，感覺衛生之餘又唔洗下下燒到一半拎起成塊鐵板黎換，安全好多。雖然價錢唔貴，但肉既質素唔錯，感覺幾新鮮。之後去自助區拎左個麻辣湯底開始打邊爐，湯底好香，但唔算太辣，平時唔食得辣既朋友都食到。食到口渴，去飲品區拎野飲，竟然俾我地發現有麥精！真係第一次燒肉既時候飲麥精，又意外地夾到燒肉既味道，下次有機會會再飲。最後食飽去甜品區拎下啫喱同雪糕，兩個鐘飽住落樓，但其實仲有好多野未試，下次會再黎食。

最近荃灣開咗間新嘅燒肉放題，前幾日就約埋左屋企人一齊去食，我哋約咗7點3去食放題，我哋早左10分鐘到嗰度，點知已經排咗好多人喺度，估唔到都咁多人咁早到。叫得做燒肉放題，主角梗係肉啦。呢度有各式各樣唔同款式嘅肉，有醬汁嘅又有冇加醬汁嘅又有。仲有甜品同埋沙律可以拎。燒肉爐面頭仲放左張隔油紙，可以冇咁易癡底。燒緊嗰個就係咖喱雞翼，雞翼都係比較難燒熟，最後要剪開先燒熟到，但係咖喱味好入味，而且一啲都唔辣。另外出面仲可以攞鍋黎打邊爐，我哋揀咗個壽喜燒湯底，味道會比較甜嘅，出邊亦都可以攞打邊爐嘅嘢食。最後仲有甜品可以拎添，除咗雪糕之外仲可以乳酪同埋甜品。

7人座，座位位置唔错，两个钟食饱晒，最后15分钟拎左两大箱野，话每台都有，跟住话浪费嘅话每件罚10文，搞到头都大埋肉食类型，油脂比肉3:1，蔬菜像是早上放到现在没兵线，炸物不错，可是性价比低，饮料品味多，而且还能自行调配茶叶（不知道是不是我的问题，玫瑰金边+茉莉出来酸的味道），刺身刀工不错，可是融雪不错，整体服务较好。整体环境有点吵闹，音乐偏烂，店员很多，但你向他们提问他们都答不出，正在在认真做事的可能只有1/3