校長燒肉日韓料理 (沙咀道) (已結業)

今年的母親節，爸爸提議一家人吃韓燒，姐姐便提議我們到這間校長。進入店內的座位比較擠迫，我們加了可以叫刺身的dinner，點了一碟刺身，味道也較為一般。出去打算夾牛肉、豬肉、蔬菜等回來燒，但他們的肉也不算十分好吃，但價格仍算可以接受。

依排晚飯都好精神, 好野當然唔好比佢停, 今日襯老公放假當然就去荃灣食餐好, 我地簡左搵校長燒肉, 其實以前成日經過已經好想試, 今日終於夾到時間, 上到去估唔到佈置都好有心思, 我發現餐廳依家食物古之然重要, 但其實比食客打卡都好重要架！校長燒肉係自助放題唻既, 自己出去拎食幾多拎幾多, 唔使下下畫紙又要等, 又驚入漏單之類! 淨係salad bar已經眼花撩亂, 當然唔好淨係食salad 咁舌, 眼見成枱肉, 老公依個食肉獸已經留哂口水, 仲話好彩lunch留左肚添！我自己最鐘意甜品, 唔會做到好死甜, 非常豐盛既一餐！

校長燒肉聽過呢個名好耐，今次終於可以同小白兔嚟食。 黎呢度食，一定一定一定要book定枱。(非常重要所以要講三次) 人山人海咁逼喺接待處等上去食。我哋今晚食7點15分嘅任食。 上到去有一排人企喺度等帶位，場面都幾震撼。環境企理乾淨。快速坐低之後，去睇下有咩食先，有沙律bar, 刺身/熟食區，打邊爐區，燒烤區，甜品/飲品區。選擇好多， 食物質素都幾好，2個鐘都唔係好夠食。用銀盤銀杯裝食物/飲品，食物又有d細過時成日見到既食物，真係有種回到校園時既感覺。每枱會送一碟蝦/高質牛肉/五花腩沙律吧 有粟米/蕃茄/沙律菜/中華沙律/韓式泡菜/辣蜆肉等等刺身區有三文魚/希靈魚/帶子/玉子/甜蝦等等 熟食區 不外乎燒賣/炸雞塊/薯條/小菜類等打邊爐區 有金菇/冬菇/秋葵/萵筍/菜類/炸魚皮/響鈴/烏冬 好多選擇 燒烤區嘅選擇特別多 有雞翼/龍利柳魚/牛扒/豬扒/雞扒/金沙骨/魷魚/多春魚等等 甜品區 有唔同水果/精緻既小甜品/雪糕/雪條/乳酪/連大腳板都有 飲品區 有啤酒/汽水/連熱維他奶同花茶都有，真係估你唔到總結: 食物選擇性多又有番咁上下質素/坐得舒服/價錢親民/服務都唔錯/淨係上黎飲酒燒下嘢食

呢處係韓燒  + 剌身自取 + 火鍋先講食物，剌身放面，都係咁啦，三文魚又驚有寄生蟲，驚咋，係我自己怕死唔敢食，唔關這餐廳事。但甜蝦係抵讚既，大隻，同埋大隻。主打韓燒，凍肉就是肉，款多，有牛有豬有雞，但醃肉方面……淡咗少少；另外，就緊係學韜韜話齋，個爐係最緊要啦，呢到係用油紙隔住鐵板，可以減少煮濃，又可以減少油煙，Good。火鍋：呢到每張枱有一個韓燒爐，同埋一個電磁爐用黎做火鍋既，但個火鍋……未滾過，個煲係細既。有冇試過用唔熟既水黎6響鈴呢? 係唔好食架。水唔熱，響鈴唔可以一下快浸放入口，結果淋晒，敗北。都係講返韓燒吧啦，燒得好唔好，係自己既問題，其實食得淡啲都係健康啲既，加上，枱面上有七味粉，黑椒，黃薑粉，鹽都有，冇得怪人啦，咸得滯冇得返轉頭，淡可以自己加返料。

屋企附近，最近開咗一間新嘅燒肉店叫校長燒肉，好誇張嘅係每日五點幾就已經有人喺度排隊上去食燒肉！本着唔好執輸嘅精神，約埋阿妹一齊去試下先！我哋去食7:15嗰一場，大家都係排隊上去，大致上安排得幾好，又快，全部好有秩序！一坐低佢就送咗一個燒肉丼盒，賣相都幾精美，蝦🦐超級新鮮最開心係D小朋友，一齊出去揀嘢食夾嘢食，揀汽水，任飲任食真係好抵喎！自助沙律吧有好多款式燒烤肉類，蔬菜種類繁多，任君選擇！肉類材料新鮮，亦都唔會過分鹹，夾埋泡菜一齊食認真不得了待應姐姐的態度也錯，要求換燒烤紙，完全冇托手踭速度奇快，抵讚仲有刺身但係我掛住食唔記得影相除咗烤肉之外仲有幾款熟食，炸物, 生果，甜品味道也不錯而且仲有一個煲可以俾你淥菜打邊爐，又唔使太熱氣啱晒我啤酒任飲太爽了除咗甜品之外，雪糕都係任食，最後一人食咗兩支，肥死啦!

成日去元朗都會去校長燒肉，最近係荃灣就開左分店(舊韓曰燒個位)。本來唸住訂定位，知道一定好多人，不過問左原來中午只有walkin，不過好好彩，個場夠晒大，去到都即時有位。同元朗店唔同既係，佢分左三個價錢。1號 燒烤，2號 燒烤加火鍋加甜品加酒精飲品，3號  燒烤加火鍋加甜品加刺身加酒精飲品。今次我地點左1號 午餐 2小時 價錢 $98 加一。價錢方面真係無得輸。校長燒肉食物方面就一定有保證，今次食過最難忘係牛扒真係好淋又多汁。食品種類都超多，食完真係非常滿足。飲品種類都非常多，不過要留意，1號餐係沒有包酒精飲品，如果要飲就要叫2號,3號餐，不過聽講個果汁酒都非常好飲。下次一定要試下個火鍋 同刺身先得。

每次經過荃灣新開的校長燒肉都見到大排長龍，相信必定有其吸引人之處，所以約埋家人一齊試吓味。但就一定要預早卜位。果然係家人及朋友聚會嘅好選擇，因為可以一次過食齊韓燒、火鍋及自助餐，可以滿足晒所有人嘅要求及喜好。而且餐廳好有氣氛，大家走來走去攞嘢食，令到食慾大增。侍應會先送上一籃韓式燒烤嘅肉及蝦。其他韓燒火鍋食品可自由喺出邊挑選。選擇都非常之多，食完仲可以攞甜品、沙律、前菜，飲品多元化，總有一款啱你飲。不用貳佰圓一人，非常之抵食！必定會再encore！

先不論食物質素，昨天一進去就被那美美的裝修吸引了！未曾見過一間韓燒餐廳咁有氣氛，復古風裝修配合一些霓虹燈，非常有氣氛。好多嘢食都好難忘，特別講下幾個啦：燒肉明顯有處理過，醃製程度恰好，牛柳粒同五香腩都好香！🤩特別要介紹呢個燒粟米同埋燒菇，平時一般韓燒比較容易燒焦，因為直接燒係個鐵板上，但加咗塊紙冇咁容易燒窿，亦都火平均d，熟得勻稱，同埋店舖自己撈左蒜蓉牛油，非常惹味！😋😋店內仲有其他唔同種類生果同飯後甜品、雪糕等等，味道都唔錯。佢仲有任食火鍋同埋少許刺身選擇，不過就選擇唔算多，主打都係韓式燒烤！有興趣嘅朋友都可以去試吓，價錢好合理，推薦！！👍🏾

荃灣真係有好多好多嘅美食今次就發掘到呢間好吸引嘅韓燒名為校長燒肉 日韓料理😍😍😍而我地今次食Lunch時段同埋嗌左2⃣️號餐（午市燒烤火鍋自助餐2小時）（4位以上可4小時任食）（午市時段：11:30am-3:30pm）星期一至五學生價錢：$88星期六、日及公眾假期學生價錢：$98——————————————————呢間舖頭真心物超所值，佢啲食物質素亦都出乎我意料地高，勁多嘢食選擇已經不在話下，而且又有啤酒可以揀，可能飲幾罐啤酒已經回本😂😂，同埋有少見嘅蜜瓜味嘅雪糕，而且味道亦都幾唔錯不過我最驚訝嘅係竟然飲品區有支裝維他奶同麥精，我都真係好少見到韓燒或者火鍋舖頭有維他奶供應，不過就得熱嘅🤨🤨 而火鍋就有3⃣️種湯底揀，我地就嗌左豬骨湯，如果你燒嘢燒到累嘅時候，可以將嗰啲肉擺係火鍋，之後就等食😂😂呢間真心好抵，啱曬鍾意打邊爐又鍾意食韓燒嘅人，一次滿足曬2⃣️個願望

今日同朋友去左荃灣食校長燒肉放題, 呢間已經聽過話響元朗都幾出名.Book左食19:15呢段時間,可以食兩個鐘. 早左黎到已經見到有人龍排隊等入去開餐.入到去坐底見到檯上唔單止有韓燒爐,仲有電磁爐可以打埋邊爐.呢間放題唔係平時個d有紙可以剔食物,呢度係自助餐形式要出去拎既.行左一個圈, 飲品好多選擇,有Hoegaarden同日本果酒. 唔單止咁,仲有梅酒同清酒任斟唔嬲. 唔想飲酒既都有花茶即沖黎飲.食物方面, 餐廳會送一個拼盤有蝦有安格斯牛肉有黑毛豬, 蝦就麻麻地,但係安格斯牛肉好Juicy好有肉味,正! 黑毛豬都唔錯架!呢度有刺身拎既, 而刺身亦不過不失. 亦有好多種肉類同一D火鍋配料去拎. 而火鍋湯底都係自己斟, 有豬骨湯,麻辣湯同壽喜燒選擇. 我地鍾意食辣就簡左麻辣湯啦. 個湯底聞落去都唔似辣,但食落有驚喜.仲有呢度有熟食吧,如果唔想自己燒同打邊爐都可以拎. 不過我地就冇拎過啦, 始終都想自己燒下肉打下邊爐過下癮!食飽啦, 去左甜品區拎左杯啫喱同去左斟乳酪雪糕食. 可能太耐冇食過乳酪雪糕, 覺得好好食啊!兩個人埋單每人218蚊. 整體黎講抵食, 食物,飲品,甜品選擇多, 雖然係任

今天接老婆放工 在荃灣食肆很多， 聽說有間新開韓國放題 ，所以就即管去試一試環境都算可以 。可能時間比較夜所以店舖都不會十分繁忙，D嘢食方面都很多種類 ，有韓燒和火鍋 ，韓燒肉類種類很多有牛肉，豬肉 ，雞肉和魚各個部位都有，肉質都好新鮮。而熟食都有好多選擇，而我最like就係炸雞翼和冇骨鳳爪。 火鍋方面就一般冇咩特別大至上都係丸類和腸類以及肥牛等等， 飲品方面都算好多有日式啤酒等等 ，甜品有雪糕雪條涼粉等等， 總言知真係吃得好飽。

夾到同姊妹黎個快閃晩餐，去咗價錢大衆化嘅校長燒肉試下。因爲揀咗下午五點就開始嘅早段，所以並唔係太多人。上到去發覺原來地方都算幾寬敞喎， 唔似一般去開嗰啲韓燒咁迫，樓底唔矮唔焗促，裝修擺設都幾有心思喎…被安排坐卡位…正。 出去睇下有咩食先…見到食品擺放一part一part分門別類好整齊、好乾淨，食品飲品都算幾多選擇，仲有調味醬汁勁多款。好開心見到有沙律吧，因爲食完會好開胃。又見到好多小甜品，放得靚靚好吸引。燒烤食品一格格好清楚寫明係啲咩。仲有見到有得打埋邊爐有火鍋配料，不過我地冇要火鍋，因爲我地唔係好大食。一開波梗係黎轉牛肉同我至愛嘅多春魚啦！發現呢間好特別，係個爐嘅鐡板上面放咗塊類似牛油紙嘅嘢，我最愛嘅多春魚終於唔會燒到爆春爆肚黐晒鑊啦！燒肉又唔會燒到有晒鑊燶一點點黑色，唔洗食一餐韓燒換幾次板咁麻煩啦！食物大致黎講係Ok嘅。生菜夠新鮮包住各種肉點埋韓式辣醬黎食好正，另外牛油蒜蓉什菇勁香好好食。

成班好友唱完K，有人提議去吃燒肉，於是行過對面街嘅校長燒肉，一入門口，地方頗大、裝修有趣，行過圈發現食物種類很多，啱晒不同口味同一班大胃王有熟食，又有湯類，沙律，前菜，好鬼肚餓，一於拎住D炸物填下肚先，薯條，小丸子， 春卷，咖哩角，仲有麥樂雞跟住就黎BBQ，食物種類多得很，三大格滿滿的不同分類，雞翼都有幾款，又蒜蓉又咖喱又香茅又西京，牛扒就有牛柳粒，醃左牛肉，豬頸肉，雞軟骨，真係數極都數唔晒，見到咁強陣容，食肉大開呢度嘅生菜，非常新鮮，將燒好嘅肉點上韓式醬包埋生菜一齊食，健康又可以減去油膩感Encore得最多嘅係多春魚，食落香口脆卜卜，佐酒一流，呢度啲啤酒非一般貨色，係Hoegaarden, 原來仲有火鍋食，湯底任揀，不過今次主打燒肉食到咁飽，沖返壺花茶消消滯，有胎菊，玫瑰花，茉莉花，洛神花！我就冲左胎菊加玫瑰花，花味芬香撲鼻

1910入座， 環境乾淨，但係沒有抽風設施這一點比較遜色， 我們選擇嘅時段係19:15至21:15， 食物種類繁多，有很多肉類，刺身清酒梅酒， 一個價錢，有燒肉刺身打邊爐，仲有啤酒任飲，扺到飛起。

好耐無和同事晚飯，於是訂了這間燒肉店。我們由於訂了七點十五分那場，早到就要在樓下排隊。一進場已被寬敞的環境，舒適的桌椅，林林總總的食物所吸引，更重要的是沒有煙霧瀰漫的感覺，比起一般燒烤店店內空氣較好。食物分為燒烤類，火鍋類，熟食類，種類很多，特別肉類燒烤多不勝數，由於我不吃牛，我只吃了雞和豬，調味夠，不是太鹹;火鍋類和熟食類如果款式再多一些就很完美，不過畢竟價錢只是兩百元左右一位，已經是性價比高了。飲品有酒類，茶，咖啡，罐裝飲品等。全部都是免費兩小時任飲任食。服務方面，服務員會經常替你換燒烤墊紙，不怕吃到燒焦的味道。總括而言，這間燒烤店性價比高，埋單只是兩百元左右，食物及服務也很不錯。