校長燒肉日韓料理 (沙咀道) (已結業)

時次食9:30,所謂放題，就係每樣食品擺出來，不會refill,刺生，蝦食一隻後就售罄，生果半個鐘後就冇，不會再添加，時段兩個鍾，個半鐘就close bar 台清場兼洗野。由訂位及入座後沒有一個人提及11:00截單，都算每間都有截單時間但雪糕櫃及甜品全部蓋哂布唔比食。問服務員為什麼連甜品都唔比食，就對我說，我地11:00(即用餐1個半鐘)就全收，冇得再食，問佢乜連甜品雪糕都截，真係未聽過。咁佢就問你係5係要食？你想食雪糕係5係呀，咁比你攞啦？好似施捨咁。D態度一流。 時次食咗一肚氣。

集飲品任飲，火鍋，韓燒，自助餐於一身的校長燒肉，之前和朋友已經黎過2 次，因為真係覺得唔錯，今次就帶左父母再來光顧，晚上7 點，餐廳地下已經迫滿等待上樓的食客，令人更加肚餓和期待。餐廳裝修雅致，肉類，火鍋配料，蔬菜分門別類一字型排開，包括有牛仔骨，羊肉，腸仔，火腿，午餐肉，小紫薯， 響鈴， 香芋，南瓜片， 冬菇，木耳， 生菜等等... 應有盡有。最令人驚喜的是4 人同行就送新鮮海膽一板，海膽鮮甜幼滑， 滋味無窮。 另外又送上特級牛仔肉，生蠔和 豬腩肉，非常大方。大家都在努力打邊爐和燒肉即食的食物也不少，豉椒炒蜆， 咖哩炒蟹， 蕃茄炆牛尾，炒菜都很有鑊氣，連燒賣都有。炸物之中我最喜歡炸得香甜脆口的炸鮮奶，最重要的當然是取人蔘燉雞湯給爸媽滋補一下最後以雪條，雪糕作結尾，韓式的蜜瓜雪條很美味， 杯裝的芒果雪糕也非常軟滑。餐廳食物多元化，飲品選擇也多，食到肚飽都未試齊所有食物 。職員收枱也收得很快，要俾校長燒肉一個讚

是晚約了朋友荃灣放題, 安排就座後就同友人岀去行個圈,都幾多客人氣氛好好~ 有炸物燒物同魚生, 選擇多多樣樣試每次燒到咁上下都可示意店員換紙保持乾淨今次最驚喜係可以同時火鍋, 都是皆大歡喜的材料🙃喜歡依種燒到悶時有d又可以碌棵菜食下的感覺~ 火鍋是迷你煲 自選想要的湯底, 揀左甜甜的壽喜燒, D肉即時可以由燒變灼, 麵類一人一包獨立包裝非常衛生每次放題飲品櫃都係我期待的一項, 今次又有驚喜, 見到幾款之前未見過的韓飲, 包括這個牛旁茶, 飲品不經不覺喝了五六罐, 太放縱了最後太飽只吃了乳駱, 自選Topping好好味, 雪條都有好多款, 不過最近睇緊中醫無緣一試, 埋單先兩舊水, 老板不虧本嗎😂 真心覺得食物質素好公道

近期A姐又唔知睇咗邊套電視劇，問埋啲假設性問題：如果我同M媽跌落海，你會救邊個先？（當然A姐問得‘更’有深度啦：佢問如果我想食韓燒，M媽想食打邊爐，你會揀邊一個？）呢啲係咩問題嚟架？點解要迫人去人生交叉點？一次過食晒兩樣，大家都開心唔好咩？今日嚟到人氣強勁嘅，位於荃灣嘅校長燒肉日韓料理，有人龍嘅支持，食物一定夠新鮮啦。呢度嘅食物選擇超多，以自取方式，分為刺身區、燒肉區、沙律區、熱食區、小食區、甜品區、火鍋區、飲品區同雪糕區，不過，攞野食真係好多人，追求服務質素就未必適合喇。每枱限定出面自取區嘅款式超多，而每枱都有當日嘅限定推介，而今日就有蠔喇。燒烤配料選擇超多，大概50款左右，自取性質，食幾多攞幾多，唔浪費就得，啱晒大胃王，又唔怕漏單。腸仔、菇類、丸類、雞扒、牛扒、豬扒、雞翼、金沙骨、叉燒、西冷牛、五花腩、免治雞串、餃子、魷魚等等，真係好豐富！飲品方面，檸檬茶同汽水都有好多選擇，就連高成本嘅hoegaarden都係任飲！

😋抵食慶功宴💗上個月有同事開咗大單請我哋去荃灣食飯，餐廳位置都幾方便，西鐵站行十幾分鐘就已經到，上到去見到間餐廳非常之大，好光猛，唔似平時食開嗰啲任食燒肉嗰種格局。坐低左之後即刻睇下有啲咩醬料，發覺平時去打邊爐嘅醬料應有盡有，仲有食日本菜嘅醬料，韓燒食嘅醬料，所以話唔係剩係得燒肉食，食物好多元化。肉類好新鮮，望落好乾淨估唔到仲有燒賣嘅小食食添刺身我覺得仲好食過出邊嘅日本餐廳，唔係誇張雪糕種類多，又有乳酪食！嘢飲選擇亦多！下次有朋友生日都會再嚟食多次，CP值高！

成日見到雜誌介紹話校長燒肉好正😁 ，所以今日就嚟試下，仲要揀下午5至7點時段係最抵，燒烤加火鍋只是$98, 價錢的確好抵😝。一坐低就去夾燒烤啲食物，同埋去攞火鍋豬骨湯底及食物，拎咗牛扒，雞亦，豬腩肉，台灣腸脆皮腸等等，而火鍋就拎咗肥牛牛丸墨魚丸等等試下， 牛扒已經醃好但係冇味，就算係咖哩牛扒只係有一堆咖哩粉在面好難食🙄，雞亦同豬腩肉中規中矩可以接受; 火鍋啲食物就好一般冇乜驚喜，最驚喜嘅就係外面取嘅炸物，有個蝦丸超好味好夠蝦味好正👍 試咗清酒都好淡，啲軟雪糕就好好味啦我食咗幾杯，總括嚟講$98雖然好抵但係食物質素就真係麻麻啦大家去唔去試下就自己決定啦

如果大家喜歡任食之餘還要有多選擇的話這裡一定能夠滿足你的要求雖然這裡是叫＜校長燒肉日韓料理＞， 但你會發現這裡有沙律、刺身、熱食，但你可以一邊燒肉一邊打邊爐，而火鍋方面有壽喜燒、麻辣和豬骨3款湯底而材料種類五花八門，總有一款適合你每枱客會有一個「燒肉拼盤丼盒」，裡面分別有安格斯牛肉、黑毛豬和大蝦其間你可以選擇不同刺身,，亦可以選擇不同的熱葷，即使你不是燒內的愛好者，你都可以邊打爐，然後邊跟燒肉的朋友傾談。

同朋友來呢間烤肉店吃晚飯 9點半來到剛剛好係優惠時段😁裝修很新穎 而且地方非常大 食得好舒服先拎左前菜 -泡菜同中華沙律 前菜種類好多 味道不錯👍🏻自助區還有炸物！芝麻雞翼新鮮出爐 雞皮炸得超脆😍 而且味道非常惹味肉類種類很多 最吸引就是五花腩😍 這裏的燒烤爐用牛油紙墊住唔會咁容易燒燶啲肉健康好多啊😆😆一啲都唔燶 但仍然好香口而且呢度嘅肉 質素唔錯同一款肉有幾款唔同口味同埋呢度嘅蔬菜種類都算多可以健康地食燒肉👍🏻👍🏻飲品櫃好多選擇 啤酒都有幾款👍🏻👍🏻

現在身邊實在很多同事推介校長燒肉，見口碑咁好一於同女朋友試下。我地擇黃金時段過去食，未食已經好期待！8點準時上去，員工安排窗邊位置俾我地，可以望住街景，又不會有太多人經過，實在太好！炸物同樣供應不斷，質素都唔錯，款款都炸到金黃香脆！有勁受大家歡迎既蝦多士同小丸子，每之行出嚟都有新既食物更新！最細心嘅係佢有好多肉類都已經預先調製好味道，亦都有非常非常多嘅味道俾你選擇，你一樣嘢做得好好，你唔識香茅味咩，你放心有麻辣味俾你揀，亦都有蒜香味俾你揀，總有一款味道啱你胃口。下次一定繼續來。

白痴才來這垃圾餐廳，服務極爛，吧台全部塞在一起，也不說明什麼可以拿，就是要設陷阱坑你的錢，服務人員站在旁邊什麼也不講，一看到你拿了甜點，吃都還沒吃就衝上來跟你要錢，一小杯化學甜點收你20，想退掉不吃還不行，非常土匪，女生來一次不夠再換男生來，好像討債一樣，站在你旁邊死要錢，態度極差，頭腦燒壞才來吃，想撿便宜結果吃到一堆垃圾，肉都糊成一團，不然就全部結冰。到最後也沒心情吃，付了錢買了一杯根本沒吃的垃圾

一向幾喜歡食放題，既可選擇啱食食物，又可和家人朋友歡聚，確是一件賞心樂事。今晚光顧嘅校長燒肉日韓料理，位於荃灣沙咀道，放題頗受食客歡迎，經常人山人海。一次可享用燒烤和火鍋放題，又有自助式熟食刺身，任食雪糕雪條和多款飲品及啤酒，可謂任君選擇。三文魚腩刺身，夠晒肥美，肉厚鲜甜。燒烤肥牛和肥蠔最啱我地，肥牛油香豐富，生蠔肥美鲜甜，燒雞翼焦香肉滑，送吓啤酒最為合適。火鍋可選擇多款新鲜蔬菜，唐生菜，篙筍，金菇菜和冬瓜，肥牛鲜甜不肥膩，魷魚鬚爽脆可口。食埋雪糕雪條，真係放題大滿足。

荃灣區美食衆多，今晚和家人光顧嘅校長放題，經常大排長龍，幸而訂了位，加上食肆佔地甚廣，等候十分鐘就安排了座位。放題包括燒烤和熱鍋煮食，一次過滿足兩種食法。燒烤生蠔十分肥美，肉汁豐富，咸香海水味更濃。燒牛肋排牛味濃郁，香氣四溢。火鍋選了壽喜燒湯底，新鮮嫰綠嘅生菜，爽口彈牙牛丸，清甜爽脆粟米，鲜嫩幼滑肥牛，更是火鍋必然選擇。還有新鲜刺身提供，三文魚腩油香鲜味，希魚清甜爽脆，又係唔錯嘅選擇。更有任食雪糕及多款雪條和任飲啤酒汽水，真係多元化兼豐富嘅放題。

聽元朗的朋友說得多，荃灣開了校長燒肉要去食!我們選了5點時段價錢最抵，而且未有太多人。餐廳在2樓，行樓梯不用花時間等𨋢。環境有特色，座位寬落，如果有獨立抽氣就更好了~自助放題免了開餐前要埋頭寫作業(點菜紙), 長雪櫃肉類種類幾多~熟食-必食辣辣雞煲，小心，應最少有中辣!炸物-炸芋圓心很軟，外層煙韌~飲品-先飲茶，茶壺有茶隔，細心加分~調製了菊花玫瑰花茶，怕熱的話可以加冰又得另一邊3大個雪櫃，紙包飲品、罐裝飲品同樽裝飲品都有，驚喜的是有Hoegaarden Rosee! 帶有Raspberry 味~必試!燒肉-好多朋友燒肉都鐘情雞翼! 試了西京、香茅、蜜汁、咖喱雞翼，老實說全部都唔錯，不會太咸而且肉質仍有彈性，唔會腌到過龍另外咖喱雞扒都keep到有肉汁~豬頸肉&尤魚都比較出色!同場加映: 打邊爐~整冬瓜及秀珍菇平衡一下大量肉類!!食物飲品種類多，兩小時放題實收$108，性價比高! 朋友鐘意飲酒就更加抵!食少少雪糕又冇咁熱氣(無咁熱就真~)

話說媽媽好叻叻👍🏼我話媽媽今日我帶你去食放題呀到咗見面嘅時候，媽媽同我講，阿女宜完好多潮語媽媽仲同我解釋，放題係日本語有自助餐任食嘅意思原來媽媽特登去咗google 好叻叻呀你😆👍🏼———————————今日就同媽媽去咗校長燒肉食飯，之前係元朗食開，搬咗黎荃灣咁近屋企一定要試試，媽媽食完都話平、靚、正可以燒烤、打邊爐、自助餐食物款式勁多選擇燒烤爐仲有牛油紙，唔會燒燶我同媽媽仲飲下啤酒傾下計超開心嘅一個晚上最誇張係任食都係$98 （5-7pm 時段）

喺元朗紅極一時嘅校長燒肉終於分店，而且分店設於對我來講非常就腳嘅荃灣於是乎早兩日約咗個朋友過去狂食燒肉刺身！佢哋嘅環境同元朗一樣坐得非常舒適，而且環境比起其他放題店高分好多佢哋嘅魚生出咗名非常新鮮，果然食落味道同元朗一樣咁好食，抵讚！另外佢哋嘅熟食選擇都非常多，而且並唔會交行貨，每一樣熟食都相當唔錯，有時食燒肉中途想轉口味可以即刻食一兩碟我覺得佢哋做得咁成功其中一個原因係每兩位客人就可以獲得一份拼盤，佢哋嘅材料都非常新鮮，而且用上高級嘅來貨，並唔係其他放題店做到，抵讚