校長燒肉日韓料理 (大埔廣場)

營業中

休息中

男友食過堅持帶我去試既自助放題，由於真係太抵食，兩星期食左兩次既節奏。午市任食兩小時價錢大概～$160滿足哂1️⃣燒肉2️⃣邊爐3️⃣日式放題三個願望。第一次去食午市，原來係無雪櫃雪糕提供。覺得帶了點遺憾，所以決意第二次係8:45pm後快閃優惠再訪，週六晚都只係$168 一位😱唔知老闆係唔係Ironman 既忠粉，樓底高同環境闊落，上下兩層放左幾隻Ironman 喺度，非常之吸引大小朋友打卡，環境闊落舒適，就算兩人檯都唔會覺得太迫，又一間幾推薦一家人去食既地方。食物品種多到我食兩次都未試得哂，飲鬼啤酒有四款，仲有清酒同梅酒添。⚑⚐゛壽司/ 沙律吧𑁍 餐前開胃小食沙律菜 車厘茄 青口 泡菜 連蕎頭都有仲有超好食既蘋果沙律𑁍壽司 刺身 如果揀最高價位有刺身食既套餐，餐廳會提供升級刺身通行證供自取。⚑⚐゛熟食/ 即食區𑁍 精美點心🥧燒賣 糯米雞 小籠包 茶碗蒸 碗仔翅𑁍 即食餸菜 𑁍 炸物 炸香蕉糕🍌 炸紫薯波波 麥樂雞 薯條 薯角 牛角包炸香蕉糕我真心覺得好食😋⚑⚐゛打邊爐/燒肉打邊爐以自取形式 需要食先自己拎個煲同湯底。𑁍 蔬菜 丸類 粟米 四季豆 翠玉瓜 雞髀菇 燒菠蘿🍍打邊爐丸類都有十款 𑁍 雞

首先入場已經很吸睛,有幾個1:1超級英雄歡迎你,沿樓梯都有很用心的裝飾,這樣實在是可以提升食客對食店的信心。入到場更加不得了,沿路都是擺放食物的地方,而且分門別類,飲品類、熱食類、小吃類、刺身類、火鍋類、燒烤類、花茶類、甜品類、調味品類…簡直多不勝數,而且買相,很用心不是求其對推滿食物盤,到坐定定準備取食物時,實在花多眼亂,拿不定主意,當然刺身是首選,原來也有很多選擇,有大蝦、三文魚、吞拿魚、螺片等且都很鮮味,一輪冲鋒又到烤肉,朱牛雞調味都恰到好處,個人較喜歡多春魚和一口牛,飲品竟然有熱的樽裝維他奶,更有多款花茶,正好是吃熱氣食物的調劑品,轉眼兩小時很快過去,又是甜品的衝刺時間,除了軟雪糕的甜品也有很多選擇包括糕點和布甸等。整體就如標題它的CP值絕對赢晒!

原來大埔都有校長燒肉，今日入來食番個午餐任食，每人$108，真係早餐價錢咁上下，仲多野食到離晒譜架😂比$148就有埋刺身任食（2小時）👍🏻即刻欏位，行上去，樓梯都好企理，有落過心思，幕後團隊一定好用心👍🏻唔係講笑，中午時段已經咁旺場，好在呢度地方夠大又寬躺，唔會覺得迫夾，都幾舒服😊呢個花茶區，好多花茶任揀，啱哂鍾意健康嘅我😂火鍋🍲配料多不勝數，梗有幾款啱晒你😚海鮮🦞沙律🥗壽司🍣應有盡有，排列整齊，媲美高級酒店水準👍🏻熟食區，甜品等等，一啲都唔馬虎，真係想像唔到咁嘅價錢有咁高嘅水準😅有齊韓式燒肉，火鍋，仲有刺身任食，真係想講粗口，有冇咁X抵呀😂😂😂真心寫個服字👍🏻👍🏻👍🏻

此日韓燒肉店我真心誠意推介給大家食友！我只能說「正」來形容！環境衛生、空氣質素、服務、食物種類、食物新鮮度在我而言已經「無可挑剔」！價錢公道！最令我覺得窩心因佢連老友記都照顧埋！一家人出街食飯擔心老友記因燒烤火鍋太熱氣，校長竟然提供中式點心、熱湯就連碗仔翅都有。照顧周到！飲茶、飲花茶、飲梅酒、各類飲品，任君選擇。不能不佩服佢嘅壽司吧！壽司師傅夠專業有禮！每件生鮮即做且都擺得好靚！此店經理管理層非常專業樣樣都管理得井井有條！勁！你唔試吓係你損失！

本人與家人初次光臨該店用膳，感覺食品選擇較多，而且職員服務質素較好，於是再次光顧。沒想到第二次光顧，卻令我們十分不滿，理由如下：1. 關於海鮮set：就以四人一份，我們有三位成人一位小孩，卻獲分得三隻蝦，經過查詢，職員表示小孩不會獲發蝦。然而，在第一次光顧時，卻獲平均分配蝦。2. 我們預訂了晚上7:30，根據店內限時120分鐘用膳，原則上我們的用膳時間理應直到晚上9:30。可是，到了9:15，職員卻以外面很多客人等候入座為由要求我們提早離開，而且態度惡劣。然而，當我們踏出門口，卻沒看見有任何食客等候入座。3. 這點正是最令我不滿的地方，莫過於有職員表示店內的盛茶的膠瓶是循環再用。此點不禁令我質疑，到底有沒事前經過嚴格消毒，畢竟，這是涉及衛生問題。整體而言，這次光顧，無論是職員態度及衛生問題都令我們不敢恭維，令我們不會再光顧。

同朋友突然決定突然食燒肉放題，就係OpenRice搵咗呢一間都幾高評價嘅燒肉放題餐廳食。我本身都唔係特別鍾意食燒肉放題，但呢間完全係令我對燒肉係刮目相看。我地食星期六7:15-9:15pm，每人238+1，週末呢個價呢個時段完全唔算貴。成間餐廳好多野食，肉類有好多選擇，仲有多春魚、三文魚。呢個時段包埋壽司刺身，但d刺身一啲都唔hea你，有大蝦、帶子、三文魚、吞拿魚、油甘魚，另外仲有約12款壽司，而且係解晒凍！唔薄切！同有鮮甜味！我地5個人，送左帶子、蠔、大蝦、肥牛比我地講下燒肉先，燒個陣會有張查左油既牛油紙鋪係鍋上面，食物直接放上去燒就得，完全無左會黏底既問題，而且會幫你換紙換得好密，基本上唔叫佢佢都識自動過黎換讚！另外佢地見到吉碟/裝晒骨既碟，都好快會黎幫你拎真心服務唔錯！野飲方面，凍飲櫃都有成4、5個大櫃，唔想要凍飲仲提供唔凍既紙/罐裝，仲有約9-12款花茶比你自己揀黎放落熱壺另外，竟然仲有清酒同梅酒俾你任飲甜品有韓國雪糕雪條，仲有多款奶凍啫喱（賣相唔吸引我就冇試），雪糕雪條幾好食呢個價真心性價比高，坐得又舒服😌會再帶朋友食

推介有：刺身蝦，三文魚，吞拿魚，榮螺很鮮味👍🏻沙律有蘋果沙律，好少放題店有呢種salad👍🏻🍎🍅甜品也算多又好味，我試了椰汁奶凍加蘆薈加分的還有人蔘雞湯😋而熟食竟然有西芹炒蝦仁，真係冇得輸😂飲品有多種自製花茶和汽水，我就選左黑枸杞菊花茶，如果想飲熱的，有暖暖的枝裝維他奶🍶和各類花茶，真係多不勝數😆環境方面，裝潢設計有特色😎最後又係最緊要嘅係員工服務態度友善，幫我哋換左兩三次牛油紙，用嚟墊住燒野唔易燶，食具也有韓國feel，用的是鐵筷🥢鐵碗，簡直彷如身在韓國🇰🇷般真係想快啲可以再✈️✈️✈️呢！😄

原本book咗枱同朋友明天食校長燒肉，後來朋友嚟唔到我打去餐廳取消，接電話個女仔竟然話「唔該你下次諗清楚先打嚟落Booking！」☹️我好有交帶打去取消，竟然換來咁嘅態度對待，絕對唔會有下一次！🤬

好耐都冇同女朋友一齊放假, 成日經過大埔都想試下, 今日終終於大家放假, 一早就預約咗7:15pm ，我地6pm 就到左附近商場行左一陣，7點3準時到咗門口，可能因為我哋預約，職員好迅速就安排我哋入去坐，門口會見到兩隻iron man 1:1 公仔一坐低已經食有海鮮拼盤俾我地，新鮮又大隻飲品都有好多選擇，如果覺得又係可樂佢哋有健康啲嘅選擇自家製花茶全部都係自助形式，全部嘢都係出去攞，肉類選擇都好多，最鍾意食雞翼，醃製得好好味又有新鮮刺身同壽司，好似食自助餐咁要d咩即場切俾你，咁就唔會浪費又保持新鮮如果燒肉又唔岩食，壽司刺身都唔岩食唔緊要仲仲可以打邊爐，仲有中式點心一定有食物岩你口味

大埔都開咗🥩校長燒肉 啦 !之前食過荃灣店覺得性價比幾高，所以就拉咗住附近既朋友仔一齊去食🤤晚市7:15後只係$218，超級多種類食物選擇! 燒烤配料都成二三十款🤩，超誇張！加上火鍋配料、刺身、壽司、沙律、小食、熟食、甜品、、飲品、雪糕等，簡直琳瑯滿目！多到真係唔知點揀好😜個人覺得最特別嘅無🌾花茶區 莫屬😍有22款口味花茶俾你慢慢揀慢慢沖🍵 中女養生必選👍·唔好以為放題質素就麻麻，刺身同壽司都唔錯😚帆立貝🐚、赤蝦🦐、油甘魚🐟都係個人推薦😋花之戀、火炙壽司等都合格有餘，老實說質素真的比其他日式放題店高👍·主角燒肉方面，真係超多配料選擇🤗 雞牛豬樣樣齊🐓🐂🐖好似豬扒雞翼咁都已經有幾種口味揀，完全值回票價超乎預期了！個人覺得牛肉🥩類係當中較不錯的選擇，可以攞多啲😚·而最驚喜係每枱都會附送海鮮和牛拼盤一份🤩 大蝦、生蠔、帆立貝、和牛片🤤🤤配合埋仙氣效果💨 即時心心眼咗😻😻

號外! 號外！ 大埔新開校長燒肉日韓料理，有刺身，壽司，冷盤，韓燒和火鍋，更有熟食，蒸點，炸物，甜品，雪條和雪糕，飲品更有凍飲，啤酒和冷熱花茶，真係種類多多。首先員工送上出煙嘅海鮮拼盤，有手掌咁大嘅虎蝦，扇貝，蠔和牛肉，頓時有種興奮嘅感覺。刺身有三文魚，吞拿魚，希靈魚，帶子，螺片和八爪魚，食落鮮甜有味，美中不足係每次只可選擇三款，唯有排多幾次隊。壽司種類也不少，我較喜愛花之戀，油甘魚蟹子沙律壽司。相比之下燒烤種類最多，有些花多眼亂，最後挑了牛仔骨，雞軟骨，叉燒，秋刀魚，雞腎和雞翼雞， 皆十分入味。日式清湯和壽喜燒湯鴛鴦火鍋，主要選擇蔬菜類來中和飽肚。最後嘆杯海鹽雪糕，冰菠蘿冰蜜瓜好少放題會見到冰涷鮮果，好夠特別。總括環境寛躺，座位鬆動，眼見員工勤快收拾枱面用具，我們選擇價錢最貴時段715至915仍覺得$218價錢合理，值得一試。

今日第二次來校長燒肉，之前中午試過火煱加燒烤108一位超抵，另外有好多熟食、中式點心、炸物，壽司、沙律、特色花茶，飲品和甜品也有好多選擇，今日試晚上218一位，晚餐比中午多了每枱限定海鮮一份和魚生刺身任食，燒烤肉類比中午還多了牛仔骨，所以晚餐放題依然覺得抵食，食物種類好多味道也不錯，非常滿足😋而且地方寬敞，唔會因為燒烤而感到侷促！門口擺放了兩隻大嘅iron man小朋友見到應該會好開心😃沿着樓梯上去周圍都好色彩繽紛，不愧為大埔人氣燒肉店、值得推介👍😊見佢而家做緊9:30後買一送一，遲啲我要再去試夜宵🤣

📍 校長燒肉日韓料理📍 大埔 • 大埔廣場地下6號舖-有次經過荃灣街頭，看到超多人在排隊進入一間店，抬頭一看，看見「校長燒肉」的燈牌。那時候就好想試一下了！之後發現大埔也有一間分店，就在大埔超級城對面，很方便～他們現在分店分佈在荃灣、元朗、大埔，快點在九龍／港島開業吧🤩-晚餐的用餐時段分成三部分：17:00-19:00; 19:15-21:15; 21:30-23:30決定在17:00這個應該是最少人、最便宜的時段來～想不到下午五點都要排隊啊... 還很快就坐滿了所以打算來的朋友，記得先訂座📞-星期五六日 下午五點時段收費：$138/位 或 $168/位 (加配刺身任食)-食物種類廣，烤肉、火鍋、刺身、壽司、熟食、中式點心，任君選擇😛「梗有一種啱你」🤪而且店員會及時補上食物，不會出現「空盤」的情況～-以為價錢便宜就沒服務？非也～這裡店員的服務態度都很好！會主動過來協助烤肉、給提示，也很頻繁的更換盤上的烤肉紙🥰質素不錯，價錢非常實惠（真的沒吃過兩百塊以下的放題...）高度推薦啊‼️‼️-進店以後，跟鋼鐵人high five~探溫度走上數層，就看見繁華的用餐區以及自助餐區-食物、飲品隨便拿～包

校長燒肉就不嬲都出名嘅，今次都係第一次去食因為難得約到好耐冇見嘅朋友去之前，有人話呢度啲雪糕好食有人話超抵食總之聽到好多好評啦搞到我超級期待😚門面超級sharp，離遠對面街都望到啊呢張係我走之前影嘅，因為去到嘅時候太多人排隊根本影唔到相一入去就見到佢，連量個體溫都特別開心由門口要上兩層先至到餐廳，沿途樓梯嘅風景真係不得了勁多嘢玩好開心好童真不過太多相真係post唔晒所以大家親自去試吓啦唯一嘅餐牌裝修係偏向韓國燒肉店嘅感覺有卡位都坐得舒服嘅，成個場好多人好熱鬧生肉類別超級多，呢張相只係影咗¼有一呢個位置就係日本刺身壽司部，連裝飾都精緻過人店員好勤力擺滿返個盤咁大嘅飲品櫃，幾個拍埋一齊真係咩都有得飲，好似去咗超級市場咁怕凍嘅人就喺呢度攞你飲啦甜品櫃任食，見到都興奮仲有牛油菇生煎餃子，好多唔同嘅海鮮不能盡錄努力燒其實我哋仲可以打邊爐，但淨係韓燒都已經多到食唔晒仲有就係朋友推薦嘅甜品部喇好多冰生果🍊雪糕雪條冰條等等喺呢度令我最深刻就係竟然可以喺度沖茶又有燒酒飲其實佢中式熟食嘅選擇都好多，呢度太多選擇啦留返下次咁嘅價錢真係抵到爛，係我食過嘅放題之中性價比最高嘅餐廳

大埔校長燒肉日韓料理有當月生日全單八八折，立刻帶八月生日媽媽去食大餐，門口有鐵甲奇俠迎接我們，在樓梯更有LOVE和520景點，啱晒媽咪生日打卡拍照。我們先到壽司，日式冷盤，刺身區取食物，刺身有希靈魚，吞拿魚，三文魚，八爪魚，帶子和螺片，都算新鮮，好像處身於酒店自助餐。壽司較愛花之戀。每台贈送冒煙海鮮和鮮肉，內有大蝦，帶子，蠔和牛肉，極之豐富又有美感，睇到都增進食慾。自助吧有很多醃製食品，特別喜愛有三種味道嘅雞軟骨，分別是原味，咖喱味和韓式味，真係食到停唔到口，還有雞腎和牛仔骨，味道不錯，啱晒我們口味。飲品選擇有罐裝，紙包，酒精類，樽裝冷泡茶，更有熱飲嘅花茶專區。最後更可以自製雪糕，我同媽咪比賽鬥高自製蜜瓜乳酪雪糕，真是好玩好食，最緊要係媽咪覺得高興，眨吓眼兩個鐘頭就到啦！兩個女人帶着滿足嘅心情離開。