校長燒肉日韓料理 (大埔廣場)

營業中

休息中

第一次食校長燒肉，見咁多人like，諗住應該無伏5點去到唔洗等位，上到去環境一般，燈光暗暗，地板好痴笠，坐位略逼第一次食真係唔知點叫，以為好似平時果啲咁嘟code落單，原來所有野都係自己出去拎，包括火鍋連湯野食區唔算大，一條走廊完，有燒肉類、有刺生、涼伴凍食、點心、火鍋料、熱食等等雖然佢懶係好多款，但係無一款係好，寧願佢貴精不貴多首先夾肉類唔係好user fdly，手短既要伸到盡先夾到大部分都係經俺製肉類，打邊爐既牛類得牛五花可以揀，其他火鍋配料都係極少，連金菇佢都可以碎上湯底得豬骨、壽喜燒、清湯可選，不過都係淡味，無分別而刺生拎過一次，一食就覺得唔生鮮點心得3款，但都唔想拎，係馬拉糕、流沙包同燒賣，屬飽肚類熱食炒面果啲2人枱好細張，一個韓燒爐佔大部分，隔離仲要有個迷你火鍋爐，啲食物料都放唔落雖然又韓燒又火鍋又刺生，但係無一樣係做得好，真係一個伏

難得放假一定要食返滿滿滿足下自己💗今次去咗大埔校長燒烤. 原來校長燒烤有做旅行團. 一上到去已經好好氣氛. 係超級久違嘅人山人海雖然好多人但係食物嘅質素依然保持水準. 食物都係不停refill. 刺身. 燒烤. 熟食. 點心. 甜品等等…全部都份量十足同埋調味都做得好好睇下刺身幾肥美😍😍熟食都好吸引燒烤食品好齊全放題最驚就係食完一輪就冇得再食. 校長燒烤完全唔需要擔心呢個問題呢度絕對係性價比極高. 如果平日過嚟嘅話仲抵食. 有時間一定要試下

校長燒肉應該大家都識啦，喺各區都有分店，次次嚟到都爆滿😂皆因好多款式⭐️刺身、壽司欣賞呢度有用心製作唔同種類嘅壽司。我自己就鍾意食炙燒壽司😇另外呢度嘅刺身都有好多選擇，包括常見嘅三文魚、赤蝦(每次淨係可以攞一隻)、吞拿魚、帶子等等，都非常新鮮肥美。⭐️冷盤呢度可以自製沙律，有唔同嘅菜俾客人揀，另外都有好多醬汁。每次食任食我都會食沙律，因為出去買一包都好貴😂 另外仲有啲海鮮，包括蝦、青口，中華沙律，螺肉等等。勁多選擇。⭐️燒肉校長燒肉梗係要食燒肉啦，有幾10款嘅肉類可以選擇，仲有羊架添！之前有人話啲肉麻麻地，但係今次嚟我又覺得OK喎😣仲有⭐️火鍋火鍋配料同樣琳琅滿目，有三個湯底可以揀，個鍋細細個，適合一人份量，我自己就淨係淥咗啲菜。可以揀，有三個湯底⭐️飲品又係勁又係勁多款式，有有普通嘅紙包飲品、汽水，亦有亦有自家製嘅冷泡茶，仲有仲有估唔到嘅仲有估唔到嘅樽裝啤酒，仲要係hoegaarden添🥰🥰

天氣寒冷的日子最適合打邊爐或是吃燒肉。今天我和朋友到了這間大家耳熟能詳的校長燒肉日韓料理。飲品方面種類繁多，包括可以自己配搭的茶，有檸檬乾、玫瑰花、柑桔，香片等等的材料可以選擇自行配搭沖熱水飲用，當然也不少汽水可供選擇包括可樂、有汽檸檬茶、忌廉鮮奶。如果大家想喝茶類，但又不想自己配搭沖配，可以選擇店舖已經調最好的冷泡茶。我選了一個白桃烏龍茶，是無糖的， 白桃味清香，烏龍味濃郁。如果想喝酒的，也有梅酒和清酒，可供選擇。肉類方面可以燒烤的包括豬頸肉、甚至是土匪雞翼也可選擇，土匪雞翼孜然味道香口。如果大家想吃油脂較多的安格斯，只要每滿三位顧客，便會送上一塊限定的頂級安格斯肉腿扒，來枱的時候還有乾冰配襯感覺很好。煎烤後油脂味香濃，十分土滿足。此外，店舖亦有不少打邊爐材料，怕熱氣的朋友更可選擇蟲草花等健康食材。至於沒有耐性的朋友或小朋友可選熟食小吃，例如是茶碗蒸，蛋不會過老十分滑。已預先準備好啲更可以選刺身及壽司，壽司有火炙三文魚及腐皮壽司，絕對不怕只有單一口味。如果想吃炸物也有雞塊和薯格，滿足不同口味的朋友們。

今日出咗大埔同女朋友食晚飯 去咗校長燒肉貪佢選擇夠多又唔貴 有齊刺身/熟食/壽司/燒肉/火鍋/點心/炸物/甜品等等 三位或以上會送頂級安格斯肉眼扒 肉質都算唔錯 因為食落唔會太硬 而且有啲油脂另外呢度刺身同壽司都唔錯 壽司飯粒粒分明 醋味適中 唔會硬班班 而且刺身都算新鮮 而且牡丹蝦好大隻 我哋拎咗幾隻黎燒同打邊爐添 肉質爽彈鮮甜燒肉我就最推介金沙骨同埋麻辣牛肉片炸物當日有洋蔥圈/薯格/芋圓波波等等 放耐咗都仲脆 芋圓波波係我favorite 煙煙靭靭甜甜地熟食當日有豉椒炒蜆/辣酒煮花螺/金銀蛋菠菜等等 炒蜆嘅味道都調得唔錯甜品呢度最大方嘅係有原枝雀巢甜筒 食完熱氣嘢可以再食支甜筒好開心 亦都有乳酪可以選擇

校長燒肉個名聽得多，食就真係第一次。門口感覺好似好日韓風。入到去俾兩行又凍食又熱食又火鍋料又韓燒吧搞到你花多眼亂，第一次黎係幾震撼。店面都大多位嘅，服務員都有禮貌同快手嘅。燒烤食品都好豐富 基本上感覺似去左凍肉鋪成晚就好食就係依塊肉眼扒，送嘅只此一塊。牛仔骨係比較回本嘅位置，雞翼兩味都幾好、冇上鏡嘅三文魚鮫都好新鮮。蒸嘅熟食呢，今日冇乜好選擇🙃食左碗仔翅都還好。刺身都有八款選擇 唔使點排隊但質素不過不失，大喜好食啲。出奇地 春卷唔錯最後連加一 $280位，依個價錢食到咁多選擇，超值

最近一年和姐妹在hk已经陆陆续续吃了十几家放题，自助这方面我们hin有发言权哈哈哈哈，这家校长烧肉可以说是超高CP值的一家了‼️种类也很丰富‼️前阵子我们一周连续去了两次💰有烧烤、烧烤+火锅、烧烤+火锅+刺身三种不同套餐，午市晚市价格也不同，午市zui低98就可以💰生日月份全单所有人都可以88折💰店家有时候会有特价huo动，去年和姐妹吃到过一次晚市非繁忙时段的买1️⃣赠1️⃣💰3人同行可以🆓赠送一块安格斯肉眼扒（图4）‼️🥩烤肉种类多达50款，牛羊猪鸡鱼，每种肉类都有做成2-3种不同口味，总有一款适合你🍽️每张桌子都有一个烧烤炉+电磁炉，可以同时吃烤肉和火锅🍣最普通的套餐也可以吃寿司，我们选择的套餐是带有刺身的，所以还可以吃到三文鱼金枪鱼八爪鱼赤虾带子等七八种刺身。🍰有一整个柜子的甜品、雪糕，选择都颇多🥤饮品区也是巨丰盛‼️感觉至少40种饮品+啤酒，绝对会让你选择困难症犯了！而且还有常温饮品可以选择。🍍我和朋友们都超级爱吃烤菠萝和小红薯，看首图右侧就知道我们有多爱了哈哈‼️这家店占齐了我们的所爱。🍵这家店比较特别的是居然还有花茶区，这是吃其他自助没有遇到过的，烤肉火锅吃腻了正好可以喝点茶解腻！🏠店内装修有

📍校長燒肉日韓料理 - 大埔成日經過大埔間校長燒肉都未食過佢嘅放題🤣門口大大隻字寫住“校長燒肉” 仲傳出陣陣燒肉味🤤今日收工同朋友一齊去搵校長食放題先😋門口店員問我哋有冇朋友仔今個月生日🎂原來每逢生日月都有八折優惠🥳下次要捉埋生日嘅朋友仔嚟食先！黃金時段2小時放題 $218/位樓梯行上1樓 沿途有好多marvel嘅藝術裝飾😍仲有大大幅攀石牆裝置打卡🤣我同marvel迷嘅朋友未食野已經打卡打到手軟📸上到去地方好大！好似去左食酒店自助餐咁🤤好多款食物種類任君選擇！有大大片厚切刺身、酒樓點心、鑊氣小炒 等等！除左燒肉食材可以任夾之外🤯仲可以拎個煲裝湯底打邊爐🫕連打邊爐嘅材料都有好多款選擇！種類多得超。級。誇。張！飲品櫃有酒飲🍻鬼佬涼茶岩晒燒肉解熱氣🤣燒爐上面有張吸油紙🤔店員話可以放食物上上面燒！張紙可以吸油食得健康啲之外🤤都避免左爐表面塗層影響食物質素👍🏻坐低之後店員送上一塊安格斯牛扒🥩3人以上先會送🤣牛扒大塊又有乾冰造出仙境效果又保鮮又可以打卡📸肉質好軟腍牛肉味重！油脂平均每啖都有入口即溶嘅口感😋放題任食嚟講啲肉嘅質素都唔錯👍🏻牛仔骨、牛/豬腩片我哋encore左好多次！蔬果類品種都幾多🥬

校長燒肉日韓料理🍤📍 大埔安泰路1號大埔廣場地下及1樓全層∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎突然間好想食燒肉，但又食想打邊爐🍲😂，於是小編就睇下open rice 有咩好食先🤔， 竟然比我發現左呢間又有燒肉，又有打邊爐 ， 連點心🥧、刺身都有既放題店🤩， 最岩乜都想食， 但又唔知食咩好既我🤣。呢間放題店， 係香港都有幾間分店， 勝在食物種類選擇比較多， 不過d 甜品🍮就真係麻麻地， 鐘意食主食既朋友仔， 都適合既✌🏻。而且價錢唔係貴， 晚市任食2小時，連加一服務費，人均$262。 整體推介指數：❤️❤️❤️🤍🤍∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎∎︎

今日同朋友去大埔一田行街 行行下到夜晚7:00又開始肚餓了 行到大埔廣場見到有間新開燒肉放題 又有火鍋 又有刺身 夜晚二佰幾蚊 餐廳名叫做（校長燒肉日韓料理）咁多選擇 同朋友入去試吓食 入到去1樓全層 餐廳裝修都好靚好大好乾淨 我哋2個人 一到去餐廳我哋坐單邊位 呢度食物肚豐富 先攞咗個刺身 三文魚 帶子 蝦 刺身都新鮮 有鮮味 仲有壽司 款式多籮籮之後再攞埋啲燒物 豬頸肉 雞軟骨 燒菠蘿 腸仔 比目魚 味道剛剛好 有點心🥧 仲有得打邊爐🍲仲有自家花茶 自家烏龍茶有熱食 有東風螺 有炒蜆 有扇貝仲有燉蛋 碗仔翅同埋最後仲有甜品🍮仲有雪條🥳🥳呢度啱晒一家大細嚟食

喺大埔難得有間日韓燒火鍋放題，如果同行朋友當個月份生日，仲有全單八八折，一於約埋大埔友一齊過嚟試吓星期六晩市黃金時段，都係只需要$238加一，已經包括刺身，火鍋，韓燒，一個價錢滿足你三個願望，上到去全部都係卡位，坐得好闊落，好適合一班朋友過嚟傾偈食飯，呢度嘅放題仲包括啤酒任飲先講刺身區：分別有三文魚，八爪魚，赤蝦，劍魚腩，希靈魚，帶子，刺身種類超多，有平日出面少見的劍魚腩，所有刺身都好新鮮，三文魚好肥美同埋厚切，自己都encore咗好多轉壽司🍣都有好多選擇，花之卷，炙燒三文魚，加州卷，腐皮沙律卷，壽司款式好啱小朋友黎到燒物區：有牛肋條，雞腎，牛扒，豬扒，叉燒，金沙骨，雞軟骨，雞翼，香草腸，一口牛，牛扒，豬扒有唔同調味料，可以因應個人喜好鍾意食辣或者唔食得辣，自己選擇，調味調得恰到好處，唔會太鹹，肉類都好入味黎到熟食區：有蒜蓉蒸扇貝，豉椒炒蜆，薑蔥蒸雞，日式蒸蛋，溫泉蛋，碗仔翅，仲有點心，扇貝一定要，食好新鮮好甜黎到飲品區：有得任飲啤酒，韓國汽水，可口可樂，檸檬茶，仲有自家製嘅白桃烏龍茶，玫瑰烏龍茶，我自己就試左玫瑰烏龍茶，淡淡玫瑰花香，非常清新黎到火鍋區：有三種湯底選擇，分別係壽喜燒，

之前食過觀塘分店，今日大埔朋友約食飯，二話不說，一定搵《校長燒肉》。發達啦，呢度可以盡情吃喝，係時候釋放下，獎勵下自己解解壓，呢排工作真係好忙，差啲忙到唔記得食飯。入座後，店員立刻送上一大塊頂級安格斯肉眼， 優惠大放送。大埔分店嘅setting都唔錯，好多卡位，食物區行入去左邊先是熟食，然後會見到菜及生肉，右邊壽司魚生、沙津及飲品櫃， 明確指示，區分清楚，方便顧客，一目了然，今日星期二，目測多數都係街坊，價錢相宜，大家好support。食物種類勁多，魚生都有幾款，包括我最喜歡嘅希靈魚，仲會有赤蝦添，壽司都好受小朋友歡迎。火鍋配料的蔬菜及麵食都有好多選擇，湯底可以壽喜燒或豬骨湯底，鴛鴦鍋都得。我們利用火鍋製作健康蔬菜，燒烤嗰邊肉類，火鍋呢件蔬菜，飲食健康一定要balance。肉類區，未醃嘅大家可以做火鍋也可以做燒烤，醃咗嘅就真係只可以燒烤，肉類包括牛，有牛肉片一口牛、牛柳及肥牛等等，當然唔少得雞翼，三種醃味，秘製雞軟骨都係好受歡迎嘅項目之一。飲品櫃嘅飲品有盒裝有罐裝，也有最新產品，應有盡有都有，自家製嘅花茶，入門口左邊會有未雪凍嘅。甜品有雪糕、雪條、蛋糕、豆腐花等等等等，咁豐富嘅放題好受

平日午市，雖然冇得OpenRice 隨手㩒，都有得預先WhatsApp訂位，填寫貴姓、日期、時間、人數、電話，等一分鐘已收到確認。去過觀塘分店，大埔呢間似乎更free。地下上一層樓梯。同樣平日午市，呢間超時半個鐘都未被催走，而且樓底較高，燈光較明亮，油煙味亦較薄，離開時亦冇一身離遠都聞到嘅油煙味。二人枱有啲迫，卡凳同枱距離緊貼外，枱面中央烤爐外，枱邊仲攝咗位有火鍋電磁爐面板，所以一次過放多幾碟嘢，要接近俄羅斯方塊咁堆砌，或碟疊碟向高空發展。一樣冇手機落單，咩都自己離席攞。中途冇人得閒收骨碟，需自行掉去餐清理，不過中後段有職員主動問駛唔駛換隔油紙。收得每位$168加一任燒任打任食已經係好實惠，所以拎刺身要貼張刺身貼紙喺身去搵壽司吧等職員配給，每次只能揀三款每款三片（大虎蝦每次只能攞一隻）。壽司就喺旁邊任攞。志在同friend吹水燒時間，佢唔食牛都仲大把選擇：一口牛之外有一口豚、雞翼（土匪、咖哩、韓風香辣）、雞軟骨又三款醃法、燒金沙骨好難控制火候，件頭每多太大件，唔易燒得靚。乳酪軟雪糕都係放題通病：冇純牛奶味，用，似奶粉或煉奶開水雪凍。掛住食魚生燒肉又係繼續將個小火鍋接近閒置，只係臨尾用嚟

同朋友去左校長燒肉日韓料理，依度地方幾大，到處都係打卡位，淨係入門口嘅米奇都夠吸引到我地黎張自拍。職員安排我地坐二人卡位，但唔迫，夠擺野食，亦坐得舒服。呢度冷氣夠，唔焗促，光線柔和舒適。除左韓式燒烤，仲有唔同款式食物，例如刺身壽司區，職員幾有心機擺放食物，吸引人黎食。刺身有八爪魚、吞拿魚、三文魚、榮螺同埋幾大隻嘅牡丹蝦，肉質彈牙爽口，非常新鮮，我地食完又食，都食咗十隻🤣熟食方面選擇都唔少，有蒸魚、羅漢齋、雞翼、金銀蛋莧菜、菠蘿咕嚕肉、蟹柳西蘭花、辣酒煮花螺、蝦仁炒西芹等等。炸物有咖哩角、薯角、鹽酥雞 連炸香蕉都有。仲有沙律、點心，打邊爐都有。飲品櫃非常誇張，有自家製嘅花茶，滿足各客需求，值得讚👍蒸魚唔腥，魚肉好嫰滑，我地都食左3舊；辣酒煮花螺唔係死辣味，係嗰種好香味，少少辣，幾惹味；鹽酥雞冇特別，但一邊燒肉一邊頂下肚，不知不覺都食左好多🤣黎到燒肉環節，食材種類多，有雞翼，金沙骨，秘制叉燒，三文魚骨腩，麻辣牛肉片、香蒜豬頸肉、咖哩雞軟骨等等，唔想燒醃左嘅肉亦有豬五花、牛五花、羊肉片，應有盡有 。味道方面，我地試左豬頸肉，肉質嫩滑，微微嘅蒜香，入味但又唔會太濃，好食。另外我地都燒左牛五花，

和朋友相約在大埔，預約了這一間位於大埔市中心的放題店，之前已在元朗分店嘗試過，主打性價比和款式，這是嘗試一下分店很喜歡這裏的環境，非常整潔，而且分區清晰，有熟悉炸物，日式和火鍋燒肉生料先嘗試了他們的熟食，有質素，當天有海南雞和西芹炒蝦仁，味道和賣相都非常吸引，不像普通放題店另外取了大量的燒肉食材，他們的牛非常之，值得推薦，來貨高質，即使燒久了仍然保持了肉質濕潤，滿足另外他們的刺身也同樣有驚喜，三文魚油脂感十足不瘦身，質素令人滿意