校長燒肉日韓料理 (西裕街)

營業中

休息中

消費券到手，當然要用盡佢，今次到了校長燒肉。西菁街停車場泊車之後，行幾步就到。有幾個時段選擇，最貴嗰繁忙時間都係二百幾蚊一個人，非常抵食。地方好大，幾十尺長枱放食物，任君選擇。剌身區，多款刺身，三文魚肥美，帆立貝，牡丹蝦好甜，希靈魚爽口😋推介牛助條，肉紋非常之靚。台灣腸，燒烤夠香口。另外仲有海虾，穀治牛肉用黎打邊爐或燒都好正。熟食區有住家菜既感覺，啱晒老人家。除左大路飲品外，啤酒都有幾款，推介韓國黑啤。仲有支裝somersby ，真係要飲返幾支🤣最後，整返幾杯奶凍和雪糕，咁就一餐滿足既晚餐，二百蚊食到過百款食材，非常難得！

今日入咗元朗食校長燒肉日韓料理食燒烤火鍋放題，＄228就已經可以任食超過50款烤肉及火鍋配料，另外仲有多款壽司沙律、熟食、餐前小食、點心及甜品，仲有自製花茶及飲品任飲，啤酒係1664鍾意飲酒嘅人一定要來飲餐飽。裝修特別有Iron Man做主題可以俾人隨意打卡，防疫措施做足每個座位都有隔板，客人可以安心進食刺身都有11種款式，回本位當然要食帶子、赤蝦、吞拿魚，帶子好新鮮色澤光明鮮甜，赤蝦又大隻蝦肉彈牙，幾十款肉類味道醃法有好多種，有辣有唔辣，我最鍾意可以多啲選擇。我鍾意重口味，所以我特別喜歡吃土匪雞翼，雞軟骨非常惹味，炸物我都試左炸餃子、麥樂雞、炸辣雞仲、有蒸嘅食物我就試咗粉果😂，火鍋有三種湯底任你選擇（清湯、豬骨湯、壽喜燒）火鍋配料都有40種，今日我係主打食烤肉，所以有好多食物都冇時間去試甜品細細杯可以試多幾種，韓式雪條有三種口味我最鍾意食椰子奶，好香又滑，我哋唔經唔覺食咗三個鐘，店員都冇趕我哋走，兩個人輕輕鬆鬆食吓嘢傾吓計，咁就過咗一個愉快嘅晚上😃

這次約好友在元朗區晚飯,就是在云云食肆中選了校長燒肉;究其原因有三:一是識得揀選食物,其實可以很精彩!二是坐得舒服,閒日去二人入座,有時會有大檯;三是有清酒與梅酒任飲,對好此道者來說錦上添花!經電話訂了枱是七點半,與好友在附近見面後就一同前去;校長燒肉懸高的招牌明亮耀眼,令第一次到訪的好友也稱讚偌大的招牌令人離遠也能看到餐廳的位置;經地下的櫃檯確認訂位,店員說明是120分鐘的放題後,好友與我就循樓梯上去;樓梯的轉角位有兩個戴了口罩的人偶--Batman與Ironman,對時下的環境認真幽了一默!上到一樓掃了出行碼及針咭後,由店員帶領我們到C區近窗的位置坐下;望著街景與對面的網球場景,令人心情也更開朗;而且我們坐的檯子是大檯,可以一次過拿多些食材來擺放;兩個燒烤爐加一個火鍋爐,再有海鹽,椒鹽,黑椒粒,七味粉等調味料齊備,簡單向好友講解一下,就各自自由發揮拿取食材;以校長燒肉來說,元朗分店有一定的面積,食材的擺放區分類有致,一目了然,令食客拿取食物更得心應手;尤其以生肉類為主的大部份食材都蓋上膠蓋,在當下環境是相當好的措施;好友先取來作開胃菜的韓式泡菜,碗仔翅,及幾款點心,當中對碗仔翅評價

一入去，地下油立立，張枱仲油，張椅仲有油跡，真係忍唔住要叫抹一抹，呢點真係個老細見到要執執佢，一大兩小選左第三個plan 全部都可以食，如果你係想食刺身，我真係建議你加多少少錢同埋時間去book日式放題果類，之於想食火煱，都係可以去火煱放題果類食，最大cp係第一個plan，唔好有期望，至少100蚊左右可以有選擇多，一定食得飽你，最後，我覺得最危險係個門口，度門又要用幾多力開，又有風阻，最衰係門口就係條樓梯，扶手沒有為小朋友or老人家著想，你可以試下睇下你個成年人扶得舒唔舒服，地下又油，試一次就夠，埋單48x元，完！

以前成日經過，都好多人等，睇尼度D食評，個個都話好，今日有時間就試左，可以講下感受：首先啤酒只有燕京（黑啤不計），沒有之前的喜力或加士伯。清酒味道都ok.燒肉：醃製好利害。完全唔得。食左一轉冇食了。火鍋：大量平價食材，菇，丸，菜，見到你會嘩甘多款，視覺震撼。日式魚生，壽司：同爭藓差不多，但賣相就麻麻地。又係果句，收你百六元一個，就係比番百六蚊野你，除非你系好食得。從為了食到飽無要求角度，尼間一定啱你，但為了亨受食物，尼間一定唔系你杯茶。

好耐以前去過食過一次未搬舖之前， 啲嘢食都幾差，所以我好耐都冇去過 。但係今次再去食有驚喜喎， 不過啲熟食都仲可以改善一下， 其他都做得好好 下次會再去過 大家都食得好開心

你同屋企人傾緊去邊度食放題見到間間都要$250左右，跟住佢哋話元朗有一間好抵食原來講緊校長燒烤喺呢度百幾蚊已經包晒魚生火鍋同埋燒烤連熟食點心都有仲可以任攞任食完全冇限制原來六點過去佢哋都好full好多人，好彩有訂位，見到每一台好多嘢食肉類有好多選擇，連前菜都好豐富元朗依度個環境都好舒服，空間好足夠，同埋唔會覺得好大油煙見到職員都不停加食物，小朋友就最鍾意甜品，甜品都好多選擇，雪糕啫喱西米露等等全部都有

位於元朗這家燒肉店, 無論是日食還是肉食,款式都比較齊全。今日行完山, 落到元朗大約5點, 見大約二百一個人,又不是很貴,好多選擇,於是就來了。進店,我們立刻去拿碟裝不同的食物, 雞奕都有幾款味道, 有土匪雞中奕, 蒜香雞中奕及香辣雞中奕。這裏的雞奕都肥美的, 夠大隻多肉, 燒的時後要久一些, 我們3款都有拿, 香辣最入味，我最喜歡吃; 而肥牛,薄切, 煎出來較多牛肉汁,配以柚子汁或燒肉汁,俱有不同的味道特色;腩肉, 夠肥美,用來起爐最啱, 先煎腩肉, 把油份煎出佈滿烤紙上, 煎完後的腩肉會更為鬆軟,更可口; 雞軟骨,配以調料七味料及五香粉,每一粒雞軟骨都爽口十足, 有咬口;叉燒, 大大件,蜜味甜甜的,較難熟需要燒後久, 咬下啖啖肉, 甜甜的叉燒醬。吃完主食,來些甜品,奇亞籽柚子果凍,橙紅色,入口十分順滑,柚子味香濃,吃完剛好清除口中的食物膩感; 之後更來一客蜜瓜雪糕,清新的蜜瓜味, 雪糕不太甜,夏天消暑的佳品。二百蚊食燒肉及日食,性價比之高真的不是周圍都可以食到。

約咗朋友嚟呢間放題嗰度食飯，因為朋友好鍾意乜都食，大家亦都想平，所以朋友就揀咗呢間餐廳。因為我都係第一次食嘅關係，入到去真係大開眼界，因為啲嘢食真係好多款，仲多過喺酒店食自助餐。本身以為呢度淨係食燒肉，點不知原來仲可以俾你打邊爐度所以就拎咗個豬骨湯底鍋，朋友就瘋狂咁拎BBQ類嘅肉，因為餐廳係已經做好晒調味，所以都唔需要自己落調味料就已經好入味。特別推介係雞翼，佢哋有土匪雞翼，蒜香雞翼，同埋香辣雞翼，都醃得好好味，真係好夠入味👍🏻👍🏻👍🏻👍🏻👍🏻仲有我最鍾意食嘅多春魚，多春魚每一條都好靚仔，唔會無春，燒完之後入口脆卜卜真係非常好味😋至於打邊爐嘅食材都有好多款，有午餐肉，所有丸類，蔬菜，肥牛片，咁當然打邊爐嘅食物係需要落調味料啦，有一個區域係比你自己拎調味料，非常驚喜調味料都有好多種俾你去選擇😳真係要乜有乜咁濟。拎晒所有食物之後梗係要配嘢飲啦，飲品都係有各式各樣，亦都有啤酒，不過我就拎咗烏龍茶，因為可以去吓燒肉嘅油膩感，你唔飲凍嘢咩？佢又有俾你自己沖嘅花茶飲。呢度除咗有烤肉，打邊爐嘅食材之外，仲有刺身同埋壽司俾你揀，而刺身同壽司就要等師傅幫你拎，呢度就做得好衛生，因為始終都係生冷食物。除咗

爸爸生日，佢話想食下放題就同左佢黎呢間校長燒肉因為真係乜都有得食，唔怕唔岩食上到去好快已經坐低左安頓好，店員亦都為我地開左火就已經可以自行出去擰食物同飲品了出到去望到有各式各樣既食物實在太多款喇🤩🤩🤩因為媽媽唔太想食燒肉，所以咪擰左個鍋俾佢打下邊爐囉😎你話幾簡單，真係一間餐廳滿足晒咁多人既胃口食材有好多選擇，烤肉既肉同蔬菜，同打邊爐既肉同蔬菜分開放好整齊，調味料，熟食，刺身壽司，湯品，甜品，沙律，花茶，飲品，雪糕所有所有都分好晒位置擺放，一D都唔會亂爸爸話眼花撩亂，媽媽話好抵食兩位老人家都食得好開心，因為自己鐘意食乜就擰乜爸爸又鐘意落手落腳自己烤肉🥳😂用黎燒既肉類會先醃好左調味料俾你，擰返去燒完都唔洗落醬已經好好味但打邊爐既食材就冇任何醃料的，但都有調味料俾你去擰調味料都有好多種架，真係好勁👍🏻👍🏻👍🏻最重要就係價錢唔貴，平日夜晚食飯時段都只係二百蚊左右1位😲真係超級抵食👍🏻👍🏻👍🏻誠意推介俾唔想諗食乜又一大班人去食既朋友呢度真係總有一樣岩你食唔洗煩👍🏻👍🏻👍🏻🤩

去校長不止吃烤肉，還有火鍋食品如餃子烏冬面食魚腐⋯⋯前菜沙律泡菜中華沙律能因應喜好咁去拎份量very good，芝士腸又係好like要食既items 😚 波波腸有驚喜，更濃芝士味。壽司🍣賣相亦不錯，拎了不少😻食味對版，而且飯量不算太大。炸物有章魚小丸子魷魚圈麥樂雞，熟食也有不少如芝士意粉豬手冬菇生菜炸豆腐糖醋排骨豬紅青椒時蔬菇菌炒魷魚🦑碗仔翅等。點心粉果珍珠雞燒賣鳳爪，全部細細件，一籠一籠獨立盛載挺精緻。甜品雪條齊全款式不少，飲品選擇都多，價錢幾實惠，真係可能新界呢區先會有。食後感：伯爵茶雪糕味坊間放題較少有，芝士波波腸會咇芝士汁和爽脆雞腎均推介一吃😻

印象中第一次去元朗分店，侍應好友善，樓下登記完上到去就已經有人帶位，天氣比較熱即時拎飲品，選擇都好多亦有酒精類飲品之後就出去拎熟食食住先，好餓😂咖哩角 章魚小丸子唔錯，另外仲有螺肉 泡菜等等既前菜，有個蓮藕片好好食之後就拎生肉開始燒，款式都好多，肉唔會碎濕濕，亦唔會未退冰，處理得唔錯，估唔到有魷魚同金沙骨，自己買都唔平燒爐上有一張紙，食物唔會痴底亦無咁容易燶，幾好，每枱都預先放定幾張爐紙，方便更換食物質素幾好，調味唔會過咸，漢堡扒好好食，至少食左6塊😂除左燒之外，有火煱料打邊爐，仲有點心！雖然無食但見人地拎都唔錯我個餐包刺身，可以拎飛仔出去拎，都幾好食最後食埋甜品真係好滿足

元朗又想食壽司🍣又想食燒肉🥩又想食甜品🧁真係要食依間放題🕐放題分幾個時段， 每個時段門口都會排曬長龍👫👭🍡燒物好多選擇，有豬牛雞，雞腎鴨胸，魚，多春魚，雞翼香腸豬扒各式各樣真係講唔完😆🍱除咗燒物仲有熟食， 壽司仲有刺身添，全部都係無限量供應 🍹飲品方面除咗有汽水啤酒，仲有好多茶葉畀大家 嘆茶😆茉莉花香片山楂洛神花。。。 真係好多款呀🍮甜品有芒果丁，雜果杏仁奶凍啫喱雪糕添今日真係滿載而歸🥰我哋兩個人只係食咗$370蚊，已經加埋一， 真係捧住個肚仔出門口🤣🌟款式超級多 🌟好抵食🌟 食物新鮮

對上一次食燒肉我諗係幾年前，今日終於可以有得食啦，校長燒肉搬左之後，環境同食物選擇都改變左好多呢度基本上全部都係梳化位，坐兩個鐘梗係舒舒服服咁樣食啦飲品仼飲，最驚喜嘅係竟然連啤酒都係，而且佢呢度仲有自製嘅養生花茶，就算想養生或者有少少唔舒服都啱飲，有好多配撘燒肉之前等我哋食啲前菜先，佢呢度有唔同嘅熟食同埋冷盤，仲有壽司同埋刺身，壽司件件都好吸引，每一樣都試咗一款，壽司飯偏軟，飯嘅份量都唔會太多，火炙三文魚入口即溶，鰻魚壽司冇骨，夠新鮮燒肉都有好多種類，而且肉嘅肥瘦分布均勻，都有唔同嘅口味選擇除咗燒肉之外仲可以一邊打邊爐，有啲蔬菜同埋丸，邊爐嘅湯底都係自己拎，豬骨湯底濃厚，下次可以試埋壽喜燒燒肉底放牛油紙，冇咁容易燶之餘又冇咁大煙雞翼大大隻，醃得好入味，肉質燒完都唔會好鞋，仲係好滑身，金沙骨大大件，肥瘦分布均勻，咬落去好厚實如果自己想食辣或者鹹少少嘅話，都可以加辣粉最後又點少得甜品，呢度有好多自家製嘅甜品，都有雪糕，日本香芋雪糕，芋頭味好重，少少偏甜

有人說很想試燒肉，就帶我來校長食。其實好幾年前已有聽住元朗既同事提過呢間，平時都常常經過，今日約到朋友一齊去食，實在難得。地方幾大，樓底夠高，唔太勁油煙味，放題不止燒烤，仲有少量刺身tim😍自助形式有唔少壽司肉類任你拎黎燒。多種類有點目不睱給既感覺，可能太耐無去食放韙，大家都好興奮😆燒肉有瓜菇粟米雞牛豬秋刀魚雞腎肥牛蔬菜多春魚丸物可揀，種類多，基本上能滿足朋友要求。另外，不止烤肉，還有火鍋食品如餃子烏冬面食魚腐⋯⋯也有熟食可選，品種真是包羅萬有👍🏻前菜沙律泡菜中華沙律能因應喜好咁去拎份量very good，芝士腸又係好like要食既items 😚 波波腸有驚喜，更濃芝士味。壽司🍣賣相亦不錯，拎了不少😻食味對版，而且飯量不算太大。炸物有章魚小丸子魷魚圈麥樂雞，熟食也有不少如芝士意粉豬手冬菇生菜炸豆腐糖醋排骨豬紅青椒時蔬菇菌炒魷魚🦑碗仔翅等。點心有粉果珍珠雞燒賣鳳爪，全部細細件，一籠一籠獨立盛載挺精緻。甜品雪糕雪條齊全款式不少，飲品選擇都多，價錢幾實惠，真係可能新界呢區先會有。食後感：伯爵茶雪糕味坊間放題較少有，芝士波波腸會咇芝士汁和爽脆雞腎均推介一吃😻座位坐得舒服，而且有一人一個爐去燒，