校長燒肉日韓料理 (西裕街)

營業中

休息中

再嚟食真係要唸過自己腸胃有幾好，話說想去食下韓燒，唸住就腳就去下校長燒肉啦，同門口果位小姐攞位後就上去，一坐底就覺得冇問題，就咁放張牛油紙係個烤盤度唔會燶咩？都唔理咁多，照燒，燒下雞扒雞翼係冇問題嘅，到張紙開始燶時咪叫人換過張紙囉，唔換由自何，一掀起張紙就見到成個盤都係食物殘渣，之後叫個金毛仔侍應嚟換時換到好似發爛渣咁，我做客嘅當然唔方便出聲啦，一於報食環，等食環處理仲話自己係校長，校條毛咩，你執我要開香檳添嚟

#元朗聽到 “校長燒肉” 個名好耐, 同事們成日嚷著要去試, 星期日大家決定組團去食! 價錢好抵, 由 $138 - $228, 除咗燒烤仲有火鍋, 連午市都有, 正! 💺餐廳座位都幾寬闊, 取食物地方亦有十足空間, 唔會人迫人, 讚! 烤肉、火鍋、壽司、刺身、沙律、餐前小食、熱盤、中式點心、老火湯、甜品、酒精飲品、花茶、雪糕甜品, 任飲任食….高度1米以下小童仲免費! 🍣刺身即叫即切, 都幾厚身同鮮甜! 壽司唔會好大件, 可以試多幾款! 🦪熱盤竟然有焗蠔, 唔腥又厚肉! 蒸魚都唔錯, 新鮮又滑!烤肉好多選擇, 有原味亦有已醃制好的, 不同喜好、任君選擇! 必試土匪雞翼! 🥟點心有蝦餃、燒賣…等等! 🥣湯係人蔘雞湯, 好足料好濃郁! 🍨甜品仲可以自己 DIY, 加水蜜桃、蘆薈、椰果、雜果等, 加入不同味道的冰粉, 最愛! 唔喜愛甜品仲有雪糕呢! 

住喺元朗嘅朋友今日就帶我去咗一間校長燒肉日韓料理食燒肉，入到餐廳環境寬敞，食物種類選擇多，有刺身、壽司、沙律、前菜、火鍋配料、湯類、飲品及幾十款燒肉種類等😋餐枱上燒烤工具齊全亦有多張吸油紙方便客人更換。燒烤配料有雞、牛、豬、丸類及海鮮，每樣食物都有四至五種調味，肉質新鮮嫩滑，醃製得好入味，亦有多款燒烤醬汁選擇。刺身有三文魚、玉子、螺肉、北寄貝、帶子同赤蝦等，色澤新鮮味道鮮甜。小食有炸春卷、碗仔翅、麻辣鴨血、蒸蛋、韭菜餃、燒賣、菜肉包，款式多到數唔晒。飲品方面基本上好齊全，有我最鍾意嘅花茶，可以按照個人喜好調配，解膩一流！最後當然食埋我最鍾意嘅甜品啦😋

聽說過這間元朗放題很久了，今日終於抽空前往，校長燒肉日韓料理。餐廳位於二樓成層，由地下行樓梯上去，樓梯裝橫色彩繽紛，甚有藝術氣息。乍望餐廳人丁興旺，坐滿不少食客，晚上7點15分至9點15分一輪，錯過左就等9點15之後的那一輪。食得黎差唔多宵夜時段了。放題講求的是食材豐富，沙律、熟食、刺生、燒烤、火鍋、壽司、湯、飲品、甜品⋯樣樣齊全，一分錢一分貨，食物種類的確到位但食物質素便不能講究太多了。海鮮方面有冰凍的和放入火鍋滾熟的。個人推薦將海蝦配合火鍋，鮮味更足。其他火鍋配料還有：生菜、豆卜、炸腐竹、包魚菇、金針菇、粟米等。偏向清淡為主。飲品方面供應足夠，少不罐裝和紙包裝飲品。天氣凍凍地揀支熱維他奶。甜品以各式果凍為主，雪糕也是有得選擇。

終於到咗Happy Friday，當然要同老公出街食飯撐枱腳啦！我哋都想放縱一下，於是揀咗「校長」日韓放題，屋企出發一程輕鐵就到。之前試過荃灣嗰間覺得唔錯，除咗食物種類勁多之外，價錢亦非常相宜。平日黃金時段(晚上7:15 - 9:15)，二百幾蚊任飲任食兩個鐘，其他時段只需$168，真係好抵。餐廳食物同飲品款式真係包羅萬有，唔淨止日韓料理，連中式食品都有好多選擇。例如辣椒炒螺、滷水雞翼、藥膳雞腳、炒雜菜⋯就連薑醋同點心都有，認真估佢唔到！飲品除咗普通紙包同罐裝飲品外，仲有清酒、梅酒、韓國燒酒同啤酒🍻。甜品亦有多款選擇。我另一個鍾意校長嘅原因係佢哋有多款刺身🤩🤤，最初有啲擔心任飲任食餐廳嘅刺身質素會唔會麻麻，點知食落有驚喜！最鍾意佢哋嘅帶子，口感結實，新鮮甘甜；赤蝦都好正，鮮甜大大隻；三文魚富彈性，亦好有鮮味。大愛❤️。燒肉材料有多款肉類及海鮮，例如金沙骨、醃雞翼、鯖魚、三文魚塊、雞軟骨、一口牛、牛仔骨⋯最驚喜係有生蠔🦪😍。食燒肉食到悶悶地，仲可以打個邊爐🍲。多款湯底，任君選擇。火鍋配料種類亦多，丸類、肥牛、蟹柳、蔬菜等。今晚目測，除咗一班朋友嚟之外，好多都係一家大細，幾代同堂一齊嚟，大家

今日元朗行完山，想食返餐好的， 醒起有人介紹過呢間放題性價比幾高， 就去試一試佢。招牌維修緊，行樓梯上二樓整層，d位闊落舒服。食物種類真係好豐富林郎滿目， 分類整整有條。分別有燒肉食品，壽司刺生，火鍋食品，甜品雪糕，飲品，同熟食。一開始先食佢既刺生，紅蝦，帶子，三文魚都好鮮甜，解凍做的唔錯，跟住就開始燒肉，個爐有加牛油紙，可以定時更換，野食唔會痴到黑哂，認真抵讚配備左不同既調味品，出面仲有好多不同既汁醬，比你配返唔同既食品。豬頸肉同牛肉條好出色，醃料唔會過重，再加上小小鹽同黑椒已經好好味。熟食都好豐富，有點手同小炒，十分有水準。最後緊係用甜品埋尾，食左好多自家製既蒟蒻，仙草，寒天凍，椰汁水晶粉，其中呢條泰國既黑糯米雪條，有粒粒糯米，咬落好有趣。埋單每日250左右，食物質素對得起個價錢。

幾年前都食過一次校長燒肉 早排心郁郁想再黎多次 就book左位同屋企人食🤣 如果想去食 建議大家book定位先😉 因為真係好平好多人黎食 walk-in未必有位架🫣 門口有啲位可以比人影下相 等入座期間可以打下卡😛食物嘅款式有好多😍 麵包🥯 烏冬🍜 大量嘅燒肉種類🍖 蔬菜🥬 點心🥧 炸物🥟 中式熟食🧆 大量甜品🍮 壽司🍣 沙律🥗 打邊爐食材🍲花茶同其他飲料等🥤食物同飲品嘅種類多到數吾晒🤣 包保夠飽☺️ 食物質素不過不失 同平時街市買到嘅食材質素差吾多😗 不過有少量醃製肉類嘅味道有啲奇怪 吾太岩我嘅口味🫣 但其他都正常嘅😉 豬頸肉同魚柳嘅調味都吾差 可以燒完再攞😛 熟食方面 我覺得最好食嘅係茄子魚柳🍆 每樣食啲都已經好飽😂 最後人均消費都係$160左右 依個價錢食到燒肉+邊爐🫕 真係好少地方有🤩

1.呢間野個地下又跣又痴立立2.個座位污糟左又無人清潔3.張台都係痴立立，好污糟4.韓燒要放限牛油紙係上面 但係張紙質量又差，一放上去10秒已經燶，跟住燒d食物又痴住d燶，好唔理想5.叫個職員幫手摸張牛油紙，佢淨係拎左個盤企係我面前，跟住叫我自己夾張牛油紙上個盤，跟住佢就走左🙂 其實同我自己換無分別，是關夾走張舊 放張新既都係我自己黎6.最重要*******d肉選擇少之餘…..仲要係難食建議大家唔好去 免中伏

冇得去旅行，香港一日遊都係一個選擇，上網睇到人哋去元朗公園影相好靚，今日專登放假入去，中午當然要搵一間餐廳食個午飯，揀了西裕街校長燒肉日韓料理，百幾蚊任食，附近又有地方泊車夠方便。環境都幾大，卡位坐得舒服，冷氣夠晒凍，通風系統也不錯👍食物選擇都好多，肉類豬牛魚雞任君選擇，金沙骨、叉燒、雞翼，就連雞軟骨都有，雞扒啖啖肉又夠入味，三文魚腩啲魚油燒曬出嚟睇個樣已經夠吸引😋調味也有不少款式，咖喱、蒜蓉、黑椒、蜜汁等，其他還有牛丸魚蛋，我最喜歡就是芝士腸、芝心丸、芝士魚蛋，丸入面的芝士溶了非常好味。除咗可以燒肉之外，亦都可以選擇食火鍋，湯底都有幾款，素食的話可以食菜，鮮冬菇、唐生菜、金菇、生根、娃娃菜、粟米等等。由於今日是來玩的，當然食豪一點，個餐升級取了刺身通行證，大大隻赤蝦、玉子、三文魚、吞拿魚、希靈魚等，非常豐富。飲品汽水、烏龍茶、啤酒任飲，仲有梅酒、清酒，我最鍾意係多款茶類的熱飲，首先來了一壺金邊玫瑰花茶，另外一壺消脂的洛神花茶。其實咁多嘢食個肚都食唔到咁多，但總係要加一點點甜品，杏仁奶凍杏仁味香，好耐都冇食過大菜糕當然要攞一杯嚟食下，仲有榴槤布丁、同椰汁西米露！

鍾意燒嘢食啱哂🍢🍢🔥諗唔到食咩好，但有想有多啲選擇又可以吹下水，所以就揀左呢間食晚餐。 燒烤既食物超級多，鐘意bbq可以食到好多唔到款😛孜然雞翼 & 雞扒都香又多汁🔼真係好多款選擇，啲醃料口味都多，燒出黎都夠味同香🔼燒豬肉粒多汁🔼漢堡扒juice 軟熟，我地覺得魷魚🦑係最出色既！香、多汁、唔會太韌！🤩🔼另外食左好多既壽司🔼唔同種類反卷我都食左唔少😝👍🏻🔼腐皮壽司都好味，甜甜腐皮加吞拿魚醬配有味飯🔼甜品最鍾意佢既香芋奶凍，好香好似飲緊香芋奶茶。雪糕🍦係特別綿密可以拉絲咁款，值得一試🤤🔼飲品又係多選擇都不得了，仲有酒飲🔼如果仲唔夠又有得食多士麵包總結：諗唔到食咩但又想咩都有啲，同朋友黎吹水，揀下、燒下、食下野、飲下野就啱哂。

看見有團購飛所以購買比想像中很多東西吃很多款式甜品也有不少有花茶這個很好飲大菜糕和紅油竹筍最好吃雪糕也有好幾款而且可以一邊燒肉一邊打邊爐！打邊爐的話日式豬骨湯底很好味！會再回來！不過如果一人位置的話實在太過開放式變成好像公開處刑一樣全世界出入都看見我的位置很尷尬不過這個有個不好的地方就是油煙味太重了建議盡可能改善抽風系統因為一邊吃的時候油煙味很刺眼但是最喜歡就是可以有成壼花茶可以飲這個價錢不過不失不過可以再回來

中曬伏 之前成日見到呢間,未食過所以想試。個時我家姐同我講佢同事話呢一家唔好味,中伏。。我未試過,半信半疑,加上見到評分又唔錯。之後我自己就去試咗,冇book位,250/位。肉真係好難食,淨係得一款肉可以食,牛黎。有花之戀都唔錯,但唔知點解個三文魚冇味。我自己覺得比較好味既係刺身。同行有另外一位朋友,朋友都覺得中伏,話個豆腐味雪糕好難食。以為雪糕唔容易難食,點知都係中伏。我自己覺得完全唔值250蚊…食過一次,100蚊/位我都唔會去食。真係好難食…完全唔明點解評分甘高

和太太在這裏吃了一餐豐富的韓國燒烤餐，品嚐日本清酒及冰凍啤酒，十分愉快，離開時忘記拿走腰包，馬上跟店員聯絡，他們已經迅速地把腰包收好，代我回來取回，這樣有驚無險的晚餐，十分難忘，店員服務超贊👍🏻，值得推介👍🏻

每次同D大胃王 朋友去食野，都覺得好苦惱！😌次次都想話唔夠飽！叫得多價錢自然就會貴！又話要食好多肉先會飽！所以校長燒肉自然系首選之列！！ 且重點係就算夜晚食都唔會好貴！！ 餐廳亦有好多卡位，岩曬D肥仔和唔同既聚會!!自助區夠大款式夠多，分成好唔同主題，刺身壽司區、醬油配料區、燒肉類區、熟食區、點心小食區、飲品水果同雪糕區，要行幾轉先行得晒啊！ 刺身壽司區!!全部size以一口形式，可以留番個胃試多幾款!!!燒肉類區!!不斷Re-fill，岩曬大胃王可以tailor-made 花茶味道!!雪糕🍨系放題必備既甜品!!食物方面，選擇好多，豬牛雞🐓🐖🐂都有！！特別烤肉類都係用唔同嘅調味料醃過🥰所以全部肉類都好入味，最推薦的就是雞翼！！唔會話冇味 ！呢個價錢完全值得並且比得又餘，唔同類別嘅食物所以一定岩你食！燒烤時冇咩油氣，的確抵贊!!件壽司上既刺身仲大件過舊飯團!!

校長燒肉喺元朗好出名，餐廳裝修好新，座位闊落，樓下仲有好大個停車場，啱曬揸車嘅朋友。除咗一般大路飲品外，還有韓國黑啤，somersby 。雀巢雪糕，兒時味道。幾十呎長嘅食物枱，食物種類好多。分咗五六個區域，刺身、燒肉、沙律、熟食和火鍋區域。希靈魚三文魚，新鮮爽口，三文魚非常肥美。主角燒肉，牛肋條不太肥，重牛味，自己落少少岩鹽、黑椒已非常惹味！重點推介牛肉眼，雖然無限量任攞，但質量亦保持到水準！喺社交平台打卡仲會送海鮮拼盤！以收費$258一位，食物質素相對較高，已相當不錯