校長燒肉日韓料理 (西裕街)

營業中

休息中

好耐都無食過放題,趁友人今月生日同佢去慶祝,呢度選擇多,性價比又高,人均$250就可以任飲任食兩小時,餐廳環境都幾大,坐得舒服,空間感十足燒肉區的選擇多,有豬、牛、雞、魚、午餐肉、魷魚、紅腸、香腸、雞翼等都有得揀。部分肉類仲有分辣同唔辣,全部醃得入味熟食區選擇也不少,有炸雞塊、洋蔥圈、鱆魚燒、地瓜丸等種類非常多,每款新鮮,炸得香脆仲有細細籠點心,有蝦餃、燒賣、鳳爪、牛肉、排骨等、每籠細細過下口癮等個爐熱嘅時候我哋拎咗刺身和壽司,刺身有三文魚、希靈魚、帶子、蝦,即叫即切。除了刺身外仲有唔同嘅壽司....加洲卷、蟹柳壽司、北寄貝壽司等,refill 速度好快到今晚主打啦個人覺得牛扒和牛肉粒味道最惹味,肉質嫩滑!雞翼的話土匪雞翼味道最正,其他仲有雞扒、豬扒、魷魚、多春魚、台灣香腸等都好入味,款式實在太多,完全試唔哂食咗咁多肉當然要食番d菜平衡下,湯底選了日式豬骨湯,有唔同新鮮蔬菜,如生菜、冬菇、金菇、南瓜、粟米、蟲草花等食材,口味相對健康咁多美食又點少得各式各樣汽水,除左汽水外,啤酒都係任飲食到飽,最後唔少得食甜品,有多款雪糕、布丁、啫喱、蛋糕等,個人喜歡食榴槤雪條,口感特別,味道香濃,滿足

終於可以有返晚市堂食🥺因為想食好多嘢就book咗元朗校長燒肉，去到餐廳門口嗰陣嚇親我，好多人食呢間餐廳。入到去覺得燒肉店抽風幾好，唔覺得好臭油煙味。上到自助區，全部都好企理。嘢食擺放得好整齊，而且種類多。唔係第一次食了，之前去過荃灣分店，佢哋食物種類真係多，有烤肉，打邊lo，中式點心，甜品，雪糕，炸物，烤肉方面幾好最重要感覺乾淨😛😛😛自己比較鍾意食肥牛、牛仔骨頭，仲有五花腩，因為燒到咁上下脆卜卜好正正子。牛仔骨都唔錯，每一件骨肉分明，另外有一種調味過嘅牛肉，唔使額愛點任何醬料，已經好好食😋 種類豐富，魷魚雞翼雞賢，基本配料講得出都有。大家睇圖片啦去到火鍋，有豬骨，麻辣，壽喜燒湯底，自助自己過去加湯就可以。配料都好多，放置左喺自助區，蔬菜類同時可以火鍋/烤，但肉太肥，火鍋我主要碌熟咗啲蔬菜，清一清油膩。仲有刺身添，有赤蝦、三文魚、希靈魚等等，赤蝦好大隻差唔多好似手板咁樣。餐廳各種類嘅食物豐富，冇期望佢有咁多刺身😛都超出我預期。仲有好多唔同嘅壽司，玉子、蟹棒等等，太飽我食唔到，唯有下次再食啦！沙律區但潔淨程度都ok，味道亦不錯。仲有自助花草茶區，大家可揀選自己鍾意嘅花茶，感覺好好！除此之外

男朋友生日當然選擇佢最鍾意食的韓燒所以嚟到「校長燒肉日韓料理」吃放題🥣，這裏有過百款美食，最鍾意食肉的我們可以放肆大食一餐👍這裡地方很大，而且食物種類多！韓燒食物🔥咖喱豬扒、金沙骨、秘製叉燒、餃子、雞軟骨餃子、魷魚🦑秋刀魚和多春魚，應有盡有，全部醃得好入味！火鍋配料齊全，有：菇類、雞肉類、豬肉類、牛肉類、蔬菜類🥬、魚和丸類，款式和味道亦有不同選擇👍。刺身方面有三文魚、鮑片、吞拿魚、希靈魚和牡丹蝦等…特別鍾意食三文魚新鮮肥美，牡丹蝦爽口先甜，整體都好新鮮👍壽司款式很多🍣擺放得很整齊。炸物類有鹽酥雞粒、麥樂雞和薯條等😋點心🥟有鳳爪、蝦餃、粉果和燒賣等…熱辣辣新鮮蒸起。飲品方面有汽水、花茶、清酒和啤酒等選擇👍

開返堂食，趕緊出去消費一下，從前必然的，現在要懂得珍惜。今次到了元朗西菁街的校長燒肉。晚市放題，每人$228，價錢不貴。地方好大，有幾十尺長枱放食物，剌身區，有五六款刺身，三文魚肥美，帶子刺身好甜。燒肉區，推介牛助條，有牛味，台灣腸，燒烤夠香口，仲有多款醬汁，實有一款啱你。穀治牛肉用黎打邊爐或燒都好正，湯底都有幾款，壽喜燒夠清甜。大部份韓國飲品，重點推介hoegaarden 生啤。最後，整返幾杯奶凍和雪糕，咁就一餐滿足既晚餐，二百蚊食到過百款食材，很抵食吧！

午市燒烤火鍋刺身自助餐（兩人$348），韓燒梅肉片肉質嫩滑，肉味濃厚；麻辣雞腎味道香辣，食落有咬口；雞軟骨粒口感爽脆。火鍋（跟餐$0），壽喜燒湯底味道鹹甜；肥牛片脂肪分布平均，牛味厚重；南瓜口感腍身，味道清甜。刺身（跟餐$0），赤蝦味道鮮甜；三文魚口感厚肉，肉質肥美；榮螺口感爽口，食落有鮮味。壽司（跟餐$0），火炙三文魚壽司油脂味濃，加上表面有芝士、美乃滋，味道更佳；卷物好足料，內有醃黃蘿蔔、玉子、青瓜、蟹柳。

大胃王既我。當然係要食返啲任食既至可以食到飽住咁走啦。校長燒肉真係做得幾好。又多食物選擇。又有好多花茶選擇。熱食方面都好多款式。點心籠又有好多點心簡。燒賣。 蝦餃。鳳爪。又可以一邊韓燒。一邊打邊爐。抵食好食之選

校長燒肉咁多年嚟都好出名，適逢去元朗同朋友一聚，就去咗元朗嘅校長燒肉。可以兩小時放題任食，而且有海量食物選擇，價錢夠貼地，簡直係韓燒界嘅首選！好得意，喺行上去餐廳嘅樓梯放咗兩個戴口罩嘅figures。上到去坐低之後緊係第一時間去睇嘢食！選擇真係多到眼花瞭亂！淨係飲品已經有咁多櫃！最特別一定係呢個花茶區，可以揀選自己喜愛嘅茶葉同配料嚟沖飲品。前菜都有好多選擇！全部都係偏酸味嘅冷盤，夠曬開胃！醬料夠曬齊全，想自己點樣混醬都得，我最鍾意就係蒜蓉加炸蒜再加豉油！重頭戲絕對係用嚟韓燒嘅食物！多到爆！仲有各式各樣嘅壽司！唔可以唔提嘅一定係刺身！雖然款式唔算太多，但勝在新鮮！拎刺身要拎住張貼紙。大推阿根廷赤蝦，肉質爽口彈牙，鮮甜味十足；三文魚都好新鮮，忍唔住都拎多咗兩轉。都有唔少熟食選擇，等大家等嗰嘢燒熟嗰陣都有得食。拎完嘢食，緊係慢慢韓燒！食肉獸出沒，最鍾意燒肉！呢個爐嘅火力一流，燒嘢食都好快熟！將每片肉都燒到金黃微焦，肉香加上油香，完全係享受嚟！好鍾意呢兩款鍚紙裝嘅菇同粟米，入面幫你加埋牛油、菇仲要幫你加埋蒜蓉，唔洗自己調味，加熱就得！食落去每啖都有牛油香，味道滿分！餐廳都好貼心咁放咗啲牛油紙喺

天氣開始涼涼地🌬啱啱行過，見韓燒😘又可以打邊爐😋而家周圍都冇得BB蕉🍡🍢🥴只有樓上BB蕉🤣橫掂見時間都早😙見佢價錢有經濟💰就想去食la👍🏻食物種類都好多款😙醬汁都好多唔同種類🥴梗係溝我最鍾意嘅芝麻花生醬、燒肉汁一邊韓燒😙一邊打邊爐😋兩全其美😋一次過滿足晒兩樣👍🏻我最鍾意就係佢有啲花茶👍🏻而最抵死連維他奶都有得飲😋😋甜品🍮真係好多仲有魚生🍣啖啖肉😁一嚟到就掛住食無影相添🤣🤣食飽飽😙又要行吓街街👬🏻當做左運動消化下🤣🤣🤣

校長燒肉日韓料理 (西裕街) (元朗)元朗西裕街達輝徑1號足彬大廈1樓3B號舖燒肉放題店校長燒肉又一新力作，而家除咗可以韓燒之外，仲可以打埋邊路，實行一價兩食。食5:00至7:00時段，未到五點已經大排長龍，門外排着一家大細很多人，可想而知呢度CP值有幾高。一入到去，發現佔地非常之大，不同地區都有不同款式的食物，最緊要的是環境舒適坐得，通風系統甚佳，燒完嘢食完全都唔會有油煙味，就算打埋邊路都唔會覺得空氣焗。不得不提的是除了有各種的食物外，最重要的是同場仲有酒飲，包括有各種啤酒和梅酒等等。壽司區域除了右手之外，還有各種的刺身，希靈魚就是我的最愛，而且三文魚肥美，玉子壽司都好靚。各種肉類任君選擇，除了羊牛豬雞，仲有我最鍾意嘅魚，多春魚是必食之選，燒到脆卜卜！各種的丸類，拎一個煲放啲水，就可以打邊爐，第一次食韓燒仲可以打埋邊路，一次滿足我兩個願望。牛肉鮮紅色，肥美之餘又不會太多肥膏，既可以消腫可以打邊爐。

今日去左校長燒肉食放題，感覺唔錯。裡面都有幾多野食，坐得都ok舒服，有熟食，有打邊爐，有雞湯，有甜品。價錢方便都ok抵，可以同朋友慢慢坐底食傾下計，總體而言都ok唔錯。

市道唔好，呢幾年好多呢種中低價任食放題餐廳。放題中午時間分為午市燒烤、午市燒烤火鍋、午市燒烤火鍋剌身，價錢都係$98-158。除咗燒烤、打邊爐、仲有壽司刺身、點心、沙律前菜、熱盤、炸物、湯品、甜品。多到數之不盡。。。但係飲品都唔少噃！除左一般汽水，仲有好多花茶。另外仲有清酒、梅酒、啤酒，最勁係仲有下火清熱氣薏米水。燒烤方面大致上同『韓和』差唔多，有一口牛、蒜香牛肋條、蒜香牛扒、豬扒、香草魚柳、叉燒、金沙骨、雞腎、雞軟骨、豬五花、牛五花、多春魚、秋刀魚、三文魚、鯖魚、魷魚鬚、雞扒、土匪雞翼。火鍋材料都唔少，而且仲有好幾款湯底，有我至愛嘅壽喜燒。刺身有帆立貝、三文魚、蟹柳、甜蛋、希靈魚、吞拿魚、赤蝦。我為食，我食咗好多Round 赤蝦。壽司款式都有幾長嘅，咁嘅價錢都唔算差噃！另外仲有碗仔翅、糖心蛋、茶碗蒸、麻辣鴨血。最後要讚嘅係呢度嘅甜品有好多款，除咗有N款咁多嘅杯杯甜品，仲有有芋圓、黑白涼粉、西米露。奶酪仲好好食，有好多款，有木瓜、香芋、阿華田、阿薩姆奶茶。撇除香港嘅又細又窄，又唔係咁乾淨嘅洗手間外。百零蚊，好飽肚㗎喇！

天氣凍冰冰，最好搵個地方食下野，暖下胃先。校長燒肉日韓料理真係可以滿足晒所有要求，時間兩小時任飲任食，仲有花茶可以沖黎飲。開始就嚟個刺身壽司🍣，再配不同的飲品。燒烤爐最多品種可以選擇，雞翼都有3種味，土匪味道我最愛。牛扒豬扒雞扒…只要諗到的燒物，都可以搵到！仲有我最愛的多春魚，好味😋食肉太多，仲可以打邊爐🍲食的菜，暖下肚子。忍不住飲返幾罐啤酒🍻仲有點心食，好似酒樓咁。甜品少不了雪糕。真係飽到抱住個肚子走！

今日和老媽子食放題，特價時段五點半左右入場，真係超抵食，加埋刺身任食都只不過百幾蚊一位😄♥️👍不單止平，食物質素非常出色，最鍾意食刺身，必食之選👍紅蝦刺身鮮甜新鮮😍食完又拎，行了很多轉🤣真係好鮮甜😋除了刺身，烤肉，各種熟食，沙律，點心，湯類，甜品，各款啤酒汽水任飲任食......最特別竟然有我最喜歡的街頭小吃碗仔翅😄😃♥️點心部，各式點心應有盡有沙律吧多款新鮮食材自由配搭，喜歡配什麼醬汁也可以♥️😃😃👍👍

校長燒肉日韓料理喺元朗好出名，近期社交平台推出左幾個優惠時段，早段晚市,有埋刺身都係$158，係時候又到瘋狂食肉嘅時候餐廳有幾張數十尺長的餐枱，款式多，壽司刺身，沙律吧，老火靚湯，炸物，小菜，仲有點心食。應有盡有。燒肉方面有海鮮魚類,各類扒,羊豬牛等等，這裏超過50款，淨係每樣燒一件都飽到上心口🤣燒時加d黑椒同鹽做調味，自己口味自己整。土匪雞翼燒咗幾轉，牛肋肉牛味香濃。三文魚刺身色澤鮮明，每件厚切,赤蝦大大隻，都好新鮮爽口飲品亦非常多樣化，有無糖烏龍茶/綠茶丶普通汽水丶連少見嘅菠蘿啤同韓國黑啤亦任飲，實在瘋狂。貳佰圓不到的燒烤，超過150款嘢食，實在難得！

😝第一次試呢間校長燒肉日本料理，一到5點鐘!門口已經好多人排隊，估唔到咁早就已經有人排隊食😉人龍都幾長！一到5點鐘即時入座，估唔到環境幾大😋而且選擇類型都幾多！又有熱食、壽司、點心、甜品雪糕、小食、打邊爐、沙律、仲有魚生添！食物真係應有盡有！而且飲品選擇都好多～😚燒肉黎講😘蒜香一口牛味道很好食，而且土匪雞軟骨都係我心水推介！壽司火炙三文魚味道唔錯，整體價錢都係性價比高！甜品推介椰汁西米露～好味！😍之後一定會再嚟食‼️‼️‼️‼️‼️‼️😊😊