影片
更多
2022-11-05
253 瀏覽
終於到咗Happy Friday，當然要同老公出街食飯撐枱腳啦！我哋都想放縱一下，於是揀咗「校長」日韓放題，屋企出發一程輕鐵就到。之前試過荃灣嗰間覺得唔錯，除咗食物種類勁多之外，價錢亦非常相宜。平日黃金時段(晚上7:15 - 9:15)，二百幾蚊任飲任食兩個鐘，其他時段只需$168，真係好抵。餐廳食物同飲品款式真係包羅萬有，唔淨止日韓料理，連中式食品都有好多選擇。例如辣椒炒螺、滷水雞翼、藥膳雞腳、炒雜菜⋯就連薑醋同點心都有，認真估佢唔到！飲品除咗普通紙包同罐裝飲品外，仲有清酒、梅酒、韓國燒酒同啤酒🍻。甜品亦有多款選擇。我另一個鍾意校長嘅原因係佢哋有多款刺身🤩🤤，最初有啲擔心任飲任食餐廳嘅刺身質素會唔會麻麻，點知食落有驚喜！最鍾意佢哋嘅帶子，口感結實，新鮮甘甜；赤蝦都好正，鮮甜大大隻；三文魚富彈性，亦好有鮮味。大愛❤️。燒肉材料有多款肉類及海鮮，例如金沙骨、醃雞翼、鯖魚、三文魚塊、雞軟骨、一口牛、牛仔骨⋯最驚喜係有生蠔🦪😍。食燒肉食到悶悶地，仲可以打個邊爐🍲。多款湯底，任君選擇。火鍋配料種類亦多，丸類、肥牛、蟹柳、蔬菜等。今晚目測，除咗一班朋友嚟之外，好多都係一家大細，幾代同堂一齊嚟，大家
餐廳食物同飲品款式真係包羅萬有，唔淨止日韓料理，連中式食品都有好多選擇。例如辣椒炒螺、滷水雞翼、藥膳雞腳、炒雜菜⋯就連薑醋同點心都有，認真估佢唔到！飲品除咗普通紙包同罐裝飲品外，仲有清酒、梅酒、韓國燒酒同啤酒🍻。甜品亦有多款選擇。
我另一個鍾意校長嘅原因係佢哋有多款刺身🤩🤤，最初有啲擔心任飲任食餐廳嘅刺身質素會唔會麻麻，點知食落有驚喜！最鍾意佢哋嘅帶子，口感結實，新鮮甘甜；赤蝦都好正，鮮甜大大隻；三文魚富彈性，亦好有鮮味。大愛❤️。
燒肉材料有多款肉類及海鮮，例如金沙骨、醃雞翼、鯖魚、三文魚塊、雞軟骨、一口牛、牛仔骨⋯最驚喜係有生蠔🦪😍。食燒肉食到悶悶地，仲可以打個邊爐🍲。多款湯底，任君選擇。火鍋配料種類亦多，丸類、肥牛、蟹柳、蔬菜等。
今晚目測，除咗一班朋友嚟之外，好多都係一家大細，幾代同堂一齊嚟，大家都笑容滿面，搵到自己鍾意食嘅嘢。
我同老公都飲飽食醉，非常滿足，期待下次再嚟食餐勁！
張貼
