柏景餐廳 (已結業)

同好多朋友一樣，都係用生日優惠黎食晚餐。見到其他食評，期望即刻低左，食完又發覺比預期好喎。先黎返個炖湯，有豬𦟌，杞子等，都幾足料。海鮮方面長腳蟹出奇地好香甜，好好食，仲有另一款蟹好多膏。見到另一枱人起碼攞左７round長腳蟹！刺身有關的食品都幾多，三文魚刺身都整左沙津同蠧司飯，沙津好食，蠧司一般。鐵板燒有好幾款，認為最正係燒牛仔骨同埋燒蝦，食左幾round。點心有燒賣，牛肉同蝦餃，蝦餃是最好的，不過一定要早到早食，因在爐裹不停返熱，好快蝦餃皮都爛了，失左賣相。熱盤都有驚喜，有蒸比目魚，好新鮮又啖啖肉，值得食兩round, 有個炆牛腩都好食，其他熱盤無乜特別問題。甜品方面款色幾多，特別記得個brownies整得好好，軟硬適中又好味。成餐飯最印象深係廚師們都好有熱誠，好想推介或俾食物你，好似做得好開心咁，咁既氛氣係最難得的。以有生日優惠呢個價食係抵食既。

與家人同往，到達時因職員在講電話中，故等了約一分鐘。安排座位在窗口位(早二星期預訂)，但在多張枱中間(窗口位當時無人)旁邊就好多人，故要求轉到角位，(等了五分鐘)。使用groupon coupon $135位，已睇過餐單有花蟹，翡翠螺(最想食)但蟹出了一轉就沒有了我12:15到自助餐枱邊只見蟹脚，翡翠螺無見過其餘海鮮一般味道，賴尿蝦好"醒"，熱盤水準差，有印度咖哩二種，一般中國點心，有好老羊肉串，燒火腿無味道，牛仔骨未能咀嚼，最好笑是湯， 啲冬蔭功湯像水加湯包mushroom cream soup 杰撻撻過份，30分鐘後見無嘢好食唸住食麵包啦，點知無哂(唸佢地會自動加)等到收場都無加，所有食物添加慢， 水要求先加，服務水平差，啲日本食物真差勁，日本味飯當有客人取食後無人整理，一灘嘢咁唔敢食，壽司種類小，廚師好努力切魚生，除沙律及甜品可以食吓外(似啲樣)，其它真的是差勁，結賬時話星期六要加錢，連加一要$185.5，用這價錢好多地方好過它，不能接受的酒店餐廳，無服務，食物無水準，價錢偏高。早知用openrice coupon，不用買團購票(因有一位會遲到，見無嘢好食，可通知佢不用到，用啲錢

為了SINO CLUB的生日優惠而來一試男朋友一來便吃頭盤海鮮海鮮種類算多，有長腳蟹、花蟹、螺、青口等男友話長腳蟹比較鹹，而花蟹則比較鮮甜，但以我所知長腳蟹都是即捕即煮再急凍出口，所以正常是鹹的(海水味)但他說這鹹度也可以接受，因為比上次食shabu shabu時的已經冇咁鹹他吃完一碟又一碟的海鮮，不止頭盤，連主菜也是但相比後面那枱的女士，他已經不是很誇張，後面的女士在我們來之前已經吃緊海鮮，到我們差不多吃完時，她仍在吃呢，真的很誇張相反我不好海鮮，我便試其他食物，其他食物款式也很多，每款也試了少少因為我取的份量不多，所以沒有多拍照食物味道沒有驚喜，但也可接受，食物枱前的員工服務也不錯，最滿意就是有燉湯(平時很少湯水)，而且味道很不錯，但其他湯品就比較遜色一點，其他食物的味道也只屬一般頭盤:巴拿馬火腿(味道很淡)、刺身(很碎)主菜(熟食):魚(很乾)、菜(正常)、炒金邊粉(味道很淡)、天婦羅(正常)、自選意粉(正常)點心:牛肉、燒賣(正常)、素菜餃(味道很怪)甜品ancake(皮太薄沒有蛋味)、cheese cake(一般)、haagen dazs(士多啤梨味一般)、dreyer's(

用了SINO club的優惠黎食buffet~~~一黎到 當然要食d海鮮啦~~d長腳蟹一擺到入口就覺得唔算好新鮮....好鹹~~~不過都見倒不斷有refill~~~至於其它野食....真係一般般.....點心:燒賣:普通燒賣味蝦餃:個皮好厚....牛柏葉: d汁好油...街邊的仲好味壽司我從來味食過一舊sushi d 飯好似糯米咁煙un我都唔知係好定唔好~~熱盤:比目魚: 無魚味.......羊架:睇倒d賣相已經唔想食.......最驚喜ge係...估唔到有埋d日本天婦羅食~~但呢碟野無搵汀蓋住..就咁擺0係到....er.....會唔會唔係幾好咁呢~??甜品:我唔知係我味覺有問題定點~~所有野都做得過火左~~有個咖啡奶凍的咖啡味重到係覺得苦~另外有個叫白朱古力cake的甜品一擺入口就知出事~~~個牌明明寫住係白朱古力蛋糕，但一入到口係有種發臭的芝士的物體0係你個口入面~~有無搞錯~!!!總括黎講，呢間野真係無下次~!!!!!所有熱盤的野食拎返去坐0個個位已經凍晒~得個粥係叫做正常~係d野食唔夠熱定點~????以呢一個價錢 $4xx/一位，但只得三星的食物質素黎講，真係好差~!!!之前

此餐廳也光顧了無數次, 最近再次去吃tea buffet, 當到達時沒有人排隊, 心知不妙, 心想會否有什麼問題會咁少人既? 最後唯有照入座, 先吃三文魚刺身+蟹柳都還可以, 以往是有兩種魚的刺身, 現改了吃蟹柳, 魚生飯比起以往係超級縮水了, 整盤得好幾細片, 碎濕濕, 以往是一片片三文魚, 而在是吃三文魚碎.到吃熱盤, 仲驚喜, 逐一打開熱盤, 竟然是煎釀三寶 (超細件多油)﹑炸雲吞(超油), 砵仔糕(好甜)﹑咖哩魚蛋豬皮(魚蛋巢皮, 好似比人壓平左), 燴番薯(街邊檔仲好吃過佢)....等等廉價食物, 唔知以為去了吃街邊食物, 真係好差! 以往都有pizza, 現在只有迷你波羅包及旦tart, 以往碗仔翅是放出來任客人自取, 現在是搵師傅整比客人, 多此一舉, 以往是有即製粥, 即製串燒, 抄雪糕,糯米雞...... 現在什麼都沒有, 自助式的茶水, D熱水係唔熱的.....真係勁差D碟放在桌上, 連續幾個員工經過見到都唔去收, 係要客人開聲才去收, 服務態度很差, 唔會再光顧.

第一次用sino club個一位免費既生日優惠,所以就試下cafe on the park!蟹腳不太新鮮, 其他的海鮮都可以!串燒有蝦,牛仔骨,雞軟骨! 其他仲有蟹鉗, 沙律等等! 其中有燉湯, 都幾好味, 而且好多人攞架!燒牛肉有D乾!甜品有好多款, 不過味道一般!當中蘋果金寶同麵包布甸算是突出, 而且出面好多自助餐只有麵包布甸, 好少會有蘋果金寶! 兩個甜品唔係太甜, 蘋果金寶能做到蘋果軟冧不太酸, 最好加雲呢嗱汁拌食, 味道會更好!

呢間buffet都食過幾次，本來印象唔錯，不過唔知係咪呢期做多左廣告，搵人寫多左"鱔"稿，素質下降了，就算有什麼75折優惠都唔會再去。過左幾個星期諗諗下都係要黎俾番個劣評先得。首先不滿既係，我六個人訂位佢要我俾千二蚊deposit。我覺得真係幾過份。俾deposit留位coupon都有寫明，但唔駛留咁多呀? 我埋單都係一千二百幾，即係俾哂錢咁濟，呢d唔係叫deposit 囉，不過算，因為約左家人話去呢度食，費事改。跟住埋單時果幾廿蚊，我俾cash啦，個侍應又唔出聲，等左好耐，第二個侍應先走埋黎話用coupon要用信用卡埋單，跟住又等，足足等左三四個字先走到。食物方面既不滿係d海鮮得青口同蝦，連翡翠螺都冇，唔係呀嘛。真係唔駛再去。好，為左要成功咁post呢個劣評，我又加番所謂食評。海鮮講左啦，得兩款，所以冇食。賣相好一般。早幾個月去食都仲有幾款唔錯既。沙津吧：算係有多種款式選擇。都係果d野啦，生菜呀、青瓜蕃茄之類再加d什果沙津咁。剌身： 有八爪魚，吞拿魚，希靈魚，三文魚。只有試後2者，ok。三文魚如果好彩分到腩位就好味d壽司：之前食佢既魚生飯好好味，飯醋味道剛剛好。但係今次就好失色，淡茂

尋日先落機, 個人仲Jet Lag緊暈吓暈吓, 今日都未瞓番夠本, 就要起身趕去尖沙咀出席皇家太平洋酒店 の 母親節精選甜品製作班 + 「春日‧盛燕」下午茶自助餐試食會!!!整完蛋糕, 就可以開始試食環節啦, Yeah!!!(左) 燕窩蛋撻 -- 奶味香濃, 口感幼滑, 最重要係... 面頭d燕窩幾大堆頭...(右) 迷你綠茶燕窩卷 -- 個樣好Cute呀!!! 淡淡嘅綠茶味, 鬆鬆軟軟, 唔錯~ 仲要有咁多燕窩, 啱晒姊妹們~(左) 焦糖燕窩燉蛋 -- 焦糖好脆, 燉蛋幼滑, 好味~(右) 燕窩芒果布甸 -- 個樣好靚呀!!! d芒果熟透甜到漏, 布甸好滑, 甜度適中~燕窩濃情流心蛋糕 -- 有驚喜!!! 強勁嘅朱古力味, 中間嘅流心係超流心, 流心入面仲要有燕窩o架, 唔止面頭果d, 好有Heart~章魚燒餅 -- 章魚小丸子就食得多, 章魚燒餅真係第一次食, 材料好足, 味道比較清淡, 冇章魚小丸子咁熱氣, 不過如果可以配埋章魚小丸子必備嘅BB沙律醬同日式燒汁, 應該會更美味~迷你牛肉漢堡 -- 造型可愛, 好吸引人!!! 蕃茄同酸瓜絕對係漢堡嘅靈魂所在, 如果可以多d肉汁就更加

話說用openrice的 coupons 在cafe on the park食buffet有discount,價錢吸引所以一試。1. 平日lunch buffet 人客不多，如訂位安排的位置不滿意可要求餐廳調檯。2. 來這裡食lunch buffet其中一個原因是有中式點心，很少酒店buffet提供點心，誰知原來只有四款，而且燒賣只是牛肉燒賣，不夠熱也不夠淋，令人失望。3. 至於熱葷則選擇不多，其中賽螃蟹和泰式海鮮炒飯挺不錯，算香口，炒飯帶點辣。串燒則over了，肉質變靱。4. 每次食buffet最主要是為食三文魚,今次就食到一肚氣，話說走埋去魚生counter同師傅講要三文魚，本來應該有一兩碟切定，但當時無晒，跟著個師傅就叫另一個師傅切俾我，係度等緊的同時，我拎定醬油washabi啦，此時有兩個女人走埋去，無講要咩，個師傅就將岩岩切好的三文魚俾左佢！嘩！唔駛排隊架？？我話我要三文魚架喎，個師傅當咩事都無發生過，切過另一碟俾我，望都無望過我，一句唔好意思都無講過……酒店魚生師傅服務態度竟是如此？咩酒店質素…… 劣！5. 雪糕有dreyers 和雀巢杯裝，味道有vanila, choc

數天前，收到了好友ady whatapps ，說今星期會托朋友帶長腳蟹給我，我本人都算是十分愛吃蟹，期待了數天，結果因為沒時間落空了，心癢癢了一個早上，決定放學去止一止咳。上openrice查看了，等別出色的都別想當天能夠訂位，查看之後最終選了在柏景餐廳，發覺有個夏日海鮮薈有多種美食，但去到的時候，神秘地失了蹤。去到的時候，我便即場問有什麼優惠，那個服務態度很好的知客，告訴了只有信用卡有優惠，沒說openrice的折頭，如要享受便要print出優惠卷來，但可能感覺到我是精明消費者，最終也給了我。第一次來，環境不錯，但感覺食物款式不多，我也沒要求的，基本上有蠔，長腳蟹，海斑。。。我就沒問題的。當晚海鮮種類不多，刺身亦只有3大款，沒有斑沒有蠔，不過有不停供應的長腳蟹，都可以說值回票價。先黎長腳蟹加面包蟹，面包蟹最好味是蟹蓋因為多膏，但只出了一轉，便再也看不到，可能是老闆怕客人膽固醇過高。再黎也是長腳蟹，以不停供應的標準，也有80分的亦是長腳蟹，太美味了燉湯感覺都足料，沒欺場三文魚我要求要腩位，師夫說沒問題，吃落是一塊連一塊，刀工不夠好，而且有渣。比目魚加忌廉汁，簡空失敗中失敗，雪藏魚顯得更

23.4.2012友人提議請我吃自助餐作為我的生日飯. 深知道近年物價通漲, 三至四星級酒店的自助晚餐最起碼每位要三百多至四百多元. 因此我就捉緊這個機會, 運用Sino Club的會員生日優惠---會員在生日月份免費吃一次自助餐, 但要帶同最少一位成人去吃自助餐. 此優惠實在令同行的朋友節省荷包, 也可以減低要朋友花費太多金錢的罪疚感. 這個四月是以法式食品作為主題, 但我們覺得又不是太多特別的法式東西吃. 友人說, 是什麼主題也好, 這一餐仍是要吃的. 當我在訂位時, 已經說明會用Sino Club的生日優惠, 所以當我們入座後不久, 他們的當值經理就逐一去每一檯拿會員証和身份証核對身份. 環顧四周, 竟然有不少也是用這個生日優惠的, 想不到原來這個Sino Club也很受歡迎喎.講返這個自助餐, 雖然沒有生蠔, 但海鮮也有不少:半殼青口, 黑貝青口, 凍蝦, 雪腳蟹和翡翠螺都是不停refill的. 不過由於要戒口, 所以我只吃了半殼青口和黑貝青口. 前者的size比較細, 無什麼味. 後者的size算是大件, 且肉質嫩滑. 由於貝殼類都比較難消化, 所以我只吃了兩打黑貝青口. (

獲邀出席試食會, 好開心!!! 翻新後第一次o黎, 真係有WoW一聲嘅感覺!!! 同以前完全唔同晒!!! 開放式大廚房, 簡潔明亮嘅環境, 寬闊嘅通道, 行得好舒服, 舒服到唔想返埋位, 哈哈哈哈...法式海鮮拼盤--WoW... 好靚呀!!! 我覺得藍貝青口最好味, 好濃嘅青口味!!! 青口同雪花蟹腳都好鮮甜!!! 瀨尿蝦同蟹腳遮住咗嘅大頭蝦都OK...鮮鮭魚他他 Tartare de saumon frais--平時三文魚刺身就食得多, 三文魚他他真係第一次食!!! 用湯匙裝住, 除咗靚咗同High Class咗之外, 仲可以食得好有儀態, 哦呵呵呵... 切成粒狀嘅三文魚, 加埋香草同橄欖油一齊食, 好好味, 又香又滑, Good!!!芝士焗波菜蓉伴帶子 Coquilles St. Jacques au Gratin a la Florentine--今晚嘅另一個至愛!!! 帶子好彈牙, 波菜蓉好好味, 上枱時仲勁熱, 好正!!!法國香草包糠焗羊架 Rack of Lamb "Provencale" Style--法國普羅旺斯Style?!! 我對普羅旺斯嘅認識, 就只限於薰衣草

即做意粉普普通通啦, 係個汁做得唔夠味, 係呢種自助餐即做意粉通病嚟嘅熱薰主菜有西冷牛肉 & 燒羊架 : 西冷牛肉要等啱時間出去攞, 因為頭尾通常全熟,只適合一少眾品味獨特的食友, 我們係大眾嘅口味所以要等佢切至中間那段才去拿!燒羊架就無所謂啦, 哪一件都是差不多, 熱盤之中嘅炆牛舌也做得口感剛剛好, 其實還有很多選擇只係前頭嘅前菜食得比較多, 再能吃的熱薰不多了, 亦有試過些少點心只是普通貨色無甚特別,蛋糕甜品應該有的都有了, 但Hoagen-Dazs 當日送了一款新口味- 流心法式燉蛋….OMG甜到無朋友呀,重要係一個正常SIZE喎,全晚最難食係呢個-送嘅贈品!蛋糕大部份都是大路貨色, 不過由於攞返得宜, 睇落色彩斑斕已經過關啦.,

由於通漲壓力, 去食自助餐嘅次数已大不如前, 雖然本來已經不多熱衷於自助餐文化, 現在更加少, 動輒五百一位計, 吃的份量又遠遠追不上, 無謂白白浪費的心態顯而易見, 但一眾餐廳也有奇招突出以招攬更加唔同層面的客人, 我們便是其中之一群, 自從這餐廳裝修過後都沒有幫襯過, 而適逢”開飯”方面有看似頗優惠嘅折扣, 於是乎便相約太座一試, 本來沒抱什麼期望, 因為以現在三百多元嘅價位, 攞到的都是不怎麼精彩嘅貨色, 由於係早入場的關係,今次係睇晒原樣, 真的可以用”琳瑯滿目”去形容, 沙律& 泠盤(海鮮/ 肉腸類) – 自助沙律選擇不多, 反而撈好嘅沙律有四款之多, 而這四款還不時換成一些不同款式, 海鮮泠盤以某種加拿大嘅蟹同鱈場腳蟹爪為主, Canadain Dunguness蟹嘅蟹羔很飽滿一個人只能吃半個蟹蓋, 而通常這種來路蟹係ready made嘅貨色, 蟹肉嘅鮮味在烚,雪藏,解凍過程中已經流失了大部份, 所以吃到的只是一堆蟹肉嘅纖維, 反而通常最多最普通嘅烚蝦美味彈牙,其餘的青口, 翡翠螺, 瀨尿蝦就一般般囉, 凍肉方面有凍肝件, 火腿蜜瓜另一個這裡比較搶眼的是: 壽司吧枱, 好

因為朋友仔生日,可以用優惠, WAIVE左一個人的價錢, 所以BOOK左吃這裡,三個人吃,俾2份錢JA食物的選擇很多元化,壽司,刺生,青口,長腳蟹,熱盤,冷盤,沙拉,湯,芝士,甜品,雪糕的種類真的很多,不過, 質素就真的一般了...最好的竟然是湯,很入味,用炓很足,夠火侯...而且,可樂,SPRITE,雪糕係可以一CAN一CAN, 一杯一杯取的....而我最愛的刺生,選擇不多,質素普通, 梳乎厘,冇味, 長腳蟹很咸....反而,炒雪糕不俗,如果想食多款食品,唔太在意質素既,可以一試!!!想要質素好一點既, 仲有很多其他CHOICE