果然冰室 (香港仔大道) (已結業)

👍🏻麻油花雕雞湯麵 (包嘢飲) $59湯底係台式藥膳雞湯，咸咸地藥材味夠香濃😛雞卷肉質好嫩滑，皮夠薄帶少少麻油香，雞肉入味，無骨啖啖肉正呀🤤！冬菇厚肉，炆得入味腍身，好食😋連啲龍眼肉、紅棗同杞子都好入味，食埋🤣個麵係稻庭烏冬，質地彈牙浸係熱湯中食到尾都仲係咁煙韌🤩👍🏻不過整體花雕酒味都唔太突出，藥膳味比較濃郁😆味道：9/10性價比：8/10-📍#果然冰室香港仔香港仔大道198-200號地舖

好食有質素，下午茶時段唔洗等位，餐牌亦多左好多輕食選擇，同時又有咖喱。今次試左吞拿魚厚多士配糖心蛋，份量十足，仲有生菜🥬配埋。好多吞拿魚醬係重點，好滿足，啖啖都有肉食。沙律醬就覺得多左少少，但都好味既。

難得入到香港仔，搵間黃店食個靚lunch。一直都有聽過lets jam嘅大名，但多次經過尖沙咀同西貢店都無位，今次唔洗等，直入！( .ˬ.)"；蕃茄牛肋條飯 $49好驚喜！牛好腍！好入味！好香！蕃茄汁濃郁，仲有蘿蔔，撈飯一流，（個飯極大）包食飽。；全日早餐 $79話明let’s jam咁就要試下啲jam。偷咗朋友一細啖厚多士，嗯，香脆鬆軟，果醬食到果肉而且富有果香，唔係死甜。🍑

原來一起果醬喺香港仔有分店架 今次試咗佢哋嘅姊妹店 果然冰室☺️跟一起果醬一樣 舖面都係湖水綠色 不過呢間感覺似係走平民路線 -睇menu見到有個抵抗疫情沖喜套餐🤣食物選擇幾多 價錢又幾抵😉下午茶時段仲每個餐減$10 不過唔知而家仲有冇呢個menu🤔如果大家想試佢哋signature嘅果醬 可以叫ADB或者果醬紅茶/梳打講緊ADB $80有找 去邊度搵🤪-🐟日式鰻魚滑蛋蓋飯 $68六十幾蚊嚟講 呢個饅魚size都滿意😙鰻魚食落同平時嗰啲差唔多 唔會話價錢平啲 質素都差埋 而且鰻魚汁淋到成個飯都係 一啲都唔手軟😆滑蛋份量好多 又唔會煮得太老😋-🍝溫泉蛋卡邦尼意粉 $58卡邦尼意粉相對就失色咗少少🧐食落味道較淡 而且意粉份量較少 屋企人本身唔大食 食完都唔係幾夠飽🤔見佢哋有latte提供 就嗌咗杯試下 飲落都比較淡味 冇咩咖啡香☕️ -總括呢個價位嚟講 食物質素唔錯 係飲品方面仍需努力 可能而家已經有進步😝如果大家去開香港仔 都推介你哋試下

昨晚 下榻 黃竹坑 雅格酒店 距離 香港仔中心 不遠 離開酒店後 便到 果然冰室 試試 店家有名的 手工 英式鬆餅 配 自家製果醬 🍓🍓每天下午 2:30pm 後 才有售 熱烘烘的 好鬆化 加上鮮奶油 果醬 如天堂般 美味 三件餅配 一款果醬 口味獨特 多款選擇 可額外加錢 要多款 我點了 玉桂蘋果 菠蘿蛋黃醬 🍎🍎 🍍🍍 果醬含果肉粒 不會太甜 口感一流 好味道 😋😋我曾經 吃過很多 五星酒店 的鬆餅 都比不上這小店 🧈🧈店家還有 很多種類 食品 由西餐到 港式茶餐廳 日式 台式都有 堪稱多國菜 有些更是他們家 獨創的 🤩🤩食材高質 用心制作 熟客也不是少數的 值得推介 ⭐⭐⭐⭐⭐

今朝約咗幾個朋友食早餐。我哋好搞笑，每個人都不約而同咁叫咗個沙嗲牛肉公仔麵餐！我揀咗轉米粉（唔需要加錢）、炒蛋多士（加$2）同熱奶茶餐。奶茶一般般，茶味比較淡。沙嗲牛肉米粉都唔錯，牛肉份量多，肉質鬆軟，米粉唔會太腍。多士就好麻麻，因為烘得唔夠脆，而且牛油太少。朋友食牛油方包反而話幾好味，麵包新鮮。喺香港仔咁多間餐廳嚟講，果然冰室算係最闊落，令人坐得最舒服嘅鋪頭。食完之後唔使滾水淥腳，仲可以同朋友傾一陣間計先走。朋友話果然嘅下午茶好抵食，仲大力推薦炸雞脾。下次有機會我都要試吓先🍗

果然冰室係 Let's Jam 嘅分支，啱啱開嗰陣走西餐廳路線，menu 有心機菜，後嚟可能唔係好切合社區需要，所以就轉咗走較平民化路線，好抵食。我叫咗個日式吉列豬扒咖哩飯，由於之前喺 Let's Jam 飲過杯用果醬沖，超香超好飲嘅玫瑰蘋果茶，所以今次專登加錢將餐飲轉做玫瑰蘋果果醬梳打。咖哩飯份量足，豬扒炸得好脆，上枱時非常高溫，要攤一段時間先放得入口😂，味道正常，肉質就稍為結實咗少少。咖哩汁較為稀身，不過咖哩味都算濃，入面嘅薯仔同紅蘿蔔又腍又入味，好食👍。至於杯梳打，可能因為係凍飲，玫瑰香氣大為減少，杯入面嘅冰塊亦令味道變得有啲淡，同期望有少許落差😐。下次緊緊緊記要叫熱嘅果醬茶😅。

中午的香港仔搵食好大競爭，周圍都好快無位，分秒必爭⋯要有位又平靚正就數果然冰室，佢坐位算多，上菜快食得快。餐牌款式不多，但大部分人都會叫日式咖哩配搭魚豬雞。今次食大大塊熱辣辣魚柳，新鮮即炸，吉列粉又唔會好厚，加埋微甜咖哩配飯，好飽肚。醉雞全係雞髀肉無骨，仲有配菜冬菇，湯底清甜有紅棗龍眼等等，烏冬亦係彈牙的😌午餐跟埋餐茶，快捷方便適合打工人士

不知道大家有沒有吃過尖沙咀的 Let's Jam 一起果醬?最近發現香港仔有分店，但食物類型有些不同。店名是 - 果然冰室 ~ 午市來吃都有不少選擇我點了午餐E ~ 麻油花雕雞湯麵 ($59)說是"湯麵"還以為真的是麵，來到發現是烏冬來 ...湯底則有點像是藥膳湯那種，有紅棗和杞子。雞肉頗嫩身，不過花雕味不濃～偏麻油味多一點。另外還有超厚肉的冬菇呢同事點的午餐A ~ 蒜香腐乳雞肉意粉 ($49)腐乳味頗濃，但略嫌鹹了些就是囉午餐跟茶 / 咖啡或是日餐湯湯是忌廉蘑菇湯，都幾大一碗！

今日放工食下午茶，在香港仔必食這間有型有質素冰室光猛環境、舒適座位、服務不錯，這是我的印象下午茶餐都幾多款，有意粉、飯、豬手、咖喱、全日早餐、特餐等等，更有抗疫優惠：（減$10）下午茶餐：和風牛肉飯餐（配湯/飲品），抵食又份量足果然是良心小店❤️羅宋湯：自家煲，唔咸好夠味，足料（紅蘿蔔、洋蔥、西芹、雜菜），又入味又香辣，好正又推介（和風牛肉飯）：大大碗好多牛肉，醬汁唔多，牛肉足料，配有小流心蛋及紫菜碎，配了香蔥粒及芝麻，唔錯！飯的軟硬度適中，質素高這個價錢好抵喔！支持支持

今日嚟到香港仔搵嘢食，經過呢間果然冰室，決定入嚟試一試！果然冰室其實係西貢一起果醬老細們開既冰室，去過一起果醬既都會對佢地既果醬念念不忘，就同大家試一試啦❗️❗️叫左個all day breakfast，$78 好抵食，炒菇好入味，而平時all day breakfast 個配角多士都因為果醬而變成主角，大大大推薦👍🏻👍🏻白酒汁出色，又多蟹肉，好多層次，好食👍🏻👍🏻👍🏻黎到一起果醬，我最愛既係佢果醬梳打，起初驚佢怪怪地，但出奇地好飲，果醬香濃係梳打入面令佢昇華👍🏻👍🏻呢個木瓜雪耳鮮奶都好飲😍😍最後梗係要叫個果醬番屋企食，足料👍🏻👍🏻一定要買❗️❗️

今次第二次嚟香港仔，見到呢間黃店當然要幫襯下叫外賣啦！午市套餐好抵食仲有餐湯飲添！白酒汁蟹肉蘆筍意粉$58- 蟹肉份量唔少，意粉熱辣辣，口感彈牙，仲有好多菜食，健康之選！白酒汁口味偏淡，適合鍾意少鹽少糖人士，推介！番茄燴牛肋條飯$58- 好足料嘅蕃茄燴牛肋條，蕃茄茸非常新鮮同埋份量好多，牛肋條夠爽口，唔會肉質乾同鞋。蕃茄汁送飯一流！和風牛肉飯$48- 牛肉飯相對地比較普通，不過鍾意食肥牛嘅話都可以試吓。

呢間唔係誇張，係十萬個真心性價比高！一心諗住隨便叫個外賣填下肚，本身食野既地方比較偏僻，附近會送外賣既餐廳又唔多，係foodpanda揀左呢間諗住叫啲普通飯麵啦，價錢好平民冇期待啲咩，叫完就開電視睇住Viutv等外賣。準時係預實既時間就電話響，外賣到lu，一打開見到啲外賣盒已經有少少驚喜，pack得好靚仔完全冇冰室feel，打開再驚喜多次！賣相太靚忍唔住相機食先，個魯肉飯係我最最最鍾意，幾乎係一路食一路心心眼🤣🤣🤣推薦呢個同alldaybreakfast呀！

星期日下午茶時間見到唔洗排隊就梗係試下啦入到黎岩岩好有位坐低左哥哥就比左呢個餐牌我地呢個抵抗疫情沖喜套餐真係好抵食呀下午茶仲每個套餐減$10🤙🏻🤙🏻我地叫左特餐既沙嗲牛肉麵同埋日式咖喱香草雞扒飯個雞扒唔會炸到乾爭爭，呢個餐只需要45蚊，$28就食到一個沙嗲牛肉麵加炒蛋多士🤙🏻🤙🏻個炒蛋好食 夠滑同夠香個多士都烘得好食，唔會太硬夾埋個炒蛋一齊食好食😋整體來講性價比真係好高座位亦都坐得舒服😌

又係一間lunch之選，今叫左一個all day breakfast！因為多士可配冰室自家製果jam~份量都幾大，可能係肉多，女仔有機會食唔曬~但我幾欣賞佢d果jam，唔會太甜又有果味。