板神鉄板燒日本料理 (The Hennessy) (已結業)

之前係觀塘食過一次，一知道係灣仔都開左就急不及待想食多次，感覺呢間環境更高級，仲有靚靚海景，正啊！同同事一人叫左一個鐵板Set$1080加一，有十道菜，睇翻食材黎講價錢合理！前菜&季節沙律兩者係一齊上，店員仲會細心介紹，有煙三文魚沙律、溫室番茄、鮟鱇魚肝同枝豆，個人最中意溫室番茄，真係好甜！之後店員會介紹今日嘅食材，好新鮮仲識郁，急不及待想食個龍蝦！雖然我哋同鐵板有啲距離，但其實佢哋都好歡迎我哋行前去睇。師傅炒野嘅手勢非常純熟，好俐落，見佢一下就切咗個龍蝦頭，話陣間會用嚟煮湯，唔會浪費。D蝦膏就用嚟炒個龍蝦肉，成件事好吸引，亦會配啲季節蔬菜，擺盤又有心思，重點係好食呀！白鱈魚剪得好靚，完全唔會散，味道有啲似西京燒，比我想像中滑，又香。A5和牛薄燒，我哋揀咗五成熟，個牛嘅花紋好靚，相對脂肪比例高，但亦都因為咁入口即溶，入邊包左啲炸蒜同聰，好夾，齒頰留香。之後仲用咗啲牛肉黎炒咗個飯，基本上食到呢part已經勁飽，但都因為味道太好而食晒。之後就係剛才個龍蝦頭嘅麵豉湯，入邊仲有少少龍蝦肉，而且令到個湯增添左鮮味，又係飲晒。最後有個超濃嘅牛奶布甸做結尾，我哋兩個都食得好滿意，而且不得不提店員會是

前天到這裡用午餐，食物質素非常好，如同置身於日本用餐，海鮮新鮮，牛肉入口即溶，可是，服務員態度很是一般，欠缺誠懇，由於價格不菲，若店員能持有對客人更親切的服務態度，必會有更多人光顧！

又到紀念日，次次都係西餐/日本野，朋友介紹左呢間鐵板燒，仲話有海景睇，性價比高！我哋每人叫左個最平既鐵板燒，如果大家budget 多d可以叫貴d,貴d當然食材更高級，如果另一半唔想食燒嘢，其實佢可以叫鍋物或者Omakase，呢間餐廳都有提供。前菜係日本溫室蕃茄同枝豆，睇外表好似平平無奇，但真係特別甜又特別爽口，而鮟鱇魚肝都幾特別，無內臓味，反而酸酸甜甜，好開胃！而季節沙律就係煙三文魚，都唔錯！食完就睇師傅表演，佢會先俾啲食材我哋睇，隻龍蝦仲係活生生，好新鮮呀，望住師傅好純熟咁去煎啲食物，唔知點解覺得好療癒，而且同我地隔左少少距離，唔怕比油彈到！不得不讚每道食物嘅擺盤都好有心思好靚，會配一啲蔬菜，見到師傅用啲龍蝦蝦頭嘅膏黎炒龍蝦肉，遠遠都聞到香味，雖然每人只係食半隻，但原來份量都幾多，啖啖肉，大滿足！而白鱈魚煎到兩面金黃，小小脆，再配埋季節蔬菜，色香味俱全啊，估唔到煎魚都可以咁滑。A5和牛薄燒未煮前已經見到啲牛雪花分布得好靚，我哋揀咗五成熟，入邊捲左啲炸蒜片同蔥，成件事好香口，但又唔會油膩，用塊麵包托住，一方面可以吸油，另一方面亦都可以夾住麵包食，有種高級三文治嘅感覺。之後有個牛肉炒飯，

很久沒有吃過如此出色的鐵板燒，這一家真心激讚，可以一吃再吃。師傅做菜的時候超級細心，看着是一種娛樂也是一種藝術。前菜是沙律和茄子，沙律菜超級新鮮爽脆。茄子配上酸酸的醬汁，份外醒胃。先來一下鐵板燒龍蝦，本人認為龍蝦最好吃的做法就是鐵板燒，份外能夠帶出龍蝦🦞的鮮味和彈牙。 醬汁和擺盤亦是一絕。然後是鐵板燒銀雪魚，外皮煎得脆脆的，裏面軟軟綿綿，靈魂已經走出九霄雲外。還有這個薄燒和牛。 連麵豉湯亦是龍蝦麵豉湯，極盡奢華。每人只$1000 多點， 高質值回票價。

食過這間的鐵板燒不錯，但今日想食一人套餐火鍋，服務員就介紹這個套餐給我，有牛肉、海鮮和蔬菜🥬（送澳洲鮑魚一隻）前菜蔬菜嫩嫩綠綠，色澤新鮮，加入煙三文魚及醬汁，清新開胃👍澳洲鮑魚鮑魚新鮮厚肉，食落鮮甜爽口，煙煙韌韌👍大蝦🍤蝦肉有手掌般長，色澤紅潤新鮮，咬落啖啖肉😋北海道帶子好大粒又厚肉，鮮甜無比，咬開入面好多汁，不用沾上任何醬汁已經好好味😋松葉蟹棒蟹棒肉質鮮甜美味，每一口都飽滿滑嫩美國牛肉牛味香濃，油脂分脂平均，肉質鮮嫩無比，厚薄適中👍野菜盛蔬菜種類款式多，而且非常新鮮又健康😋甜品甜品亦做得很出色😋

我地叫左個鐵板燒set1. 前菜有三文魚沙律同一個魚仔嘅小食 魚仔個碟個擺盤好靚 淨係用黎打卡都夠哂 味道都好好味 幾開胃2.海鮮 （龍蝦 帶子）好新鮮啲食材 仲要師傅係你面前處理再去燒 真係好睇又好食 3. A5和牛(厚燒 薄燒）厚燒係就咁點下啲醬食 薄燒就包埋啲炸蒜同蔥 兩款各有特色 真係好香好正 好好食 史上最好食嘅牛啊4. 炒飯 & 湯炒飯撈埋頭先啲牛粒一齊炒 好惹味 而個湯就用埋頭先龍蝦頭去煲 真係物盡其用 食得唔好嘥 不過比較重麵豉湯味5. 甜品布甸正常味道 生日可加50蚊要多個千層蛋糕 會有埋蠟燭慶生Overall 推介指數：4/5價錢就幾貴嘅 所以預番食完成個月要捱杯麵 不過啲staff 服務好好 利申太肚痛 而男女廁都淨係得一格 女廁又full左 個staff唯有幫我看門口 俾我去男廁解決 真係唔該晒佢😂

好耐冇食過鐵板燒，鐵板燒煮嘅嘢好似都特別好食 😋 第一次食板神，食物質素好高，師傅對每樣嘢食都好講究，而且好細心😍每一樣都會講解，應該點咩醬，點樣食法👻由第一道去到最尾嗰道，都好好食～帶子、赤貝、鱈魚都好好食 😋 最驚喜係龍蝦，煎完拆晒肉擺上碟，師傅會特別用龍蝦糕煮返個龍蝦汁，再淋上龍蝦，第一啖好食到傻😱麵豉湯用龍蝦頭去煲，略嫌麵豉味比較重，飲唔到龍蝦味🤣師傅最後仲煎左有丹麥藍罐曲奇味嘅麵包，真係好似㗎！性價比高，又坐得舒服😻

好開心老友升職請食飯，之前睇過關於板神嘅介紹，有我最鍾意嘅鐵板燒，仲有超靚景😍，所以就揀咗去灣仔板神食晚餐。睇下餐牌有套餐，亦可以單點，連壽司剌身都有，但今晚一心一意食鐵板燒，一人前套餐有和牛，有龍蝦，唔駛諗，直接一人一set啦😋環境好好，今晚被安排坐私隱度高嘅梳化位，有好靚嘅夜景。服務亦非常好，上每碟菜都會詳細介紹，好留心我哋有咩需要。講返食物，本身好鍾意食龍蝦🦞同和牛，兩樣都係鐵板燒必食之選。呢隻龍蝦好新鮮，燒得剛好，薄燒和牛亦可以食出廚師功夫，份量真係多，但話咁快俾我食晒。唔好以為只有龍蝦同和牛兩個重點，原來白鱈魚先係驚喜，熟嘅程度剛剛好，外皮香脆，魚肉嫩滑，鋪上金薄，好貴氣呀！由前菜沙律，到龍蝦🦞、白鱈魚、和牛薄燒都非常滿意，再飲埋龍蝦頭煮嘅麵豉湯（味道偏淡）十個滿足，炒飯好食但真係食唔晒，相信男士食呢個餐都會好飽🤨一千蚊一位，雖然唔係平，但環境，服務同食物都好高分，我會再嚟，當然有人請就更好啦！希望老友快啲再升職，yeah!!

疫情下生活工作壓力大，除咗放假去staycation 之外，同朋友去間有格調嘅餐廳食飯放鬆，都係減壓嘅好方法！今晚同朋友兩個人去灣仔「板神鉄板燒」撐枱腳。餐廳位置尚算便利，灣仔地鐵站A3 出口，行五分鐘到Hennessy大廈，輕鬆搭𨋢上30/F就到。 餐廳環境非常舒適，空間感十足，座位亦寬敞。我哋各自揀咗一人前套餐，即使係一人前，食物嘅款式都非常多。除咗一般前菜、沙律之外，仲有和牛、鱈魚、龍蝦⋯非常期待！等咗一陣，前菜同沙律先上。無論器皿、食物擺位都十分精緻，味道方面比較清新開胃，特別和式三文魚沙律，酸酸甜甜，好味！隨之上場嘅係白鱈魚。有金箔加持嘅白鱈魚，肉質彈牙，感覺新鮮又矜貴！至於龍蝦，肉質鮮嫩，配合特別醬汁，鮮味更見提升！來到重頭戲：A5和牛薄燒! 香噴噴和牛圈住香葱花，啖啖焦香，入口即化；再食埋伴碟嘅鮮甜車厘茄同粟米芯，非常滿足。食完和牛後，店員就呈熱辣辣龍蝦麵豉湯！鮮甜解膩之選！套餐甜品係奶凍，雖然細細杯，但奶味十足，100分飯後小甜點！

生日週嘅第二炮，我阿妹請我食板神食鐵板午餐！一入到去環境係好舒適！開揚景，雖然比較細咗啲但係如果係一小撮朋友一齊都可以。我哋一行六人所以就喺一間細貴賓房。午餐好抵食海鮮或者牛嘅鐵板套餐都係三百多！海鮮餐裏面有活生生嘅鮑魚、超大隻嘅虎蝦、澳洲和牛都好香口！最抵讚嘅係佢鐵板燒嘅鱈魚係外脆內軟！鐵板廚師好用心問清楚我哋每個人食唔食蔥蒜同埋口味嘅要求！亦都分男士女士嘅份量唔一樣。仲有特別為我媽咪，見佢老人家，將牛扒切得比較細粒！見到佢好用心！讚！超級好味嘅估唔到係最後嘅炒飯，每一粒都係好分明，雖然已經好飽，但係都最後食晒一大碗！反而有一樣野唔係幾好就係可能佢太多客人，所以點菜嘅時候比較催促一啲，同埋到到最後佢哋趕住落場都係叫我哋快啲走！呢方面就稍為有啲欠缺！但係食物方面嘅水準真係好好！食午餐就真係比較抵食！但我阿妹話要提前一個月之前訂枱！

恭喜板神鉄板燒日本料理(灣仔店) @godofteppanyaki 正式開張呢間新店喺灣子大廈嘅三十樓 可以飽覽晒維多利亞港嘅景色或者可以欣賞住師傅嘅廚藝表演 享受以木系為主打造嘅環境除咗個啱曬上去打卡之外 喺灣仔難得搵到間價錢親民嘅餐廳約埋三五知己屋企人 喺呢個地方鐵板燒聚會真係超好嘅選擇-特選鉄板焼ランチヤットSpecial Teppanyaki Lunch Set特選套餐-先付けAppetizer 前菜サラダSalad沙律-車海老、牛肉Prawn, Beef大蝦、牛肉好大隻蝦 蝦肉爽口彈牙～燒得好入味 真係想再Encore！-帆立貝、銀だら、フランス產フォアグラ (1品お選び)Scallop, Silver Cod, Foie Gras (Select 1)帶子、銀鱈魚、法國鵝肝 (選一)叫咗我最愛食嘅鵝肝～油香十足 食落口感細膩！配搭印咗板神字樣嘅多士～中和咗鵝肝帶嚟嘅油膩感！-旬の野菜Seasonal Vegetables季節野菜-U.S. Beef美國牛肉薄焼Sliced Beef薄燒 ($340)牛肉中 包住蔥花同蒜片 食落口感嫩滑～油脂分佈得好平均 值得一讚 強烈推薦！

同老公拍拖，緊係要食好西！今次去咗灣仔嘅⭐板神⭐！裝潢充滿和風高雅，地方寬闊喺門口有一個區域，有幾張舒適嘅梳化凳畀你坐喺度等候右手邊有卡位嘅區域， 鐵板燒嘅位置稍為遠一啲但可以遠眺維多利亞港嘅景色裏面仲有一間小包廂，而左邊就係兩間大型嘅包廂今晚我去嘅就係左邊最大嘅包廂，私隱度十足景色係灣仔嘅城市山景，入面仲有一個梳化會客嘅位置可以相約六至八位一朋友一齊包房！當晚我哋係坐喺鐵板燒吧檯嘅右手邊雖然唔係正宗嘅位置都能夠飽覽鐵板燒師傅嘅烹調而且仲有充分嘅交流一黎前菜係煙三文魚沙律同埋薯仔沙律配小圓茄子小圓茄仔幾有驚喜，係清新嘅配搭之後就拎咗成碟今晚我哋食嘅食材畀我哋睇龍蝦好大隻，非常生猛紮紮跳喺鐵板之上仍然見到佢喺度郁，搞到我都有啲唔好意思食佢 不過佢真係好鮮甜，爽彈！而個汁係龍蝦嘅膏加啲蝦嘅汁，！同個龍蝦肉非常之夾！之後就燒咗啲嘢菜畀我哋喺中間隔一隔 之後就到白鱈魚，雖然唔係非常之厚但係煎完出嚟係面脆內軟！唔係咁魚嘅我都忍唔住食曬～最後係A5和牛薄燒，油花均勻，非常juicy，入口溶化入面包住香蔥同埋炸蒜片！ 感覺冇咁肥膩放喺印有板神二字嘅麵包上面，格外肥美！一問之下原來個麵包係畀我哋打卡用

網上見到新開，好像不錯，就去試試，真的沒有選錯。我們點了特選套餐，有前菜丶沙律丶大假丶牛肉（可選薄燒或厚燒，或可加錢轉和牛...），還有帶子丶鵝肝或銀雪魚，三選一，最後有炒菜丶炒飯丶麵豉湯丶甜品或咖啡（可參考以下相片），廚師最後還做了一件鐵板多士給我們，如果有雪糕伴上就perfect 了😁。今天吃了一頓很滿足的生日午餐，基本上我們對這間餐廳的食物丶服務和環境也很滿意，值得再去，也值得推介給大家。

網上見到介紹哩間鐵板燒好似唔錯，所以諗住試下新野，順道慶祝埋我既生日。Book 左下午時間去食，但我地早到左，於是就去洗手間先，甘我出番黎見我朋友不在店外，於是就問前台staff我朋友（我有提及book 枱人既名字）係咪入左去啦？（因為我地一去到已同reception 講我地訂左枱既）所以個staff 係認得我地，同埋當時只得我同我朋友喺出面ga jar~點知⋯果個前台staff 態度麻麻甘回應我，未夠鐘未入得去，但其實佢安排左我朋友入內坐低講真，未入去食已經有d 唔開心都算啦！入到去坐低，我地被安排坐左喺一間4人位置既房仔度，本身都無咩問題，一個廚師serve 4個客，即兩pair 客人，但廚師整好野食後，明顯比較多同我隔離果兩位食客講解要用咩醬料去配佢地既食物，都比較少理會我地哩邊既客人，真心講，大家叫既餐一樣，俾既錢一樣，同埋價錢唔係特別相宜，但服務認真麻麻！再加上和牛其實味道不太特別，反而係蝦比較好食d!所以試過一次就算啦！因為哩個價錢可以食到更好既美食同埋可以享受到更好既服務質素！

睇到推介有平、靚、正食物，點可以錯過。即刻约朋友食番過午餐先。打電話訂枱……fully book，唔理waiting都殺，皇天不負有心人，終於有位。當日準時出現，一坐低即点推介的套餐，因為想試多些食物，朋友與我一個選薄燒牛，一個選厚燒牛，厚燒真係口感好好，相對地薄燒差少少。其中一款食材三選一，我哋揀選咗鹅肝和銀鱈魚。整体食物都好鮮味，唯一失色一些是大蝦不夠熱，但好彩食材新鲜彌補不足之處，還有靚景，侍應服務有禮貌。