松記糖水店 (已搬遷) 新店位置

響佐敦食緊飯, 肥仔的外甥call肥仔要食糖水消夜。松記仲係佐敦時, 我俾佢門口d fusion糖水名嚇親, 所以一次都冇幫襯過, 今次為左肥仔外甥, 好啦, 一於由佐敦走到油麻地。肥仔要了芒西撈, 拍得住御品喎佢話, 用好多芒果整作, 有豐富的芒果汁和芒果茸。我要了花生糊, 超滑, 唔太甜, 味道剛剛好。家姐要了芝麻湯圓, 好糯好滑好好味, 係d糖水辣左d, 因為家姐一向唔食辣。慳家的家姐聽到糖水只賣$10一碗, 頻說好抵。當大良八記賣緊十幾蚊一碗, 又唔多好食時, 松記真係好抵。

我最鍾意食\"幻彩明珠\"好多生果~<br />食完真係好消暑...夏天食最正!<br />我都同意搬左舖之後遠左好多!<br />唔太就腳~~

星期四同gf黎食甜品~六寶湯圓- 有紅豆, 綠茶包奶黄, 紫米包奶黄, 芝麻, 另名兩個唔記得了, $15 only, 我特別like包奶黄果兩款, 好鬼香, 下次要黎食多次only奶黄的~芒果琉璃- 一碗野裡面有芒果, 同埋用一粒粒琉璃, 加入芒果汁同花奶食. 琉璃比西米大粒, 脆口的, gf好奇問店員, 原來係果凍做的! 係叫做得意囉, 不過食食下味覺上覺得好悶, 好淡口...我麻麻地但gf好似好鐘意咁...份量都好足, 價錢又ok, service又唔錯, 阿姐們好親切, 梗有下次!

18/10/2005同朋友去完順德公(衛理道)大快朵頤之後, 本來諗住去許留山, 但係唔知佢搬0左定執0左, 搵唔到, 見搭車落返0黎時路過松記(其實後來都係搵唔到, 好在記得花花花提過話佢搬0左, 多謝花花花指路), 一於齊齊去試下.個餐牌好多選擇, 左睇右睇, 樣樣想試, 最後都係揀0左芒果琉璃, 大家咁0岩係5個人, 又要0左一碗有5粒0既綠茶奶王湯圓試下.先講綠茶奶王湯圓, 綠色0既皮, 黃色0既餡, 賣相吸引, 食落有清清淡淡0既綠茶香, 唔甜, 0岩晒我. 不過我覺得個皮可以再煙韌d, d奶王幾滑, 可惜唔夠香.芒果琉璃好特別, 一大碗好似西米0既野, 但係食落又好爽, (似係大菜糕做, 但諗唔到佢點整成一粒粒)有d似食泰國碌柚0既感覺, 口感好得意! 不過d芒果唔夠甜, 可能因為唔當造啦. 食完咁大碗甜品真係好飽, 10幾廿蚊咁大碗, 我覺得真係幾抵!

什果水晶涼粉($18)(阿姐介紹) 水晶，似大菜糕，似椰果，不爽不香，完全無味。總括來講一碗淡口非常。水晶，食到胃痛。

芝麻薑汁撞鮮奶(熱) ($15)，一匙一片，一片一片的吃，很得意，薑味十足，其他味道就欠奉。

雲石豆腐花($9)雲石豆腐花，糖水，味道清甜，芝麻豆腐花味淡很滑，不需10秒，整碗已滑下了喉嚨。

幻彩明珠($15)幻彩明珠，什果加上小西米，使整碗充滿生果味，加上涼粉的另一種香滑、大西米的煙韌，味道一流，口感更加一流。

記得來過兩次,已經是冬天的時候...這裡地方細小,門口總是有很多人在等位,但往往很快便輪候到.我們食過什麼糖水已經忘記了,只記這兒得價錢平,選擇多,去得過.P.S.重記得上一次去,有個小朋友嘔吐,全店臭氣沖天,我們急急腳走人,當晚我們更好開心的在一起.

今晚經過這間糖水舖, 好多人食, 於是我都去試.叫一個蘆薈馬蹄露, 很多料, 正! 另外my bf order一個幻彩明珠, 平靚正, only $15, so cheap.We must go again................

食左一樣叫琉璃0既野，有d似西米，都幾好食。d芒果好正。d friend叫左一個summer，主要係雪糕，同好多雜果，都好似幾好食。20蚊大大杯。

糖水都算大碗, 湯丸一定要食, 唔係好甜但係好滑幾多人等, 位亦幾迫

....還以為自己老人痴呆...明明係呢個舖位嘛....原來已搬左去吳松街21號(過埋永安先到), 都係打1083搵番總店個電話先問到~事原係身體不適而且冰凍非常, 回家途中想飲飲薑湯暖胃, 咁o岩o係附近, 咁就過黎食湯丸喇~點了5色湯丸(6色湯丸好像都推出了), 有3粒個皮係原味既, 餡分別係芝麻, 麻蓉及奶黃, 另外2粒是用紫米及綠茶做外皮, 內餡都是奶黃~第一口先飲薑湯, 味道剛好, 不太辣口~ 而湯丸味道都不錯, 當中以麻蓉味最香口, 但皮及餡均不夠軟熟, 個人認為一口咬下湯丸時, 餡會流出來才好, 是那種帶點流沙的感覺....可能煮的時間不夠吧~ 記得有次冬天來食湯丸, 味道比這次好多了~薑湯對我來說是靈丹妙藥, 喝罷身體已回暖~後記︰感謝男友陪我一起搵番間松記~ 橫風橫雨, 我都知自己比較麻煩~ 搵唔番間舖係唔會罷休^^ 多謝~

千山萬水行左成條吳松街先搵到松記, 一早都預左係佢坐得迫迫個d, 但都無估到咁迫, 叫左個幻彩明珠$15, 一個什果刨冰$20幻彩明珠見佢個個都叫, 又咁多人讚, 但其實都係咁, 我發覺而家甜品店的主打的甜品通常都係大雜燴, 呢次都唔例外, 佢地呢個係有硫璃(好爽口又好QQ, 不過無味的), 黑珍珠, 西米露加涼粉, 加上一大堆生果同一pat杧果汁, 其實真係無咩特別, 只不過呢度賣$15係平同埋大碗抵食咁囉, 但係咪真係咁好食, 我又無一個好strong的感覺另一個刨冰就幾冰涼, 但其實都只不過係將幻彩明珠的水果同杧果汁搬過去刨冰上, 機本上差不多. 不過解渴好多同埋都係好大碟!!坐得真係好唔舒服, 又迫又窄, 重衰過b仔, 個店主又成日打開道門, 街上的熱氣湧晒入店內, 我諗我唔會再黎..........

凍既甜品雖然正呀~!不過就唔夠甜~!如果可以再甜D~!或者再凍D~!咁就very good la~!