東莞佬粥店

營業中

休息中

今日去完圖書館之後，個肚已經開始打鼓，但係我望下個錶，而家只不過係11點幾，唔係咁快就走去食lunch掛?!所以我見經過東莞佬咪去叫碗粥食住頂下肚先，跟住點幾兩點的時候先再食多少少野!!!我今次食個碗係柴魚花生粥($9)，我未食已經覺得有飽的感覺，因為佢碗粥真係幾大碗下，所以食量少的人同人share會好d，而且又唔會浪費!!可能我今日早左來食，而且咁"arm"又係閑日，所以東莞佬唔算好多人，亦唔使等位(有時係度食lunch會好多人，要等位)，阿姐同我落先order之後，唔使3分鐘，碗粥已經送到我面前。唔係講笑，佢真係好快就比左碗粥我，仲係熱辣辣架tim，very good!!講番碗粥先，今次d柴魚比我上次食的多，而且味道亦冇咩點變，都幾好食。值得一提既係佢煮d粥真係好綿，又唔會話稀，"arm"晒我d口味!!一定再有下次!!!

北上會友前到上水市政大廈二樓醫一醫嗰肚，然後繼續上路。坐低要咗碗菜乾粥($9)、蝦米腸($6)及盅頭排骨飯($11)。菜乾粥熱辣辣好好味，好多菜乾同排骨，因天氣熱食熱騰騰嘅粥，經已滿頭大汗，啲汗滴落粥裏頭增加咗咸味，假如冷天食就好得多啦！蝦米腸粉係即叫即做，所以特別軟滑新鮮，正啊！盅頭排骨飯好多餸同好味，重有咸酸菜加添，都係一個啱嘅選擇。今餐可以講又平又正，真係能夠滿足個人之兩個要求。

很抵吃的一間粥店也很能夠飽肚很早開門 做早餐就最適合有個套餐$15(很抵)任何一種粥+炒面/腸粉/油炸鬼+豆漿/五花茶炸兩也很不錯食物味道方面;本人較喜歡碎牛粥牛肉不會太熟而變梅而且粥本身滾的時間掌握得很好所以粥的口感很綿ps:外賣拎走的炒面用一個飯裝滿哂大大盒抵買(幾蚊咋)

我同同事黎食lunch，都唔係第一次lu!~豬紅粥+炒米 ($15)︰d 粥ok，但個炒米真係不值得一提... 雖然我唔係要求咁平有d乜野特別，但佢真係冇味過一碗白粥~ 仲有只有米粉 + 幾條芽菜~ 冇豉油去炒~皮蛋瘦肉粥($9)︰呢個夠多皮蛋，我鐘意到爆喇！d肉都好滑，ok！炸兩($9)︰佢同出面唔同，用既係蝦米腸包住，可以再脆d我食左都有d 口渴，不過咁平，都ok咁喇~

零九年二月下旬早餐趕起半篇食評已到雞鳴時份，懵著眼趕搭279X北上，跳下車附近是石湖墟街市，看看錶還未夠鐘，來吃碗粥吧，就衝著東莞佬粥店而來。上回吃不到甜粥，心有今不甘，甫坐下已問靚姐有無蔗粥，無就轉陣吃麵，轉個頭靚姐已送來碗橙紅粥，拿起相機，又問是記者乎？心想，記者應該無咁神心咁最打躉吧．．．？咪睇少此甜到漏的粥品，湯底是甜到底的蔗甜，加上桂圓、紅蘿蔔，這樣的由清晨開始煲，幾甜且清潤，精采！米亦煲至糜爛，而眉豆是主要的澱粉補充劑，甜到死的糖分加上澱粉質，熱量足夠消耗上半天了！吃不完要打包，當坊間收一元用的是發泡膠盒，這裡收五角用的卻是微波爐外賣盒，真的不能少看店主用心，見微知著是間好店子。後記：北上順德時，那邊的人都是甜嘴兒，一碗燉奶甜度比得上新德里半打炸煉奶，這碗東莞竹粥也真的夠地道！

12月27日，13;10朝聖前(北區花鳥展覽)先到這裡開餐。要了港內獨有的竹蔗粥和蝦米腸竹蔗粥：百份百是名不虛傳，一字記之甜。竹蔗之甜、黃豆之甜、圓肉之甜、羅漢果之甜、甘筍之甜；全都是古早的甜味。真的相逢恨晚。蝦米腸粉：即拉腸粉，幼滑細緻，蝦米鹹香，超水準之作。同檯的長者在吃豬紅粥，嫌豬紅太少，伙計二話不說，送上一小碗淨紅。這個熟食中心的伙計，普遍都和客人打成一片，在市區少見。

近日天氣突然轉冷，自己又為食唔肯戒口，所以感冒始終未完全康復，近兩天都去了東莞佬食啖粥清一清腸胃，前天吃了十五元的菜乾猪骨粥拼蝦米腸套餐，菜乾粥其實用了很多猪肉煲，所以碗内不會找到大大條猪骨，東莞佬的粥很大碗，所以食這個作為午餐足夠飽肚，蝦米腸只有很少蝦米，不過以咁低嘅價錢實在不能要求太高。昨天則散叫了一碗魚片肉丸粥及一碟炸両，肉丸看來是自家人手打的，人口有冬菜及猪肉的鲜味，不似有些平價粥店吃到的無味肉丸，像在一粒塑膠丸，以十三元可以吃到一碗鲜肉煑的生滚粥，實在超抵食了。 炸両也只是收九蚊一碟，但份量比平常吃到的差不多一倍，連同桌的客人都問我這碟炸两要多少錢，當知道不愈十元時也有點意外。某名食家都講過一間成功的食店，最重要是有自家的特式，東莞佬能夠吸引OPENRICE的食道中人山長水遠入來上水來幫襯，主要不是因為它平宜，而是它比普通粥店提供一些較有特式的食品，例如它的竹蔗茅根粥、菜乾猪骨粥等，而且又能夠用一個相宜的價錢做到。 誰說食平嘢就冇好嘢食！

竹庶矛根粥真係其他地方冇既....清甜特別, 唔駛下下食肉不過好快賣曬, 所以想食就要趁早了另外試左豬肝腸粉, $15好大碟, 即叫即做, 豬肝剛剛熟, 好滑見隔離食排骨飯, $12一盅, 排骨另上, 跟一堆菜, 好抵食呢

之前食過一次外賣，今次堂食所以寫低佢.....呢度最出名的是竹庶矛根粥，因為唔係好多地方有，一於整碗試下先，坐低不夠三分鐘便送上，以為是庶粥便是青綠色....但原來是啡紅色的....細看之下發覺有很多料呢....有紅蘿蔔、花生、果皮、龍眼肉、同埋庶肉.....花生煲到好冧.....基本上所有材料都係....所以入口即溶....而且感覺清甜....似糖水多啲....但又有粥的飽肚感覺....值得一試! 而其他的平價粥仲有柴魚花生粥同菜乾粥都好多人叫....不過我們沒有試.....$9一碗去邊度搵....仲有要推介蝦米腸....它不是現在一般食到的那些圓圓條狀的腸粉...而是扁扁的...只有從前的大排擋才有的風味....更加有嚼勁....更有懷舊風味

病左呀!!! 捱左兩日架喇...但係都唔掂，昨晚做埋少少野就早走，返左上水求醫今朝起身食藥，工作方面既最高領導人要求我 fax 張 醫生紙返去..... okok，我唯有照辦啦~ fax後，又係時候食返d野補充一下....病人食咩好﹖﹖食粥啦~ 上水最好食既粥，「東莞佬」，又係時候黎幫襯你喇~上午11時15分左右到達熟食檔呢一層，人流較少，唯獨是「東莞佬」張張檯都有客果真幾受上水既居民愛戴~ 這是我第一次堂食 因為今次想試下佢即時拉起的「豬潤腸粉」。除此之外‵，仲食左﹕肉丸+粉腸粥﹕粥底一如以往的「正」~ 肉丸及腸粉的數量也不少，pass 有餘~ 仲係一大碗售 $ 15，咁既價錢，係其他地方，邊可能食到呢兩款餸既粥呀﹖﹖普通既「皮蛋瘦肉」都要廿幾啦~豬潤腸粉﹕一上來，真係有d嚇倒...咁大碟既﹖﹖ $ 13 ﹖﹖有3條擠滿左豬潤既腸粉，而且是大大條的...真係好抵呀!!! 腸粉皮夠滑，d 腸粉豉油都好好味~但...d豬潤睇落好似蒸得過左火少少，但d豬潤都唔韌及唔嚡既~食食下見發現原來而家有套餐供應架~ $ 15 大元既套餐，可揀﹕豬紅粥 / 碎牛粥 / 魷魚粥 / 艇仔粥

不知為何，今天來街市食粥的同學特別多，難道是看完阿蘇介紹粥，大家都想來一碗嗎？人很多，我與同行的同學仔兩人被分配到遠處的一邊，心思思想到正在媽媽金香吃芝士蝦伊麵，又看看面前的餐牌，也不知道叫甚麼好。同學很爽快地要了肉片粥和叉燒腸。想點套餐又怕吃不完，單點的粥品又要十三元的才有心宜之選。九元一碗的又不想再叫菜乾粥，不吃肉臟的我更不會叫豬血和艇仔船。幸好寫單的阿姐很好耐性，被我這樣左問右問了一大堆，一點也沒有生氣。最後要投降的我點了一碗白粥，不用煩。五元一配，比其他粥的大小細了點，而且粥很稀，比上次林記的還要差，而且一點米的香甜也嚐不到。自行加了點鹽，加了點胡椒粉，總算是入得了口。同學的肉粥一來，更是一個大對比，粥底綿而帶有膠質狀，相反我的吃了不到一半就出水，米粒還有點兒少得可憐。真的是同一間店的粥嗎？失望呀！不過叉燒腸還是不錯的，腸粉滑身不會一夾就斷。內裡的叉燒不少，而且都不是肥叉，正合我的意。叉燒味道可以，也不會太乾身，十元一碟，比上水某些酒樓來得好。同班有幾個同學則在林記光顧，還說林記的腸粉好吃一點呢！有機會去試試。

係旺角食肉丸粥就要到「妹記」﹔係上水就要搵「東莞佬」呢度既肉丸粥d肉丸超好味，這是我在上水食肉丸粥必選之地其實，「東莞佬」既粥底好靚，夠綿，夠滑 所以，佢地既粥品真可令人回味無窮 除了粥品外，佢地既炒麵、米、河都好好好抵食 以前未通漲時，$ 5一盒炒粉，一盒滿+滿+滿...多到嚇死你 真係好好好抵食架!!而家加左少少價啦，不過份量就無變~ 另外，佢地既即拉腸粉都唔錯架~ 夠哂滑 食碗兩餸粥，加碟腸粉，廿元有找，仲想點呀???

最近很熱氣 於是中午lunch和媽媽去了街市~ 而我就去了吃麵而我就來了吃粥~本想單叫一碗粥 因為跟餐會太多~ 但是看到別人的靚靚腸粉又很吸引 於是叫了餐~在店前十五十六了很久 才決定要茅根粥 + 腸粉 + 五花茶~ 雖然老闆在催 但都是笑笑口的因為媽媽在別一邊吃麵 所以我就拿了餐過去麵檔那邊吃 他們也不介意^^菜乾粥 - 同樣是綠色 但原來"筆"錯了粥 變成了菜粥~ 幸好粥夠綿~ 有不少小方型的肉和啖啖菜乾~ 用來下火也不錯~腸粉 - 雖然份量不多 比上水粥店的少 但這裡的卻是蝦米腸~ 腸粉的油份充足所以滑身~不過我還是喜歡少油一點的好(健康為重嘛XD)豆漿 - 又是大大的一杯 同上次的花茶一樣 太甜~ 可惜不能少糖~但冷冷的 不錯~最後過去還碗的時候和阿姐講老闆筆錯了 她笑笑口說和老闆講 點知真的同老闆講~老闆聽完還講笑問要不要現在來一碗茅根粥?! 我笑說飽了 不用了~阿姐就話我太靚 老闆比我電暈左~ 哈哈哈

話說想吃這裡的蔗粥，但來了幾次，總是陰差陽錯的錯過了。是日放假一天，一心想去吃一吃平曰總是吃不到的地方，第一站，來了這裡。 星期一的十時來到，小店也跟舊的多人，看見還有蔗粥，放心了，就要了碗。粥不杰身，呈暗綠色，相當對辦。吃一口，是清甜的味道，材料很豐富，計有眉豆、紅蘿蔔、圓肉等，也有陳皮的香味，很不錯。晨早吃了這個蔗粥，混身舒泰，無比受用。 9蚊一碗，不要說車費，比較起專誠來吃的決心，與及所花的時間，這九塊錢也真的是微不足道。 有時是這樣的，就是這個簡單又直接的味道，就吸引我山長水遠的來吃。又其實食友還推介附近的英記，說那裡的生滾粥很不錯，但行來行去，遍尋不獲。不知何解，每次來這個石湖墟的熟食中心，總是帶著一點遺憾離開的，唯有查清楚再來 。

這家粥店位於熟食中心, 來過幾次都是惠顧" 農家" 或泰國菜. 因為想吃的蔗粥老早售罄, 通常 12點後都會碰釘的. 是日能一嚐心願, 全因是要北上工作之故.未到 10時, 沒想到這裡是人頭湧湧, 其中以長者最多. 主婦多數是外賣回家. 伙計都是手不停的. 先問問亞姐是否有蔗粥供應才坐下, 免得要尷尬離場. 細心看看餐牌, 早上還有粥餐供應, $15 有粥有腸粉 /炒麵, 份量更是不少, 很經濟. 但蔗粥一碗已很大了, 有待下次多個人share才行. 蔗粥真材實料, 味道如媽媽自家製的, 很親切. 元肉, 花生, 紅蘿蔔, 竹蔗, ...清清甜甜.同時另見白糖糕出爐, 追加一件 ($4). 亞姐細心地切開小件以便進食. 糕身富彈性又帶鬆軟, 入口不會有酸味, 配這個甜粥最好不過.