東海堂 (港鐵粉嶺站)

營業中

休息中

「蓮花」八號風球將來臨，因此有機會早點離開回家，難得一家人齊聚，而我又好想試試東海堂最新的抹茶系列，就打算蛋糕回家作甜品。想食就要做好準備，在公司已致電預留蛋糕，免得撲空。幸好濃厚。宇治抹茶之皇冠有2種size，4人選細版 $138就剛好。下次的目標應是抹茶芝士杯及這個王將。宇治抹茶之皇冠 $138整個蛋糕擠上抹茶花紋忌廉，還有金箔在中央，更添名貴。蛋糕質地頗軟，很容易切開享用。有抹茶忌廉、抹茶海棉蛋糕、紅豆、抹茶啫喱。濃郁抹茶忌廉質地很滑，跟海棉蛋糕、紅豆、啫喱整體很夾，嚐多麼得抹茶甜品，第一次覺得紅豆跟今次的抹茶味道相當配襯，因為平日的紅豆質地多數很腍身不太喜歡。雖然整個蛋糕以抹茶忌廉包圍著，不過一點都不甜不膩，家人也喜歡，吃後有種抹茶回甘的味道，朋友一點都沒介紹錯！

其實平時我間唔中就好鍾意買件cheese cake食，今次我就買左一件芒果味，一件特濃朱古力味既試下。我本身以為d芒果會好酸，點知食落好甜，一d都唔酸，唔知係咪有落糖水/糖漿啦!但中間d cream我覺得多少少會好d ，食落個口感都會好d。特濃朱古力味真係超好食，d朱古力味同d cheese好夾，而且d cheese都好夠軟身，唔會太硬，味道亦夠濃，真係值個一試!店員既服務都好好，環境亦夠乾淨!

咁岩呢幾日有個朋友生日，但佢又唔係好食cake既，所以就係東海堂買左兩件cake象徵式咁同佢慶祝下。買左一件cookie&cream味既，另一件就係藍莓味。2件比較起上黎，個人覺得cookie&cream味好食d，入面好多朱古力曲奇好足料，而且食落好夠滑，夠軟身。另外藍莓味既都好好食，唯一要挑剔既就係面頭d喱，有少少硬，應該係雪得太耐，或者係魚膠粉落得太多，大致上都好好。店員服務態度都好好，好有笑容!

第一次去東海堂買呢d單件嘅甜品睇佢粉紅色幾靚咁就買左雖然$18蚊都好貴下 不過又唔係日日買就無所謂啦番到屋企搣開塊膠膜已經聞到陣士多啤梨味好香淡淡嘅士多啤梨味無論食落聞落都唔漏而且d士多啤梨一啲都唔酸係要讚嘅👍👍

花畑 木糠芝士蛋糕 $20hanabatake crumble cheese cake身為芝士迷又點可以抵受得著引誘呢😻😻😁面頭好似木糠布丁咁鋪滿左焗過既餅碎😁中間係raclette cheece同cream cheese整成 芝味濃濃仲不時食到啲硬粒添😆 一啲都唔溜一啖接一啖😆唯一係食既時候啲木糠碎會跌落黎有啲煩🙈 餵食妹都係抱住唔好哂精神不埋碟淨低既碎👉👈😂😇買成個蛋糕(198)既話仲可以用 美味之滴 姐係用dropper唧黑蜜/焦糖/藍莓醬 三隻味任你揀😀 挽味十足ha

每次經過東海堂都很開心, 因為她的西餅甜品越做越美, 很吸睛, 先前試過濃厚宇治抹茶卷, 好味到癲!! 今次見到顏色搭配得美美的紫薯玄米茶卷, 不得不買來試試. 順道買件綠茶撻回家與家人分享. 又紫又綠, 很能滿足視覺~~紫薯玄米茶卷那幾點紫色平均地分佈在玄米茶忌廉中, 比起一般塗在海棉蛋糕邊的來得特別, 顏色對比強烈, 很有浪漫詩意, 靚!茶卷由朱古力杏仁海綿蛋糕、玄米茶忌廉、紫薯忌廉組成, 玄米茶的香味先聲奪人! 外層的海綿蛋糕朱古力味不重、幼滑的玄米茶忌廉含有極微細的玄米碎粒, 咬下有點沙沙的, 預料之內, 玄米茶的味濃嗅起來比吃下去的強, 配合比例不算多的香濃的紫薯忌廉, 整件卷蛋得到的味道是很平衡, 沒有互相搶味道.綠茶撻的賣相當然不夠卷蛋搶眼, 不過綠茶甜品通常都不會失手. 但…為何綠茶忌廉與撻之間有白色的凝固物呢??把撻分開一半是有驚喜的. 有栗子、栗子蓉、蛋白忌廉、海綿蛋糕藏在內, 撻是適當的脆, 我不喜歡那些一切下就脆得粉碎或硬得切不開, 幸好這個不是. 今次是配角勝主角, 綠茶忌廉不夠幼滑兼有點硬, 看來是不夠新鮮吧!

2014年最後一日，能提早下班就打算買東海堂宇治抹茶卷 $128，有張$50餅卡可以平少少 （用餅卡就是以 $138 來算）。除黑色外盒幾型格外，內更附有2包乾冰，設計貼心。顏色極之吸引，望著已開始吞口水，上面還有些深色的圖案。大約分到4-6件。鬆軟的蛋糕與忌廉比例剛好，確實好香濃綠茶味道但不會苦。味道相當好，不過定價較高，加上綠茶卷只可購買整卷，沒有件裝買。所以我未必再捨得花錢再食。

很久開始便對綠茶製品有好感, 偶而也會買些來品嚐,  自從上年首次到韓國旅行、嚐到美味綠茶食品及飲品後, 回港更加倍留意有關綠茶食品的食肆.  東海堂的麵包都是我每天上班的首選, 而蛋糕當然也很吸引我.  今次的濃厚宇治抹茶卷真是我的大愛啊~~只有一條裝, 大概可切到6件.  所以人多一起食就最好.  綠茶海綿蛋糕很鬆軟, 不鞋口.  最令我驚喜的是綠茶忌廉內雖沒有太多空氣, 但打得滑身, 咬下去像是吃軟雪糕般, 綠茶的苦澀味剛好.  真是吃了一口沒法停子那種!!!  可惜沒有伴裝售賣, 下次想食, 又要找多些人一起分享.  另一件都是卷旦, 但相對地較遜色.  沖繩黑糖栗子卷, 海綿蛋糕都是鬆軟的, 但我弄不清到底那一部份用了黑糖、那一部份用栗子, 因為白色忌廉是甜甜的, 但不太像栗子味, 若果栗子只存在於卷蛋外層作裝飾...那就有點取巧, 比例亦太少.  然而, 與綠茶卷的忌廉相比, 這件的白色忌廉的空氣感較強, 即咬下去很輕~  各有不同口感.  她, 不是不好吃, 只是味道上抓不住重點.....

因為胎水多，所以被提早收監，被困醫院期間，撞正結婚兩周年，當然無得出外慶祝啦，老公特登買啲甜品黎，等我苦悶中都有一點甜。一向都很留意「東海堂」的甜點，貪其較日式而價錢不算太高昂嘛。而且我和老公都頗喜歡「小嶋陽菜」，所以特別支持「東海堂」。兩杯外型日式靚靚甜品。不過我係醫院內，唔係好知佢地叫咩名？上網又唔係好搵到，所以只能靠自己作^_^栗子慕斯煎茶奶凍面層是糖漬栗子，栗子忌廉和紅豆黑糖啫喱，內層分別是栗子慕斯，煎茶奶凍和清蛋糕。很喜歡糖漬栗子有咬感不會軟淋淋，淋「patpat」，黑糖啫喱我覺得偏淡，感覺沒什麼味道，但當將它與香甜紅豆栗子忌廉一齊吃，就會夾得不錯。內層栗子慕斯與煎茶奶凍，一甜一清，互相輝映，若可加多少少清蛋糕部份我會更加喜歡，因始終覺得慕斯會較甜，如有多點清蛋糕會中和一下會更好。宇治抺茶紅豆杯（網上找到名字了^_^）面層有忌廉，紅豆，黃豆粉丸子及糯米小丸子，內層是抺茶慕斯及抺茶啫喱。這個大部份都是抺茶味，雖然我愛抺茶，但未免太多了。始終太多抺茶感覺有點腥，特別是抺茶啫喱部份真的有點苦，配上抺茶慕斯的甜，相對地與抺茶啫喱互補不足，同樣如果加入清蛋糕的話，我會較喜歡。面層的黃豆

今日同事調職前最後半日上班，所以老細叫我買西餅歡送他，一大早到火車站，我都驚啲餅店未有西餅(另一間已問了未送貨 ），我再去呢間搏下，見雪櫃款式雖然唔多，只有3款捲蛋，好在都夠我要嘅15件，店員好好主動同我講雪櫃仲有兩款（我無問佢，以為只有三款），我叫佢盡量多啲款式，佢執好包做一盒！色彩繽紛好靚，我見到好窩心有紙碟連膠叉套裝（仲有卡通款式）好細心！因為我唔使再去超市買！ 歡送會好簡單，但大家可以一齊食件餅都好開心！我揀了件：「竹炭芝麻卷」黑色捲蛋好特別，而且非常鬆軟，而上面有芝麻忌廉，好香芝麻味，中間忌廉好滑，仲有兩粒彈牙啫喱！整體好夾好味道！之後仲試了「芒果卷」（好罪惡 ）黃色蛋捲好鬆軟，芒果片唔夠厚，主題唔突出，中間忌廉好多（明顯比竹炭卷多！）相比下中間芒果肉唔夠大粒！比較失色！似係一個普通捲蛋！唔係芒果為主題嘅話，味道係好味的！

同事調識，請食餅！仲要係東海堂靚餅！我揀咗個士多啤梨撻！賣相紅白好靚！四粒士多啤梨又大粒又新鮮！酸酸甜甜！上面一團忌廉好滑！撻內有忌廉蛋糕！鬆軟滑溜！撻皮鬆脆！要好小朋心食！唔係散到一地都係！仲有其他好多款式！今次試咗一款先！

經過東海堂見到它推出多款果撻，就買了四款跟男友家人分享。我買到的分別是草莓吉士撻、芒果吉士撻、栗子吉士撻跟藍莓吉士撻，每款撻都配以吉士醬及牛油撻底，味道的分別決定於上面的果醬或水果。我選的是芒果吉士撻，芒果味道算是ok甜，沒有酸味，但配以吉士醬及牛油撻底，味道沒有很配，而且牛油撻底很易碎，吃得有點狼狽。我男友選了栗子吉士撻，撻上佈滿了栗子蓉，再加上原顆栗子，味道還好，雖然美心跟東海堂是同集團，但男友還是較喜歡美心的栗子撻。其他的我沒有問他們的意見，但賣相是不錯的。只是賣$18一件撻，真的有點小貴。

好鍾意菠蘿..所以揀左東海堂 (Arome Bakery)沖繩の菠浪..成個蛋糕內餡酸甜度適中..拉上補下的感覺..都算中和到一個鮮甜程度..亦有好夏天清新感覺..蛋糕部份好鬆軟..菠蘿MOUSSE亦算幼滑..於最頂層圓型菠蘿鮮甜..眼看好像有燒過一樣..不過最面裝飾那幾片鮮菠蘿確實有點酸>~<著實令蛋糕突然減分..我自己都有整蛋糕既習慣..我一定要試過生果係甜的..我先會用來做蛋糕..萬一真的一定要用較酸的生果..我都會考慮加配另一帶甜的材料配合一起..令味覺可中和..我才會使用酸生果..因為我好覺得整出黎比人食的一定要好味..不能只係好睇就算..今次東海堂 (Arome Bakery)既'沖繩の菠浪'蛋糕..面層裝飾菠蘿太酸..呢款試一次就算..唔會考慮再買..因為我介意好睇唔好食..特別加許負責東海堂facebook的同事..事緣東海堂正為此系列蛋糕進行遊戲..但必須要用購買單據登記..當晚職員忘了給我們收據..我於東海堂facebook留言..第二天即有同事跟進..good..以客為先的態度..我最buy~下次再買另一款再試先^^

近年的十月份，已成了家中最重要的月份，原因是兩位囝囝都是在同一個月份出世，蛋糕往往要訂兩個，但太多了，又吃不完，結果是早午晚餐，總有一件件預先切好的蛋糕伴隨左右。慶幸今年再沒這個問題，東海堂推出了「cake little系列」，以「濃、萌、香」的新口味迎接秋天的來臨。看看MENU，共有五款新口味，包括沖繩海鹽焦糖、清酒栗子、雜莓芝士慕絲、北海道芝士及五重の朱古力共五款，賣相清雅亮麗，有點不知從那一款開始入手。經兩兄弟商議後，再由本人拍板，在反對聲中，非常民主地，決定要了清酒栗子，而不是雜莓芝士慕絲；畢竟太太跟我同樣喜愛栗子蛋糕啊！哈哈！一件直徑約五吋的蛋糕，小巧精緻，一家四口在飯後慢慢品嚐恰到好處；蛋糕面舖了整整一層波浪形的栗子蓉，混和了清酒後的栗子，多了一份淡淡的酒香，但並不強烈，軟綿香滑的口感，在口腔內徘徊，非常討好；剖開一看，Mousse跟栗子蓉比例分明，絕無偷工減料，而只不過售$98，相當合理。要知道份量太多，便要留待下次食，風味跟口感，甚至乎氣氛都不同了，何不餐餐清來得新鮮？而今次邀來AKB48的小嶋陽菜作代言人，凡以原價購買任何一款cake little系列，可獲贈小嶋陽菜

今年生日試新蛋糕睇落好細個, 但原來係好重身架~上面d芒果切成一個個cube, 件件都好甜!!! 份量都好多跟住下面有一層薄薄既cream, 白雪雪好滑, 接住係一層薄薄既海綿蛋糕再下面就係cheese cake, texture軟軟地, 好重cheese味但唔肥膩, 最底係消化餅底~我地3個人食左3/5個, 因為驚肥店員仲祝我生日快樂我希望一家人身體健康, 我心想事成!