東喜茶 (已結業)

自從喺大陸飲過芝士茶後一直念念不忘，男友人發現香港開左分店當然要試試，其實唔知呢間同喜茶有咩分別，淨係知好貴，10幾蚊人仔嘅野呢度賣成35蚊一杯，直頭係成餐飯，飲落都唔差嘅，有水準，奶蓋夠咸味，抹茶底味道都唔錯。

本身唔諗住買嚟飲，等位食飯時又俾我見到呢間舖頭喎。佢係有唔少特色啲嘅茶，我呢就揀咗桂花烏龍，然後配芝士奶蓋係必然嘅。芝士奶蓋有全脂同低脂嘅選擇，不過飲得芝士奶蓋就唔好顧忌肥唔肥呢個問題啦。利申我有喺大陸飲過喜茶，好自然會攞咗嚟比較。茶本身擁有桂花嘅香氣，另外奶蓋嘅面頭灑咗少少抹茶粉，為賣相加添咗少少分。但芝士奶蓋嘅芝士味唔夠濃烈，同埋唔夠厚身，主打產品未做到最好係有少許失色。除咗紅茶、綠茶等等，佢仲有多款時令水果茶，裡面係有生果架，都可以俾多次機會佢下次試下嘅。

閒逛旺角波鞋街時，不經意發現此店，由於是喜茶的鐵粉，因此膽粗粗走上前問一下是不是喜茶香港區特許經營店，但店員是不是，東喜茶是香港的店鋪，與喜茶無關，本想直接轉頭離去，因看見menu 也$40 多元一杯，相比起其他台式飲品店貴接近一倍，但反正都來到店面，就試試吧。店員都很細心解釋那種飲料女生會比較適合，最後我點了一杯芝士果莓$48，大大的一杯很夠份量，喝下果味十足，而且很新鮮，有驚喜，我覺得比喜茶更木喝，水果配芝士味道很新穎。除了價錢確實比較貴外，並無挑剔的地方。下次經過會再支持一下吧～～

最近好hit 飲芝士奶蓋茶，開完一間又一間。呢日經過旺角一間飲品店，爆滿人，原來就係東喜茶！貪新鮮嘅我當然唔執輸，試返杯芝士桂花烏龍茶$35店員會問你飲過未，教埋你第一啖45度咁飲。（示範圖）：入口芝士奶蓋非常香，芝士味好突出，配烏龍茶好夾，芝士奶蓋好似綿花糖咁輕身軟綿綿，入口順滑，據聞奶蓋係用芝士打成，同一般用奶粉開嘅奶蓋好大分別（試過飲過有間有粉粒..）。 超好味呀！！！！！！忍唔住第二日又再過黎飲多杯無限循環

諗返起呢單野都好笑，我同朋友仔諗住去搵茶湯會飲，行咗幾條街，兜來兜去，我先發現佢搬舖，仲要裝緊修，咁啱我地係嗰度嘅對面見到呢間野，所以我地就去睇睇同埋試下。朋友都算係一個識食嘅人，同我講一定要試下佢嘅芝士乜乜，因為出名個芝士蓋好濃，佢有個限定期間嘅紅色火龍果嘅芝士火火，我梗係唔執輸試下~ 店員勁細心問我地兩個有冇飲過，我地話無，佢又即刻教我地多一次，要先飲個芝士表層，飲到咁上下就會飲到啲果汁，然後再搖勻佢，就會飲到mix埋一齊嘅味道。首先個芝士表層真係好濃郁嘅芝士味，少少咸咸地~ 而果汁亦有好多火龍果肉，勁多佢嘅果肉纖維同火龍果籽~ 雖然成四十幾蚊，但係我都覺得物有所值~ 杯野飲好RICH~ 大家諗下，過咗咁耐，我都仲記得個店員係點樣咁親切咁serve 我，你就知道一家店舖請人真好重要~ 加上杯野飲又好飲，所以我決定寫呢篇食評。

友人曾問及我，你有喝過東喜茶嗎？她說，她一個好友在旺角上班，每天都得來點上一杯。這天剛好經過的時候店面無人在等待，變點上了一杯一試。店員有禮貌，也會介紹新產品，態度良好。芝士火火 $42是我的錯覺嗎？感覺外帶飲料店真的越開越貴。雖然說用的應該是真材實料，不像以前比較多的是artificial flavors，但這個價錢買一杯喝的，也有那麼多人捧場，那應該是絕對不錯喝的。賣相一流，芝士的味道也真的蠻濃郁的，可是再配上下面質感厚厚的火龍果，我覺得是太厚重、太膩了。我還是比較喜歡奶蓋搭配普通的茶，那種清新crossover奶蓋才是我心儀的。感覺水果茶可能會更好喝？有機會不用排隊再試一下吧！順帶一提，拿飲料的時候人有點多，排隊的人擋住拿飲料的人，如果這方面指示更清晰會更好吧！

之前去過深圳既喜茶，佢既芝士奶蓋好出名，次次都會飲，今次見到旺角開左間，以為係喜茶，因為個menu都一樣，但d人話係翻板🤔叫左杯芝士奶蓋四季春茶，同深圳既喜茶味道差唔多既，不過就要$34，都幾貴，加多少少錢已經可以飲Starbucks呢到既奶蓋都比喜茶少，試一次就夠啦

因為有學生優惠（8折）嘅關係，所以都黎買過幾次野飲。其實佢定價仲係比附近嘅飲品店高成$10到，折完都接近$30。.附近都有間而家排晒長龍嘅奶蓋，但再黎飲嘅原因係芝士奶蓋真係好香濃同好厚！第一次黎嗌左期間限定嘅芝士哈哈，係配哈密瓜～好大杯～芝士同哈密瓜味一般夾～覺得甜左啲第二次嗌桂花烏龍（全脂）以為桂花係會甜😂其實唔係。鳥龍味唔係太甘，但清淡啲，配芝士奶蓋一流！因為奶蓋都幾重口味，建議唔好揀太甜嘅野飲。.之後再試靜岡抹茶抺茶好甜同好粉🙈好快濟。最推介烏龍茶，遲啲有機會會試果茶～

近期盛行芝士奶蓋，開左好多類似既店舖，淨係旺角都有幾間，今次行過就試下東喜茶。有幾款茶類、混合茶、水果茶、純茶同埋季節性水果。鐘意佢芝士奶蓋可以揀全脂/低脂，感覺冇咁有罪惡感低脂桂花烏龍$35--價錢相對其他貴左啲，但芝味都濃郁。雖然叫左低脂，但芝士味都好濃，同一啲都唔慳皮，厚厚一層奶蓋，桂花烏龍茶味都好香。不過飲完都幾飽下。學生仲有9折優惠。

已經在內地試過數次「喜茶」, 芝士奶蓋做得出神入化, 加上強勢的marketing, 引來一陣陣大長龍打卡潮。上網翻查了官網證實香港無分店, 咁呢間個logo有90%相似, 而店名只差一隻字嘅「東喜茶」究竟係何方神聖呢?位置於旺角鬧市不太起眼的地方。星期六下午三點左右大約就有十個八個人在門口, 有幾個排緊隊落單等拎嘢飲,有D人就響度睇下諗下。我就決定要一試芝士奶蓋, 咁先比較到高低嘅!揀左杯芝士哈哈 (低脂): 哈哈就係哈密瓜, 配芝士奶蓋。比朋友嘅芝士火火(火龍果), 右邊杯芝士哈哈嘅芝士奶蓋份量明顯多一大截, 唔知係唔係知我鍾意而加料? 反而想試試用返正宗45度角飲, 會唔會影響到一半芝士奶蓋一半茶嘅完美入口份量。測試結果係冇影響, 都係會飲到一口同時有芝士奶蓋混合哈密瓜果汁兩種不同質感的配搭!芝士奶蓋都係好creamy厚身, 哈密瓜果汁幾清新仲帶有少少哈密瓜渣, 唔係水咁淡。對於有好嘢食/飲嘅吃貨們而言, 有口福的話, 其實唔理咩版本都可以成為大滿足! 

網上見到好多人吹捧呢間飲品店，經過就買黎試下，旺角咁多飲品店，呢間裝修幾靚，但係做外賣，飲品質素先係重點。天氣轉涼對沙冰類嘅一系列芝士奶蓋冇興趣，叫了一杯水果茶，去台灣旅行時，飲過“一芳”的水果茶驚為天人，一直希望係香港搵到類似。夜晚九點幾，買的人唔算多，但都需要等十分鐘多d呢杯水果茶水果分量好多，裝滿成個杯，有橙，蘋果，青檸，百香果，仲有好大塊西瓜，但成杯都好淡冇味，只有茶澀味，冇茶香味。店員貼心送埋叉用黎食水果，但水果都一樣係冇味嘅，感覺似係浸左好耐嘅detox水，仲係翻用渣果種，$42，真係非常唔值得。

第一次見到芝士火火已經俾佢個顏色吸引。但係知道咗佢係由芝士加火龍果沙冰之後真係唔夠膽試。話說有日試咗佢個水果茶之後，就在心思思想試吓其他嘢。再加上而家芝士奶蓋係非常流行所以一於湊下熱鬧。第一啖飲落去好厚，有少少鹹芝士味，好濃烈嘅泡泡，有啲唔習慣。但係再飲多啲之後底層嘅火龍果汁混和了芝士一起非常好飲，火龍果汁味道不錯。但是若不告訴我是火龍果做的我飲不出來。另外希望可以研發一些可以給小朋友喝的飲品，因為現時大部份也是茶類及冷飲的所以不適合小孩喝。整體來說也是不錯的體驗小朋友們大愛。

聽朋友講東喜茶係內地喜茶既翻版我之前同男朋友係內地飲過喜茶既金鳳茶王超掛住 所以忍不住去呢間東喜茶試試佢個金鳳茶王金鳳茶王 上層係一層厚厚既芝士 下層係一層好清既茶 最神奇既係 當你將個杯調到45度咁飲 你就可以同時飲到芝士同茶 會變左好香既奶茶味 勁好飲！個個味度絕對唔係普通奶茶咁簡單 係比奶茶再多啲層次不過 說實話 我覺得東喜茶同內地既喜茶係真係有少少分別 內地喜茶既金鳳茶王再香啲濃啲 但係東喜茶係絕對香港既no.1! 未試過既都值得一試！P.s. 另外有學生證既同學買既時候記得攞出黎 有折架！我買完先見到佢個優惠活動 激死我

剛剛在旺角吃了晚飯，超口渴，行去搭火車回家途經一間裝修新穎的飲品店，看看餐紙，就烏龍茶吧！簡單一杯烏龍茶一喝便喝出和樽裝的分別呢，都是一貫飲開的烏龍茶味。茶味夠濃，微甜，老套說句'水滾茶靚'也不為過。杯蓋有個粗身飲管口但不見有飲管一起，大鄉里問要不要用？原來是揭開黑色小蓋便可直接飲用^^

永遠喝不厭的珍珠奶茶，受台灣文化影極深，年輕男女及一眾打工仔每每經過都想喝一杯。這次在旺角試了這家新開的東喜茶，說實話，近年其就一直在誠品內喝那家人山人海的台灣茗茶，沒有試很多其他的店。但這次在網上看到了介紹，茶款很多的這家，不是主打奶茶類，反而是多種綠茶紅茶水果茶，選擇極廣。而他們賣點是可以加芝士，其實有點像奶蓋，但更稠厚一點，因為有芝士混合了。所以到最後攪混了，也有點飲是奶茶了。有一點必需讚的是這天收銀的服務員，感覺他不像一般收銀員，可能是老闆之一，介紹得很詳細，又或許因為當天下午人不多，所以服務方面很不錯！喝這些飲料都是志在過癮，太大杯喝到最後又未必想喝完，但幾天不喝又開始想念，這到底是不是一種癮？