東喜茶 (已結業)

相信大家都聽過喜茶這間店鋪，是內地的網紅茶。最近偶爾發現香港也有這家店，只不過是叫東喜茶。聽友人說挺好喝，就打算試試看。本人比較喜歡抹茶，於是就點了一杯靜岡抹茶，去冰少甜。拿到後不客氣了！喝了一口，奶蓋很重的奶味，而且不膩。抹茶的茶味非常出眾，濃厚，再搭配奶蓋一起喝，完全是天作之合！真的非常好喝，不輸內地的喜茶。還試了奧利奧芝士奶茶，這個也非常出眾！而且奧利奧的份量適中，不多也不少，搭配著奶蓋，奶茶一起喝，簡直好喝到爆！

今日35度熱到飛起,行左一陣就真係口乾成條街都係賣野飲既鋪頭今日試一試東喜茶都有幾個人排緊隊,我望左一陣都係好似有芝士既特別DD所以就叫左凍芝士芒芒等個陣都見到好多人都叫這隻,咁應該唔差掛,唔好飲都有人陪啦一杯野42蚊都幾貴,不過未試過又想試下既凍芝士芒芒--飲落就好重芝士味既,之後混合埋再飲都重芒果味不過就個性價比唔高囉,如果賣30都仲OK既,42就太費了

好耐好耐之前飲過一次東喜茶嘅芝士芒芒，我記得個芝士奶蓋係冇咁差㗎☠️嗰時只係覺得好貴、唔抵飲🤔但今次就覺得個芝士奶蓋真係好差，好差，好差！一飲就散，好快就同茶融合咗，完全唔濃稠😭好快已經好似飲緊杯冇奶蓋嘅茶😢唔好話拎喜茶嚟比，我覺得飲貢茶奶蓋都仲好，東喜茶呢個仲要賣成35蚊🤖叫貢茶多奶蓋飲得仲開心😭.而且個桂花烏龍茶底都唔好飲🌞飲唔到桂花香，同普通茶一樣咁。真係下不為例，冇下次了。點解仲有咁多人排隊🤖

我問芝士莓smoothies（杯嘢$48）係咪用天然水果, 佢話係, 咁可唔可以無糖,佢話可以,之後我親眼見佢落枝紅色糖漿加幾粒(3-4粒)紅桑子落個冰機, 我問你又話天然水果?佢話都會加果味糖漿!我話”下?我要無糖喎” 佢再答我”已經係無糖!”我都費事同佢講落去...無下次!下次其實可以提客人果味糖漿會落囉如果一定必需要落, 仲有唔好打正旗號話天然囉, 仲要擘大眼大大聲話天然無糖, 我真係好懷疑個收銀長頭髮女仔知唔知天然無糖點解! 🙄

係深圳飲過喜茶既四季春，當時覺得有微微既茶香，而且唔太甜所以印象深刻，估唔到香港行行下見到有間Menu同喜茶有八九成相似既東喜茶，又有四季春，即刻叫左杯黎試下，味道都有7,8成相似，略嫌茶味淡左少少，可能係冰太大塊既關係，下次再試試另一款茶味

同朋友又係喺旺角食完飯，見到間東喜茶門口好多人，諗住去試下大陸喜茶近黎好heat，睇下呢間老翻有無同樣嘅水準叫左杯大拿拿$42嘅芝士黑提，點知又係一試難忘奶蓋完全唔好飲，啲提子溝左糖水咁甜，飲完成個人又濟又有啲反胃咁上星期返過大陸飲喜茶，呢間野連佢嘅一成都無，係一成都無呀

.芝芝可可 $44.好貴既一杯野飲🤣🤣🤣咁大個人第一次飲咁貴 真係要有決心先會走去買😂😂😂多謝大家既投票激勵我.講返杯飲品 唔使等太耐就到手 杯蓋有好貼心提示教你點飲芝士奶蓋 不過我都唔係好識😛😛香濃朱古力味溝芝士又真係幾夾咁 芝士奶蓋就係咸咸香香咁 好香滑 有d似飲乳酪咁 同時又有d oreo碎 增加咬口 同埋唔記得走冰 太多冰啦🙈🙈🙈🙈.總括黎講都幾好飲 第一次飲都幾特別下 但就唔係好值$44 3份1杯都係冰 感覺好fail 連續幾日不斷飲奶茶 我的身體應該是充滿了珍珠溝奶茶🤣🤣🤣建議大家有多餘$先試下 唔算太驚天為人

近期hit爆既芝士奶蓋，一直想試好耐！今日下午4點幾經過店鋪，見到唔洗排隊，即刻試一試。本身想試芝芝桑莓，但店員話桑莓不是時令，味道會欠缺些，所以就無揀到。最後揀左桂花烏龍加芝士。飲品已經開左半個封蓋，店員建議先不好用飲管飲，反而先用嘴巴以45度角直接貼住口蓋飲。果然第一啖已經品嘗到香濃又帶點鹹酥既芝士味，而且芝士係好”杰”身，配合帶有桂花香既烏龍茶，味道和口感都十分夾！飲到最尾一啲漏嘅感覺都冇，簡直回味無窮！下次會試吓芝芝桑莓。

深圳有喜茶，香港都有東喜茶，開左係我屋企附近咁耐，平日放假溫書冇咁多人排緊係即刻試飲！東喜茶主打茶類飲品，餐牌選擇都幾豐富。喺深圳飲過靜岡抹茶後一試難忘，今次決定再飲芝士奶蓋同深圳一樣可以揀低脂或全脂小妹選了半脂的芝士奶蓋靜岡抹茶🍵厚厚的奶蓋很吸引，先喝一口芝士奶蓋，雖然係低脂，但依然係濃郁的芝士香邪惡感頓時減低靜岡抹茶奶抹茶味充足，味道不錯香港的這家東喜茶像真度有99%呢，想飲喜茶但又唔想返深圳咁遠可以來試試

喺深圳飲過喜茶 唔知呢間東喜茶係咪同一間呢？但係個餐牌同味道係一模一樣，一樣咁好飲。最推介佢嘅金鳳茶王，四季春仲有桂花烏龍但係比起附近嘅珍珠奶茶鋪價錢略貴，但都可以試一試都值得嘅

天氣咁熱係旺角行緊係要買番杯台式嘢飲啦 見到Menu有咁多野揀 搞到我心大心細乜都想試 見而家咁多人飲芝士水果茶就買咗芝士芒芒🤤🧀好似我呢d芝士迷可能會嫌芝士唔夠多😂不過整體同芒果茶🍵加埋味道都幾夾喎😋

行行下突然好想食珍珠 咬咬下好漏打，行到茶湯會，見到對面有間新開嘅野，一堆港女排隊，作為港女一份子一定唔執輸要埋去排埋一份雖然想試茶類，但見到季節限定又師奶心態發作，驚第日無得試見到啲芝士火火，芝士芒芒，芝士瓜瓜，個名疊曬字好萌，唔敢嗌搵放大鏡望都望唔到有珍珠呢回事就試佢棟牌嘅呢杯野啱先食飯食咗四十幾蚊，呢杯野四十八蚊決定唔好飲都要呃自己話好飲總括黎講ok啦，個色調得幾靚芝士幾香，但稍為有啲普通，呢個價錢吹大咗下次都係寧願買杯珍珠咬咬下

大熱天時行旺角, 見到有間東喜茶，咁似大陸間人氣長龍店喜氣既, 點都要買杯黎試下啦。出乎意料唔使點排隊，都係等幾個人，連飲品都係等10分鐘左右, 比起大陸間喜茶下下排成45分鐘真係差好遠。飲品款式勁似喜茶，唔知佢地有無咩關係。超級水果四季春$42水果有大大片橙，蘋果，西瓜同百香果，水果新鮮，茶味淡。舊西瓜超級大，切細件d就更好，同埋百香果數量可以多d, 整體味道偏淡，不過係咁熱既天時不失為一杯解渴既野飲。

人人都喜歡的喜茶，雖然在香港是喝不到，最近也要回到深圳，但是慶幸香港還有東喜茶，也可勉強作為一個代替品吧？今天突然很想喝「芝芝莓果」（就是喜茶的芝士奶蓋加雜莓沙冰) ，就來這裏點了一杯「芝士桑莓」。順滑的芝士絕對有應有的鹹香，口感細滑，與下層的Berry smoothie十分配襯。沙冰的果香味十分濃郁，而且每一口也會嚐到一粒粒的果肉，可想而知是真材實料，用上新鮮水果製作。然而，一杯賣上＄48，絕對不划算，性價比比較低。不過來這裏的人，大多也是望梅止渴吧？

超級失望，太太太飲難，之前係大陸飲過長期排晒長龍嘅X茶（滿杯紅柚，芝芝莓莓，輕芝士綠妍）都好好飲，就係因為太掛住個種味道，返到黎香港行開旺角見到呢間鋪頭有99％相似，諗住試下，叫左杯芝士桑莓，一飲就知賴野，飲得好分明，冰，果醬，果肉，同芝士，完全分開哂，冇晒草莓個啲清甜味，又冇咗茶味，mix up 完又冇咗乳酪個啲feel，成杯嘢好似食緊沙冰，而且價錢仲要貴好多，香港$48蚊杯，大陸都係$30人仔，總之就難飲，絕對絕對冇下次。