東喜茶 (已結業)

近期hit爆既芝士奶蓋，一直想試好耐！今日下午4點幾經過店鋪，見到唔洗排隊，即刻試一試。本身想試芝芝桑莓，但店員話桑莓不是時令，味道會欠缺些，所以就無揀到。最後揀左桂花烏龍加芝士。飲品已經開左半個封蓋，店員建議先不好用飲管飲，反而先用嘴巴以45度角直接貼住口蓋飲。果然第一啖已經品嘗到香濃又帶點鹹酥既芝士味，而且芝士係好”杰”身，配合帶有桂花香既烏龍茶，味道和口感都十分夾！飲到最尾一啲漏嘅感覺都冇，簡直回味無窮！下次會試吓芝芝桑莓。