東喜茶 (已結業)

芝士奶蓋帶有少許鹹味，飲完唔會好膩，抹茶味如果再濃啲會仲正！ 芝士靜崗抹茶 $35其實覺得$35一杯嘢飲好貴，但又真係好好飲，佢個杯蓋設計打開半個蓋面俾你飲咗上面啲奶蓋先，之後再插飲管繼續飲埋啲抹茶，但由於太好飲，不知不覺連飲管都未插就已經飲晒成杯 （飲過兩次都係咁🤣，下次可以飲管都唔使拎）佢既芝士火火都好好飲，好大杯，未飲完都飽左，可能因為火龍果都好飽肚，成杯野飲紫紅色好靚。咁貴嘅嘢飲間唔中飲下就好啦🤨

-人在疲憊的時候總是要給自己一點放縱什麼脂肪什麼更胖管他！💃🏼-芝士石榴芝士奶蓋算是香濃但不細滑石榴沙冰味道很好可是很多石榴碎核呀-Oreo芝士可可非常濃郁的可可味把芝士奶蓋拌入可可中風味更佳

喜茶係大陸曾經紅極一時，大家不惜用幾個鐘頭去排隊，就係為左一杯野飲。由於香港仲未有分店，今次就試下東喜茶先。我地三個人都係試季節限定嘅飲品，分別點左芝士芒芒、芝士火火及芝士石榴。我地大約夜晚九點去買，唔算多人，可以直接俾錢，飲品製作嘅時間亦好快，五分鐘內可以攞。三杯飲品都顔色鮮豔，賣相吸引，視覺效果一流，當然要打卡。影完相就試下味道，我點嘅係正常糖量嘅芝士芒芒，芒果味濃，甜度剛剛好。值得一讚係芒果底層質感做得啱啱好，唔會好似芒果汁咁流質，又唔會似芝士奶蓋d泡沫咁硬身, 仍然飲得出杯野唔同嘅層次。用飲管試完芒果底層，就開蓋試下上面嘅芝士奶蓋，一入口覺得好creamy, 而且夾雜濃濃嘅芝士香氣，但又唔會好膩，值得一讚！除此之外，我都有試朋友嘅火龍果同石榴味，石榴味好重但感覺好fresh,反而火龍果比較淡，可能係紅肉火龍果嘅關係，而且朋友糖份全走。總括而言，一杯芝士芒芒售價$42，價格對比市面上其他相似飲品較貴，但無想像中嘅好飲，如果要排好耐隊就唔值得試。仲有就係如果芝士奶蓋佔整杯飲品比例高d會更好飲。

今日去到旺角,想會一會東喜茶,平時都飲唔少手調飲品既鋪頭,什麼芝士奶蓋有d飲得悶,而已有點膩,所以今次黎到東喜茶,主要想試下佢既水果茶,我叫左百香果,朋友叫左好多生果果個,其實旺角咁多間台式飲品,間間都咁多人排隊都幾恐怖😂當然我地等左差唔多15min就有都唔算耐,百香果味幾出,但就只有百香果了,沒什麼特別的,咁就比左$30,太貴了吧,有點名過於實,而朋友叫果個就有好多生果係入面,有d似detoxic水😂😂佢食埋d生果就好開心,但如果係條街到打開個蓋食,對我黎講有d難度呀哈哈,

一直都好想飲東喜茶既芝士瓜瓜，即系芝士cream plus 西瓜。不過每次去都sold-out , 次次都好想講，五通連個天都五中意我？其實系我通常九點幾十點幾先去😂今日我一出到旺角，即刻急急腳殺過去，如果都賣曬，我就放棄了。皇天不負有心人，I finally got it 😭😭好滾動，完全系我既中味，夠曬fresh , 甘熱既天氣，系得西瓜冬飲先真系幫到我。口味特別，系我第一次飲芝士，可能有d錯覺，兩樣野加起來，好似尤其冰涼，一個字——爽🤣

其實我真系好中意飲奶珠奶茶果茶呢類既野，一個月最誇張應該都有50幾60杯都有，其實有d驚會有糖尿病🤣不過最近聽個朋友講，旺角有一杯竟然賣$42蚊，心諗有冇甘好飲牙賣甘貴，今日登特去旺角就是要一試其味。一去到，發覺原來系我平常五多會飲既芝士水果類，最後揀左芝士火火，即系火龍果，感覺都幾健康，好似有朋友講過對腸胃幾好。一啖芝士，一啖火龍果汁，味道十分配搭，42蚊都叫做物有所值，btw , 已經諗緊下次飲邊杯好😂

飲過大陸x茶真係返唔到轉頭見佢門面包裝咁鬼似大陸個間，諗住俾個機會佢又俾個機會自己啦！我叫左一杯奶蓋金鳳茶$35，賣相都幾靚，但飲第一啖就知拍唔住大陸牌x茶個個味道，差好遠；如果我未飲過大陸牌可能會覺得佢幾好飲，但好可惜我真係已經試左大陸牌啦！芝士偏喊搶哂茶味，搞到茶味好淡味其實一杯咁既茶賣到$35蚊但咁既味道真係hea左d。見觀塘分店任何時間都好多人排隊，見旺角呢間好少人，唔知兩間分店係咪唔同味道呢下次可以再俾多次機會佢間觀塘店！

尋日去咗旺角行下，口渴去咗飲東喜茶 上次飲過一次，已經幾好飲！所以見附近有就再飲過去到都幾多人排隊，相對平日，假日都多咗幾多人下我叫咗芝士火火，本身想叫芝芝芒芒，但係朋友話試過好似芒果汁，所以我都係唔叫水果茶要$42 ，比起一般茶類貴少少，如果唔係佢係幾大杯，我都會覺得唔抵等咗大概20分鐘，先有得拎~~芝士火火好大杯兩隻手板咁高 好似抵返咁🤣 火龍果味好濃，好似好足料，放咗好多個落去咁 好似好健康，食咗好多個水果咁不過上面嘅芝士奶蓋就好似多餘咗，我通常都會分開飲，因為一齊飲感覺有啲怪

今日去咗旺角西洋菜南街，諗住自由區最後一日去湊熱鬧然後好口渴所以周圍搵野飲，勝岀望外，見到東喜茶不過就好多人😭 不過想飲，都要排下隊我叫咗至愛：全脂桂花烏龍 點餐條隊就好快，用1分鐘就叫咗飲品 等候時間都算幾長，大概等左15-20分鐘，先至有得拎不過因為店外都幾多空位，所以等得耐都唔係好覺～芝士桂花烏龍真心好味，烏龍茶唔係太濃，可能桂花味清新，感覺唔會太熱氣 上面既芝士奶蓋味道咸咸地甜甜地既好好味～ 不過呢間我嫌佢略略俾得太少芝士奶蓋 佢包裝有寫點飲，不過我每次都嘗試失敗，一係就飲唔到茶味，一係就飲哂啲奶蓋先飲到茶 所以我都係用飲管飲 一時飲下茶一時飲下芝士✌🏻✌🏻

下晝喺旺角做嘢，突然間想飲茶，就揀咗呢間其實旺角都好多水果茶珍珠奶茶等等既選擇，有啲仲係新開，都好有特色，但係我本身鍾意茶味整得好好嘅小店，所以就一定揀東喜茶✌🏻✌🏻我本身就買開金鳳茶王，因為第一次飲既感覺印象都好好，茶王味道好濃厚，所以就每次都叫呢款！但係同事介紹咗飲芝士桂花烏龍之後，就唔鍾意茶王其實我都想試吓店裏面嘅水果茶，但係因為本身自己覺得水果茶要咁貴好似性價比唔夠高，所以一直都冇叫，同埋鍾意純茶同上面層芝士多啲，所以通常都係要茶👍🏻😂✌🏻呢間幾好，等左唔係好耐，有啲時間仲係冇人，今次我好彩，10分鐘左右就有得拎，仲可以買埋俾同事芝士桂花烏龍真係好好飲！芝士就唔多講，味道好濃，芝士層又厚，唔會「偷工減料」桂花烏龍就感覺好清新，好似清茶一樣，所以濃嘅芝士配清嘅茶味，簡直係天衣無縫一定會再叫🤣

我以為這裏的喜茶， 是和大陸的喜茶同一家，於是買了杯試試，點知令人失望的味道，奶蓋的奶一嚿嚿，一粒粒，令人產生嘅食慾瞬間失左，35蚊一杯不便宜，可是四季春的味道真的淡的出奇，飲不到茶味，我以為我自己飲緊色素，整杯飲品可以用難飲來形容，如果你有嘗試過飲茶狼的四季春奶蓋茶的話，你會覺得茶狼跟這家店的奶茶有天淵之別，下一次我或者會光頋對面的茶湯會，我忍不住問了問鋪頭的職員，原來這跟國內的喜茶並不是同一間，難怪味道相差那麼遠.

近年越開越多台灣飲品, 東喜茶係其中一間。經過旺角豉油街，竟然沒有排隊人龍，決定試一試!一早已知道店舖的「芝士奶蓋」系列非常出色，正當想落單時, 被張貼於店內廣告上最新推出的「脆脆椰椰」的賣相吸引，就轉軚試試!老實說，第一口感覺奶奶的，普普通通，再喝多2口，發現同椰汁大王完全沒有分別，但$45/杯，完全唔值得!朋友亦被張貼於店內寫上「精選多種新鮮水果」的廣告吸引，叫了一杯「超級水果四季春」，杯內充滿了鮮果，包括橙、西瓜、百香果、蘋果、青檸等，其中，大大塊西瓜勁吸睛! 雖然水果份量真的好多，而且冰冰涼涼，很適合夏天飲，但整杯水果茶都好淡水果茶冇茶味! $42/杯，真係有點唔值得! 但店員貼心的附上叉子，方便喝完飲料後可以食埋d水果，都值得加分!

喜茶的熱潮令我在香港不停地去找代替品愈罪惡的東西 愈多人喜歡吃那是不變的定率.這天在旺角逛完 突然驚醒東喜茶在附近早些日子不停地鬧著要喝今天就死心不息地把東喜茶找出來來到東喜茶發現它和喜茶的設計很像如果不仔細分辨 還以為喜茶來了香港.金鳳茶王 $35看價錢的確有點讓人卻步不就是茶加奶蓋嗎 但想喝那麼久最後空手而回一定會讓人睡不著覺等了大概5分鐘就有了.拿到後忍不住大口地喝下去芝士的味道再加上有點咸第一兩口是喝不到奶蓋的因為它浮在茶面基本上到第三四口才喝到奶蓋雖然下面已經有些奶蓋已融到茶中但幸好上面的奶蓋仍撐得住 夠厚實茶的甜度剛好 是冰有點大塊雖然不是喜茶 但也算勉強的代替品

香港冇喜茶，但係有東喜茶。雖然東喜茶個名有啲山寨，但係個味道都唔差。東喜茶嗰個位置好易搵到，喺正新都戲院對面。 我叫咗個芝士桑莓，都要成四十八蚊，其實好貴， 不過佢呢個質素對得住佢個價錢，個奶蓋稀杰嘅程度啱啱好，又唔會偏鹹，好有芝士嘅香味，重點係啲果汁，飲得出係有鮮榨果汁成份，有果肉，但建議叫少甜，會更加好飲。

喺香港開左一段時間既東喜茶，聽講可媲美內地知名飲品店，今日終於一試！星期六下午既東喜茶都好多人，門外都有好多人等緊拎野飲。等左十五分鐘左右。。。奶蓋好厚！值得一讚👍🏻杯蓋上亦附有小提示～飲後感：奶蓋非常出色，夠芝士味，同時帶有咸味，少少甜，好好味！相反茶底比較遜色😞茶底帶苦味，初頭我都以為係金鳳茶王既茶味，但飲到最底就好甜，發現糖漿都沉澱喺底，結果就甜到不得了，冇飲晒就捨棄😢店員若好好沖調茶底+糖會更好！或者可以提點顧客自行攪拌。總結，價錢太貴，茶底一般，等候時間偏長，失望。