影片
港鐵觀塘站 B1 出口, 步行約4分鐘
繼續閱讀
營業時間
星期一至五
15:00 - 21:30
星期六至日
13:00 - 21:30
以上資料只供參考, 請與餐廳確認詳情
做完瑜珈肚餓仔就黎食個雞蛋仔，選左肉鬆雞蛋仔$30，貴貴地但當試下新野。首先見到蛋醬既顏色係比較深既黃色，質地較濃。老板加肉鬆不手軟，心諗正呀，但高興得太早。老板同個細路玩左陣，我個雞蛋仔就overcooked, 燶左少少。唔緊要，最緊要好食經，雞蛋仔咬落去唔算脆（邊邊overcooked,但皮都係唔脆🤦🏻♀️），味道重更為失望，油膩感好重，而且肉鬆完全唔香口。試過就算了。（以上係個人意見）
繼續閱讀
今日嚟買cake 嘅，見倒有新開雞蛋仔咁又試下, 有心型雞蛋仔20蚊，對我嚟講無乜意義，最重要係好味，所以都係要返原味。18蚊，即叫即整，顏色金黃色同平時泥黃有少少唔同👍，食落中間都有料唔係空心嘅，不過味道就好一般，唔太脆😐，蛋香亦唔夠，食完手仲好油，但此油不同彼油，唔同平時食煎炸野嘅油，因為用tissue 一抹就乾淨，手唔會再好笠嘅，從來都無試過咁，唔知配方加咗咩呢🤔！
繼續閱讀
前文提要吓，同老婆晌牛頭角嘅「break」食完晏，再沿觀塘海濱走廊漫步，過到嚟觀塘，再逛逛廠廈買吓嘢。經過「駱駝漆大廈」呢邊，晌閘門口角落見到間小店賣雞蛋仔，堆滿人幫襯，又聞到陣陣雞蛋仔香氣，過吓口癮就買咗包「止癮」。 小店主力賣雞蛋仔及格仔餅，而前者仲分咗正常雞形及特別少少嘅心形，不過，就唔會搞咩花巧喇提供唔同味道，向「傳統」致敬！？晌等候期間，先留意到原來小店喺大賣香港情懷嘅街頭小食，除雞蛋仔、格仔餅外，仲有爆谷、龍鬚糖、叮叮糖、麥芽糖夾餅、飛機欖、糖蔥餅……等等。不過，好搞笑，我仲見到有啲炸魚皮，生意難做，當然，賣多一兩款產品嚟增加生意額喺常態。原味心形雞蛋仔 $20咩都喺即整即食就最好架啦，雞蛋仔吸引之處就喺即做，睇住佢由蛋漿烘焙成雞蛋仔。問吓整緊雞蛋仔嘅哥仔，點解唔加啲唔同口味呀，佢解釋呢度喺賣懷舊嘅，做法忠於傳統，不搞新花款、新口味，謹守食出原味嘅蛋香及口感。不跟風，果然夠專一！等三數分鐘，就「新鮮」出爐，唔少得一個步驟喺等佢攤一攤，散散熱，咁樣外層先會更脆口。 雞蛋仔烘得金黃，揀心形就純粹氹吓老婆，啲邊位脆到好似薯片咁，而「蛋殼」帶微脆，「蛋心」餡料有2/3滿，睇得到好綿密，絕無欺場，入口卻非常軟綿綿，攤咗陣都仲喺熱辣辣，又極具蛋香，就算只喺原味，食味都唔失禮，都有其值得欣賞嘅地方。唔知有幾多年輕一代食過呢啲懷舊小食，我諗除雞蛋仔及格仔餅較普遍之外，其他嗰幾樣已經好少地方有賣。想懷舊吓，集體回憶吓，過開嚟觀塘就搵搵「東叔叔」，並支持一吓小店。
繼續閱讀