東京チカラめし (已結業)

年中登陸香港的日本牛丼店今日第一次來品嚐，這是去日本旅遊時常到的店舖之一。餐廳以淺色為主，又有玻璃窗看街景，感覺明亮整齊清潔。 招牌燒牛肉丼(配溫泉蛋)以美國牛肉製成，即叫即燒，烤過的牛肉特別香口再加上洋蔥、菠菜、芝麻等，非常惹味。丼飯有大份和普通份量size，一個普通份量已足夠我的胃口。丼配了一隻溫泉蛋，將它跟飯拌勻，所有材料醬汁混合就能吃到美味的日式牛肉丼。唐楊炸雞 外皮鬆脆，雞肉保持嫩滑，不錯的小食。

轉了3號風球又無乜雨，決定出街走走。行到奶路臣街The Forest，見到東京チカラめし無人排緊隊當然要去食個飯。這間日本過江龍無論裝修格局，食物來源、烹調方式都跟日本一樣，他們主打的是日式燒牛肉丼，燒豚肉丼等。鹽燒豚肉丼配沙律 質量都非常好，豚肉片是五花腩部位，加上洋蔥經鐵板即烤，肉質嫩滑，肥而不膩，還有陣陣油香，配了一個爽口新鮮沙律，色彩鮮艷還有我喜愛的紫椰菜和粟米。另外再加配一個泡菜，將之混合一起吃，泡菜和豬肉真係好夾，非常好味。小食來一客日式餃子，有3隻，皮薄香脆。店內員工無論是上菜或回收碗碟都非常有禮，值得一讚。

呢一間係日本人氣連鎖店，並登陸咗香港旺角，地點超級方便。芝士燒豚肉丼豚肉唔嚡口，配合埋拉絲芝士，整體味道不錯。只可惜無醬汁，有啲干。名稱：東京チカラめし Tokyo Chikara Meshi地址：旺角奶路臣街17號The Forest 地下G8號舖

開店嘅時候食過一次，本來一直都想再食，但係成日都見到佢好多人排隊，咁啱今日落大雨， 7:30左右去到唔算太多人，所以就揀咗呢度食啦燒牛肉丼（$45）牛肉唔會切得太薄有少少肥，食落有嚼勁，燒汁偏杰身，今次食嘅飯幾乾身，個牛肉汁配埋洋蔥，撈飯一流。野菜燒豚肉定食 （$65）呢個係我上次嚟食冇嘅！定食已經包左沙律麵豉湯同埋白飯。和風料理嚟講，炒野菜係其中一樣鍾意食嘅。鋪面係燒汁豚肉，豚肉唔會太乾身，加埋醬汁都幾惹味，都係白飯小偷嚟嘅。戰底就係爽脆嘅椰菜同埋芽菜。上枱都仲係熱辣辣。我哋仲追加咗一客餃子🥟（$15）餃子一客有三隻，味道都唔錯。仲要讚下其實店員都好有禮貌同埋喺座位安排都做得唔錯。另外都幾鍾意佢哋用QR code落單，其實咁樣就避免左三心兩意嘅我喺收銀度左諗右諗食乜好，咁就唔會阻住後邊嘅人落單😂

©環境：店舖內外格局跟足日本Style👍燈光明亮，室內位置寬敞有四人枱，卡位同吧枱座位數量都幾多，但由於人氣太高依然要排隊等位😂.©服務：以半自助形式，掃QR code 落單圖文並茅，方便又快捷，仲免加一添！.©Highlight (影相/性價比/其他）：各款丼飯，咖哩飯，定食價錢都好貼地，大致都係五六十蚊到👍.©食物評價： © 唐揚炸雞定食 $55唐揚炸雞有6大舊，配埋野菜沙律同味噌湯炸雞外皮香脆，炸粉吾會過厚雞肉Keep到肉汁，肉質嫩滑米飯選用日本米，米香零捨突出仲咁食白飯都好正🤣.© Zero $12飲品以罐頭汽水為主.© 飯子 $15日式煎餃好抵食，3隻$15蚊為一Set忍吾住嗌左兩set😂經典嘅日式白菜豬肉餃當然係皮薄肉嫩不過如果再煎得香脆少少，口感更佳😆

放假出咗旺角睇戲，睇完早場都未夠十二點，就去波鞋街商場碰吓運氣，睇吓間早前登陸香港嘅🎌日本過江龍元祖牛丼專門店「東京チカラめし」使咪排隊。幸好我哋早到一步，入去坐低後條人龍就無停過。餐廳雖然係快餐店格局，但環境同衛生方面均係水準之上。同時，店員們態度優秀，令你彷如去咗日本當地餐廳咁，非常抵讚👍。呢度採用QR Code落單📱，並由店員送餐，係咪唔似食緊快餐呢。野菜燒牛肉定食($65)，定食都係貴少少，不過好似豐富好多，所以就叫一份試吓😜。定食套餐有齊主菜、飯、味噌湯同沙律，好完整！野菜燒牛肉超大份，鐵板上有一座用洋蔥肥牛同椰菜堆砌成嘅山丘，基本上你每啖飯都一定有餸配嚟食🤤。醬油好濃好夠味，食到尾係有少少油，但都無阻佢嘅美味。🐮燒牛肉幾大塊，加上有好多片，肉質唔韌，唔會過肥；洋蔥絲則炆到好稔，甜甜的。底部嘅椰菜爽口，並有助解膩。味噌湯幾好，夠熱，唔會太鹹。沙律就咁食係無味的🥗，因為要自行落醬🤣，落完就好似食緊吉列菜式搭配嘅椰菜。芝士燒豚肉丼($65/大)，丼飯有兩個份量，正常同大只係差$10。大碗飯堅係大，兩個女仔都未必食得晒。🐷豚肉同樣大片，無臭豬味，但扣分位係帶有軟骨。我哋要咗芝士口味

很久沒有吃食過日本牛肉飯，這間日本過江龍牛肉飯店早前在旺角開的時候，每日都大排長龍，每次經過都會想試試，今次終於預到時間去試下!星期五的晚上，我們大概6點半左右去到，其實已經有人排隊等位了，不過未算好多人，好快就可以入餐廳!餐廳用QR Code落單，十分方便又環保!鹽燒牛肉丼(大)，牛肉不算好肥，好香牛肉味，用上黑椒同鹽作調味，亦有洋蔥牛肉汁，汁的份量都幾多!而上面亦有生洋蔥絲，令味道更美味!泡菜 ，牛肉飯或者豚肉飯再加入泡菜食，酸酸辣辣，另有一番風味！味噌湯 ，味噌湯味道都好濃，唔會好水，味道也不錯!

早排聽過日本嘅東京チカラめし嚟咗香港開分店 一直都好想去試吓 最近終於嚟咗試 我地去嘅時候係六點到 過咗陣就嚟七點就要排隊 唔想排隊嘅朋友可以早啲嚟啊～入面環境幾大 仲有bar枱可以睇到入面嘅情況 自己一個嚟食仲唔使搭枱餐廳取用自助落單方式 有各種燒牛肉丼 豚肉丼 或者定食可以揀 重量燒牛肉飯 $75份量都唔細 面頭有好多嘅燒牛肉 燒完即食熱辣辣🙌🏻 而面頭應該加咗啲山椒粉 令牛肉除咗本身嘅味道層次更豐富 飯就無咁熱辣辣 撈埋牛肉汁食會更好野菜燒牛肉定食 $65定食會包埋沙律同麵豉湯 仲有柚子醬提供 自由選擇落幾多比碟沙律 同樣地有好多燒牛肉提供 不過呢道菜嘅牛肉醬汁則濃咗啲 最好配埋白飯撈埋食會好少少 牛肉充滿醬燒嘅味道 牛肉味都出 配熱辣辣嘅鐵板 唔驚食到尾啲牛肉凍哂最後仲配咗煎餃子 $15 同溫泉蛋 $15做小食😋

今日同朋友黎左旺角嘅CHIKARA MESHI食牛肉丼飯我叫左重量燒牛肉飯 牛肉份量好充足 面頭撒左啲山椒粉 味道有少少似黑椒 個人就唔太特別喜歡 因為山椒粉本身嘅味道太濃 蓋過左牛肉本身應有嘅味道朋友就叫左野菜燒牛肉定食 定食配沙律同麵豉湯 份量一樣好充足 沙律方面要自行落醬汁 如果唔係就會好乾 而牛肉方面 牛肉味就相對突出 但個人略嫌醬汁偏鹹同竭 而椰菜亦都比較乾身 如果醬汁可以稀一啲應該會更加好食另外我地仲追加左一份温泉蛋同餃子温泉蛋賣相合格 食落都好滑 配牛肉一齊食可以令牛肉感覺再嫩滑啲餃子方面就相對普通 所以唔多介紹整體價錢都比較平 而且份量都充足 如果大家經過都可以一試

呢間日式餐廳成日經過都有好多人排隊 今日咁啱早左食lunch 等左一陣就有位😍😍經理仲好好招呼見我哋等到流晒汗叫我哋入餐廳好快就有枱💦💦呢度落單係自助落單 好有日本feel🤣 一叫完好快就上左野飲有唔同款嘅汽水同埋茶大約都係10幾蚊一款幾抵食😀😀我叫咗鹽燒豚肉加溫泉蛋 溫泉蛋係冷盤所以冇放喺飯入面作為一個前菜都幾開胃 豚肉本身肉汁都好夠 所以其實佢只係落咗少少鹽做調味已經好好食 食之前要撈勻啲汁 呢碗飯用嘅係日本珍珠買撈勻左之後粒粒都好有豚肉汁味😍😋😋連洋蔥都係甜嘅！朋友叫咗個鹽燒牛肉飯 同樣只係用鹽做調味🧂但係都有好豐富嘅肉汁😍😍味道好唔錯最後叫咗一份小食炸雞一齊share 非常推介因為佢上到枱真係熱辣辣出現咁熱即叫即整外皮都好脆但係唔會太厚咬開仲有出現加埋七味粉就Perfect🐥🐥

今日落雨冇咩人排隊，終於可以入去試吓啦～飯嘅款式都係牛同豬嘅選擇，揀咗個鹽燒牛肉丼。一入口感覺相當驚艷，絕非一般嘅牛肉飯，牛肉好柔軟，有啲洋蔥絲，又有啲黑椒嘅香氣，真係好好食！男友人就試咖喱飯配燒牛肉，好大碟下，咖哩味都好特別，好惹味，但燒牛肉比較普通，相比之下鍾意鹽燒牛肉多啲。呢度啲小食都唔貴，試咗啲餃子，溫泉玉子同唐揚炸雞，食物油咗少少，但都幾好食。頸渴叫咗個味噌湯，幾香濃，唔錯～男友人就叫枝雲抹日式綠茶解解膩～

知道有燒牛丼元祖之稱嘅日本人氣牛肉飯連鎖店東京チカラめし嚟咗香港開分店，疫情下返鄉下遙遙無期，一於去食番個日本風味的嘅丼飯懷緬吓日本嘅感覺，食咗當去咗！主打嘅日式燒肉丼價錢親民，最平$45就食到，全部都係用咗秘製醬汁醃製，再用鐵板即叫即燒。重量燒牛肉飯 ($75)招牌燒牛肉丼有普通、大同重量級嘅份量，作為牛魔王，梗係揀重量級啦！牛肉份量十足，肥瘦適中。唐揚炸雞 ($15)炸雞外皮脆卜卜又香口，雞身醃得入味，嫩滑多汁。溫泉玉子 ($15)牛丼加上細嫩滑溜溫泉蛋之後，濕潤嘅口感即刻令成個飯嘅味道昇華至另一個層次。

講起牛肉飯香港人第一時間都會想起吉野家，但今日行經旺角，又見到一牛丼店，原來就是日本燒牛丼元祖 - 東京チカラめし。店內裝修簡潔，而淺色為主，他們更有吧枱位置，甚有日式風味。新時代新作風，現在下單都轉成了以QR code 下單，其選擇種類都非常多，如：牛丼、豚丼、定食、咖哩等...我都唔客氣加配了一系列小食：餃子、唐揚炸雞、味噌湯。唐揚炸雞炸雞炸至金黃色非常吸引，入口香脆，雞身嫩滑。餃子加配餃子都有3隻，而且做到皮薄而多汁，不錯！咖哩吉列豬扒飯咖哩吉列豬扒飯來到時已傳來份量都不少，吉列豬扒炸至金黃色，而且口感香脆，有咬口；再配上香甜而不嗆辣，絕對是無懈可擊嘅組合，食到停唔到口。

日本燒牛丼元祖自6月係旺角登陸後，到今日先黎朝聖😂估吾到過左3個月，人氣依然好旺盛，一場黎到都係要排隊等位🤣燒牛元祖主打鐵板燒，牛肉丼同豚肉丼，但其實仲有咖哩飯架！無論丼飯或定食大致都係$70有找，咁貼地嘅價錢，吾怪得知吸引左咁多人流👍.【餐牌】.【咖哩飯配燒牛肉 $60】套餐分三部分，洋蔥燒牛肉，日本米飯同日式咖哩汁。牛肉加入洋蔥同秘製醬汁炒至入味，而日式咖哩味重又香，微微辛辣配上香噴噴米飯，一流呀😍 小編更追加左一份味噌湯 ($10)同溫泉玉子（$15)，配搭上米飯或者就咁食都好match~

每次經過都好多人排隊 終於都的起心肝約朋友仔過黎試試佢🤭 我地見到無人排隊就即刻衝入去 點知我地坐低左之後就愈黎愈多人排隊😂店舖風格簡約整潔👍🏻燒牛肉丼（配唐揚炸雞）$55牛肉飯上枱勁香 食落有口感 唔會太乾 ~炸雞好脆 但就乾左啲 整體感覺不錯🙊重量燒牛肉飯 $75牛肉一樣的 只係呢盒既牛肉會比regular既多好多！飯既份量都會多啲 兩個女仔share食就岩岩好🤪餃子3件 $15本身以為係煎餃 點知係好普通既餃😂 感覺普通～味噌湯 $18普通味噌湯既質素~ 但食牛肉飯飲味噌湯係定律黎架嘛😂溫泉玉子 $15呢個溫泉蛋 你地係一定一定要嗌 加左落個飯度 係完全兩回事 你個飯即刻世界級左🤩啲飯俾蛋漿包裹 果種絲滑既感覺 令成碗飯更出色😙雲抹日式綠茶 $16