東京チカラめし (已結業)

知道有燒牛丼元祖之稱嘅日本人氣牛肉飯連鎖店東京チカラめし嚟咗香港開分店，疫情下返鄉下遙遙無期，一於去食番個日本風味的嘅丼飯懷緬吓日本嘅感覺，食咗當去咗！主打嘅日式燒肉丼價錢親民，最平$45就食到，全部都係用咗秘製醬汁醃製，再用鐵板即叫即燒。重量燒牛肉飯 ($75)招牌燒牛肉丼有普通、大同重量級嘅份量，作為牛魔王，梗係揀重量級啦！牛肉份量十足，肥瘦適中。唐揚炸雞 ($15)炸雞外皮脆卜卜又香口，雞身醃得入味，嫩滑多汁。溫泉玉子 ($15)牛丼加上細嫩滑溜溫泉蛋之後，濕潤嘅口感即刻令成個飯嘅味道昇華至另一個層次。