影片
更多
2021-10-09
30 瀏覽
開店嘅時候食過一次，本來一直都想再食，但係成日都見到佢好多人排隊，咁啱今日落大雨， 7:30左右去到唔算太多人，所以就揀咗呢度食啦燒牛肉丼（$45）牛肉唔會切得太薄有少少肥，食落有嚼勁，燒汁偏杰身，今次食嘅飯幾乾身，個牛肉汁配埋洋蔥，撈飯一流。野菜燒豚肉定食 （$65）呢個係我上次嚟食冇嘅！定食已經包左沙律麵豉湯同埋白飯。和風料理嚟講，炒野菜係其中一樣鍾意食嘅。鋪面係燒汁豚肉，豚肉唔會太乾身，加埋醬汁都幾惹味，都係白飯小偷嚟嘅。戰底就係爽脆嘅椰菜同埋芽菜。上枱都仲係熱辣辣。我哋仲追加咗一客餃子🥟（$15）餃子一客有三隻，味道都唔錯。仲要讚下其實店員都好有禮貌同埋喺座位安排都做得唔錯。另外都幾鍾意佢哋用QR code落單，其實咁樣就避免左三心兩意嘅我喺收銀度左諗右諗食乜好，咁就唔會阻住後邊嘅人落單😂
燒牛肉丼（$45）
牛肉唔會切得太薄有少少肥，食落有嚼勁，燒汁偏杰身，今次食嘅飯幾乾身，個牛肉汁配埋洋蔥，撈飯一流。
野菜燒豚肉定食 （$65）
呢個係我上次嚟食冇嘅！定食已經包左沙律麵豉湯同埋白飯。
和風料理嚟講，炒野菜係其中一樣鍾意食嘅。鋪面係燒汁豚肉，豚肉唔會太乾身，加埋醬汁都幾惹味，都係白飯小偷嚟嘅。戰底就係爽脆嘅椰菜同埋芽菜。上枱都仲係熱辣辣。
我哋仲追加咗一客餃子🥟（$15）
餃子一客有三隻，味道都唔錯。
仲要讚下其實店員都好有禮貌同埋喺座位安排都做得唔錯。另外都幾鍾意佢哋用QR code落單，其實咁樣就避免左三心兩意嘅我喺收銀度左諗右諗食乜好，咁就唔會阻住後邊嘅人落單😂
張貼
