東京チカラめし (已結業)

平日的中午跟同事走到旺角的The Forest吃午餐大概十二點半來到，好幸運地剛好不用排隊入座後過了一陣子，外面已經有十多人排隊了與同事各點了一個定食，再另外點了一客餃子◭燒牛肉定食 $60 🅙🅙🅙🅙/5性價比高，有沙律和麵豉湯飯量挺多，牛肉份量亦足牛肉味濃，配飯一流◭旨辛燒牛肉定食 $75 🅙🅙🅙🅙/5辣雜菜伴炒牛肉，再配以水波蛋並沒有很辣，但很惹味◭餃子 $15 🅙🅙🅙🅙/5⚎⚎⚎Recommendation 🅙🅙🅙🅙/5⚍⚍⚍

成日都見到佢排長龍，今日早放工終於有機會試一試（雖然都排咗一陣）。第一次試，就叫咗最基本嘅燒牛肉丼配3件餃子。牛肉飯味道的確唔錯，燒汁味道ok, 比起其他對手佢呢個汁較為惹味，牛肉質感同味道都係唔錯的；上面配咗小小波菜我自己亦幾鐘意。我呢碗係「並」，即係正常份量，對我嚟講就岩岩好；但驚唔夠食嘅朋友可以叫大。至於餃子就一般啦，個人覺得冇乜特別不過味道正常。如果佢唔駛排長龍，又想快快脆脆食個飯，絕對值得一試。

從來唔寫食評, 但因為太唔掂, 頂唔住要上黎打食評點左個燒牛肉定食 日式牛肉多數用肥牛, 但都唔咪肥成咁,忍唔住問店員回答係用半肥瘦岡牛, 但成碟都90%都係肥肉,剩係咬到兩小口攝牙罅size 既牛肉碎, 最後食莎律配白飯.

早兩日去旺角食lunch，朋友介紹新開左間日本嚟嘅燒牛肉丼🇯🇵，咁耐冇去日本當然要試下！店舖位於The Forest地下，好易搵，我哋lunch hour嚟排隊都唔使好耐，等咗一陣就入得去。餐牌貼咗喺牆上面，我地用QR code落單都可以睇到餐牌，食物嘅選擇好多，有牛肉丼、豚丼、定食及小食等等。定食有曬主食、味增湯、沙律菜及飯，好豐富同埋幾抵食店員提醒沙律菜可加入和風醬汁食，醬汁小小酸，非常開胃。 🌟燒牛肉定食牛肉唔會煮得太靭，仲有勁多洋蔥，吸晒牛肉汁煮得好入味，牛肉汁亦好充足可以送飯食🌟旨辛燒牛肉定食朋友都話唔錯，份量好多，又有溫泉蛋同埋菜，鍾意食辣可以揀呢個定食🌟餃子三件餃子皮薄，欣賞佢唔會煎到太脆，冇咁熱氣🌟雲抹日式綠茶

首先經理同待應好似無訓練過，入到去招呼都唔打，就大聲叫你坐低，都算，香港風格，最緊要係難食，超級難食，啲飯太濕，黐埋一舊，燒牛肉勁韌，炸雞炸到內外都乾，仲有陣臭油味。日本餐廳，就算只係快餐店，水準都唔係咁嘛，食完直頭懷疑係假店，第一次喺度寫評，希望大家唔好中伏，旺角大把選擇。

中午搵地方食午餐時候經過，見到唔駛排隊，之前又見openrice,啲食評講到好好咁，就唸住入去試下。點知order完，等啊等啊等啊等左4個字都未嚟🤷，但明明食客亦唔多，點解要等咁耐呢？見到中間整飯只有一個人，而且感覺係整飯果個人慢慢整，反正做得慢係個份人工，做得快都係個份糧。如果有好多時間，得閒得滯，可以去坐下。但真心我就覺得不了。又唔係夜晚一班人去吹水，又唔係食法國大餐，食就食十分鐘等就等半粒鐘🤷

🎌🎌🎌嚟咗香港啦🎌嚟咗香港啦🎌呢間係日本人氣元組牛肉丼終於喺香港開設佢哋首間海外分店😍擺食咗吉野家咁耐梗係要即刻試吓呢間過江龍啦雖然主打牛肉丼 但佢哋都仲有雞肉,豬肉甚至餃子定食比大家選擇超級多配搭 真係花多眼亂旨辛牛燒肉定食（$78）呢款係佢哋啱啱推出嘅新品定食包左沙律同麵豉湯牛肉用鐵板上 除咗有隻流心嘅溫泉蛋之外🤭仲爆多醬汁 香濃得黎 有少少微辣😍值得一讚嘅係佢哋碗飯🤭用上日本米💕🇯🇵煙煙韌韌得黎 仲要每粒都好分明🤗鹽燒豚肉丼 （$45）Size 有並同大之分 因為跟咗三粒餃子所以今次叫左並😳鹽燒同醬燒最大嘅分別就係啲鹽燒嘅豚肉會比較淺色啲醬燒會有比較燶味嘅醬汁 用嚟撈飯一流😝而鹽燒就更加帶出到豚肉嘅肉香味🤭到底揀鹽燒定醬燒就真係好睇個人嘅喜好啦🥳至於餃子 🥟味道就一般啦始終唔係即叫即煎 感覺就會爭小小😟

好掛住日本🇯🇵，個個IG都show me your Japan 🥰❤️放假就去咗旺角食日式牛肉飯😍。呢間係日本好出名，性價比高，所以有好多人排隊。我哋叫咗一個牛肉飯，一個豚肉飯+跟返有煎餃子🥟，再追加左牛肉。豚肉飯幾好食😋飯量較為多，博博嘅豚肉配上秘製醬汁，不錯👌🏼😌餃子熱辣辣，煎到外脆內軟，肉汁鮮嫩，好味呀🤗牛肉飯，有個日式飯盒裝住😆，飯量無丼咁多，牛肉好正😋☺️因為我哋大食啦，再追加左一碟牛肉😙，追加嗰啲碟，好似比較濃味，牛肉夠熱，夠薄，超級入味。另帶一提，貼喺場上邊，有一個溫馨嘅提示，叫你將醬汁沾滿一粒飯，攪勻先再食😚

好掛住日本牛肉飯🇯🇵打住日本過江龍稱號既日本牛肉飯登陸左旺角之後，日日都大排長龍，每次經過都見唔到龍尾，今日星期日難得有時間，就決定排隊試下，一等都等左半個鐘🥲好彩天氣唔係好熱。1️⃣燒牛肉丼(配炸雞2件) $55燒牛肉都好食既，不過佢講到即叫即燒，我期待係熱食，點知送到黎暖既… 不過好彩味道唔錯，肉汁保留到之餘，又唔會UN👍🏻整體成個飯都唔錯！性格比高既😄不過出事位係舊炸雞！舊雞竟然有雪藏味🥶嗰陣雪藏味大到炸粉都掩蓋唔到！炸粉又大嚿！完全fail！💟總結：如果問我排半個鐘值唔值⋯我只可以答只許一次！如果唔洗排隊都可以考慮吓！因為作為一間日本既快餐店，用膳期間比我發現有幾隻跳虱既野係張枱度遊玩🧐呢個衛生程度並不能接受🙅🏼‍♀️

日本元祖燒牛肉丼，係香港都食到，除旺角店，還有其他分店。閒日晚上都很多人排隊，不過好快就可以入座，大約15mins已經安排入座。掃QR自行下單，非常方便快捷，亦減少出錯率，抵讚。餐廳有提供水，亦可點罐裝或樽裝飲品。主要有牛丼或豚丼，還有定食類、咖哩類，以及多款小食，煮法分鹽燒及醬油燒，前者較清爽淡味，後者香濃惹味。芝士燒牛肉丼（並$55）芝士好香好吸引，有少少拉絲效果，燒牛肉嘅醬汁香甜惹味又濃郁，芝士味重又咸香，兩者唔會搶味，仲十分夾。燒牛肉味道咸甜並重，肉質嫩彈有肉感，脂肪唔算多，會有溶化牛脂香。唐揚炸雞（3件）$15份量幾大份，炸衣夠薄身，香脆唔油，雞肉保持彈性，嫩滑唔乾身。加左柚子椒鹽，多份清香，也令炸雞更惹味同入口唔膩。泡菜 $10揀芝士口味的燒牛肉飯，所以加埋泡菜，果然提升味道，帶點韓風的酸辣泡菜配芝士，消膩開胃，配甜甜地燒牛肉也好味。配料可自己配搭，搶出新滋味。餐廳提示食法，拌勻飯才食，果然每口都有醬汁同牛肉香，令個飯味道更豐富。溫泉玉子 $15加左溫泉蛋，味道變得濃郁香滑，蛋香十足，味道又夾牛肉，食到牛肉嫩滑感。

今晚特別來食燒牛肉飯，開左都有一段日子，仍然大排長龍，幸好店舖座位較多，所以等約15至20分鐘就可以入座，都接受到。有牛或豚做主材料，分別有清淡的鹽燒或濃味的醬汁燒，另外，還有定食、咖哩及小食，自由配搭，彈性大。其中鐵板更是特色。燒牛肉丼 配溫泉蛋 （大 $65）飯的份量分兩款，（並）或（大），肉及飯都會多左。燒牛肉份量幾多，有濃郁醬油香，微甜帶咸味，牛肉味也濃郁，肉質微彈充滿肉香，洋蔥絲也甘甜惹味。牛肉唔會好肥，邊位係有少少肥牛的脂肪，大部份比例係肉，食完唔膩。飯量亦很足夠，珍珠米好咬又有飯香，餐廳有教食法，要拌勻飯、牛肉同醬，每口都食出日本牛肉飯的真味。餃子 （3件）$15價錢偏貴，但都煎至熱辣辣上菜，皮薄餡靚，個皮煎得香脆，餡唔算好滿，但有菜肉香。個飯配溫泉蛋，令牛肉更香滑，蛋黃汁的濃郁與牛肉汁同飯混合，味道豐富好味。味噌湯 $10雖然點左汽水，但食日本飯要配味噌湯，先叫完整。個湯唔會過咸，帶味噌香，帶海帶及豆腐皮絲，味道都幾好，係份量有點少，好飲但唔夠喉。

因為好懷念日本的牛肉飯，於是去左試下元祖東京食lunch, 叫左個燒牛肉飯，有勁多洋蔥，鍾意食洋蔥真係會覺得好正，燒牛肉配埋日式燒汁好入味，牛肉都幾好食，米飯是用日本米的，吃起來口感非常好，飯量也有很多，HKD75來說是很超值的!然後追加了一份普通的燒牛肉，感覺燒牛肉飯的會比較好吃。豚肉丼比想像中更美味，豚肉不會太肥膩，跟餐的煎餃子也很香口，小食也做的很不錯，每人不用HKD100!都幾抵食，又幾好坐，下次都會再返黎食

經過旺角成日都見到呢間野好多人排隊，今日見冇乜人就同另一半嚟試吓，睇吓可唔可以食返日本嘅感覺😌——————————————————————————門口又係橙色，爭啲以為係吉野家😂——————————————————————————餐牌入面嘅嘢食都幾多款，咁多選擇正呀😏——————————————————————————重量燒牛肉飯加溫泉蛋😋食牛肉識食梗係加隻蛋，撈埋啲蛋汁先夠惹味啦😏佢呢度嘅份量的確係稱得上為重量！不過話係燒牛肉我就覺得爭少少，識落嘅口感同吉野家好似冇乜分別😂牛肉汁亦都有少少鹹得滯🤔——————————————————————————燒豚肉定食🐷睇得出佢個份量亦都係好足夠嘅👍🏻但係啲汁一樣都係偏鹹，反而麵豉湯又唔係好鹹喎😂——————————————————————————總括來講，呢間野可以純粹用嚟當思念日本嘅地方。食物嘅質素我覺得只係屬於一般般。不過有興趣當然可以去試吓啦🤫

“燒牛肉丼(配溫泉蛋)”($55)“鹽燒牛肉丼”($45)“生玉子”($10)“唐揚炸雞3件”($15)“餃子3件”($15)又多一間日本牛丼嚟到香港😍呢間Tokyo Chikara Meshi喺旺角開咗第1間店宜家連新蒲崗Mikiki都有得食啦😆星期六夜晚去到人比想像中少排咗大約15分鐘就入到去😝我地叫咗2款牛丼🐮分別係燒牛肉丼同鹽燒牛肉丼另外再加咗溫泉蛋同生玉子🥚其實食落覺得2款味道差別唔大😂味道比較淡,就係好普通嘅牛肉飯🤣小食叫咗唐揚炸雞同餃子唐揚炸雞食落唔錯,外脆入面唔乾但餃子就好一般,皮唔脆,可以跳過🤣

【日本過江龍~牛肉丼~牛肉丼~牛肉丼】星期五晚去到，等左一陣就有得入座。餐廳入面都幾多位，裝修乾淨企理～☺️點餐係用電話掃描QR code落單，方便快捷。我同友人一人叫左一個飯，其中一個係定食，會有沙律，麵豉湯同埋白飯～📍燒牛肉丼＋溫泉蛋好耐無食過牛肉丼❤️ 牛肉同洋蔥鋪滿晒成個飯，牛肉汁撈飯好好食。🥚溫泉蛋係流心狀態，同個飯撈勻黎食，蛋香好正～📍野菜燒豚肉定食野菜燒豚肉係用熱辣辣嘅鐵板上，🥬炒野菜(椰菜+芽菜)上面鋪滿豚肉！豚肉唔會太乾身，有咬口。燒汁流落底層野菜到，更加好食🥰～沙律係椰菜絲，可以自己加柚子醬調味。咁既價格食到日本街頭既味道，都幾抵丫😋東京チカラめし📭 旺角奶路臣街17號The Forest 地下G8號舖☎️ 28023308