村爺爺龍蝦湯.泡飯.燉湯專家

營業中

休息中

叫左個top1招牌，花膠雞超超超超超大隻雞，成半隻雞咁多，成個餐仲包一大碗飯，飯桶如我都食唔晒，仲有一碟菜，均衡飲食湯好好飲，同自己屋企煲既一樣足料，條菜爽口又有蠔油，一個字，正！呢間都算多人排，最好預早少少到埋單$78

出到黎油麻地已經九點半，真係好餓好餓之前經過幾次都見到門口排晒長龍，今日可能係太夜嘅關係竟然直接入去就有位一入到舖到已經成陣好鮮嘅龍蝦味攻過黎個餐一送到，就見到成碗滿滿嘅海鮮，真係好吸引第一啖當然係要試下個龍蝦湯啦！味道鮮甜，的確無令人失望加埋d青口、墨魚仔、魷魚、扇貝同蜆肉，啖啖海鮮，非常滿足(舊龍蝦其實就無咩肉，但唔浪費都啜下入面d汁，好甜架）最後成碗海鮮湯清晒，唔重味精嘅湯飲晒成碗都唔會口渴，真係值得一試！

殿。海鮮龍蝦湯泡飯 $98唔好睇賣相咁樣，真係好足料。一碗飯係另外上，呢碗全部都係海鮮，少少生菜。聽講湯底淆足22小時，好鮮甜😻，我就一口接一口，用黎送飯真係一流。海鮮有青口、扇貝、魷魚、蜆(海量)，重點係半隻龍蝦！呢半隻龍蝦好巨，仲大過車仔麵湯碗，肉都唔老，仲有鉗剪比你剪。.其實平啲，$60幾都有龍蝦湯泡飯，都有半隻龍蝦。隔黎仲有間用龍蝦湯做湯底既車仔面，都好吸引。食完呢個海量海鮮，心入面好想問係咪真係為到本🙈

因為知道食飯時間一定大排長龍，所以跟朋友五點多就去食，不用排隊，但裡面都已經坐了不小人。我們都叫了半隻龍蝦的海鮮龍蝦湯飯，湯味鮮甜，沒有味精，喝到底都不渴。價錢不貴，但海鮮都不是隨隨便便的雪藏貨，吃得岀鮮味。在打食評的時候，我已經又想去食了。

有一日上網見到朋友post好大隻既龍蝦湯飯😆覺得好好味，好吸引😍所以就叫朋友黎同我嚟食下先地點都好方便，其實一岀油麻地地鐵站🚉轉個彎就到👍🏻當時係晚上八點左右，都見到岀面有大約十個人排緊隊😸咁我就研究下個餐牌有咩好食先☝🏻☝🏻☝🏻原來呢度除咗有湯飯，重有咖喱，同埋撈麵食嫁😋😋不過我見好多人都點龍蝦湯飯，我都點左依個食😂😂😂賣相已經超吸引喇，隻龍蝦真係好大隻呀😬😬成隻碗咁大隻，裹面重有好多新鮮既海鮮😜有青口，魷魚，大蜆🤩🤩🤩重有凡立貝呀！湯底好濃味，好有海水味，海鮮全部新鮮同大隻。而且可以配，飯，麵，米粉或者米線，跟餐重有蝶油菜，同餐飲跟，相當低食👍🏻👍🏻👍🏻另外依個係我朋友叫既，花膠雞😆😆😆依個味道清清地，好有雞湯味，如果二個人黎食，夾住咁食就係完美結合喇👏🏻👏🏻🎊🎊🎊

一早聽人講話好食，好值得試，我地一行4個人係放左工之後去食，排左差唔多一個鐘🙈🙈我見差唔多張張都食同一樣野。就叫左個🦐極上海鮮龍蝦湯泡飯🍚性價比極高，先飲一啖湯再食一啖飯，好鮮味❗️好足料‼️呢個價錢黎講海鮮相當有份量，除左半邊龍蝦之外，仲有蜆有扇貝魷魚，正❗️平時食唔晒d飯，但今次可以一個人食晒😋😋但等位真係要預返小小時間🙆🏻，店主好好，見我地排得耐仲拎左d紙包飲品請我地飲😉😊

琴日喺油麻地經過村爺爺龍蝦湯泡飯店，見到條長長嘅人龍，就聽過朋友講係黃秋生介紹，見到佢個餐牌有真。龍蝦泡飯，又幾正咁喎！所以就跟人一齊排隊食飯，果然係香港人！見到人哋排到都會好想一齊去排我哋等咗一陣就有位，雖然人龍好長，但好彩人流去得好快，所以唔算等左好耐就可以入去食飯啦叫咗呢個花膠雞湯配白飯，估唔到係有半隻雞係個湯入面！本身仲以為會係得雞絲，但係原隻雞係個湯入邊真係嚇親雞湯煮得好香，一啲都唔覺得有好多雞油，而且份量好多！而且泡飯封左一陣就會吸收左啲湯，令到更加飽肚我哋叫咗個龍蝦泡飯，除咗有半隻龍蝦之外，仲有好多唔同嘅海鮮，例如扇貝、青口、蜆等等，咁多海鮮加埋一齊令到個湯底好鮮甜將個飯放左落去之後更加好食，白飯吸收晒個湯嘅精華，食到我哋停唔到！

平時成日聽朋友講話佢村爺爺度食湯飯話佢嘅龍蝦湯同埋雞雞湯飯都非常之好味今次我終於都嚟到村爺爺人龍好多好幸運排左二十分鐘就入得首先嚟咗店舖大熱菜式龍蝦湯飯龍蝦湯底好濃郁之後仲會有一啲配菜包括大蜆生菜青口帶子等等首先我一定係飲湯底真係好掂 好濃 其他配菜都非常新鮮想介紹嘅係龍蝦肉好有口感我女朋友就叫左一個雞雞湯米粉雞件份量好適中雞骨好遠肉質好好味雞湯配米粉，都係一個新嘅嘗試，想話俾大家聽食雞湯米粉一定要飲晒啲湯，因為實在太濃，如果你飲唔晒嘅話就真係晒了其實餐廳已經提供左手套比客人食雞件我覺得依個比手套，餐廳好細心其後我真係唔夠飽所以叫多一碟油菜菜心加蠔油實在太過美味睇到村爺爺嘅佈景板都有好多藝人明星去幫襯證明村爺爺喺行業上都有一定嘅影響力下次一定要叫埋一班朋友去幫襯

一條友收工諗緊食咩之際，就見到呢間村爺爺好好生意，出面又有人排哂隊咁，所以就決定試下。呢到湯飯種類好多，個啊姐係咁介紹我食嗰個花膠螺頭雞翅煲，不過我個人唔太好螺頭，所以最後揀左個殿海鮮龍蝦湯泡飯。寫明有半隻龍蝦，拎到黎真係好大隻先講佢個湯又鮮又甜，海鮮分量都好足，唔計龍蝦另外仲有有扇貝青口蜆魷魚，咁既價錢真係抵食啦！另外仲叫左個小食，都係啊姐強烈推介既墨魚手指拼魚腐，佢話個墨魚係人手打架，所以都好多客食。見啊姐咁強烈推介所以就試下啦，黎到試左又真係幾好味喎，墨魚真係好彈牙，而個魚腐佢用左炸黎整，外面卜卜脆裡面軟林林都幾有新意。

網上好多人介紹呢間村爺爺，專登黎試一試。係對面已經見到排隊等入座，一場黎到都要等架啦...好多唔同種類既湯飯，揀左好耐先至揀到呢個黑毛豬鮮雞海鮮龍蝦湯泡飯，一上枱已經見到隻龍蝦真係大大隻，一d都唔細。佢每個龍蝦湯飯都會跟埋一把鉗，專係要黎鉗呢個，一鉗開一摵真係大大舊龍蝦肉架，好正佢個湯真係好鮮甜，佢湯裡既料都放得好足，蜆肉都應該有成20-30隻以上，而且佢個雞肉應該係用雞脾肉，食落口一d都唔「鞋」烚烚，唔錯

見唔使排隊一於入來試試 (本來想叫海鮮龍蝦湯飯，但隔離枱話麻麻地) 諗住穩陣d所以改咗叫花膠鮑魚鷄，但上到枱賣相唔掂，只鷄好多鷄毛，見到都唔開胃(見圖)，再飲啖湯試下...但唔熱嘅，要靠下面個火慢慢返熱😑 再食一下花膠(當然都係唔熱啦)唔夠淋及唔入味，但有keep住花膠的腥味😪 件仿鮑魚片算正常🙄 等到個湯熱了，大啖飲真d都係覺得麻麻地，個湯唔夠濃厚仲有鷄果陣怪味，唔知點解俾人讚到上天😏 雖然唔貴，但唔會有下次。

朋友推薦係油麻地有一間小店專門食龍蝦湯泡飯好食但價錢非常親民，今日決定去試一試。去到嘅時候已經見到門口大排長龍，大概等左差不多45分鐘先有位。Menu有好多選擇，大部份都係以唔同食材配上泡飯。我點左殿 · 海鮮龍蝦湯泡飯，有成半隻龍蝦同好多唔同的海鮮，例如蜆、魷魚、扇貝、花膠等等，但係價錢都只係$98，超級抵食。雖然d海鮮唔算特別高質，但係以呢個價錢食到咁多海鮮真係非常親民呢～有朋友點左花膠螺頭雞煲翅都話好好食，d雞夠嫩滑好入味😃

話說琴日喺油麻地經過村爺爺龍蝦湯泡飯店，見到條長長嘅人龍，就睇吓佢個餐牌，見到有大大隻龍蝦泡飯有幾吸引喎！所以就同朋友跟大隊一齊排隊食飯我哋等咗大概半個鐘就入得，雖然人龍好長，但好彩人流去得好快，所以唔算等左好耐就可以入去食飯啦我哋叫咗個龍蝦泡飯，除咗有半隻龍蝦之外，仲有好多唔同嘅海鮮，例如扇貝、青口、蜆等等，咁多海鮮加埋一齊令到個湯底好濃郁將個飯放左落去之後更加好食，白飯吸收晒個湯嘅精華朋友就叫咗呢個花膠雞湯配白飯，估唔到係有半隻雞係個湯入面！本身仲以為會係雞絲，但係原隻雞係個湯入邊真係嚇親雞湯煮得好香，一啲都唔覺得有好多雞油，而且份量好多！我同朋友兩個女仔都食唔晒呢！

今次吃左三樣野，第一味是網上大推的花膠螺頭雞🐔煲翅，🐔雞有少許【生】，不止我們認為雞較生，旁邊有檯食客也是，叫了三份雞，有兩份都是生，要求再加熱！第二味是川芎白芷🐟魚頭湯，是三個最好味的，清清的藥材味，都是一般。第三味是極上海鮮龍蝦湯🦑🦐，味道清淡，有龍蝦頭和淡淡的蝦味，咁d肉去左邊？原來要食$98個種先有龍蝦肉，下次大家想試就要留意啦！總結：味道清淡，材料一般，去火鍋店個湯底比佢好味多，用個爐放但又無加熱功能，無聊！不過飲完無口喝，應該無物味精！今次因為不是食飯時間，所以無人排隊先試下，如果平時鍾意食清淡野或病人餐可以一試，個人認為【無下次】！！

睇食評見到兩位數的價錢，有半隻龍蝦，又有花膠同半隻雞，梗係想黎試下啦！見個個都話排曬隊，所以就早少少過黎，5點45分黎到點知都已經排緊隊！不過人流去得快，等左一陣就入得喇！排隊果時見到有d藝人都有黎食，好似幾有睇頭咁。餐牌寫明邊幾隻款會有龍蝦，除左飯之外，都可以食米粉、麵...不過個人覺得飯應該好食d,因為吸味！真·豬永其龍蝦湯泡飯真係有半隻龍蝦！湯底好甜！有龍蝦的味道，而豬求其係指豬雜，粉腸、豬潤等等···如果唔食內臟就唔好叫呢個，其他真·龍蝦泡飯都會有半隻龍蝦！花膠螺頭雞煲翅套餐加左十蚊有飯、菜同熱飲，咁就可以當泡飯食喇！雞湯味都算濃，但花膠的味同翅味（好似係魚唇）就無乜喇，而螺頭都有d硬！最gimmick就係有半隻雞，仲有手套俾埋你自己手撕雞南乳炸雞翼+薯角炸雞翼好好食！好勁南乳香加上雞翼油，好滿足呀！而薯角就無乜特別。