杏甜品 (香檳大廈) (已結業)

樂悠卡族的下午浪漫，選擇來滿室綠意，文青feel的杏甜品。我和老公選了signature的杏仁茶燉蛋白和心頭好椰皇湯圓燉雙皮奶。杏仁茶香味濃郁，蛋白滑溜而不腻，而平日厭太飽肚的雙皮奶，由於椰皇內留了空間放椰皇水，有燉甜湯和奶布丁及湯圓的三重口感，又香又甜又不滯，真係好細心的配搭。食物、環境（背景音樂和綠色主調的裝修）和服務都讓用在忙碌的都市生活有份輕鬆，在疫情下和壓迫感中給人一份甜和寫意。整體舒心，我给80分

呢度嘅龍眼爽冰真係好有喺泰國食嘅感覺🇹🇭食落超超真材實料 個冰底超濃郁嘅龍眼味 好清甜 口感好綿密幼滑🤍夏天食真係夠晒爽🥰面頭仲有啲椰果同水晶珠 口感更加豐富😚

我哋响《Almond Natural臻味甜品》Order咗：🥭呂宋芒小丸子杏仁茶吸吸〰️💲55杏仁茶做得好出色，夠晒香濃，呂宋芒果又甜連埋Q彈小丸子🍡，一啖飲到不同口味！🇹🇭泰國金標龍眼爽冰〰️💲55呢個爽冰真係好味！夠晒冰凍，啲冰係夠晒軟綿！重點係佢哋自家製嘅冰，所以入口即溶，冰🧊係充滿龍眼肉好清甜，加埋椰果同脆爆粒粒，口感十足👍🏻🥥椰皇貓山皇燉雙皮奶〰️💲75用咗北海道3.6牛乳燉嘅雙皮奶真係重奶味多點，而且配上我哋喜愛嘅貓山皇真係絕配！佢哋仲有積分制，儲夠足夠積分就可以換可愛嘅貓貓匙羹、實用水壺！

疫情下，有好多實體甜品店漸漸地消失係市區中，而Almond Dessert杏甜品係尖沙咀黃金地段嘅一間以杏仁作主題嘅甜品店🍨🍧🍮，經常大排長龍👬👭👫🧍‍♂️🧍，可能我哋去嘅時間都比較早，大家都係處於食晚飯嘅時段，所以入餐廳嘅時候都唔洗等位，直接入去就有位坐😚我哋兩個人Total叫咗三個甜品，包括杏仁茶燉蛋白、楊枝甘露豆腐花、椰皇芝麻湯圓燉雙皮奶🥥🥥，我個人比較鍾意夜晚芝麻湯圓燉雙皮奶，有好香濃嘅牛奶帶有淡淡的椰香味，再加上芝麻湯圓，一個甜品兩種享受👍🏻重點係我真係幾鍾意食芝麻湯圓🫶🏻然後就係佢哋嘅招牌杏仁茶燉蛋白😽香濃嘅杏仁味，加上燉蛋白，滋補又養顏，味道又唔會有膠膠地嘅味道🫶🏻重點唔會好甜🫰🏻最後就係楊枝甘露豆腐花，香港都有唔少糖水舖都有依一款甜品，所以我覺得平平無奇🤤不過都ok ge 😬如果豆腐花有得轉做燉蛋白，唔知係啲咩味道呢？⭐️杏仁茶燉蛋白 💰$55⭐️楊枝甘露豆腐花 💰$59⭐️椰皇芝麻湯圓燉雙皮奶 💰$69

📍Almond Dessert🗺尖沙咀加拿分道40-46號香檳大廈地下6號舖較失望嘅體驗😪 點餐係喺出面叫，食物都係要自己出去攞，完全無服務⚡️椰皇桃膠燉雙皮奶 $67呢個黎到首先覺得個椰皇幾細隻，比其他店嘅細，所以覺得唔抵食🫠跟住食落係暖嘅 我地expect佢熱啲就同職員講 點知佢話「呢款係暖嘅 唔會熱到辣嘴」我地都呆左😦 因為喺其他店食嘅都係熱嘅… 最後都換左嘅真係熱嘅比我地⚡️杏仁茶燉蛋白 $55呢個係熱嘅 味道唔錯整體黎講，幾失望，唔會再去🫥

夏日炎炎，梗係要去食個凍嘅甜品消下暑，嚟左尖沙咀呢間好多人推介嘅甜品店。估唔到都有好多種類，有特別嘅燕窩花膠系列，仲有我最愛嘅冰品，所以我同朋友兩個人就叫咗三樣嚟share。呂宋芒小丸子杏仁茶吸吸呢個係好特別嘅系列，傳統嘅茶底配上新式嘅芒果仲有小丸子，杏仁味香得嚟唔會搶咗芒果嘅香，飲品唔會係死甜，飲得出芒果天然嘅甜味，小丸子煙韌而且份量好多，整體飲落好順口龍眼爽冰 食落好清新，帶有龍眼嘅微微甜味，上面鋪滿一咬就爆嘅西米粒粒，食落又加添一層口感，食完成個人即刻涼爽咗好多，而且一啲唔會覺得食膩貓山王榴槤爽冰 呢個冰就係比較順滑creamy嘅，整體好綿密，上面鋪滿貓山王榴槤果肉， 好香好好味，真係啖啖都好似食緊榴槤甘，鍾意榴槤嘅唔可以錯過。呢度環境好舒服，有啲燈飾，好靚，方便三五知己一齊食甜品仲可以打卡㖭

首先 該店既出入口長樓梯其實好窄小食完既客同外賣既客落緊既同時 另一邊等緊位既客係樓梯到等 上上落落當中會碰撞亦危險 有另一邊出口點解唔指引客人由該處離開？第二 員工既服務態度真係麻麻我地落單叫左兩個甜品 落單號碼係1117落單果時留意到貴店既模式係 大快活式睇號碼自取中途望左幾次電視一開始係全頁滿晒號碼 尾數係1116 然後突然號碼清晒 最後再次顯示果時已經係C字頭既號碼跟住就聽見你地一位女員工大嗌1117先意識到係我地 並拎左其中一個甜品可能真係冇留意到電視 但一部電視係身後 一部電視係柱既旁邊但係我地坐既類似吧台位置唔擰轉係望唔到電視 會唔會考慮改善一下呢？拎到番埋位發現冇餐具 出番去問果位女員工用勁唔耐煩既態度講 未有呀等等先可能貴店的確客似雲來 洗都洗唔切只好番埋位等後來拎左芒果西米露先發現係有餐具自己出去拎番果時已經唔敢再坐低挨係 周不時望下電視望下出餐位 都唔見1117既號碼 之後又聽見女員工大嗌1117同時將我地既甜品捧去另一個位下？乜有捧餐服務如果我地聽唔到冇截住係咪就請左人食？你地公司既policy係比左錢先出餐仲要事後我睇番1117張單先知淨係印左椰子冇印到芒果西

熱到死就會想食甜品🥵點知好失望😔嗰日都唔知係我哋太唔好彩定點，想食咩冇咩😩✨芒果奶昔雙皮奶雙皮奶好一般，似燉蛋白多啲☹️雖然芒果係幾甜嘅，當燉蛋白咁食係幾好食嘅😂✨貓山王榴槤爽冰鍾意食榴槤嘅話個味係唔錯嘅，但係上面個榴槤蓉放得有啲hea 😞勁少仲要未溶雪，硬到好似石頭咁，係小失望嘅✨養顏青鑽桃膠杏仁茶吸吸呢個係幾好飲嘅👍🏻幾有咬口！而且桃膠夠養顏個陣想食椰皇但冇就真係幾失望，因為去嘅目的就係想去食個椰皇～#almonddesserthk 📍 尖沙咀加拿分道40-46號香檳大廈地下6號舖

放假去搵好野食系列！前排上網見好多人介紹呢間糖水舖，比佢個椰皇燉雙皮奶吸引左，所以帶埋牙媽去食，同佢一齊養顏！我揀左椰皇湯圓燉雙皮奶，湯圓如果吾問既話就會比芝麻，因為我多口問左句，發現可以轉味道，所以揀左抹茶味。湯圓好似粒蜜瓜，出奇地好食。湯圓皮好煙韌，入面系抹茶流沙餡，甜甜地，系我鐘意既抹茶味，仲有啲椰汁浸住。食到一半會發現雙皮奶系下面，好香椰子同牛奶味，而且幾滑，可惜份量就少左啲，食得吾夠喉。牙媽最愛榴槤，所以佢一見到menu已經立即決定食椰皇貓山皇榴槤燉雙皮奶。我吾食榴槤，不過一上枱已經好濃烈既榴槤味。媽媽話最上既似系介乎榴槤雪糕同冰之間既野，入口好香濃既榴槤味，好岩佢食。另外見呢間既招牌都寫住「杏」字，杏仁野應該都出名，見口渴就叫一杯飲下。呢杯系呂宋芒小丸子杏仁茶吸吸，第一次飲幾特別，杏仁味好出，帶有少少芒果味，下面有小丸子可以咬下，芒果肉吾系好多。呢度既環境都好舒服，仲會播啲放鬆心情既歌。門口會掛住呢個招牌。

較早前見網絡媒體介紹這店, 以杏仁和健康為主題, 雖然被其杏仁系列飲品吸引, 造就這次光顧, 但有感天氣酷熱及見有貓山王榴槤爽冰, 杏仁系列飲品還是留待下次吧。小店以綠色及白色作主調, 予人小清新感覺。枱與枱之間距離充足, 坐得舒適安心。貓山王榴槤爽冰 $59不喜歡榴槤的食客坐在我附近應該蠻痛苦的。榴槤香氣四溢, 十分濃郁, 小店是否應該考慮設立榴槤區非榴槤區呢? 哈哈哈......榴槤肉有乒乓球般大, 實實在在, 超級滿足。爽冰質感如綿花冰, 夠軟綿, 夠冰凍, 是消暑佳品。

呢一間係尖沙咀唔太顯眼嘅樓上甜品店嘅甜品🍮真係好啱夏天食！味道夠晒清爽✨最推介佢哋嘅榴槤爽冰🍨鍾意食榴槤嘅話一定要食😍上枱嘅時候已經聞到陣榴槤香 食落去個榴槤味仲更加濃郁 超正！！

二訪呢間甜品，佢喺正尖沙咀Donki隔離，裝修簡約木系cafe風。平時夜晚經過排曬長龍，今次下午時段經過見冇人就入去食個甜品當tea！甜品有好多款式，主打當然係佢嘅杏仁甜品，平時都好少見，佢仲有唔少養顏健康嘅選擇，連燕窩果啲都有！每個望落都好吸引，而且都係少甜配方，食完仲想再食呀！------------------------------🧋◖養顏青鑽桃膠杏仁茶吸吸◗ $48呢個係新系列黎，杏仁茶底滿滿嘅杏仁香味，啱曬鍾意杏仁露嘅朋友仔！佢呢隻有啲青鑽桃膠喺底，好似爆爆珠咁好有咬口，係低卡健康版嘅珍珠，消暑解渴！🍮◖芒果奶昔雙皮奶◗ $59分咗三層，最頂層舖咗好多新鮮芒果肉，然後係芒果打成嘅奶昔，食落幾creamy似食緊雪糕咁！最落面就係舖頭嘅招牌雙皮奶，口感係燉蛋白咁軟滑，好重奶香唔會好甜，成碗嘢食落好有層次感！大力推薦！🍡◖全家福湯圓◗ $49見佢個menu有好多湯圓款式，煙韌控嘅我好想全部都試曬佢！全家福有齊榴槤、抹茶、高梁奶黃同黑芝麻，可以一次過試曬佢！湯圓一咬落去已經爆餡流心，甜度啱啱好唔會好漏，外皮煙煙韌韌咁好滿足！Encore指數：9/10----------------

今日第一次帶囝囝到甜品店食甜品，我地揀左去呢間位於尖沙咀香檳大廈的Almond Dessert 杏 甜品店，因為杏甜品的甜品是用每日現磨的杏仁製作，而且餐廳採用果糖來製作甜品，小朋友都好啱食。👍🏻我地下午16：00左右到餐廳，但平日呢個非繁忙時間客人都唔少，我揀左一款杏甜品新推出的凍杏仁茶吸吸，老婆就點左杏仁茶燉蛋白，另外我地揀左椰皇燉雙皮奶俾囝囝食。😁意大利黑松露芝麻杏仁茶吸吸 $68天氣又熱又濕，最適合嘆返杯冰凍飲品，呢款凍黑松露芝麻杏仁茶堅果味突出，唔太甜之餘仲食到粒粒黑松露，飲完透心涼快。😙椰皇桃膠燉雙皮奶 $67囝囝食呢款椰皇桃膠燉雙皮奶唔會太甜，雙皮奶超香滑而且份量多，加上養顏的桃膠同椰皇肉，小朋友同媽媽都好啱食。😁杏仁茶燉蛋白 $55老婆點的杏仁茶燉蛋白杏味香濃，入口溫潤甘美，配上滑捋捋燉蛋白，既養顏又香味。👍🏻而家同小朋友去到餐廳一齊食甜品打卡，仲可以獲得一隻可愛貓貓匙羹，囝囝食完碗美味甜品後仲有靚靚貓貓匙羹攞走，超級開心。🥰

對上一次黎原來已經係冬天既事☃️當時仲未有咁多new products，到依家夏天，日日三十幾度🔥真係行係條街有杏遇到你😂即刻幫我cool down🧖🏼‍♀️。🐒呂宋芒小丸子杏仁茶吸吸💰$55首先嗌番杯新野試試先啦🥭佢係芒果Mix杏仁奶，原來都幾match，重點係夠凍，令小丸子口感更煙韌🍡味道天然，完全唔係化學芒果🧪。🐒椰皇桃膠燉雙皮奶(凍)💰$67之後就同男朋友一人嗌一樣唔洗爭😂我就嗌左個椰皇，因為上次黎淨係試左熱，今次天氣咁熱就嗌啲凍野涼一涼❄️佢燉雙皮奶但都唔會好乾，食哂啲奶仲有個椰皇食🥥。🐒貓山王榴連爽冰💰$59果然係店內最受歡迎👏即使放到最後先食，啲冰都唔會變哂水，食落仲係咁透心涼冰本身都已經夠屈機，仲要加埋榴連🍧完美地從男朋友手中獲得甜品主導權，真係驚艷到我🥰勁滿足。呢間甜品即使係二訪都仍然好有驚喜，同埋佢都keep住推出新產品，所以即使係兩次去都試到2種截然不同既感覺👍🏼唔知下次又會有咩new products呢？❤️

係尖沙咀食完晚飯，點都要食埋甜品先夠完美😝行過見到有間文青甜品店，主打現磨嘅杏仁甜品，甘特別一定要入去試試🥳杏甜品裝潢以湖水綠色做主調，環境好舒服，座位都好闊落，飲用水仲可以係自助區斟。佢地既甜品用料新鮮，夠晒真材實料，仲不定期會推出新產品。除了杏仁甜品外，仲有不同口味既椰皇、爽冰、雙皮奶，多款中式同港式糖水。🌟意大利黑松露芝麻杏仁茶吸吸 $68新推出既杏仁茶吸吸系列有多款口味可以選擇，杏仁每日新鮮現磨，今次我就揀左意大利黑松露。黑松露份量好多，所以一飲落口已經feel到好濃烈的黑松露香味，另外杏仁茶香味亦好突出，吸吸既口感有啲似沙冰，底層仲有煙韌軟糯嘅小丸子，口感豐富! 呢杯杏仁茶，唔單止健康仲好養顏🤩🌟貓山皇榴槤爽冰 $59其實我對榴槤有D抗拒，不過朋友想食就陪下佢啦😆爽冰上面有一大球榴槤肉，好香濃的榴槤味，但今次我又接受到，仲覺得幾好味。爽冰有D似綿綿冰，口感好幼滑，仲加左西米，增加口感🤤🌟椰皇桃膠燉雙皮奶 $67雙皮奶可以揀熱或者凍食，我就揀熱的，雙皮奶奶味特別香濃，燉奶質感幼滑，桃膠份量好多，食完雙皮奶仲可以挖埋椰皇D肉食，椰肉都好腍好易挖。呢個絕對係女仕的養顏恩物😍📍杏甜品