影片
更多
2022-07-20
18 瀏覽
二訪呢間甜品，佢喺正尖沙咀Donki隔離，裝修簡約木系cafe風。平時夜晚經過排曬長龍，今次下午時段經過見冇人就入去食個甜品當tea！甜品有好多款式，主打當然係佢嘅杏仁甜品，平時都好少見，佢仲有唔少養顏健康嘅選擇，連燕窩果啲都有！每個望落都好吸引，而且都係少甜配方，食完仲想再食呀！------------------------------🧋◖養顏青鑽桃膠杏仁茶吸吸◗ $48呢個係新系列黎，杏仁茶底滿滿嘅杏仁香味，啱曬鍾意杏仁露嘅朋友仔！佢呢隻有啲青鑽桃膠喺底，好似爆爆珠咁好有咬口，係低卡健康版嘅珍珠，消暑解渴！🍮◖芒果奶昔雙皮奶◗ $59分咗三層，最頂層舖咗好多新鮮芒果肉，然後係芒果打成嘅奶昔，食落幾creamy似食緊雪糕咁！最落面就係舖頭嘅招牌雙皮奶，口感係燉蛋白咁軟滑，好重奶香唔會好甜，成碗嘢食落好有層次感！大力推薦！🍡◖全家福湯圓◗ $49見佢個menu有好多湯圓款式，煙韌控嘅我好想全部都試曬佢！全家福有齊榴槤、抹茶、高梁奶黃同黑芝麻，可以一次過試曬佢！湯圓一咬落去已經爆餡流心，甜度啱啱好唔會好漏，外皮煙煙韌韌咁好滿足！Encore指數：9/10----------------
------------------------------
🧋◖養顏青鑽桃膠杏仁茶吸吸◗ $48呢個係新系列黎，杏仁茶底滿滿嘅杏仁香味，啱曬鍾意杏仁露嘅朋友仔！佢呢隻有啲青鑽桃膠喺底，好似爆爆珠咁好有咬口，係低卡健康版嘅珍珠，消暑解渴！
🍮◖芒果奶昔雙皮奶◗ $59
分咗三層，最頂層舖咗好多新鮮芒果肉，然後係芒果打成嘅奶昔，食落幾creamy似食緊雪糕咁！最落面就係舖頭嘅招牌雙皮奶，口感係燉蛋白咁軟滑，好重奶香唔會好甜，成碗嘢食落好有層次感！大力推薦！
🍡◖全家福湯圓◗ $49
見佢個menu有好多湯圓款式，煙韌控嘅我好想全部都試曬佢！全家福有齊榴槤、抹茶、高梁奶黃同黑芝麻，可以一次過試曬佢！湯圓一咬落去已經爆餡流心，甜度啱啱好唔會好漏，外皮煙煙韌韌咁好滿足！
Encore指數：9/10
------------------------------
呢間甜品舖真心好高質，好鍾意佢好多款又足料，同埋唔會好甜，可以每次去都試下新嘢，慢慢試曬佢！本身今次想食佢個椰皇，但果日椰皇咁啱仲未到舖，佢係每日新鮮供應數量有限㗎，有幸見到一定要試！佢仲出咗一個light meal set，可以甜品/咖啡配搭輕食，好似三文治乳酪果啲都有，都係$48up，平過cafe，值得一試！
張貼
