本佐日本燒肉料理 (已結業)

老實說，一直對放題無乜特別意欲想食，但朋友同我講呢間係尖沙咀既燒肉放題，雖然係放題價錢但一點都唔hea ,於是就比佢帶左黎食！餐廳店面都好闊落、我最中意既係佢地用平版落單，免除左紙張既浪費，之前食放題個陣，見到點一樣又用一張紙，真係好唔環保！朋友話呢度既燒肉拼盤好正，拼盤內包括左日本和牛、豬頸肉、黑豚肉、五花腩、牛肉粒！燒落果然好唔錯，以呢個價錢黎講絕對係物超所值！和牛肉都好鮮甜、肉質juicy !另外仲叫左鮮蝦刺身同帆立貝刺身，都非常新鮮又甜美，又好爽口彈牙呢！我地都有叫活蝦黎燒，有另一種風味，食到最原始既味道！呢度令我對放題改觀，高質又高性價比，值得一黎呢！

以前去過唔少燒肉店，一係就通風唔夠，搞到煙霧瀰漫，一係就開大冷氣，搞到個場勁凍，呢間一入到嚟就感覺通爽舒適，環境已加分。餐廳主打係日式燒牛肉，生牛肉一上爐，熱力馬上將啲油脂逼晒出嚟，望住啲牛油同肉汁反晒光咁，未上碟已經大飽眼福啦。欣賞嘅同時都要小心掌控火喉，燒太耐會令肉質變乾變韌。熊本一口和牛係我的最愛，燒得岩岩好嘅熊本和牛, 一入口牛油豐富非常juicy，加上調味料更讚！同場仲有刺身同其他熟食, 不過當然同主角和牛無相比啦。

來到本佐, 一入門口, 有張大圓高吧枱, 感覺尚算寬敞, 可以邊欣賞師傅刀功, 邊食燒肉兼飲酒。吧檯適合一人自私食或兩人聚會, 今次我哋一行四人被安排到一張設有板隔嘅卡位, 咁就算係搭枱都尚算有私人空間。多款刺身之中, 帶子和甜蝦較好, 帶子SIZE略細, 但尚算鮮甜, 甜蝦都算大隻, 連蝦頭上碟, 夠新鮮。玉子燒, 質感沒有想像中鬆軟, 較遜色。今餐最欣賞的是熊本一口和牛及極上牛小排, 肉汁鮮甜, 尤其是牛小排, 薄切的, 易入口, 每面燒約30秒就可, 非常可口, 絕對非ENCORE不可!雞泡魚干燒到軟身, 大約在爐上燒30-45秒就食得, 食落帶點焦香味, 送酒一流! 生菜包燒肉就食得多, 今次我地發揮左少少創意, 用嚟包住剛剛燒好又充滿蒜香的台式蒜香腸, 外爽內香, 有生菜幫助解膩, 食完都唔會覺得成口油。

早前同朋友都燒肉癮起，但又budget唔多，上網搵左好耐先睇岩呢間餐廳！你知啦，香港食個燒肉都唔平，而且我地呢種食肉獸，真係唔可能食兩三碟就會飽😫呢度就唔同、主打任食任點，你可以好放心咁食呀！不過留意返，呢度飲品要逐樣收費既食物方面：要回本就要必點海鮮🦞喇呢度既海鮮🦞都係任點！私心推薦：海蝦、牛生油蠔、開邊帶子！另外，牛肉粒入口都幾juicy🔥而且呢度最開心既係有魚生任食呀！過黎止止口癮都不錯👌🏻

真心不知所謂既一間高價格低食料既日本餐廳，認真，仲衰過旺角兆萬中心任何一間放題，仲要三百，真係唔知憑咩。仲要任飲再加30!! 罐裝喳。態度又衰，收錢個下咪叫好啲囉，部落單機有問題，全部order左既食物無哂，唔好意思又無聲，黎食物個時一野揼落黎。真係我地忙佢十陪既放題員工都無佢地咁衰！最慘係有朋友生日話唔該可唔可以幚我地影張相，一句: (唔得閒！) ，我朋友個下真係。。。我係第一次嬲到要寫食評！垃圾餐廳！食麥當勞都無咁激氣！

今日去到尖沙咀同有一班放題愛好者去食日本燒肉放題，呢度主打高質燒肉放題，超過60款肉類，海鮮，刺身，蔬菜，炸物及和風料理肉類🥩🥩有安格斯極上牛仔骨，牛小排，黑豚肉，五花肉，豬頸肉，雞翼等等，各款肉類質素好好, 醃味都恰到好處, 個人特別喜歡日式芝麻雞翼，芝麻味令到雞翼燒起上嚟特別香口，而且唔會覺得好油膩，脆脆的海鮮🐟🦐選擇非常多, 有魚柳, 海蝦, 青口, 鯖魚, 蜆, 三文魚頭等, 特別喜歡元貝同廣島蠔, 加左牛油有齊燒, 特別鮮滑刺身😍😍食燒肉時有刺身作調和, 感覺無咁肥膩, 呢度有三文魚, 八爪魚, 北寄貝, 帶子等, 都好新鮮

今晚同男朋友屋企人食飯，佢話次次都食韓燒。要試下日式既燒肉，就搵咗間試下。入到尼，見到有吧枱位另一邊係全部都係卡位，坐得幾舒服。坐低就揀野食，每款肉望落都好吸引！雞翼係單骨雞翼，比較貼心，燒時又可以快d熟，食又方便d。醬汁都入汁，好味。豬頸肉味道惹味，不過就辣既，咬落都爽口，唔錯唔錯。牛方面，牛小排，牛仔骨同肉眼粒，每樣質素都好高喎！肉質好，樣樣都唔怕靭男朋友最喜歡燒菠蘿，菠蘿本身夠甜，燒完之後d味更加出。我本身唔特別中意食菠蘿，都食左好多舊。仲有得嗌刺身同壽司仲有前菜，刺身都算新鮮，三文魚最好味！芝麻八爪魚同螺肉就正正常常啦。沙律菜都唔錯架。我最中意食蝦，見到隻隻都好大隻已經好興奮，仲要肉質好彈牙！我地仲嗌咗青口試下，都好大隻呀。而活蜆就嗌咗好多隻，但掛住唔記得影呀！蜆味係好鮮味，無沙，食下食下就食晒lu！總括依間d燒肉真係好高質，物有所價！無論燒肉定其他熟食剌身，都有水準。下次一定會再尼食呀！個人認為美中不足係，可能食慣韓燒都有個吸油煙既管，依到就無，所以覺得d煙勁咗d。不過咁樣又的確係燒肉既氣氛

每次朋友問我想吃什麼，我一定會說：燒肉！燒肉！燒肉！不過她們不是要減肥就是要介口。而且很難找到價格相宜又好吃的燒肉。幸好同事介紹了這間「本佐日本料理」。當時就拍板：我要去食！最後覺得這個決定十分明智，可以說是十分好。甫坐下沒多久，還沒點餐，店員先送上一碟不同種類的肉類，當下就感得服務挺好的。而且點餐後，上菜也很快，一會兒就擺滿全台，全程也沒讓我們餓著等。多年放題經驗，吃肉肉前，要先吃沙律菜增加酵素...會吃得更多小菜類多選擇，樣樣喜歡的都點了點，不會浪費，因為每樣份量都很少，不夠的再點，反正上菜快。這個炸雙皮奶好好吃呀，不惜放棄肚容量，吃了3條菠蘿不是當造，但燒熱後也夠甜，十分開胃；翠玉瓜多水有口感；燒粟米加少許蒜油更加突出香甜；小菜最好吃是燒元貝，記住，這個一定要加蒜蓉！加蒜蓉！加蒜蓉！好吃的東西要說三次！高潮來啦！燒肉種類挺多的，以下排名推薦必吃：首先是安格斯肉眼粒，燒烤技術差勁都可以燒出嫩嫩多汁的牛肉，容易嘛！很容易呀；其次是，安格斯極上牛仔骨，肥美的膏油燒得滋滋叫，一口一口的盡情享受吧；然後的是地獄醬雞中翼，不要給名字嚇怕，其實不辣，反而很野味好食！最後，燒雞泡魚干，是超級好下

個朋友想食燒肉加放題嚟咗呢一間係係尖沙咀都幾出名嘅放題加燒肉因為佢嘅放題係有火炙壽司而且佢嘅燒肉都好高質所以就同朋友一齊嚟食見到佢嘅環境都好靚你仲可以揀室外望到尖沙咀嘅景一路食嘢一路睇環境方面都幾乾淨頭先開會送咗一燒肉拼盤有牛肉雞肉雞翼尖等我哋試吓一啲出名嘅肉先爐嘅火候都好夠刺身三文魚刺身佢哋嘅上菜速度都好快而且三文魚都幾高質本佐玉子燒仲有我鍾意嘅玉子燒添仿鮑片刺身好難得會有呢一個刺身都好好味好爽口熊本一口和牛佢哋嘅牛都好靚而且脂肪肉分明好滑本佐安格斯肉眼粒安格斯肉眼粒都係好重牛味好香三文魚子軍艦可以食到新鮮嘅三文魚子軍艦好味唔會好腥火🔥炙和牛西冷壽司🍣真係和牛壽司加埋飯同埋燒汁真係超好食黃金龍蝦卷火🔥炙三文魚壽司🍣叫咗好多round係真係超級正可以瘋狂食一個壽司真係好食好好多牛油粟米蟹子沙律🥗佢嘅沙律都幾好食但係好大而且好多蟹子胡麻沙律🥗香芋丸甜薯榴槤炸彈炸雙皮奶一個都幾特別平時喺酒樓先食到一到都可以叫你試吓食到好香嘅雙皮奶味塘楊雞塊薯格而且係即叫即炸

今日太太話想食燒肉，即刻問朋友有冇好野介紹，就黎到黎到沙咀搵食!入到去好似日本d居酒屋好有feel,因為早去都唔算好多人被安排坐bar枱，睇住師父幫我地準備食物!店員先為我地準備頭盆好好，款式好多有海鮮我同太太都好中意食牛，所以狂叫牛，而牛質素好好，好正海鮮好新鮮食完又食好正!因為食左太多肉，最尾嗌左個沙律食，冇雪味唔似出面整定擺係到，十分好總括黎講，呢間日本燒肉店好味又抵食，套餐會包每人一款飲品，唔夠可以加40蚊任飲

前陣子途經尖沙咀工作，因為透支過多腦力和體力，十分肚餓，馬上去覓食。轉入赫德道的時候，抬頭一望，見到一間叫本佐的日式燒肉店。心裡相當興奮，終於可以大快朵頤。進入食店，看著平板電子點餐牌，款式眾多，包括有剌身船、海鮮頭盤、黑豚頭盤、和牛拼盤、日本雞肉頭盤等等，還有A5和牛粒同安格斯牛仔骨。食店選用的刺身及海鮮非常新鮮，同時又有多款燒肉食材，例如日本佐賀直送A5和牛粒，油脂甘香、肉質爽口。看完電子餐牌，大腦已指揮手指不斷一鍵下單：肉類選擇了【唐辛子豬頸肉】、【熊本一口和牛】、【日本黑豚裡肌肉】、【極上牛小排】、【黑椒牛仔骨】；肉味濃郁，口感一流。刺身類則點選了【八爪魚刺身】、【松葉蟹棒】、【日本甜蝦】、【日本帶子刺身】、【仿鮑片刺身】、【北寄貝刺身】；刺身十分新鮮，尤其甜蝦，非常鮮甜，帶子爽口，值得一試。海鮮類就挑選了【 紐西蘭香草龍利柳】、【 廣島蠔牛油燒】、【鯖魚】；海鮮食材絕不欺場，尤其廣島蠔，蠔味十足！總括而言，本佐對我來說都是一家良心食店，上菜速度非常快，而且每款食材都是相當新鮮，座位又闊落，非常適合一大班老友聚腳。今次偶然一試，相當有驚喜。下次有機會一定再試！

同朋友一行四人去尖沙咀呢間日式燒肉放題，當晚餐廳近乎滿座！所以我地就坐咗喺bar枱，雖然傾起計上黎唔算太方便，不過呢個位可以望住廚師準備食物同上菜，都別有一番風味呢👻.食物方面都有驚喜！肉類嘅肉質鮮嫩，即使唔點任何醬汁，都已經好好味。當然配上鹹鹹甜甜嘅燒肉汁或者清爽嘅生菜就更加惹味~.肉類之中比較推介一口和牛，牛味幾香濃之餘口感又唔會韌，我地都有encore😝.除此之外仲有啲唔同口味嘅雞翼同埋腸仔。其中以蒜香腸最吸引，燒起趁熱食，令人諗返起台灣夜市嘅風味呢🤤.海鮮嘅選擇都唔少，而且都幾新鮮，值得一試！個人幾鐘意元貝同廣島蠔，牛油嘅香加上海鮮嘅鮮甜，真係令到味道更上一層樓～.除咗有燒肉，呢度仲有壽司刺身可以任食😋 各款嘅刺身都好新鮮肥美，幾有驚喜！.除此之外仲有好多唔同嘅小食炸物，等緊燒肉嘅期間都可以先過下口癮👻 當中蟹籽沙律嘅賣相相當吸引，味道亦都好清新，可以中和下食咗咁多燒肉嘅油膩感😆.炸物方面，炸多春魚同炸雙皮奶都幾好味！前者酥酥脆脆好惹味，後者外脆內軟，甜度啱啱好👍🏻.總括來講呢間放題食物嘅選擇非常豐富，坐位舒服有氣氛，又唔會太重油煙味，係聚餐嘅好地方😝

本佐日本燒肉料理-燒肉刺身大混戰同朋友出街食飯最常遇到既問題就係-大家各有想食既野，好彩俾我係尖沙咀赫德道搵到間可以依到壽司刺身，同時滿足我食燒肉既餐廳。一入到餐廳，職員就安排我地坐bra枱，同時放低咗一碟肉同一部ipad，方便我地一邊點餐，一邊燒肉食。本佐比其他餐廳環保，佢地採用電子落單，一黎可以減省紙張，同時亦可以知道自己落咗咩order，食放題食韓燒時間就係金錢，不得不讚佢地出食物速度快，同時冇漏單。食燒肉醬汁方面都好重要，本佐分別提供照燒汁、豉油、鹽、黑椒，仲有七味粉，最岩俾我cooking mama。刺身方面，雖然只有8款，但每一款都好新鮮，尤其係帶子刺身同三文魚刺身，真係好新鮮肥美。本佐應該係第一間令我不斷encore壽司既放題，強力推介火灸三文魚壽司貼火灸和牛西冷壽司，兩者燒既火候都岩岩好，入口即溶，而三文魚壽司再加上沙律醬，令到愛食醬既我總共encore咗3次。至於燒肉方面，我主要叫咗熊本一口牛、安格斯極上牛仔骨、安格斯肉眼粒及出面好少有得燒既雞泡魚乾，牛肉油脂分佈尚可，牛肉味都幾濃。燒海鮮方面，我就叫咗日本元貝，廣島蠔同埋青口，海鮮都幾新鮮，仲有單點蒜蓉俾我地加落海鮮

本身應承咗個朋友陪佢去食放題，但係又聖誕節又過年一直拖一直拖，終於有機會可以同佢食到放題啦今次揀咗一間有燒肉食嘅放題，咁就可以滿足到我朋友又想食燒肉而我又想食魚生嘅慾望，餐廳係尖沙咀，無論泊車同揸車都係咁方便，餐廳係一間酒店嘅隔離，喺赫德道搭lift上去就係啦餐廳環境好優雅，有室內嘅空間同埋室外嘅空間，我哋雖然選擇咗坐入面，但係仍然可以走出去食煙，雖然係有限時但係時間都好足夠嘅，因為餐廳出菜都好快。呢度係用iPad點餐嘅，基本上一樂園單唔使5分鐘你要嘅嘢食都已經係你枱面出現，嘢食種類唔算係最多，但係佢嘅質素我覺得都幾好，淨係講一樣好簡單嘅嘢，我叫咗三文魚子軍艦，三文魚子好新鮮，紫菜都好新鮮係趣嘅。燒肉方面都有好多種唔同嘅選擇，比壽司同埋魚生嘅選擇都好多，唯一一個缺點我唔係太鍾意嘅就係佢限咗你只可以叫一罐飲品

向來我對燒肉都抱著可避就避的態度...總是害怕一身肉味回到家中。為何今天竟主動呢? 事源是最近男朋友獲得了一個更好的工作機會，很快又會從金鐘搬離。(好像兩年幾來已轉了幾份工? )今天給他找了一間不錯的燒肉店打算來個小賀，始終肉和男人都是密不可分的。這次我會分幾部分點評: 位置 ★★★位於尖沙咀的本佐日本燒肉料理，地理位置上來說不太優越。從尖東站走過去大概需要10分鐘。絕對沒有OPENRICE上所寫2分鐘那麼快。店舖其實是位於一間The Heart 酒店的樓上。所以OPENRICE上寫在The Heart 三樓有點兒誤導成份。因為當時我和男朋友一直在找叫The Heart的大廈。沒有留意到其實早已經過了餐廳。加上赫德道有林林種種的小酒吧，容易令人眼花繚亂。提示大家可以注意大廈的招牌，餐廳有在三樓的位置特出了一個小燈牌。不過如果直接寫成The Heart 酒店三樓會更清楚。價錢 ★★★★★星期一至四 $278// 星期五六日公眾假期前夕$298 小童$178價錢包每人一罐飲品或酒類可叫藍妹啤酒(免費飲品有藍妹啤酒可選實在不錯。)，加$40可獲無限飲。$300不夠的價錢一位，有日本刺身和燒肉