116
4
5
港鐵尖沙咀/尖東站 N3 出口, 步行約2分鐘 繼續閱讀
電話號碼
28871028
付款方式
Visa Master 現金
食評 (133)
等級4 2019-02-17
181 瀏覽
本佐係年廿九,森仔趁得閒去左尖沙咀辦下年貨❤️❤️辦完年貨,仲去左食個靚飯。今次就去了本佐日式燒肉店😆先講下個環境先。可能時間仲係早,唔係好多人午餐食燒肉。所以,空位較多。不過,座位真係好舒服😂而餐廳🍴十分新式和環保♻️採用電子下單方式。而餐牌中有各種各類的食物,包括:肉類,海鮮,刺身,壽司🍣,野菜,小食和炸物❤️👍🏼真係好多😂好吸引。至於食物方面,森仔有幾樣特別欣賞的。(1)燒肉拼盤拼盤當中包括:日本和牛,豬頸肉,黑豚肉和五花腩,牛肉粒。我最喜愛日本🇯🇵和牛片,肉質鮮甜,滿有牛味而咬落亦唔會太硬,不過就講究燒烤者既手勢🙈🙈另一最愛就係豬頸肉,森仔本身已好中意果種味道。同時,果種肥味令我忍唔住再叫多一份❤️其他肉類也算係中上既級數👍🏼不過,果日我有d喉嚨唔舒服😌,所以叫左2round就冇左叫肉了,反而轉戰日本🇯🇵刺身和壽司🍣🙈🙈(2)刺身和壽司🍣刺身種類亦不算多,但最基本和最常食既都有。所有刺身都好新鮮👍🏼👍🏼特別係三文魚🍣和甜蝦。三文魚真係鮮甜肥美,食落既口感正👍🏼油脂分佈算幾好,令到森仔叫左3round😆而甜蝦就細細隻,甜甜的,沒有一點腥味。好過唔少壽司店了😌而壽司🍣更令森仔上引。我最鍾意炙燒三文魚壽司🍣和三文魚子軍艦。果然係三文魚控🙈🙈炙燒三文魚,燒得剛剛好,溫溫的表面,再配上沙拉🥗醬,入口即溶,正❤️而三文魚子軍艦,份量十足,魚子鋪得滿滿的。紫菜一上果時係脆,不過要快d食,好快稔。三文魚魚子亦幾新鮮,滿有omegas 3😂(3)燒海鮮燒海鮮亦係另一亮點。好多燒肉店,海鮮都係要另外收費,一係就都頹。本佐就令森仔改善左想法。因為佢既海鮮都幾新鮮,仲要有生蠔,青口和蜆❤️❤️❤️另外,最貼心既係可以叫蒜蓉,讓你加落海鮮到燒😂更加惹味,正到爆🤤🤤🤤整體來說,本佐位置方便,在尖沙咀。而食物種類多,亦有中上的質素,又係任食。性價比高丫🤓🤓 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-22
2439 瀏覽
天氣涼涼,又到食燒肉的時候啦~這晚找到工作地點附近的燒肉放題,地點方便非常好啊!這是用電子屏幕點餐,環保又方便。未點食物前會送上一盤肉類,一口牛好食,有時會怕很難咀嚼,但這裡的一咬就開。唐辛子豬頸肉又是非常好食,爽口彈牙之餘很調味濃郁不會淡而無味!所以食完再叫!牛肉雖然選擇不算很多很專門,不過最重要是美味,憑一口牛和牛仔骨好食就夠!雞翼剪開了是單骨,這樣很容易燒,我覺得非常好,很貼心!刺身都是平時放題食到的,有頭甜蝦很新鮮,因為我扯開蝦頭的時候是很實的,絕對不是霉霉爛爛的。食飽飽的肉類時當然要食點沙律讓自己唔會吃膩。火灸壽司都還可以,燒三文魚很香滑!超美味的牛油金菇和粟米!金菇超嫩滑,我叫了很多盤還有超推薦牛油廣島蠔,蠔味很濃郁配上芝士一流,重點是它燒完不會縮得很小隻,太好食了!還有生菜可以點呢,這樣夾著肉加點點檸檬汁,簡直一大享受,寫著寫著又心思思想去了!最後會有雪糕作結尾,太幸福了!以燒肉放題價錢來說,這裡絕對不算貴,非常好的一個晚餐! 繼續閱讀
(以上食評乃用戶個人意見 , 並不代表OpenRice之觀點。)
今日同朋友來到尼間位於尖沙咀赫德道既本佐日本燒肉放題試試,貪佢有燒肉之餘仲有刺身壽司食,種類繁多,啱曬貪心嘅我地環境好有日本feel,感覺不錯仲有戶外場,適合吸煙人士,我地被安排坐bar枱,可看著師父為我地準備食物用平板點食物,非常環保♻️,有燒肉,刺食,海鮮,壽司,小食等多個板面,真係好多款式啊!包你食到滿足點餐其間店員先送上燒肉一碟比我地燒住先,相當細心刺身亦好快送上,素質尚算不錯之後一連串燒肉,多款和牛,䐁肉任點任食,好滿足啊!本人認為雞翼味道不錯海鮮好新鮮,牛油帶子好好味仲有我最喜歡嘅薯格同炸雞,新鮮熱辣,我encore左幾次呢龍蝦粥好綿好鮮甜涼拌烏冬好旦牙,十級推薦最後每人送一杯movenpick 雪糕,有士多啤梨,朱古力或雲尼拿口味選擇,大滿足啊注意⚠️放題只包每人汽水或藍妹一罐,如要任飲要加40蚊一位 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-10
1879 瀏覽
今日和朋友到尖沙咀慶祝生日,朋友想吃日本料理,我就立即想起上次經過赫德道,有間本佐燒肉日本放題,價錢不算太貴,就決定和她訂檯慶祝。我們大約下午六點鐘來到,餐廳不算太多人,有卡座和壽司吧檯,當我們坐下時服務生會找一部平板給我們介紹,裡面有各式各樣款式選擇,放題離不開燒肉 刺身 炸物 野菜 壽司 小食......點餐前餐廳會送一盤燒肉拼盤給我們,讓我們在點餐過程一邊點一邊燒非常貼心燒肉普通都是牛 豬 雞,今次以牛來作主打: 熊本一口和牛,本佐安格斯肉眼粒, 漬壺牛柳條,黑椒牛仔骨,安格斯牛仔骨! 和牛入口即溶,油脂分佈平均漬壺牛柳條嫩滑重牛味安格斯肉眼粒,口感爽彈,肉香juicy牛仔骨肉香十足,肉質爽嫩!刺身: 三文魚 八爪魚 松葉蟹棒 日本甜蝦 玉子燒 北寄貝 帶子 仿鮑片厚切玉子燒香甜美味!三文魚肥美,魚油脂香,北寄貝爽彈~炸身: 多春魚 炸雙皮奶 香芋丸酥脆多春魚吃起来非常鲜香香芋餡鬆軟又綿,滿口芋頭香最香醇大大推介炸雙皮奶,口感外脆內軟,嫰滑淡淡牛奶味食到最後還會送movenpick雪糕作甜品總評:認真不錯,會介紹朋友! 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-06
2210 瀏覽
星期四放工,天氣愈嚟愈凍,幾個同事不約而同話想食燒肉,尖沙咀一向都有五花八門的餐廳,而今次我們一行人到了「本佐日本燒肉料理 」這家日式燒肉放題食晚飯。這間日本餐廳裝潢樸實,以深棕色木系為主調,配搭木質的桌椅,充滿和風,令人感覺舒適。餐廳設置室外座位,地方更寬敞,適合一大班人聚會。這裡的點餐系統已經電子化,以平板電腦點餐,在平板選擇完食物按送出便成功點餐,很方便。餐廳的點餐是以件數計,而不是以碟數計,可以按自己食量點,不會怕點多。送餐的速度都很快,很滿意。餐廳在我們點餐前先來一小盤肉讓我們先燒燒,別讓肚子餓壞,很貼心。放題少不免刺身,有三文魚、八爪魚、松葉蟹棒、玉子燒、甜蝦、北寄貝、日本帶子、彷鮑片等等。而三文魚魚味不重,不夠肥美,但整體的刺身都算新鮮嫩口,種類也不少。其他都好滿意。壽司方面,有火炙和牛西冷壽司、蟹籽軍艦、火炙琉璃蝦壽司、三文魚籽軍艦。火炙和牛西冷比較生,牛肉比較韌,而壽司飯份量是剛剛好,火灸也燒的很香。蟹籽和三文魚籽鮮甜,口腔充斥住鹹鮮!而燒肉方面,以牛同豬為主。有熊本一口牛、 安格斯牛柳粒、安格斯極上牛仔骨、日本黑豚裡肌肉、依比利亞橡果一口豬、日式醬油黑豚肉、唐辛子豬頸肉等等。全部都是一小件,很方便燒。而牛肉不煙韌,口感軟熟且軟腍嫩滑。鮮嫩多汁,讓人齒頰生香,回味無窮。配上燒肉汁,再昇華到另一層次。海鮮方面,有紐西蘭青口、 活聖子、 廣島蠔牛油燒、日本元貝、 蜆、海蝦等等海鮮全都是以小金屬盤盛著,一整盤在猛火上燒滾,很快便熟,非常方便,又不怕燒焦。海蝦、青口、廣島蠔都很大隻,啖啖肉。帶海水味,充斥住鹹鮮。 而小食方面,種類都很多,不多介紹,推介日本迷你紫薯,牛油栗米、糖心菠蘿、炸雙皮奶有驚喜的是雙皮奶,外脆內軟,入口軟綿綿,充斥著奶香,令人欲罷不能。300元食到很多不同高質食物,有燒肉,有放題,唯一是飲料只包一罐, 酒和額外的飲料便要收費。但面對著不錯的食物質素,偶爾放縱一下自己也無妨。 繼續閱讀
(以上食評乃用戶個人意見 , 並不代表OpenRice之觀點。)