木玥巷

營業中

休息中

呢間木玥巷好似因為個主廚而出名，所以決定慕名而尼試下d台灣菜決定試下佢既牛滷肉飯，同埋推介既戰斧雞排講下佢既戰斧雞排先，由於即炸既關係，不得不說佢非常之熱辣辣同埋香口，佢既炸衣一d都唔厚，只係薄薄既一層，而入面既雞肉仍然能夠保持嫩滑，調味偏濃，十分邪惡至於佢嘅牛滷肉飯係由於因為係用牛肉整嘅所以相對呢都會比一般嘅滷肉飯呢嚟得濃味同惹味，加埋呢佢煮得啱啱好嘅流心太陽煎蛋，將啲滷肉飯撈勻蛋汁就變得非常之好味

雖然屯門都有啲遠，不過襯住暑假當去旅行都OK啦，又可以影輕鐵站、又可以行DONKI，仲可以幫襯D平時唔係咁容易食到既黃店。今日黎左呢間台式食品既黃店。其實佢都唔近市中心，但係都要排下隊，睇黎係區內都有一定口碑。一開始有虎珀核桃做小食，甜甜脆脆一路諗食咩一路食住先，又好味又開心。鹽酥雞先講小食，佢既分量超級多，當小食足夠4人分享。雞係即叫即炸，亦都JUICY。BITESIZE 得黎又唔會炸到乾曬。黑糖蘋果西打豬軟骨豬軟骨超有驚喜，腍滑得黎十分入味，而且唔係個啲煮左一日爛曬既口感。醬汁都有話用黑糖蘋果西打，所以甜得黎都有清新既蘋果香味，十分推介。櫻花蝦鰻魚炒飯櫻花蝦同鰻魚材料亦足，每啖飯都食到鰻魚。飯既份量其實都夠兩個人SHARE。飯落左鰻魚汁，但炒出黎仍然乾身，粒粒分明。招牌水果茶（西柚、百香果／鳳梨、百香果）招牌水果茶既分量好大杯，睇個杯都覺得對得住佢價錢。哈哈。材料上用左真生果，而且唔係十分甜，絕對比得上出面飲料店。

“黯然銷魂安格斯滷肉飯”($84)“酥炸排骨”($50)“綜合滷味拼盤”($86)“木玥柳橙汁水果茶”($38)“黑糖茉莉花冬瓜茶”($32)去開屯門特登嚟食呢間口碑唔錯嘅木玥巷😝晚市都幾爆場,等咗陣先入到去😆因為本身食咗少少嘢所以叫咗1個主食,1份炸物同1個料理share🤤主食要咗黯然銷魂安格斯滷肉飯🐮其實就係用咗牛肉嚟做滷肉😍食落夠哂香口除咗滷肉,仲有幾舊炆到好淋嘅牛筋☺成碗飯份量超級大,2個人都食到好飽🤣炸物要咗酥炸排骨🐷一上枱已經聞到勁香鹽酥味😍大大塊嘅排骨外面鬆脆入面仲juicy😋配嘅汁有柚子味,點咗嚟食又幾清新😆料理就要咗綜合滷味拼盤🤩入面有牛展,牛肚,牛筋,鵪鶉蛋,豆卜串全部都超腍超入味😇飲品方面要咗杯柳橙汁水果茶🍊呢杯又係超巨型🤣用橙汁同茶嚟做底,加上百香果幾清香☺另一杯就叫咗黑糖茉莉花冬瓜茶喺冬瓜茶嘅甜之中又帶點茉莉清香幾特別🥰

屯門朋友有福喇，又有好嘢食。呢間台灣野CP值極高，分量大之餘，亦相當用心製作。坐低之後先有餐前小食（蜜糖芝麻合桃），好好食！脆口又唔會太甜，食完好想再encore。我哋叫左蟹肉明太子炒新竹米粉，炒得好乾身，配有蟹肉、椰菜、蛋絲，口感豐富。再叫左酥炸排骨同台式三杯雞。以為排骨會係小食，點知超大塊，炸到外皮好鬆脆，豬扒好Juicy，再配埋柚子醬汁，可以解到油膩感覺。三杯雞味道濃郁，陣陣九層塔味道，好有台灣特色。好欣賞雞肉有先泡油，雞皮脆脆的，心機之作。另外杯招牌水果茶同黑糖茉莉花冬瓜茶都好好飲，唔會太甜，味道剛剛好。

時值下午兩點, 排隊排第四, 眼見前面一家三/四口拆開兩枱都是為了入去食飯, 真心佩服。點了報章雜誌推薦的紅燒牛肉飯和出於純粹好炸物而點的鹽酥雞扒飯。肉食份量十足, 雞扒又厚又大過手掌, 但肉質掌控不足, 肉汁欠奉, 牛肉尤其乾榎。 值得一讚的是調味有層次, 雖然雞扒已經有傳統的台灣調味, 配上少見的檸檬汁, 不禁慨嘆西餐才是主廚的撚手菜, 酸甜比例完美。點牛肉是為了飲牛骨湯, 餐廳店員很友善, 飯食可以加湯, 另碗上, 但諸君切勿盲信食評, 湯蘿蔔味重, 偏向日式風味, 雖然清香不油膩, 但我認為此店的紅燒牛肉麵不算賣點。 相反, 魯肉飯微甜, 迎合香港人口味, 全瘦肉不油膩, 再一次肉質偏乾味道取勝。既然一尷枱難求, 要試就試魯肉, 其他餐點加$10就可以白飯轉魯肉飯了👍

朋友介紹，特登去試下，又真係好唔錯，服務好，價錢又好，最緊要野食係好食，值得再試。環境雖然唔大，但都坐得幾舒服😌牛肉麵個麵好多配料，湯底清甜無味精，牛筋牛肚又淋又入味，個麵又有咬口😆果然係招牌酥炸排骨有兩塊勁大塊，雖然咸左少少，但整體都非精唔錯，尤其是佢個酸酸地嘅醋汁，好夾，第2個層次嘅好食😋三杯雞雞肉嫩口又入味，如果配個飯真係一流！手工菠蘿啤+西柚果茶唔錯嘅啤酒，唔會帶酸，杯果茶超大杯🤣🤣🤣又幾好飲

星期一去成興隆幫屋企入返啲急涷糧食..順便係附近食晏由於店內走廊較窄 如果你係推bb車既站就要收車到達時都差唔多2點 但店內仍然係9成坐滿環境好舒服 有個大窗可以望到外面感覺係乾淨企理落呀後上餐速度都算快安格斯滷肉飯厚切安格斯牛好似滷水牛腩既煮法 煮到淋身得黎又唔會散晒 好正下面滷肉飯個份量係好大份係大碗到我覺得兩個人食 再加小食咁都夠飽可能因為成碗都係單一滷水味 到後期真係有少少漏鹽酥雞飯鹽酥雞即炸好新鮮雞又夠juicy 調味又岩岩好依個我真係好推介份量都係大 但唔會好似滷肉飯咁漏宜蘭三星蔥餡餅我以為係手抓餅啲frd…但黎到其實就係炸小籠包😂食唔到蔥味 反而食到薑味味道完全係Aeon星期三減價$10韓國某牌既小籠包係一模一樣😂😂$36食依4粒就覺得唔抵 真係麻麻地整體黎講係好高水準既台式餐廳如果你地經過真係去試試啦

今次係我第二次幫襯呢間台灣食店，平時成日行過都想幫襯，但因為成日都排晒長龍，所以食極都食唔到。難得今日無咩人排隊，終於有得試下佢個紅燒牛肉麵。果然呢個麵整得相當好食，啲麵好有質感，唔會太淋但一咬就斷，而牛肉亦非常新鮮，一啲都唔韌，nice，湯底無咩味精，但又夠晒濃郁令到啲麵好入味。成個餐60幾蚊，加多$6就有杯凍檸茶，座位都好舒服，企企理理。

今日我去左屯門探朋友☺️，跟住佢帶咗我去虹橋呢間台式餐廳食飯。整體上，裝修感覺簡單，座位寬敞，食物種類選擇多，而且款款都好啱口味，價錢都好抵添👍👍👍！等咗一陣就可以食辣。-櫻花蝦鰻魚炒飯（$88）由於我哋見到隔離枱嘅食物超級大碟😮😮，所以我哋只叫咗一個餐同埋一款小食。櫻花蝦🦐炒飯，飯粒粒分明，蝦好大粒，而且又非常香😋😋，原條鰻魚亦都超級巨型，非常飽肚！-炸澎湖花枝丸（$38）花枝丸大大粒😋，非常彈牙，裏面嘅花枝份量好足，配上醬汁酸酸甜甜， 十分開胃。👍👍-金沙抹茶奶泡（$32）名副其實，有一粒金沙喺個杯飲品度，E杯抹茶奶泡，本身味道就唔錯，但係金沙加上去就有啲怪怪的，哈哈！😊😊-人均：$79Janna 翻撻指數：8/10🥢🥢🥢🥢🥢🥢🥢🥢-

今次去大西北虹橋搵食，餐廳近景峰站，輕鐵落車行5分鐘內就到。地方唔算大但都坐得舒服，叫咗一個主食兩碟小食加兩杯野飲都放得鬆動🍽- 干貝醬蝦仁炒飯 $90值得一讚炒飯炒得粒粒分明亦好香- 雞翅包飯 $72見到menu有呢道料理好期待，亦確實釀得幾惹味(PS. 雞翼旁跟黑醋沙律不明所以😂)- 地瓜條 $46地瓜條外脆內軟，重調味的小食(PS. 地瓜條旁跟無醬沙律不明所以😂)- 玫瑰蜜桃果茶 & 雪菊蘋果茶問一問店員原來可以叫少甜/走甜，作為怕甜嘅我都覺得可以揀少甜甜度剛剛好份量兩個人食OK，台式餐廳嚟講價錢略貴另外可能坐喺出風位/本身食物唔太熱，嘢食嘢飲好快就凍晒，如果想耐啲傾計食嘢嘅朋友留意返～

22.07.2021木玥卷今晚原本相約朋友來試木玥卷，可惜朋友來不了，我自己一個先來試試。之前星期六下午曾經來過，可惜人太多，所以今次特意上Open Rice訂定位來。一入門已經留意牆上有不少幽雅的裝飾，最喜歡通往廁所的門簾，還配上兩側有花的小窗。要讚讚這裡的洗手間，寬敞整潔，而且連內裡也有可愛精緻的小裝飾，真的很驚喜。合桃小食：一坐下就送來免費小食，卜卜脆，說不出的香口，這份心意難得。木玥招牌牛肉麵：這裡最出名就是牛肉麵，當然要嚐嚐。賣相很吸引，大大條炸豆卜最吸晴，雖然本身沒甚麼味道、不是熱辣辣，但勝在夠脆口。另外，牛肉好豐富，牛腩、牛肚、牛筋…..煮得夠入味、腍身，配上鮮甜湯底，看出廚師的誠意，不是味精湯底，不會吃後口渴死了。還有甜甜的紅蘿蔔，很好吃呀。櫻花蝦煮娃娃菜：娃娃菜份量不少，而且很甜美，配上小小的櫻花蝦，說不出的配搭，很喜歡這樣較為清淡口味的菜式，正好跟濃濃的牛肉麵一起吃。木玥黃金水果茶（少甜少冰）：鳳梨加百香果，酸酸地，不會太甜，很大杯呀，結果飲不完。當吃罷老闆Roy主動走來問問食物滿意與否，解釋牛肉麵湯底的由來，友善、親切的態度令人有賓至如歸的感覺。環境、食物和服務一

今日經過紅橋附近，見到轉角位有間餐廳好多人排隊，門面好靚，入面座位舒適，所以我都排埋一份😂🌟 櫻花蝦鰻魚炒飯 （$88）鰻魚鮮甜，切得大粒，配上櫻花蝦同醬汁炒飯，令炒飯更加鮮甜，櫻花蝦加落炒飯，味道好夾，炒飯唔會太咸，調味岩岩好，而且份量足夠兩個人食，必點😋😋🌟 夜市地瓜條 （$46）即叫即炸，用上原條番薯🍠切條，加上厚切，做到外脆內軟，而且番薯鮮甜，金黃色，地瓜條表面加上調味粉，食落咸咸地配上番薯既甜味好夾😋🌟 戰斧鹽酥雞扒 （$82）雞扒都係即叫即炸，肉質嫩滑，炸得外層好脆，鎖住肉汁，雞扒大塊，性價比高，切點😋🌟 招牌水果茶 x 台灣鳳梨啤 ($38 & $ 48）水果茶大杯，唔會太甜，用新鮮既生果整，味道唔錯，而且即叫即整，好抵飲😋鳳梨啤用左台灣鳳梨🍍，飲落有好香既鳳梨味道，但不失啤酒既香味😋

屯馬線通車喇，諗住喺屯門搵間唔係連鎖集團嘅餐廳食飯，見到呢間木玥巷台式餐廳就入去試試。環境幾舒服，幾有文青feel💕黑糖蘋果西打豬軟骨豬軟骨軟腍，個汁好正，酸酸甜甜，如果有埋飯就更加一流，上面有塊蘋果乾，幾有驚喜😋木玥招牌紅燒牛肉麵 牛肉麵有埋牛肚、炸豆卜真係第一次見。牛肚軟腍，正。炸豆卜好脆口送湯一流。牛肉連牛筋熬到好入味，麵條彈牙。最緊要個湯底好清甜，食完仲想飲多幾啖🤤台灣雙色腸 我去台灣一定會食台灣腸，呢個有原味同墨汁味，配埋有少少辣嘅辣汁，口感唔錯。木玥招牌水果茶（西柚，百果香）嘩！超大杯，勁抵飲，味道又唔會太甜，啱晒夏日炎炎嘅天氣慢慢嘆，水果亦非常新鮮。玫瑰可可鮮奶第一次飲朱古力奶帶有玫瑰嘅香味，味道幾新鮮特別，又唔會太甜，唔錯!食完唔會有覺得口乾好想飲水嘅感覺，應該係冇落味精，餐廳啲嘢食幾特別，睇得出佢哋幾有heart去整，真心推介💯

為你地介紹屯門嘅一間台式餐廳 🇹🇼 好少係香港揾到台灣啤酒 嗚嗚🍻🥃台灣啤酒頭—立秋啤酒屬於英式淺色愛爾啤酒（English Pale Ale）釀造中特別加入台灣獨有 經小綠葉蟬叮咬「著涎」同東方美人茶（白毫烏龍茶)製成 有種獨特嘅茶香🍺🍵金莎抹茶奶泡係Matcha latte 不過有少少偏甜~🐃木玥招牌紅燒牛肉麵極推推推推推 湯底好出色 唔會太濃 飲到蘿蔔嘅清甜 牛肉份量又夠多 不過牛肉表面比較乾 但裏面係唸嘅🍚黯然銷魂安格斯滷肉飯佢唔同平時食嘅滷肉飯咁濕 係比較乾身嘅滷肉用咗安格斯所以好香牛味 配埋太陽蛋真係冇得彈🍘蛋黃炸芋球每一粒芋球入面都有鹹蛋黃 而且炸得好脆 表面仲有淡淡的椒鹽味

木玥巷係我最近不斷encore嘅餐廳，因為啲野食全部水準都好高，所以想試哂佢地嘅菜式晚市5:30開舖仲未有其他客人，做左果晚第一個客人。帶左去窗口位，坐得都舒服。而且玻璃全部用左特殊物料，出面望唔到入面，食得安心好多今次叫左味噌廣島蠔帶子泡飯同金莎抹茶奶泡之前已經試過好多主食，今次終於輪到泡飯（因為比較貴所以一直未試），無諗過竟然比我想像出色。廣島蠔好新鮮，食落去勁juicy，明明係熟蠔但食落去有種食緊生蠔嘅鮮味。帶子都食得出係靚貨，入口彈牙口感分明。成個味噌湯頭都充滿住鮮味，而且唔鹹。飯俾我想像中多，食完好滿足。金莎抹茶奶泡都係水準之內，奶味偏重但都有抹茶香，甜度適中。相對泡飯就冇比到我好大驚喜