木屋燒烤

營業中

休息中

臨近入去動漫展前，先去旺角信和中心格一格價，遊覽過後就搵間食店坐低商討一下，一出中心一望，就見到國內知名串燒店#木屋燒烤 。正正位於中心對面，眼見附近都系冰室，頗為單調。所以就同朋友入內一試!經店員介紹後，我地就揀左招牌经典二人餐，話食物品質同水準都比深圳還高。😁鲜酿大麦皮尔森”1扎先上1扎大麥啤酒，入口順滑，口感微甜清爽，麥味甚少，對於女生黎講，更易入口。香辣毛豆”1份佐酒小食，外衣味道酸辣，內裡毛豆綿密，越食越上癮。金牌羔羊肉串*5串枱上小烤爐一直預熱，保持食物出爐後溫度，羊肉串帶有少少騷，始終都系羊肉串嘛，口感外酥肉軟，有唔少肉汁唔乾身，孜然味甚濃。烤鸡脆骨*4串烤得酥脆可口不在話下，脆卜卜，帶點小辣，惹味可口! 烤生蚝*2隻生蠔無異味，海水味不重，肉質飽滿鮮甜甘味，以酸辣提鮮，感覺超爽!烤土豆片“4串土豆片屬薄切，有微妙焦香，味道偏咸，每串都要飲啖啤酒送!电白干鱿炒米粉”1份米粉柔軟有彈性， 調味好,， 夠乾身， 口感有點油膩。 

燒烤喺大陸就會出名，試過喺大陸食木屋燒烤，人非常之多，但係感覺味道就真係非常一般。大陸就是得多啦，今次殺咗入嚟香港，同男朋友一月試吓香港嘅木屋燒烤，居然有意外驚喜！喺香港食得木屋燒烤，其實都有心理預備價錢一定唔平㗎喇。香港嘅食法就係平均十零蚊串，但係指定要一份份咁買一份平均係四至五串左右。其實以燒烤店嘅價錢嚟講就唔算特別太貴。但香港木屋嘅燒烤就比較辣，我哋左右兩台嘅香港食客都食到出晒汗，可能因為啲嘢食都真係唔係話利潤好高，所以啲嘢食會整得比較辣需要你飲多啲嘢男朋友好鍾意食雞皮，而雞皮都相對比較經濟，呢晚就食咗成10份雞皮即係50串😂😂嚟緊成個月真係要戒吓口膽固醇爆錶香港燒出嚟嘅串燒味居然比大陸更加香口好味

各方面都很失望。服务员之间喜欢交流，想点单都要等半天。上菜居然直接放在菜单上！这是什么操作？！就这还好意思要加一服务费？羊肉串肉质不好，味道一般，价格不高但是性价比很低。放串的那个东西里面的酒精也不给点，不知道是不是因为我点的串不够多，如果没有加热功能的话能不能撤走呢？那么小的桌子，菜单都没地放（桌子有个放菜单的夹层但是很难塞进去，服务员也不帮忙塞或者立菜单），还放这么大个东西占地方！这个东西还是脏的，上面沾了一块很明显的污渍都没人清理，更让人无语的是小菜碟里的污渍！萝卜片沾了另一个小菜的红油！这是因为上一个人吃完根本没有清洗就拿来用了吗？！真是要吐了，没想到这家店各方面都这么差，服务食物环境卫生都不行！

平時行開都見要排隊，咁啱嗰日九點幾行過，見唔係太多人又唔使排隊，就入咗去試吓。望到個價錢當然唔能夠同內地比較，但叫做試吓。味道超級濃味，多蔥蒜，孜然味。嗌咗幾卷串燒，燒蠔，茄子，鐵板金菇。服務員感覺有啲green，亦都要用普通話先聽得明我哋講咩。

之前番大陸食得多 試下香港呢間叫左幾款串燒 生蠔 同口燒茄子試下燒茄子咁多樣黎講最岩我口味 串燒 有肥牛串 羊肉串 同埋豬肉 （五花）唔知係咪師傅太重手 有啲咸 唔岩我口味 同埋佢d味支支都一樣醃製味道 好重孜然粉搞到好口渴 叫左杯酒飲 話係招牌酒 正常啤酒同埋個味道好似冇深圳咁好食 之後叫左蒜蓉蒸生蠔 諗住好食 再叫 一隻大一隻細 蒜蓉同辣椒都落得夠 冇咩生蠔味 但蒜味夠 好香最好食係茄子 同土豆 呢2個都好食 落足蒜 唔洗錢咁 不過土豆冇影到相總結：木屋燒烤香港就冇深圳咁抵食下次想食串燒都係番深圳/光顧香港小店都得

我哋一行八人，諗住夜晚食吓宵夜開心吓。等咗一陣，終於放我哋入去。服務人員，極度唔專業。叫極都唔過嚟。最後我哋Order 左好多嘢食（叫咗牛肉，羊肉，雞肉，辣泡豬，生蠔，金菇，包，雞軟骨，雞皮…..） 叫咗小辣。點知最食得辣嗰個，都問係咪嚟錯咗個大辣。要叫一齋又一齋嘅啤酒同鴨屎香去解辣。（嚟得超慢。）重點嚟啦，全部食咗生蠔嗰啲，未來兩日，keep住又屙又嘔發燒,全日要攤喺張床度。集體食物中毒以後見到大陸直送生蠔都怕怕

睇咗之前的食評, 我諗我地全枱人腸胃都唔太好 (早知食之前睇食評啦)我係深圳食過幾好, 香港呢間唔太好食, 韭菜好咸, 肉好肥, 我地食完又痾又嘔仲要發燒, 醫生話多數係蠔引致 (唔記得影相), 漏單情況嚴重, 隔離枱坐咗好耐先發現無落單, 職員好混亂, 另外好多嘢都賣哂, 可能 10 點幾太夜, 無啤酒, 無炒米粉, 無飯, 價錢係香港食差唔多, 唔算平嘅, 不過應該唔敢係香港再食木屋了

同朋友2人同行去食 冇試過深圳個間 諗住係呢到試下… 叫左好多野食：九菜、金針菇、五花肉、雞軟骨、雞肉、生蠔、肥牛….（全部都係辣嘅）詳細仲有啲咩唔記得食完朋友第二日都有肚痾但冇我痾得咁勁…唯一我地食野有分別嘅係佢唔食蠔，我自己一個人食曬2隻蠔。第二日我已經肚痛左幾次，一開頭以後係因為太辣，但點知全日都痾，食乜痾乜，去到後尾仲要只係痾水….最後我唔知係歸咎啲野唔乾淨定淨係啲生蠔唔掂…. 反正我以後都唔會食希望腸胃唔太好嘅朋友去食前要三思

見開左間新嘅燒烤舖，唸住試下之後中伏..味道一般冇咩特別，份量已經少嘎啦仲要燒燶曬..茄子一陣燶味..性價比好低，野食普通價錢偏貴，譬如牛油粒4.8串10串起 姐係48蚊份，上到黎2粒一串..啲肉、土豆、蓮藕薄到一個點.. 真係有啲孤寒既感覺..點個少少野就已經6百幾7百，人均2百幾，但真係得4-5成飽.. 另外衛生又差，啲杯好污糟仲有殘渣係度，似冇洗過咁.. 咁樣都照俾客.. 真係試一次就算了，冇下次😌

收工見到呢間好出名嘅串燒店嗌左燒生蠔牛肉羊肉串仲有啲燒菜 全部都好好食 夠入味又唔會燒到過燶仲有啤酒飲添！環境地方舒適好好坐 好適合同朋友聚會吹水呢間真心推介👍🏻👍🏻

嘿，吃貨們！今天我帶你們來到旺角的燒烤天堂，2003年創立於深圳這間餐廳係以直營模式，不接受加盟，主營中式燒烤，最近喺 開店喺旺角並且其中一間店係創興中心地下，一家讓人垂涎欲滴的餐廳。我無法抗拒美味的誘惑，所以我決定探索這個地方，品味他們的招牌燒烤菜式。烤香菇 :這些烤香菇散發出誘人的香氣，口感彈牙,帶著淡淡的木炭燒烤味,絕對是素食者的首選。烤土豆片 :薄薄的土豆片經過烤制後,表面酥脆，內裡軟糯。撒上一點香料,給予它們更豐富的味道。烤雞脆骨 :鮮嫩多汁的雞肉與酥脆的外皮完美結合，在口中爆發出令人陶醉的美味。潑辣豬小串:每一口都充滿了辣椒和香料的火爆滋味烤茄子 :這道烤茄子經過火烤後,質感柔軟，帶有微微焦香。搭配特製醬汁烤雞腿肉串: 雞腿肉串外皮酥脆,肉質嫩滑多汁，搭配特調醬汁,帶來無限風味。蜜汁烤翅中：道蜜汁烤翅中散發出誘人的香甜香氣,肉質細嫩,沾住獨特的蜜汁醬汁烤海蝦：烤海蝦是海鮮愛好者的絕佳選擇。烤生蠔：蠔肉質鮮嫩,滋味鮮美。經過烤制後,蚝肉散發出獨特的焦香這家餐廳的服務讓我留下了深刻的印象,服務員比較忙,叫佢加啤酒要叫咗兩次先會幫你加,不過服務員嘅態度都非常好,笑容親切樂於解答我

今日晏晝六點幾經過旺角，見到木屋燒烤，之前都有喺深圳食過，覺得唔錯，見唔使排隊，就坐低試吓啦，點知入到去坐低，唔夠5分鐘，就已經坐滿晒，之後一直去到八點幾都仲要等位，如果有興趣喺香港試吓木屋燒烤嘅朋友，要早少少嚟攞位了。味道同深圳食到嘅都非常接近，變態辣嘅豬手，真係超級辣，食得辣嘅朋友可以試吓，鋪面環境整潔企理，只係有少少迫，可能香港地方細租金貴，要用盡每一寸空間，但係喺香港食到呢個質素嘅串燒都已經非常唔錯，店內嘅服務員都足夠，不過價錢當然同深圳冇得比啦，如果唔想上深圳又想食串燒嘅朋友都可以過嚟試吓。

同朋友放假即刻去試一試！👭👭晚市時間大概要等成45分鐘先有位😫😫！店內裝修同大陸差唔多！適合三五知己聚會！餐廳會準備每檯安排保溫爐，呢點真係好細心🫶我哋食咗：🍢金牌羔羊肉串🍢木屋烤肥牛🍢烤肥腸🍄烤香菇🥔烤土豆片🥬烤醋澆娃娃菜🍆烤茄子🦪烤生蠔🍺木屋鮮釀黃啤原液🍺木屋鮮釀德式小麥白啤酒金牌羊肉串超級好食！羊肉肥瘦相間！鍾意食羊嘅人就係特別鍾意呢種臊味🤤大大粒烤生蠔上枱熱熱辣！味道非常新鮮！📸烤蔬菜亦非常出色！醋澆娃娃菜味道超開胃!烤香菇烤完口感依然嫩滑多汁！土豆片面灑滿辣椒粉! 無法抗拒!! 超好食!!咁多好味嘅送酒小菜梗係配木屋自家製啤酒啦🍻黃啤原液就比較甜易入口啲，適合女士飲！德式啤酒小麥味重少少，都好好飲！餐廳當晚係冇限時!!!! 仲唔快啲約埋開懷暢飲🍻🍻點解我覺得佢好食但小貴呢？價錢方面係以每串計，而每份大概係4-5串例如羊肉串$13.8，5串加埋就已經成$70啦!不過勝在敘舊暢飲之後可以好快返屋企呀嘛😉😉

6點半到即有位，枱偏細還ok，叫得多要分兩轉先夠位放，剔紙點餐，如果有QR code落單就更好，價錢平，可以喪嗌自製放題。樓面店員約8-9個，未計入面負責烤嗰啲，以滿座嚟講上菜速度算快，只係有1-2樣會比較遲嚟，可以接受。最最最欣賞係有酒精爐可以熱住食，個爐係辣手唔係渣嘢👍🏼👍🏼👍🏼店員態度十分好，會因應情況提供建議，唔錯，我呢啲唔常上大陸嘅啱哂，一定會翻啅。⭐⭐⭐⭐⭐滿分環境：⭐⭐⭐⭐香港尺價貴，窄少少在所難免，可以接受食物：⭐⭐⭐⭐⭐好食，平，已經冇得輸，原漿啤必嗌服務：⭐⭐⭐⭐⭐店員細心聆聽同會就我哋嘅疑問提供建議，唔錯

今晚因為午餐比較遲食 所以其實就唔太肚餓 下午四點半左右已經想試 但原來晚市係五點才開始 即係要分時段光顧的 那最後我哋差唔多八點左右才到達 那時都有少量人龍 但很快就消散 因為那些食客都唔會逗留太久 我們一到店內 職員沒有詳細介紹餐廳 我們想落單時 職員才說需要自行在紙上寫上所需食物編號 真心唔覺得這樣做會好到那裡去？其實最後職員都要和我再確認多一次和問我是否走辣？那不如直接幫助落單還有最唔滿意嘅地方是 其實佢哋一直都無理會客人嘅用餐體驗 我哋放串燒嘅盤一直都未有放蠟燭加熱 講咗兩三次希望跟進一下 那些職員好似好驚訝 沒有人跟進咩？我相信佢哋都只係想你自己做返囉 隔離枱還要上晒串燒才發覺沒有人擺錫紙在盤上呀講返食物🥘今次點了以下幾款：這個一點就要點一份 價錢唔平 最後來到時欠一串 其實職員送來時都發覺到 話會保返一串 其實出餐時應該都要發覺到啦 每次都送五串㗎啦這個是今餐最貴嘅食材 我們唔要辣 炸蒜蓉太少 有點唔夠味道 但都算滿意 這個茄子真係失望到有點後悔 雖然價錢唔貴 但真心唔太夠味 燒得都唔係太軟身 有些位置根本好難食到 這個中規中矩 可以串得更好 我想講就係其實覺得這條腸很辣