有蒸氣 海鮮石鍋專門店 (已結業)

同朋友兩個人都係海鮮控，所以相約去試一試蒸氣火鍋。首先店內有不同套餐選擇，同朋友一眼就睇中羊中寶個個套餐，又有海鮮又有羊腩煲，絕對適合我倆。花甲每一粒都好飽滿，新鮮蒸過後帶有少許海水味道，入口爽甜。生猛海蝦十分新鮮，蒸過後肉質結實爽口，帶有海鮮蝦味。冬蟲草蒸鮑魚，已經清理過內臟，蒸完成隻吃，絕對爽口彈牙。蟶子絕對是蟶子王，size 很大隻，而且鋪滿了蒜蓉及粉絲，蒸過後勁爽口，加上蒜蓉後更惹味，吃下去啖啖是肉，正！元貝很厚身，蒸過後原汁原味，很清甜。而蠔蒸過後也沒有縮水，依然很鮮甜，蠔味十足。冬天吃羊腩煲再適合不過，而且最後將所有海鮮精華都流進鍋底的羊腩煲，加上羊腩煲味道濃郁，羊也沒有很騷的味道，十分惹味。總括來說，食材新鮮，不用太夠添加，即可帶出食物原味，鮮味。今天絕對是滿足的一餐晚餐。

要講咁多種海鮮既食法，我特別鍾情清蒸，因為我覺得清蒸先可以真實咁帶出海鮮最新鮮最爽甜既一面，近年好流行既蒸海鮮餐廳絕對係我杯茶。今晚去左呢間有蒸氣海鮮石鍋專門店，質素甚高，價錢又合理，值得再番食。叫左個$328海鮮set, 首先黎既係黑松露燉蛋，燉蛋好滑，加埋陣陣既黑松露清香，作為頭盤味道一流又有暖胃既感覺。食完頭盤就開始到主菜海鮮，值得一提既係基本上叫完餐之後就可以坐定定等食，因為餐廳侍應會幫你蒸海鮮果一part, 咁就可以確保海鮮喺最佳狀態。今晚食左既海鮮有蜆，鮑魚，帶子，桶蠔，蝦，鮮魷，另外仲有豬肉丸，墨魚丸同勝瓜。基本上全部海鮮都真係新鮮感滿分，特別係鮑魚同帶子真係好鮮甜又大隻，份量十足。豬肉丸同墨魚丸都係新鮮手打，幾特別。最後我揀係湯底，個湯盡收全部海鮮既精華，真係無得彈！

同男朋友想食餐好既海鮮餐，諗到之前見過呢間餐廳，於是乎來試下。.有預先book 位，去到門口reception 就好快搵人帶我地入座。坐底見到有套餐或散叫的餐牌。 同男朋友仔經過深思熟慮後，想食海鮮，但天氣轉涼，又想食羊腩煲，就點了有蒸氣羊中寶套餐。.套餐食左七款海鮮，每款海鮮都是即叫即劏，十分新鮮。 海蝦，聖子及鮑魚，肉質結實，爽口彈牙。蠔蒸完後也沒有縮水，加上蠔味重，很新鮮。.最後食埋一早放係鍋底既羊腩煲，羊腩煲很足料，煲到又香又濃，加上有海鮮既精華，無加味精，正！.特別一提，呢到服務一流，有人幫手蒸，蒸完放埋係碟上面，而且會不斷更換新既碟，唔會怕食到成碟海鮮殼。

天氣開始轉冷，是時候吃熱騰騰的美食。店員推介冬天特有的羊中寶套餐。這個套餐很吸引，有數款海鮮和羊腩。店員會幫你蒸海鮮，設定時間和上碟，完全不用客人動手，非常貼心的服務。先來兩碟涼菜。海鮮非常新鮮，雖餐廳提供多款醬料，建議大家不用加呢，才能品嘗到海鮮的鮮味。個人特別喜歡蟶子，配搭了粉絲了蒜蓉，真的超好吃。最後是令人期待已久的羊腩煲，加入了生菜、枝竹、馬蒂和冬菇，非常足料，羊肉非常香濃，又煮得很入味，再點附送的腐乳醬，非常惹味！很滿足的晚餐，既有海鮮、又有羊肉。建議大家來的話要預先訂位，否則可能沒有座位呢。

呢日都係喺尖沙咀搵食，走過熱鬧的諾士佛臺，來到一條街之隔嘅天文臺圍，突然寧靜咗好多，今次係有朋友介紹來吃蒸氣火鍋，話呢度啲嘢勁新鮮好味喎，咁就要食過先知。話晒叫做冬天，所以有羊腩煲吃，之前吃蒸氣火鍋，底嗰層通常都係粥，今次試時令嘢～黑草羊腩煲，亦即係一邊蒸海鮮一邊煲緊黑草羊……嗌咗嗰『有蒸氣羊中寶套餐』，又係『殘廢餐』來㗎，靚女待應好熱心地幫手蒸，睇住時間，够鐘就揭蓋幫我哋分碟，因此我同朋友就多咗時間傾偈。個餐有海鮮，例如白雪雪，勁彈牙的紐西蘭蟶子，花甲，蟲草花大連鮑魚，有鲜甜海中蝦，日本元貝，又有薑葱海斑片，跟住就係冬天之寶～煲得好腍，入晒味又带有海鮮味嘅黑草羊腩，勁满足的一餐。

這個有好幾個套餐！今晚想食龍蝦，所以點左龍蝦嗰個餐，龍蝦啲肉好彈牙同埋好多膏。黑松露蒸蟶子都幾特別，不過個人鍾意食蒜蓉蒸。整體啲海鮮好鮮甜！響螺烏雞湯好飲，美中不足嘅係只有四小件烏雞。

今晚約即慶宵夜, 老友係尖咀諾士佛台放工, 附近多數係酒吧西餐, 唔太啱食; 老友帶路行過去近天文台道轉多個灣, 先知原來呢度有間海鮮手煮蒸氣鍋餐廳係二樓, 附近比較靜, 唔會好似酒吧個邊咁嘈雜; 如果唔係老友帶路都唔知呢度有野食; 海鮮蒸鍋有散叫同套餐, 因為之前食左晚飯, 所以簡單D叫個套餐攪掂餐前小點有黑松露蒸蛋開開胃; 到海鮮來到就有店員即刻幫手放入鍋蒸, 包保新鮮; 每一種海鮮都因應唔同種類較好個別既蒸煮時間, 所以食時係最鮮味既狀態; 尤其桶蠔肉厚多汁, 由蒸鍋蒸好即時放入口, 蠔既鮮味湧哂出來, 心急到連相都唔記得影 @@跟住既日本元貝加入蒜蓉同粉絲, 未蒸好已經聞到非常香; 之後仲有手掌長既海蝦同大連鮑魚, 貝殼類海鮮用新鮮蒸煮係最好味既方式; 套餐仲有薑蔥鮮魷加蒸勝瓜, 最後當然唔少得精華所在既海鮮粥底

今日係香港一個好特別既日子，真係好需要食返一餐好既慶祝一番，全日心情都好興奮，為香港人感到驕傲女侍應好細心，見我拎得多野提示我可以搭lift ,因為地點係酒店一樓，有lift 搭方便好多而且地方好有私隱度，有獨立房間，一大班人都得今次推介呢個羊腩煲同海鮮為主既套餐擔心海鮮吾夠飽可以食羊肉，實夠飽醬料有4款先黎羊肉放底，件件都好多肉之後開始蒸海鮮有花早扇貝，海蝦蟶子，蠔同斑好豐富好多海鮮用料真係得勁新鮮，好鮮味而且爽口，size 算大，扇貝成吋厚蟶子好大隻，長過我隻手掌新鮮蝦有樣睇，顔色好清晰鮮艶，吾係雪藏貨支竹羊腩香氣滿㵼羊肉吾會好重蘇味肉質又軟好易入口有腐乳醬，生菜配搭最後仲送糖水，飽到吾郁得

就快到結婚週年，適逢香港氣氛終於舒緩左一下，就約左老公外出用膳，拍拖最緊要有私隱度，有蒸氣岩晒我地，地點係天文台圍果邊，自成一閣前菜有花生同青瓜地方十分闊落有海鮮餐有牛肉餐每個位都有電視睇侍應十分有禮貌今日天氣開始轉涼，所以點左個羊中寶餐花甲好鮮甜蟲草花鮑魚好彈牙海蝦好新鮮扇貝好厚肉蟶子超巨型，長過隻碟巨型桶蠔，好滑主角羊腩煲羊肉好淋，仲支竹有薑蔥馬蹄羊腩都算多好香好入味，食完之後又暖身又開心~~

我同朋友好鐘意食海鮮，今日試下食呢間蒸氣海鮮去到吾洗等位，好快入座！👍🏿👍🏿坐位都好寬敞，兩個人都可以坐四個人既卡位😍😍見到有d位張梳化好高，好似有自己空間咁，其他枱睇吾到入面，私人度都幾高！😍😍👍🏿👍🏿早知我地都揀下位啦，想傾密計既記得request!😆😆我地點左其中一個海鮮餐，好快有得食！😋😋海鮮都新鮮，味道ok😋😋😋😋👍🏿👍🏿👍🏿👍🏿👍🏿但食完吾夠飽🤣要再食其他野🤣🤣服務都幾好，全程有店員serve 同計時！👍🏿👍🏿👍🏿輕輕鬆鬆等食就得😋岩哂我呢d懶人😆😆

今日同男朋友又出動去試新嘢啦!今次想食海鮮🙊就試下呢間有好多款套餐嘅蒸海鮮 ❤本人係海鮮控，一直都覺得海鮮都係清蒸最鮮味嘅 🤭呢度地方都算幾大坐得舒服 ,一坐低揀咗個套餐 ~店員就幫我哋開爐啦~ 我哋揀咗湯底，蒸完所有海鮮之後就可以飲返啲吸收咗海鮮精華嘅湯底~諗起都覺得正🤤 店員會幫你落手落腳 處理每一樣海鮮 ~黎到只要坐定定等食就得啦🙊前菜就係食返個燉蛋先~ 呢個係黑松露燉蛋都算幾滑，黑松露夠曬香 ~係一個唔錯嘅前菜。 跟住就到 鮑魚啦~ 鮑魚蒸得啱啱好，夠彈牙唔會韌~配埋蟲草花一齊食都唔錯~沙包蜆好鮮甜呀~日本帶子雖然唔喺好大粒，但勝在好甜!食得好滋味🤤🤤蒜蓉同粉絲更加吸晒啲汁正到不得了❤❤另一主打喺美國桶蠔!大大粒，蠔肉飽滿，咬落爆汁 🤤 豬肉丸同墨丸喺手刴，夠晒功夫呀 ~ 食得出嘅真材實料呀 💪 最後食埋煲湯嘅雞同飲埋啖湯咁就perfect喇~ 下次試下粥底先~

見天氣開始轉涼，想食返啲暖笠笠嘅嘢，醒起之前食過嘅有蒸氣海鮮石鍋專門店，見到最近出咗個新套餐，有羊肉食，夠曬暖胃，同埋我最鍾意食嘅海鮮，唔試唔得！於是同朋友黎食！1️⃣一開始有兩碟前菜，然後就見店員放左啲羊肉落個鍋，上面就蒸蛋，有黑松露架，勁正！2️⃣跟住就係食海鮮。大大粒花甲，脹卜卜，好多汁！竹串海中蝦粉嫩嘅顏色好誘人，肉質彈牙，好鮮甜😝大連鮑魚原汁原味，好可口! 紐西蘭聖子同日本元貝都有粉絲，食落好鮮甜美味！美國桶蠔大愛，好肥美，juicy! 薑蔥海斑一個字形容：鮮！有咁多海鮮，而且質素高，性價比高！3️⃣最後就係食海鮮汁羊腩煲！頭先蒸海鮮嗰啲湯汁的晒落去羊肉嗰度，正！羊肉好鮮嫩，夠曬腍，一啲都唔鞋，好肥美，好食到停唔到口🥳🥳🥳配料仲有好多添，我最愛入味嘅枝竹❤️呢度服務真係好好，店員好有禮貌好友善，同埋啲海鮮真係好新鮮，其他配料都好好味，好鍾意羊肉啊！要同屋企人再嚟食多次😋😋

今日黎左呢間餐廳食有蒸氣洋中寶套餐，秋冬食真係暖笠笠！佢嘅做法幾特別，一開始係將羊腩放左係底先，另外仲有一個蒸架喺上邊蒸海鮮，海鮮既汁就會流落去個羊腩煲度，呢種做法我都係第一次食😝同埋一路整海鮮嘅時候一路有啲煙飄上嚟真係好得意❤️而呢個海鮮套餐有：薑蔥海斑、紐西蘭蟶子、竹串海中蝦、大連鮑魚、日本元貝、花甲、美國桶蠔。我覺得海鮮整體來講都新鮮鮮甜，份量對於女仔來講我覺得都OK嘅，男仔嘅話可能就少啲。不得不讚嘅係佢嘅鮑魚真係好肥美，桶蠔好juicy 同海中蝦非常之鮮甜美味，好想再食多幾舊🥰🥰最後食羊腩，佢啲羊腩真係用心整架，好腍嫩，仲要一啲都唔騷，所有配料都好入味，我最鍾意食腐竹，吸晒啲湯汁，食完成個人暖曬，正！同埋我想講佢啲前菜唔錯，最鍾意佢個滑蛋，黑松露味十足，滑嘟嘟，食完皮膚都靚咗，哈哈我覺得呢間餐廳都好啱懶人嚟食，因為侍應會幫我地整晒啲海鮮，真係幾享受。呢度有午市，我諗啲嘢食都一樣咁有質素

第一次幫襯呢間店吾洗等位，好快入到去坐被安排坐左係要大枱到地方寬敞，都坐得舒服😊👍🏿見到有其他卡位私人度較高咁👍🏿👍🏿因為椅背比較高，其他人望吾到👍🏿👍🏿岩哂談情👍🏿我地點左個普通既海鮮餐😊價錢都吾算平$3xx😏，好快就有得食每樣計時，慢食🤣🤣🤣🤣海鮮味道吾錯，都算新鮮😋😋不過食得吾算飽，之後再去食糖水😖全程都有人serve, 個姐姐笑容都幾好😃食得都愉快😛

想試呢間好耐，但每次都要提早好多訂位，今次終於唔洗等，叫左龍蝦海鮮餐，選左粥底，每次都有職員蒸，好多相唔記得影蒸雞唔夠味，唔太好食丸彈牙，但其中有一粒疑似梅菜豬肉丸，酸酸地🙈甜梅菜鴛鴦菜有芥蘭同埋菜心，好油，d甜菜頭無味個粥系直接放生米同瑤柱入去等水蒸氣蒸熟，個粥好綿，但無乜味要自己加鹽同胡椒粉，老闆娘都好好送左個黑松露蒸水蛋比我地，入面有淡淡瑤柱味 聖子夠肥大，上面放左蒜蓉，蒸既時間岩岩好龍蝦都多膏，彈牙另外加左個椒鹽豆腐，食左一大半先記得影相😂😂炸得好脆