有囍 (已結業)

今晚同屋企人黎慶祝生日新開裝 服務好好 有禮貌 環境好舒服 乾淨食物方面非常新鮮 大隻 鮮甜❤️真系可以黎試下 食完唔會再去其他到打邊爐依家仲有一人一份8蚊海鮮 好抵食 正！湯底我地簡左豬骨湯同黑椒胡椒蟹湯底🤗正！！！！

上星期朋友去通菜街食西餐~話隔離花園街開左間新野~主打新加坡Fusion菜除左人人皆知我又好愛既金絲奶油蝦,麥皮蝦,咸蛋黃軟殻蟹,黑胡椒蟹,肉骨茶(藥材/胡椒)等星菜外,就系Fusion火鍋喇~湯底有7款,最大特色就系肉骨茶(藥材/胡椒)湯～樓底高,環境,燈光,坐位,設計令人坐得舒適,過膠的餐牌點菜是循環再用,用墨水筆點菜,超環保好欣賞他們的做法!火焰胡椒蟹$258老闆在客人面前先把洋蔥,黑胡椒等材料炒至軟身,陣陣香味四溢,原來用左牛油炒~超香呀!再加入胡椒蟹先灒酒再點火,最期待既火焰畫面來了~噱頭十足!與客人有呢個互動非常好,除左我地未食先興奮外,老闆,員工還細心地講解應如何烹調才最好食等等~加蓋後待火全熄,就可享用了~用雙手食最滋味~肉質嫩滑多汁,肥美飽滿既胡椒蟹入口啖啖肉,黑胡椒香料滲入肉中,但仍食到蟹肉既鮮甜,食得過癮!食完蟹加肉骨茶(胡椒)湯就開始火鍋了!我地叫左最吸湯既冬瓜$28,芋絲$28,淮山$38樣樣新鮮美味!炸魚皮$38,非常鬆脆,涮幾秒就食得,無油溢味紐西蘭聖子皇,鮮甜爽口,每人有4,5片,好大隻呀!下次要試埋喇沙,秘製地獄鴛鴦鍋!午餐又可以食龍蝦喇沙,正呀!!

見到太子有間新嘅餐廳，有得簡食小菜定邊爐，見邊爐咁多花款梗係試試佢啦。我地先黎個火焰胡椒蟹做前菜，店員駕輕就熟，用薑同蔥炒熱個鍋之後放隻蟹入去，聞都已經夠正食完隻蟹之後，店員送上調味四式盤再為你嘅鍋加入湯底，邊爐而家先正式開始！我地整左個$8海鮮拼盤，係呀係$8你無睇錯兩隻蟹，四隻蝦，四隻扇貝同蜆，全部都新鮮食材黎。我地另外仲加左龍蝦丸同埋貢丸，無諗過三十幾蚊一碟有成八粒咁多。。。食左咁多都係$500左右，又抵又好食。