月詠

營業中

休息中

見係過江龍，排嗮長龍咪試下。雞白湯$88要加一，呢個價錢大把選擇，新開嘅時候應該質素最好，點都有d期待。拉麵份量唔多，湯底ok香但極鹹，鹹到苦嗰隻。溏心蛋糖心但好似白烚冇醃過，雞叉燒肉質夠嫩但冇味，得兩舊大過手指公少少，成100蚊碗真係差咁d…… 唔好話金鶴，豚王一風堂呢d連鎖店都贏成條街，真心而家咁嘅質素可以一次都唔洗試😀唯一合格係d蔥夠香同新鮮。平時都懶得寫食評，但拉麵黎講真係唔合格，希望店家快d改善下。

又一間精彩日本拉麵店登陸香港，基本上呢間拉麵店除咗個魚餅唔係雞肉之外，入面逢肉都係雞肉，當然仲有佢地嘅招牌雞白湯啦。第一次幫襯就梗係要試佢嘅原味雞白湯拉麵啦，佢個雞白湯又真係唔錯，雞肉味香得黎又無乜雞油，連埋d蔥味道更好，雞肉就係雞白肉，覺得應該係雞胸，不過又唔鞋，所以一邊食一邊覺得好健康。我地仲試咗個雞皮餃子，其實就係雞皮包住雞肉，不過食落又唔覺好邪惡，入面個樣就係咁嘅。另外呢度有個白松露油，好矜貴咁樣，真係好香白松露味。

剛開業就大排長龍！我啲晚上八點到場排隊近四個字。三種招牌拉麵都有點，各自精彩！「原味雞白湯拉麵」第一口雞白湯必須要飲原味啲！依然是著名的泡係湯底，口感綿密細滑，喝得出功夫都藏在裡面，面是看得出麥麩點點的全麥麵，被湯汁包裹得韌度剛好，食到最後也沒有變黏變沱，出品不輸日本國內。「擔擔雞湯麵」辣度與鮮味互不爭搶，非常搭。喜歡食辣的一定要嘗！「檸檬牛油雞湯拉麵」好意外細佬好鍾意食呢個，可能是因為雞白湯飲多會有小小耨，放啲檸檬酸酸啲很好地平衡了一下，如果唔鍾意太長，可以預早將檸檬撈出。整體口味更加復合，但依舊鮮甜的雞湯味很是出挑。三款拉麵都褦咗慢煮啲雞叉燒，肉質很軟很嫩，細佬都好鍾意食。奥海城卒之有一家似样嘅拉面嘞，當然會經常幫襯！

試咗新開嘅月詠拉麵。拉麵本身都還OK，雖然口味有d鹹，但都算好食。結帳時發現開幕優惠滿211HKD送飯盒，邃問店員（or 店長），答送咗小食就無飯盒。我都費事同佢R。Poster寫明係兩個唔同優惠：【三】2月16日（年初七）至23日：堂食送小食或飲品【四】2月11日（年初二）至29日：堂食滿$211送限量環保食物盒佢兜口兜面話食咗送嘅小食就無飯盒，我真係🙂🙂。 你話飯盒送曬都好啦missy。 有小小寒心喔～作為拉麵來講，食物賣相都唔錯幾香。可能係我第一次食雞湯拉麵，入面d雞肉真係同711沙律雞排切片咁，得幾片，令人有d疑惑。味道就係有d鹹。總體上講，性價比可謂好低，雞無雞味，拉麵亦無木耳等等配菜。唔係好知食咗咩。

雞白湯忠粉的我，每次都會四處搵檢食，聽到日本過江龍，即刻去試食打卡。以超高期望過去，排隊約排15分鐘，但真係好失望。麵質 - 有咬口幾好湯底 - 完全無雞味的忌廉罐頭湯雞件 - 雪味整體 - 食完超口乾，隔離幾枱人都不斷飲水埋怨小食 - （雞皮餃子）正常水準講真，食雞白湯的人會明，我們討厭豚骨湯底加雞味，但我更討厭罐頭湯味，我寧願你用雞粉，起碼食到雞味。好失望，希望1-2年後他們會改正這些問題，我會再回來，但短時間唔好啦

全店以鷄肉為主，沒有牛和豬，拉麵$88-$108，全部是鷄肉麵，有湯麵、拌麵和冷麵。湯的味道有點像罐頭金寶湯的味道，加入檸檬和牛油，感覺特別，但不會覺得驚為天人，算是一般至中上吧！另外，$18可以追加麵，但追加的份量頗少。值得推介的是兩款小食：酥脆雞皮餃子（每碟$48有5件）和月詠炸雞（每碟$68有四件）。此店位於奧海城，地點方便，未試過不妨一試，但本人試過就未必會再光顧，因為以此價錢，有其他不錯的拉麵店選擇。

被過江龍3個字吸引左我去試，但太過失望😞門口有短人龍，排左15分鐘就有位。叫左檸檬牛油雞白湯拉麵同原味雞白湯拉麵，2碗湯底無嘜分別，creamy但極咸，無嘜雞湯味，有啲似罐頭忌廉雞湯味。每碗有2片雞肉同1隻溏心蛋，雞肉嫩滑但係雪味重，溏心蛋無醬油味有啲overcook。拉麵屬幼麵，量不多，有咬口、軟硬適中。另外仲叫左雞皮餃子同香酥雞胗，餃子係現成野，無嘜特別，雞胗應該係醬燒，都係偏咸😅雖然只係飲左一羹湯底，但係食完成餐，飲左3杯水都仲覺得口渴😅

年初二經過奧海城見到一間新開雞白湯麵, 做緊買二送一優惠人龍非常長，但都想試吓排咗接近40分鐘, 試晒三隻面原味牛油檸檬同 tan tan , 各有特色面質非常好, 第一日試業情況有啲混亂可以理解 , 員工非常有禮貌,有時食物等候時間有啲耐, 看見幾個日本廚師研究食物質素, 聽講湯底係全天然雞湯，沒有加任何添加劑, 健康最緊要, 遲一排等佢哋運作順暢一點再嚟幫襯,始終新開張預咗唔會盡善盡美