月詠

營業中

休息中

之前有聽聞過奧海城開咗呢間鹿兒島過江龍🇯🇵，主打雞白湯麵🐓，嗰時已經心思思想過去試吓但一直都無機會，上兩星期咁啱去嗰頭探朋友，就提議不如一齊去試試。以木色為主調嘅餐廳設計就最得朋友歡心，因為佢真係一個木系粉絲。餐廳有個二人set menu，最後我哋都係揀咗散叫，當然唔少得order埋suntory啦 🍺我揀咗「檸檬牛油雞白湯拉麵」，因為加檸檬🍋嘅熱湯麵唔太成日食到，朋友就叫咗「擔擔雞湯拉麵」。個雞白湯有種綿密嘅口感，加咗牛油令到個湯更濃郁，但檸檬又增添咗啲清新感，成個combination都幾match，唔錯唔錯。朋友個擔擔雞湯拉麵有微微辣感，味道比白湯再濃厚啲，啱晒重口味嘅人。呢度嘅叉燒係用雞肉整嘅，食之前我哋都有concern會唔會好乾好「鞋」，點知一咬落去有驚喜，係好軟腍的，我哋兩個清晒👍🏼 麵底唔係一般嘅拉麵，係全麥麵，同自己講又再健康啲🤣我哋仲叫咗啲小食一齊share，有雞皮餃子、炸雞同魚餅，一致認為個炸雞腌製得非常出色，鹹中帶微甜，如果唔係太飽真係想order多碟，等下次拉第二位密友嚟食過先。

約咗好耐冇見嘅中同re-u，見呢度做緊秋季promotion就去試吓😋一坐低太肚餓，就二話不說嗌咗個雞皮餃子食住先，雞皮炸到脆卜卜，入邊包住啲雞肉同椰菜，熱辣辣幾香口。跟住一齊嗌咗個二人餐，揀咗兩款唔同嘅湯底share，第一款穩穩陣陣就揀咗個原雞白湯，係好溫和嘅雞湯味同埋第一次食到咁多泡泡嘅拉麵湯底，好似飲緊Cappuccino咁幾得意。第二款湯揀咗檸檬牛油雞白湯，喺原本個雞湯底上面加咗幾塊檸檬同埋牛油，撈埋一齊濃得來又有少少清新嘅感覺，就算我平時唔係食得太重口味，但飲多幾啖湯都冇問題。尤其是呢排天氣開始涼涼哋，飲返啖暖笠笠嘅湯就啱曬。跟餐有兩款小食，炸雞味道都正正常常，炸得都幾脆得嚟啲肉又唔會好乾；個雞叉燒伴青瓜加咗啲甜甜地嘅芝麻醬撈埋，食完晒咁多樣濃味野之後，慢慢夾嚟咬吓，消下濟都幾正。最後個甜品係自家製抹茶生朱古力，朱古力味好香又唔會話好死甜，本螞蟻人表示approved 😌🙏🏻

本身都想嚟試但新開時日日排隊見過咗一排同老公夾岩時間就去呢間拉麵話係主打無添加、無添精、無添激素試咗佢個signature雞白湯再加個辛味擔擔拉麵小食叫咗雞皮餃子 + 黑酢伴炸雞雞白湯幾啱我呢個大肚婆好神奇湯底有好多泡泡口感好得意雞肉叉燒好滑同埋愛吃蔥的人最欣賞佢個京都九條蔥🤣食完又真係唔口渴有D surprise~我老公就中意辛辣濃少少🌶️仲有流心蛋~ 至於個炸雞炸得好出色配埋少少黑酢好開胃好好味雞皮餃子脆卜卜，我地都好中意店員超nice好細心見到我大肚就安排卡位 + 自動比杯暖水我呢個服務態度都真係💯

一坐低見到有秋季二人餐，唔洗諗咁多一於叫呢個餐🤣原味雞白湯拉麵第一次食泡系雞白湯拉麵，湯底好濃雞味，好creamy，有d似忌廉雞湯😋雞叉燒好嫩一d都唔鞋口，青蔥好香同埋份量都幾多👍麵條擺咗一陣先食都未腍啤啤，麵條上有好多啡色一點點，問店員佢話係自家製全麥麵，唔怪得知同平時食開嘅拉麵好唔同🤣雞白湯咖喱拉麵一上枱就聞到好香嘅咖喱味，日式咖喱偏甘口唔係太辣，味道濃郁，啱晒鍾意重口味嘅人😝原本以為套餐一定要嗌指定嘅小食，但手機落單嘅時候發現可以揀其他款式，所以揀咗食香酥雞腎同雞皮餃子。雞皮餃子炸得好香脆，個邊脆卜卜，餡料係雞肉加椰菜，唔係免治雞肉，口感好紮實，好好食🤤🤤雞腎就好爽口，兩款小食都係送酒一流😎另外仲加多咗兩件黑醋炸雞$38，每件都大大嚿，炸得香口唔多油，雖然最尾先食，但擺咗一排都仲脆口，黑醋汁酸酸甜甜都幾好食。最後套餐會上埋甜品，生朱古力入口即溶好軟滑，比想像中好食😋$298包兩碗拉麵、兩個小食、甜品同兩杯飲品（額外加錢轉咗做兩杯highball），兩個人都抵食啦，臨尾仲有coupon送可以下次再幫襯😆

喜歡拉麵🍜的我特別喜歡💕 雞白湯麵🍜專門店「月詠」，今次出了新品更是愛不釋手：日本國產雞白湯與日式咖哩的完美融合期間限定的新口味「秋の詠」— 雞白湯咖哩拉麵🍜日本國產純雞肉和雞骨等經過精心熬煮製作而成的湯底，色澤奶白，充滿骨膠原蛋白喔！在濃郁細滑的雞白湯中融入了日式甜辣咖哩的獨特風味，口感香濃醇厚！每一碗雞白湯咖哩拉麵包括有慢煮雞胸叉燒、溏心鹵蛋、京都九條蔥、鮮冬菇、油揚及紅椒絲，配料豐富，配合質感柔韌、麵條分明的全天然成分的全麥麵，除了口感極佳，亦食得更健康呢！秋季套餐優惠價都不錯， 埋單時店員更送了張$50 coupon 可以下次再幫襯呢！

▫️大盛雞白湯拉麵配料包括芽菜、溏心鹵蛋、香酥雞胗、慢煮雞胸、醬燒雞腿肉同香炸雞肉丸，份量十足。湯底方面，以日本國產雞肉熬煮至奶白色，香濃醇厚，雞味濃之餘並唔會覺得油膩。以 泡沫系拉麵做法將帶有綿密的泡沫口感湯的表面打出泡泡，口感綿密，香氣和口感都更有層次。▫️擔擔雞白湯拉麵配料包括溏心鹵蛋及慢煮雞胸。湯擔擔湯頭同樣以雞白湯做湯底，再加入多種辣椒及芝麻醬調製而成，湯頭味道融洽，入口順滑，微辛。▫️雞皮餃子餃子以雞皮包住餡料，煎得薄脆，十分惹味。

人生就係要不斷新嘗試😋同老公去試咗新開的雞拉麵，有意外驚喜，值得推介及encore試咗雞皮餃子，好好食，雞皮唔會太肥膩，好適合低醣、戒澱粉或生酮的朋友，不過份量少咗dd拉麵好味，湯稍鹹，雞肉食得出係慢煮，好嫩滑，糖芯蛋好入味又滑，兩樣都一流，如果拉麵份量可以多少少會更好枱上有白松露油，我每樣食物都加咗，味道及層次立即再提升，絕對要一試新開張期間有特別優惠，埋單時得知1. 第2碗拉麵有半價、2. 有儲印仔換禮物、3. 保留單據下次消費有小食送絕對值得一試再試

🍜🍜誓要試勻全港拉麵系列🍜🍜檸檬牛油雞白湯拉麵 $98湯底：白湯唔似平時日式拉麵嘅雞白湯，係忌廉雞湯味，奶味較強，較鹹。加咗三片檸檬，令到鹹嘅湯底有淡淡嘅酸味，算係多咗少少層次。牛油溶咗喺湯底，冇特別食得到牛油味。麵條：麵條彈牙有咬口，食落有嚼勁，都算係掛汁。雞肉：有三片雞肉，味道較淡。屬於整得滑嘅雞胸肉嘅預期中嘅味道。溏心蛋：都整得幾入味。松露油：餐枱上有樽油，初頭仲以為係普通嘅生油。睇comment先知道原來係松露油。餐廳應該喺上面貼個label，或者整張卡紙介紹，整體嘅presentation會吸引好多。至於味道就比較淡，要加頗多先食到淡淡嘅松露味道。同個湯底又唔係話特別夾。不過就有啲嘢玩試下唔同味咁。環境： ★★★☆☆ 食物： ★★★☆☆ 推介度： ★★★☆☆

I usually come to Olympian City when Sky Cinema broadcasts Yuzuru Hanyu's Ice show and I came to try this new restaurant before the show.I decided to try their signature Torisoba and you can add $10 for coffee.The torisoba was quite good. The soba was springy and the chicken "char siu" was tender. The soup was as rich as it looks but maybe they added just a tad more salt to it than they should so it just tasted a bit salty to make it a perfect ramen, hence my title that they should be more confi

來自鹿兒島嘅月詠主打雞白湯拉麵基本上餐廳只係提供3款口味嘅湯拉麵原味 / 檸檬牛油味 / 擔擔麵味另外一兩款係拌麵坦白講係有啲失望嘅🥲雖然價錢唔算貴但對過江龍呢個旗號係有啲期望嘅…可惜味道同口感都只係一般原味湯底唔算濃麵底嘅蕎麥拉麵唔算彈牙好咬口檸檬牛油味係特別少少不過其實都只係原味底再加片檸檬同一塊牛油俾你唯一出乎意料地好食嘅係隻蛋🥹而飲品雖然做緊第二杯半價但其實望住Menu有啲難揀落手嗌完兩杯酒仲要有啲後悔…因為都幾難飲🥲Anyways, 如無意外應該唔會再去試🙂‍↔️如果想食雞白湯拉麵應該會去另一間🫣

呢間餐廳係嚟自日本鹿兒島嘅雞白湯麵專門店，使用日本國產雞同日本直送原材料🇯🇵🌸春之詠2人套餐 （$338）💗原味雞白湯拉麵湯底選用日本國產雞熬煮至奶白色，然後將湯底打起綿密嘅泡沫，飲落香濃順滑，最緊要加幾滴白松露油提升香味；全麥拉麵幼身彈牙，掛湯力強🍜；雞胸叉燒以低溫慢煮烹調，肉質特別軟嫩🐓；附有京都九條蔥同溏心蛋🥚💗胡麻醬燒雞腿拌麵（+$10）全麥拉麵配以招牌雞白湯同日本胡麻汁調成嘅拌麵醬汁，再加上日本溫泉蛋，食落香濃惹味🍝重點嘅慢煮醬燒雞腿肉非常嫩滑入味🐔💗日式香酥雞胗醬油炒雞腎爽脆有嚼口🤎💗酥脆雞皮餃子用上金黃酥脆嘅雞皮包住肉餡做成餃子🥟💗岩鹽牛油枝豆枝豆用上岩鹽同牛油炒至焦香，食落更惹味🫛💗抹茶蕨餅配紅豆蕨餅Q彈煙韌，每粒都沾滿微苦嘅抹茶粉，配上香甜嘅紅豆蓉🍡💗木村水蜜桃汽水💗木村蘋果味汽水

見咁多人話好食咁就搵埋另一半試下二人餐～其實menu拉麵選擇唔多，我就叫左好多人介紹既雞白湯拉麵，另一半就揀雞腿拌麵。小食揀左秋葵、炸雞同埋魚餅，包甜品紅豆蕨餅每人兩粒。另外二人餐可以揀飲桃味汽水，menu散叫反而搵唔到有得揀。首先講下雞白湯拉麵，我覺得成程既感覺就係鹹，餸就有一隻溏心蛋同兩塊白烚雞肉。白烚雞肉我真係麻麻，好彩得兩塊，因為感覺好制。但其實拉麵份量唔多～值得讚既係魚餅，堅好食，有啲芝士係入面，似芝士魚旦咁👍🏻👍🏻另一半都話好食。燒秋葵都唔錯，好惹味！欣賞佢小食包蔬菜類。炸雞都麻麻地，食到冰鮮味，有啲「鞋」口。總結：唔使等位，坐都ok舒服，服務都唔錯staff好熱心反應又快，不過如果有下次我未必叫雞白湯拉麵🤔

MOST SATISFYING SOBA IN HONG KONG!!Tsukiyomi Tori Soba is a fusion Japanese soba restaurant that left me thoroughly impressed with their “Tantan” Tori Soba. This delectable specialty dish is a harmonious blend of Japanese Soba and Shanghainese Dan Dan noodles, delivering a spicy and utterly delicious experience.The moment I took my first bite, I was engulfed in a medley of flavors that danced on my palate. The noodles were cooked to perfection, striking a delicate balance between chewiness and t

奥海城大排長龍人氣拉麵店月詠🍜日本創業3️⃣年首間海外分店🇭🇰除咗招牌拉麵🍜仲有香港限定‼️餐廳灰黑色調，使用原木材質，完全係鹿兒島本店風格👍🏻我哋試左招牌拉麵😆仲有小食🇯🇵🍜原味雞白湯拉麵上枱已經忍唔住要飲啖湯先🥹完全忽略相機食先😂100%最純粹嘅日本國產雞肉白湯底🍲又濃又香最正係冇雞油☺️每啖入口都好健康雞叉燒滑又嫩，完全唔會鞋✅加上京都九葱，溫泉蛋，完美👌🏻🇯🇵🍜檸檬牛油雞白湯拉麵第一次食拉麵入邊有檸檬，絕對有驚喜😙湯頭同原味一樣，但多左份檸檬嘅清新同牛油嘅濃香👍🏻全麥麵彈牙，軟硬質中☺️店員介紹食到一半可以試下加佢哋白松露油同胡椒粒，好貼心🫶🏻我哋都試咗，口感即時豐富左，松露愛好者一定要試試💞🇭🇰🍜胡麻醬燒雞腿拌麵 香港限定一見到係香港限定🇭🇰即刻要試喇🤪招牌雞白湯同日本胡麻汁調製成獨特嘅拌麵汁，慢煮雞腿肉皮脆肉嫩，份量頗多，配上日本溫泉蛋，爸爸表示想食多碗🤭🔺鹿兒島月揚庵魚餅黄金酥脆嘅魚餅，食落好香魚味，每啖都食到芝士，yummy 🔺酥脆雞皮餃子雞皮脆卜卜，咬開爆餡，唔會油膩🔺日式香酥雞胗香口嘅雞胗，完全冇騷味👍🏻🔺黃豆蕨餅配紅豆紅豆原粒飽滿，綿密，黃豆蕨餅好煙靭😍

奧海城農曆年期間開咗一間從日本鹿兒島來嘅人氣雞白湯🍗湯拉麵專門店，叫"月詠" ，它標榜嚴選冇激素， 冇添加，冇人工調味嘅日本國產雞肉熬煮雞白湯底， 同埋日本製作嘅雞叉燒。 "月詠"更專為香港研發香港限定版的'鹿兒島魚餅雞汁冷麵'，更同香港主廚合作創作 '胡麻醬燒雞腿拌麵'。餐廳設計以啡色為主調配上不同原木材，形象平實清新，入門有一大排白兔公仔，代表創辦人對女兒嘅愛。 店內座位不算多，但空間還算舒適。我今次試試牛刀，只選了招牌雞白湯拉麵， 好快熱辣辣起晒泡嘅雞湯拉麵上枱， 賣相不錯。 湯底採用咗鹿兒島嘅土雞熬製而成，味道濃郁香滑， 帶有一點點忌廉湯味道。 配上自家製嘅中細麵條，口感彈牙而又嚼口，而且能把濃郁嘅湯汁完美掛在麵條之上，和蔥絲一齊食更可口😌 雞叉燒食得出係慢煮雞胸肉，都幾嫩滑。不過，麵條和雞叉燒份量不太多，正常一個男士一定不夠。 整體來說，如果喜歡雞白湯可試試。