月詠

營業中

休息中

孤陋寡聞, 真係唔知道鹿兒島都有出名嘅雞白湯拉麵。月詠嘅雞白湯唔係傑撻撻嗰隻雞白湯, 有啲似豆漿嘅感覺, 飲落口有些小鹹, 但整體都係滑漏！我叫咗碗檸檬牛油雞白湯拉麵, 檸檬中和咗牛油嘅油膩, 牛油令到個湯底更加滑漏。佢哋用嘅係蕎麥麵, 畀傳統拉麵爽口, 加埋檸檬味令到成碗麵有清新嘅感覺。溏心蛋正常發揮, 雞胸肉嫩滑冇黐牙。廣島黑酢拌炸雞肉汁豐富, 炸粉都幾厚, 略嫌味道單薄左少少！反而個豆腐野菜煎餅略有驚喜, 質地好滑, 配埋青瓜絲一齊食, 口感好特別！用qr code落單, 其實都冇乜服務可言, 但裝修非常日式, 座位亦都坐得舒服, 咁嘅價錢, 其實都真係唔錯, 不過嗰啲鍾意濃厚雞白湯嘅人就未必鍾意啦！

今日試咗一間算係新開嘅拉麵店，賣點係日本近期好興嘅雞白湯，叫咗一碗黎試，另外再加一個小食，都幾好味。個雞白湯嘅雞味都算幾濃，我覺得最神奇嘅地方係冇雞油，真係好難得。入面嘅餸除咗相入面見到嘅蔥同埋溫泉蛋之外，其實仲有一啲雞肉，雞肉似係雞胸位不過又煮得好嫩，又唔會韌。佢個面都做得幾好，好有彈性加小小煙韌，又唔會俾啲湯浸到林pat pat。小食就叫咗炸雞，炸得幾香脆，而且又係無乜肥肉，塊皮好香口，忍唔住食咗少少。

當天本身想去大食代，但原來已經結業。碰巧看到一間新的拉麵店在附近便去嘗試。🍜😯😯看其他食評同網上的資料才知道，這是首間海外分店。貴為雞白湯麵專門店，「月詠」嚴選日本國產雞肉熬煮奶白色雞白湯底，加埋日本製作「雞叉燒」。🐔🍜創辦人上薗光洋先生仲專為香港研發香港限定版「鹿兒島魚餅雞汁冷麵」，更同香港主廚合作創作「胡麻醬燒雞腿拌麵」。🇭🇰是次叫了感覺特別些的：牛油檸檬雞白湯拉麵（$98）🍲🍋先說湯頭，牛油味太出，反令雞味不突出。有點後悔沒叫原味那款。🥲但口感是厚身。👍🏻檸檬味可因應想要的酸度要去篤，建議多篤會比較有清新感。🍋溫泉蛋正常發揮。🥚見到有少見的白松露油，當然要試一下，要很重的菌味。如喜歡實屬可多加。但也是雙刃刀。因為味道太有個性了。🍄🐔雞胸不粗糙，也不特別滑。😂最後還有些湯，便加了白松露油和黑椒，喝下去。變了西式的味道，但不錯。🍲🍄店員態度好。👍會想再給多次機會，試原味那款。感覺是這款不適合自己。🍜😊

明過於實,見到過江龍先嚟試一試點知中伏.雞得過兩舊,啲麵份量極少.完全唔值98元.去大角咀食其他拉麵好過啲湯唔夠熱,流心蛋中下,個心仲係凍叫咗擔擔麵湯底,唔知點樣擔擔麵,冇乜花生味.服務員叫我定兩滴白松露,係好味咗啲啲但係似食意粉多啲

我見呢間嘢喺奧海城啱啱開咗，就諗住過去試吓睇吓有咩特別啦，因為聽講係雞白湯拉麵都幾出名，咁就係一個平日lunch過去試咗，叫咗個招牌雞白湯拉麵。 但係好老實講，食完之後係有少少失望，先講佢個湯底，佢個雞白湯真係好普通，純粹覺得好重口味同埋得個鹹字。個蛋同埋拉麵就正正常常啦，但係好老實咁大碗拉麵剩係得兩塊好細舊嘅雞片，完全係冇肉食。所以overall嚟講冇咩必要專登過嚟試，我諗我自己亦都唔會再去第二次。

本來很高分卻因為吃完口喝被扣掉分數今晚去咗奧海城新店月詠食拉麵，店址原是展覽商場發展商的示範單位，不知是否樓市低迷而被拆做餐廳，商店和戲院。我們點了一個牛油檸檬雞白湯拉麵，一個擔擔拉麵，和一個溫泉蛋飯。拉麵和飯都相當好吃，白湯清新，擔擔湯底初時不錯，但麵食到一半會覺得湯越來越偏鹹。而雞肉很滑，湯麵嘅蛋，葱花都很不錯。意想不到的是溫泉蛋飯很好吃，蛋和飯混和配料很配合，總之就好吃。然而因為兩款拉麵吃完都很口喝，相信店家要非常注意這一點，不然難以點擊回頭率。

平時唔太喜歡食拉麵, 因為覺得一般的豬骨湯拉麵個湯底好肥好油, 早排經過奧海城見到呢間新開的日本過江龍鹿兒島拉麵店係用雞湯做湯底, 個樣都幾吸引, 就入去試下啦. 我點咗一碗檸檬牛油雞白湯拉麵 ($98), 再加幾個小食同老公 share.我都係第一次食拉麵加檸檬, 估唔到又幾夾喎, 酸酸地有陣陣清香的味道, 個雞湯底打到起泡, 好濃郁, 又滑溜, 兩片慢煮日本雞肉軟腍入味, 仲有成隻溏心蛋, 麵質彈牙, 好食!另外幾個小食都有驚喜, 尤其是個雞皮餃子 ($48), 酥脆香口, 好特別. 日式香酥雞珍 ($58) 份量都幾多, 好爽口, 調味恰到好處, 一口接一口追住食. 月揚庵魚餅 ($48) 係鹿兒島名物, 我之前去鹿兒島旅行都有買返黎做手信, 一路食D回憶返晒黎, 攪到我好想即刻飛返轉添.

今日下午茶去咗呢度食拉麵 ，食完之後得一個結論唔會再嚟 第一樣講個湯 個湯有啲似忌廉蘑菇湯底同罐頭嗰啲差唔多 仲要係非常之咸， 拉麵最緊要係個湯底呢樣已經扣曬分 第二樣 講兩舊雞嗰兩舊雞就正正常常冇乜特別……但得勁細片……不過起碼唔係鞋嘅 第三樣講隻溫泉蛋都係正正常水準ok 最後講埋個麵麵係合格嘅 面質唔會話太淋亦都唔會話太硬，有啲彈牙 店完同我哋講枱面有兩支松露油可以加落去會好味啲，我加咗落去之後確實係好味咗少少嘅……因為同你出去食蘑菇松露意粉一樣味道 好啦總之呢我食咗兩舊水但係就好似食緊蘑菇忌廉意粉一樣 如果大家對拉麵又有一定要求嘅就唔好理黎如果你想獵奇試下蘑菇松露拉麵嘅話就試下啦另外畀多個提議大家如果大家真係想食拉麵好味嘅話就去大角咀嗰邊有一間都唔錯，不過要排好耐咁解……

最近佢喺奧海城新開，所以就試吓，睇吓佢係咪真係咁受歡迎。入到店舖後，我就嗌佢嘅招牌名菜白雞湯拉麵，本身個面會有一個糖心蛋。碗拉麵係好熱嘅，有兩片雞叉燒，唔知佢呢度啲拉麵係咪特別矜貴，份量係平時舖頭出面嘅一半，所以男士係一定唔夠飽。首先我想講吓個湯，奶白色帶點泡泡，飲落去冇乜雞味，個湯真係普普通通，我自己覺得隻味怪怪地，飲唔慣，要點佢個白松露油先好少少。糖心蛋係幾好食，真係做到流心效果。 雞叉燒食得出似係慢煮雞胸肉。 點解我講係一個奇妙嘅拉麵呢，因為食完之後半個鐘，就感覺個腸胃好像好脹，有好多胃氣，唔同食錯嘢嗰種唔乾淨嘅肚痛。係本人食咁多間拉麵之後，第一次會有呢個感覺，仲要係我只係食咗一碗麵，小食都冇食。 餐廳環境比一般拉麵鋪闊，坐得舒服嘅，同埋呢間餐廳係會收加一。

日本鹿兒島的人氣白雞湯拉麵專門店「月 詠(TSUKIYOMI TORI-SOBA)」標榜絕無添加、無味精、無人工調味、無激素的拉麵店,並以優 質、健康的食材。環境:餐廳室內裝潢設計富有日本拉麵店特色，灰黑 色主調配搭不同原木材質,形象低調沉實,入門有一大排白兔🐰公仔，代表創辦人對女兒的愛。晚市人流極多,職員態度友善有禮👍🏻食物:🌟檸檬牛油雞白湯拉麵 奶白色的湯底以嚴選日本國產雞肉熬煮, 帶骨膠原和忌廉香,口感綿密;加入牛油和檸檬🍋後, 更能豐富層次感，湯底濃郁帶有少少酸味，加上慢煮鹿兒島走地雞雞肉，雞肉唔會太柴，糖心蛋，拉麵彈牙煙韌🌟原味雞白湯拉麵雞白湯底的表面有泡沫感,味道有點像忌廉濃湯，湯底非常出色！麵條口感彈牙,帶點點嚼勁。可以嘗試加入松露油及黑胡椒同吃,味道更鮮明惹味

日本過江龍首間海外分店落户奧海城，餐牌見到有香港限定，不過第一次都係試下招牌雞白湯拉麵先 。① 原味雞白湯拉麵 $88另有一款檸檬牛油雞白湯拉麵，價錢貴$10就係多塊牛油同幾片檸檬。兩款湯底我覺得略為偏淡味，加檸檬的飲得出個檸檬酸味，幾清新。調味料架上有松露油以及黑胡椒，松露油加兩三滴唔係好出，我加左個Double，松露味好香。而拉麵中有隻溏心蛋以及幾片雞叉燒，比白烚雞肉好少少，但肉質有點老。整體來說並不突出，但呢個價錢是可接受的。② 芝麻醬拌青瓜雞叉燒 $48醬雞叉燒切絲加上芝麻醬，冷盤胡麻雞絲青瓜，無特別，無補充。朋友點呢款小食絕對是匪夷所思，原來她不知道拉麵中是有雞叉燒…… .

之前book mark咗想試呢間拉麵，朋友無啦啦搵我食飯，拋晒我啲idea俾佢揀啦 結果佢真係揀咗呢一間位置響奧海城二期，不過停車場full晒，唯有去返第一期泊車再行去第二期。 應該係新開冇幾耐，又係話日本傳入嚟嘅好好彩係我鍾意嘅又新拉麵配白湯，我揀咗佢個檸檬牛油白湯。（朋友同我一樣）以前有男朋友就可以每人嗌一款share食，不過而家就唔可以啦 😭同埋肯定係檸檬牛油嘅唔會係我lar (肥呀嘛）本身白湯已經好似好smoothie 咁,再加埋舊牛油 不過佢兩檸檬又好似令到成件事冇咁漏咁。我成碗食得晒，朋友梗係要加面底啦。另外我哋嗌咗炸雞同埋雞叉燒（香港限定）本身個面已經有兩片雞叉燒，再加一隻半熟蛋本身佢有個套餐係兩碗麵+3個小食，不過好似太多咁（其實可能價錢同我哋咁樣散叫差唔多）仲另外送多隻兔兔公仔（因為復活節）算啦，唔好食得太full 同埋個公仔最終都係鋪麈兩個人$33x 正常價錢

今日去開奧海城行街，見到間新開嘅鹿兒島過江龍雞白湯拉麵店，咁鍾意食拉麵嘅我梗係即刻去試吓啦好彩去得早，但係都已經有幾個人排緊隊，咁我就去排隊啦，好快已經入得去啦，因為一個人咁我當然係叫招牌雞白湯啦，新開張期間仲免費送雞皮餃子正呀個拉麵上到嚟見到賣相都正正常常嘅起晒泡，幾靚點知食落呢個湯底係完全唔似雞白湯嘅味反而似金寶忌廉蘑菇湯（飲過就知係咩味，如果兩樣都食過就會知真係一模一樣味）真係極度失望呢個餸嘅三隻雞皮餃子係好脆嘅雞皮包住啲豬肉，食第一嚿都OK嘅第二三嚿就有啲油

這間來自日本鹿兒島，主打白雞湯湯底的“月詠拉麵”，開張至今約個多月，網上已有不少好評。今天晚上，我便專程來品嚐一下。約七時左右，門口已有七至八名食客輪候。等候時間不長，約十分鐘便已可以進場。因為朋友介紹，所以我今天選了“檸檬牛油白雞湯拉麵”。這款拉麵，一入口的時候，有一種忌廉的鹹味，味道獨特。但當牛油再溶化的時候，便有一陣奶香味。最後，就是當檸檬味亦融入湯底時，便有一種清新的檸檬酸味。坦白講，一款湯底，能品嚐到三種不同的口味， 真是第一次體驗到。至於配料方面，日本產的雞肉非常嫩滑，而溏心蛋亦做得非常出色。總括而言，這款拉麵很值得推介，而我下次亦一定再來幫襯。

今日係女神節🎊，女神夜晚有約，升唯有同佢食返個lunch算啦🥲，女神鍾意食拉麵🍜，我即刻諗到一間奧海城新開嘅店鋪 - 月詠鹿兒島🇯🇵人氣雞白湯麵專門店「月詠」TSUKIYOMI TORI-SOBA 主打無添加、無添精、無添激素出品🥰，係日本共開設咗7️⃣家分店，遍及鹿兒島、福岡、沖繩及京都，而家以「月詠」之名落戶香港🇭🇰，成為全球首家海外分店。全球第一家海外分店喎😍，點都唔會失禮女神啦🥰。店舖設計係以鹿兒島西谷山本店為藍本🥰，選用了不同的原木🪵材質，配搭灰黑色調，完全呼應鹿兒島本店的風格。「月詠」雞白湯麵的創辦人更親手雕刻了3️⃣件原木裝飾，送予香港分店作為開幕禮物😍。講咗咁耐，等我飲返杯熱茶🍵先再講。熱鹿兒島貴茶 $18話哂鹿兒島生產嘅茶葉係日本🇯🇵全國擁有排名第2️⃣嘅市佔率，咁我一定要試下，頭先講咗咁多嘢，而家嘆返杯又香又濃嘅熱茶，即刻舒服哂😍😋。日式香酥雞胗(香港限定🇭🇰) $58雞胗口感彈牙，越嚼越香，佐酒一流，必食推介🤤。鹿兒島月揚庵魚餅 $48外面煎得金黄酥脆🥰，食落一啲都唔油膩，而且有魚味😋。原味雞白湯拉麵 $88月詠嘅雞白湯底係用日本🇯🇵國產雞肉🐓熬煮至奶白色而製成，最重