會所1號 太子東堤 (已結業)

相信大部分人都去過於ClubONE舉辦的喜宴，只因無論場地的佈置裝修、飲宴的價錢的等，都十分相宜。雖然大家對ClubONE食物的評價好壞參半，但我亦嘗試過五間分店的食物，不論是茶市或晚宴，大部份分店的質素其實不賴。早前朋友說ClubONE推出了新菜單，非常化划算，愛蟹之人立刻訂座，齊齊品嚐。新菜單主打原隻活皇帝蟹，半席價錢不過$2588(ClubONE會員價，更加只是$2088)。半席或一席亦提供足足四斤重的皇帝蟹。皇帝蟹體積巨大，要蒸大約半小時。甫上枱，大家都被它的身型給嚇到，蟹身已比一個嬰兒的頭部還要大。蟹肉嫩滑多汁，本身已經非常鮮甜味美，清蒸方法果然最為適合，蘸上蟹醋亦可，會更為惹味。先吃蟹肉，再吃蟹腳，就會發現蟹腳更為鮮甜，肉質亦更加結實美味。實在是人間極品，全部人亦讚不絕口。至於蟹膏，同樣豐富濃郁，令人忍不住大啖大啖品嚐，十分邪惡。蟹殻內有蒸蛋白，可惜味道較鹹，蓋過了蟹的鮮味。第一次真正感受到，新鮮的皇帝蟹，確實什麼調味料也不需要。吃過皇帝蟹後已經三分飽，同場加映獲獎的西班牙啤酒，除了汽水，半席亦會提供一枝。啤酒味道清淡，帶清清的花香和麥味，女士也會喜歡。之後亦有乳豬、脆皮燒

位於新蒲崗太子道東寶光商業中心地下的會所1號 - 太子東提 (ClubONE The Prince)，主打粵菜和點心。會所一號主要是婚宴場地，冷氣十分充足，感覺優雅。中午時分，有不少打工仔和同事來到吃午餐。只要在點心紙上選取想要的食物，便可以了。兩個人共點了一個粉麵、兩個點心和一客甜品。點心都是即點即製的，上桌時還是熱騰騰的。會所一號也提供了午市商務套餐作選擇。首先來到的是 海皇芋盒 - Deep-Fried Taro Dumplings with Seafood 。芋盒的賣相十分吸引，表面金黃色的，咬落十分酥脆，裡面的芋頭蓉十分幼滑，包裹著爽口彈牙的蝦肉和帶子粒，口感豐富，味道鹹鹹香香。生炆龍躉腩肉煎麵底 - Pan-Fried Crispy Egg Noodle with Giant Grouper 來到了。這款麵底的外圍脆卜卜，口感有點像吃薯片，裡面的麵則沾滿了濃郁的醬汁。個人則喜愛同時拿脆卜卜和沾滿醬的麵，再加少許配菜，口感更加豐富。🍲之前在其他餐廳吃過兩面黃，質素十分參差，炸得太過火麵底會有燶味；相反炸得未夠火候，麵底又不夠脆。上面的醬汁十分濃郁惹味，嘗到有頗重的蠔油味。龍

Yum cha@會所1號 地址: 新蒲崗太子道東698號寶光商業中心地下 電話: 31070381 Yum cha 飲茶食點心，以前細個會一家人去食點心，family day 好不開心。但爸爸走了了很小和長輩去吃點心了今日來到club one 飲茶，姐吃的是回憶吧！因以前是住在新蒲崗區，小學中學也是那區成長。點心$33.8 有機菇湯鮮竹卷，腐皮入面包住好多瓜菜絲，個菇湯無平時酒樓食到個汁咁鹹同杰，清清地我鐘意。$60 海山雞中翼 ，乳醃過炸香，炸肉通常都略乾，但味道係好濃郁惹味。濃湯小籠包（大），爆汁架滋味，湯頭好鮮甜。灼菜$55 清一清腸胃啦，又唔油膩。又燒腸（特）甜豉油是靈魂，由細食到大依舊愛吃，皮好滑用油拉提一提一定有茶芥 $13一位Yum cha drink tea 

今日黎左太子東堤嘅分店，不過分店正確地點係新蒲崗。眾所周知，clubone係婚宴酒樓，但其實都有提供晚市散座。會員平日7折、假日8折優惠。而家做緊新推廣吸引街客。星期一至日每日一款菜式以優惠價推出，大部分都唔超過$100。入到大堂佈置都以婚宴報置為大前提，往右邊就係晚飯散座嘅飯廳。呢邊嘅廂廳唔算大，放到5至6圍桌左右。勝在環境較一般酒樓幽靜。星期六特價熱賣 油鹽焗奄仔蟹$88/1隻奄仔蟹88蚊一隻真係超值，大大隻，碟都放唔晒！打開蟹蓋，爆膏。肉質鮮甜多肉。黃金蝦球 $168蝦球大概有15-16粒左右，每粒都俾咸蛋外皮緊緊包圍到實一實，零死角。蝦肉彈牙爽口、黃金惹味，佐飯一流。蓮子百合紅豆糕（送）紅豆、蓮子、百合已佔糕嘅大半，真材實料。

留意到ClubDining網站話太子東堤ClubOne有必食美饌多重賞的推廣優惠，甘著數的事，又點會錯過呢可能比較少人留意到這個優惠，而且太子東堤位置偏僻，平日晚市明顯比較空敞，但場內裝潢是舒適的。這就是我所講的優惠啦每日都會有指定菜式有優惠，因為今次我是星期一去，所以我叫了清蒸沙巴躉，由$188減至$68，真係好抵除此之外，我還以7折的價錢叫了紅燒乳鴿。(一)清蒸沙巴躉:本來以為優惠價的沙巴躉應該會好細條，但實物比想像大，而且肉質嫩滑，蒸魚時間控制得好， 食到舐舐脷(二)紅燒乳鴿:真的是皮脆肉嫩，完全滲透曬鹵水汁的味，所以我覺得無需再沾豉油同鹽，否則會過咸。(三)農家小炒肉:因為本身上網申請了ClubDining會員卡，所以這個非特定菜式都有7折，但聽講話現在可以即場申請~~小炒肉還有大中小辣度選擇，配合不同人士的喜好，好細心，而且十分香口這就是ClubDining會員卡，去全線ClubOne食野都有7至8折。這是晚市餐牌，都算多選擇。

周日與家人飲茶，到新蒲崗位於Mikiki 隔離，寶光商業中心內的會所1號太子東堤，ClubONE 是會所式婚宴連鎖店，佈置雅緻，座位寬闊，空間感十足。 先來前菜，沙薑大鳳爪腍滑入味，八味豆腐炸得乾身，外脆內嫩滑，很惹味。風沙腐皮卷脆口餡料豐富。 懷舊四寶扎足料，梅頭叉燒腸皮薄叉燒腍。好奇點了排骨珍珠雞，究竟什麼葫蘆賣甚麼藥，原來是荷葉包排骨加一團糯米，雖然荷香入味，米粒軟糯，但沒有其他餡料變得比較單調，而排骨的骨也影響口感，這不是我杯茶。 最後點了懷舊西炒飯，飯炒得粒粒分明，配料跟平日的火腿腸仔不同，細問之下才知師傅製作細節，先用雞湯炒米至入味，配以 Antonio Mata（安東尼）西班牙火腿及新鮮番茄粒炒成，油潤甘香，是高級版的西炒飯，其實名字應該是新派西炒飯才對。店員還表示廚師不時更新點心款式，令食客保持新鮮感。 甜品紅豆糕除了粒粒紅豆外，還有百合，增加口感外還寧心安神，補中益氣，清甜可口。會所1號有多間分店，價錢合理，勝在環境舒適，是家庭聚會的好地方。 詳細內容，更多相片請看 得閒睇下我的專頁, 比個 like 我的專頁丫 #hkfoodb

一號。。。通常都是代表最好的!!! 遠的。。。有空軍一號 (湯告魯斯的Top Gun)。 仲有白宮一號( 唔係藥膏)、狀元一號、大班一號。。。近期的。。。有 皇后大道中一號， 匯豐銀行總行。 獅子發威， 股價衝破80元大關。(一笑)Errr。。。咁呢間會所一號呢？ 那天，飲開茶的茶樓已經滿咗!!! 於是就來這間 試試。大堂的裝修也挻雅致， 座位也很闊落 ，不錯。叫了滿檯的點心， 試下先!!!叉燒包、腸粉、奶黃包、 菜苗餃， 食味不錯， 但又算不上很好， 都是那句 : 普通通啦！ 一般大路貨色囉!!!至於炒粉麵。。。 應該沒有下太多味精， 但又不是完全沒有 。 炒得也不錯， 但 又不是十級好味， 沒有令人嘩一聲的衝動。。總結 : 餐廳坐得舒服 ，食物賣相 也是 正正常常， 但。。。總之就是普普通通，沒有什麼特色囉！侍應人手不是很多， 有時候沖茶都要叫一會、等一回，才有人來serve你。因此， 我還是覺得 這家 Club 會所一號(連鎖店) 點改壞名， 令人有不必要嘅期望同瑕想。。。所以，我還是喜歡做 老二 多一點， 正所謂。。有棵大樹好遮蔭。

絲打出閣了，可喜可賀！無獨有偶，婚宴竟又設在Club One系列，小人經過上次七個一皮的洗禮後，已大有陰影。更慘的是友人出了埠，是夜小人唯有單刀赴會。席間沒一張相識的臉孔，既然痴痴呆呆坐埋一枱，小人把心一橫，一於來個大小通吃，連最尾二選一的麵飯統統不放過，由頭帶到尾，盡顯傻威！這頓飲宴是沒有餐牌的，雖則宴席來來去去都是那幾款，不過賓客還是邊吃邊估著下一道是甚麼。亦正因如此，菜式名稱是否甚麼佳偶天成如意菜或金碧輝煌龍鳳配等不得而知，就只能根據吃了甚麼而描述。乳豬喜幸不單是肥加皮，還有幾分肉可吃。皮脆但未夠鬆化，肉嫩帶鹹，趁海鮮醬剛剛好。燈籠椒炒蝦球無甚味道，反而那一堆烚紹菜每人分到兩棵，很重麻油味。這件相信是海鮮卷的物體，感覺是咬了一口的脆漿加一些糊糊的東西在其中，又是一件炸物加沙律醬。蛋白扒莧菜是有蟹肉的，因為吃到蟹殼。作為酒席菜式，若然用上豆苗效果一定更佳。未知是否價錢問題，這鍋翅直比上次的好多了。雞湯底有金華火腿香，翅針粗，還有雞肉及冬菇絲，又滑又豐富。小人分到蒸魚的魚尾和撥水位，超其的滑，超正。鮑魚仔沒多少鮑魚味，全靠蠔油，生菜亦過軟。干燒伊麵炒得夠乾，惟上面的蟹籽無甚意義，徒具

好耐無同婆婆飲茶，所以今日就同婆婆去間好味啲嘅酒樓食之前都食過晚餐，今次就試吓飲茶~特式榨菜鮮肉餃 - 榨菜普遍都偏鹹，但係呢個榨菜餃完全唔會過鹹，肉同榨菜比例啱啱好，反而係食到鮮甜味，比起蝦餃我反而會建議食呢款，鮮而不鹹豉汁蒸鳳爪 - 飲茶食鳳爪最鍾意食到好淋、骨皮分離嘅鳳爪，呢間就做到，超好味原件奶皇千層糕 - 有少少失望佢係成個馬拉糕咁，不過奶皇味都好香，亦都好夠鬆軟，椰味唔重招牌焗雪山叉燒包 - 呢個叉燒包係Club One最出名點心之一，熱辣辣入口，好香，個雪山皮酥酥軟軟，我平日唔食叉燒包，但係呢個真係好得我心梅頭叉燒腸 - 婆婆鍾意食叉燒腸(但係叉燒包佢又唔食餡齋食包，奇怪)，所以就order一碟俾佢，呢個腸粉皮有啲煙韌，但係又好滑，唔會因為佢煙韌而影響佢滑嘅口感，而且皮又夠薄菜膽雲吞雞 - OMG，呢個雲吞雞個雲吞簡直係靈魂，好味到一個點，湯同雞應該同外面唔係太大分別，個雲吞蝦同肉比例好平均，好鮮甜，同埋個湯唔會太鹹，4個人食都可以一人兩碗，唔錯

公司春茗，8點開始開餐。見到餐牌都幾好餸，而且d名幾得體。先黎左乳豬 比較肥同少肉，但豬頭肉地很好。拎反屋企煲湯最岩四季豆帶子蝦仁好好味，四季豆炒得剛剛好，鮮甜。蝦人同帶子都好鮮嫩，一個人都幾左幾轉呢道餸。呢道菜，不過不失。雖然好中意食菜既我，通常都會夾晒啲菜黎食，但係呢度菜既汁真系麻麻地，失色左。髮菜較少，旁邊件碟既蝦餃幾好味，而且成道菜都有睇頭呢隻雞好嫩，皮又脆整得吾錯。炸蠔好好咪，而且又大隻 最衰一人只有一隻總括嚟講，club one 既菜色都不錯最值得加許係員工態度好好，試菜時會講講笑，祝賀下。而且幫忙夾菜時都服務好好。因為佢地令我寫呢篇食評，問佢地拎飲品都好快拎到，抵讚。

芝麻豚肉細細粒好易食。芝麻而加點醬汁很香口很好吃。蒸餃上面配合新鮮蝦肉青清淡。下面配以一下香菇。健康之選。小籠包和平常吃的差不多，不算特別。這是我每次的最愛。春風得意腸。外皮滑，裏面香脆係大粒蝦肉。香煎蘿蔔糕，偏油了一點點。香菇伊面，味道剛剛好。伊面軟身了一點。蝦餃，外皮簿蝦很大粒。蝦腸也是一粒大蝦仁粒外皮細緻。工作樂在其中非常好！同事相處尤如朋友。當中有緣有分的。升級做好友家人更是幸福嘉年華!!!有始有終，活好當下，計劃明日，展望後日。

朋友遠道而來與我吃 lunch，選了座位闊敞的clubONE太子東堤。Weekday Lunch time 座無虛席，朋友茹素，所以只挑素菜食品。是日點了貢菜素海蜇 (即蒟蒻麵）、百味脆豆腐，奶皇千層糕，胡麻茄子及水晶野菌餃，全部味道也不錯。新蒲崗從前有個舊式齋廚，但已關門大吉了好幾年。舊式齋廚喜用食油增加食品的色澤，也多用豆類製品及醃菜作餚，相對不甚健康。個人較喜歡新派素食，他們的食品多以新鮮蔬菜為主；鮮用餣製食品及豆製品，可以吃得更健康更有營。使用ClubONE會員卡，有weekday 午餐七折優惠價，以太子東堤的新裝環境及座位闊敞度，值回票價了！

乳豬外皮香脆，肉質嫩(小小肥膏，唔油膩)西蘭花(蝦球)西蘭花新鲜，煮得爽口，蝦好大粒(用芝士焗，令蝦肉更香口)百花釀蟹鉗炸得好靚(金黃色，好香脆)蟹肉好鲜味瑤族金錢伴瓜甫鲍汁煮(冬菇，瓜甫煮得入味)雞絲翅糊身(味道淡左小小)鲍魚玉掌蠔汁帶出鲍魚的鲜味，玉掌煮得軟身(蠔汁入味)脆皮吊燒雞外皮不算脆(雞肉不算鲜嫩)香菇伊麵，炒得好靚(色澤和麵身唔油膩)海鮮炒飯(炒飯炒得出色。乾身，但海鮮比較小)特别甜品心太軟(好流心的朱古力漿)好濃郁朱古力味，好sweet蓮子百合紅豆糕食到大大粒蓮子和百合，紅豆糕(不算甜)

媽媽生日，我地決定今次同佢食啲傳統少少嘅嘢，諗咗好耐，決定帶佢地去club one試吓，同埋當睇吓個場地，因為我幾鍾意~~事前當然打過去問咗有冇婚宴先喇，既然無就即book之前有幾個朋友結婚，都係club one擺酒，不過就唔係呢間，所以我都係對呢間分店好多unknow，今次上去都幾眼前一亮，佢場地好優雅，又夠光，同埋好闊落鮮土伏苓冬瓜煲老雞 - 星期六例湯，本來以為土伏苓會苦，點知……個湯勁甜又夠濃，好好味百花溏心皮蛋 - 老豆話佢未見過咁炸皮蛋，其實以前街頭小食都有，只係用魚滑，唔係用蝦滑，呢個用蝦膠感覺上即刻好睇好多，而且會比魚滑更彈牙，皮蛋好香，雖然就唔係太流心，但係只要啲皮蛋靚，就已經足夠八味豆腐 - 個豆腐真係好滑，外面又炸得好脆，上面加啲七味粉，好易不停咁食，因為太好味燒味三拼 - 叉燒、乳豬、牛鍵 - 本身我非常鍾意食叉燒，所以想單點，點知……大少話不如要三拼喇，可以食多兩款嘛，點知……佢竟然走去叫乳豬……真係搞到好似像咁XDXD佢個乳豬皮非常脆、肉唔會太肥，叉燒肥瘦適中，肉好淋，無筋，牛鍵就韌咗少少，不過味道唔錯千葉海皇豆腐 - 呢個好明顯就係食師傅們嘅刀工，上枱真係

之前沒有想過會找位於商業大廈內的餐廳吃晚飯，但作為地膽的朋友介紹說這裡的小菜不錯，當然會去嘗試一下。八味豆腐很好的一道小吃，豆腐外面炸得很香口，內裡依然十分嫩滑，而且加上椒鹽十分惹味。能一口吃到淡淡的豆香味和椒鹽的惹味，互相配合。 金沙脆蝦球外表炸得金黃鬆脆，鹹蛋黃均勻地附在蝦上，內裡蝦肉爽口，每一口都能吃到蛋黃的鹹香，十分滋味。鹹蛋黃的鹹香，配上帶一點脆口，用來送飯亦很不錯。 竹笙蟹肉羹很足料，有很多蟹肉和竹笙，每一口都吃得到竹笙和蟹肉。竹笙很爽口，蟹肉亦很鮮味，加一點醋來吃更能提升整體味道。 燒味雙拼蜜汁叉燒非常腍身，外層燒得香口，內裡依然能保持到頗嫩的肉質，非常好吃，並非一般燒味店能吃到的質素，推介。 燒腩仔外皮非常香脆，肉質亦同樣保持到鮮嫩，肉中夾著點脂肪，吃下去更香。