20
2
1
所有分店 (17)
電話號碼
31070381
營業時間
今日營業
10:00 - 15:00
18:00 - 22:30
星期一至五
12:00 - 15:00
18:00 - 22:30
星期六至日
10:00 - 15:00
18:00 - 22:30
付款方式
Visa Master AlipayHK 支付寶 現金
其他資料
自帶酒水 詳細介紹
切餅費 詳細介紹
加一服務費
當面支付
食評 (28)
等級1 2019-11-11
42 瀏覽
今個星期日中午又來到太子東堤ClubOne 開餐,食開返尋味,今次又encore 再order 琵琶BB鴨,真的皮脆肉嫩,吃一件後還要再來一件,點上甜酸醬實在愛不惜口;蒜香蝦春卷也是值得一讚薄薄的脆皮包着彈牙的鮮蝦,濃濃的蒜香味真係好正;新出的好立克加阿華田糕點,非常特別,一面是好立克味,另一面是阿華田朱古力味,凍凍的感覺加上適中的甜味十分可口,小朋友吃個不停 繼續閱讀
(以上食評乃用戶個人意見 , 並不代表OpenRice之觀點。)
放工有時晏晏地,懶得煮,就出去同朋友食飯啦~ 公司附近有間ClubONE太子東堤,平日有同同事去飲茶,但食晚飯就第一次。點解話呢到係「二人撐枱腳食中菜之選」,係因為人唔多,傾計唔怕噪到隔黎我同朋友果晚唔太餓,叫個小食,大家傾下計先。 #椒鹽魷魚鬚 個外貌感覺好唔椒鹽(同預想有D出入),但佢炸粉皮好薄,食落唔錯。兩個女仔食野唔多,一個肉一個菜就夠晒數。 #梨子醬汁骨 一上菜就噴射出陣陣惹味,食落似韓式醬;汁多,撈飯一流;肉就唔算好多,如果兩個男仔,就未必夠飽。我地仲叫左個 #鹽水杞子浸時蔬,好大盤菜,多到食唔晒;菜好香甜,但有幾條有筋,整體印象不俗 繼續閱讀
(以上食評乃用戶個人意見 , 並不代表OpenRice之觀點。)
又黎clubone飲茶,今次除咗照叫叉燒包、叉燒腸同香菇素菜包之外,亦都試多幾樣新點心。今日咁多商場冇開,諗住佢會多返啲人啦,結果都係咁冷清。講返食物,叉燒腸依然好好食,腸粉又滑,叉燒又稔,唯一麻麻地就係個裝豉油既壺,個嘴好短倒到周街都係🙈千層糕加咗奶黃,有啲滯香菇素菜包啱啱蒸好,夠熱好好食,入面既菜都幾多。不過今次個菇「定」整得比較扁,顯得成個包都矮咗。今次試埋紅油抄手,比其他地方食到既偏辣,隻雲吞好大隻,個餡比較實,皮都偏厚,一般般啦我唔食粉果既,所以呢個我冇掂過,就唔評論喇蝦餃都keep到大大粒,個蝦餃皮都幾實淨,唔會同個餡彈開幾尺遠。呢個蘑菇雞酥都幾好食,酥皮好香又唔算油,但我媽話佢上次黎食係好油既,水準唔太穩定。其實咁多樣最好食係雪山叉燒包,但每次一黎到就即刻掃晒,唔記得影😅😅😅 繼續閱讀
(以上食評乃用戶個人意見 , 並不代表OpenRice之觀點。)
等級1 2019-07-29
435 瀏覽
星期六是屋企人生日,見到ClubONE推出一個龍蝦優惠海鮮餐《菓宴》,就book位試一試《菓宴》分別有全圍$3488及半圍$1888的選擇,如果是ClubONE會員的話,更可減至$2688(全圍)及$1488(半圍),不過要注意的是,另收茶芥及加一服務費。幸好屋企人已做會員,及我地人數不多,所以今次以$1488享用此晚宴套餐。😂職員會先上菜俾我地影相,然後再分菜,滿足我地鍾意相機食先的需要😂鮑魚柚子沙律:比較西式的一道菜,老人家會有d唔慣,不會佢酸酸甜甜,又有脆片,食落幾開胃同幾有口感。螺頭花膠燉蜜果:湯比想像中清甜,而且相當足料,除了螺肉,大片花膠,蜜果,還落了全隻雞同排骨。雞同排骨的肉都好淋,老人家好喜歡吃。橄欖油蒸波士頓龍蝦(6邊):主角登場啦剛好我地有6個人,每人分到半隻龍蝦,龍蝦好大隻啖啖肉,蒸得剛剛好,肉身唔會覺得好“鞋”,而且因用了好多蒜蓉蒸,所以充滿了蒜蓉香侍應服務好好,見我地食完龍蝦,隨即奉上濕紙巾,照顧周到。珍珠茄浸菜苗: 因有蕃茄同珍珠茄,所以菜苗湯清甜之餘,帶點酸味,倍感開胃。士多啤梨松子魚:比想像中細條,不過,炸得不錯,香脆肉嫰,而配以士多啤梨酸甜汁,配飯一流。番石榴脆皮燒雞:皮脆肉嫰,算不錯。火焰菠蘿肉鬆炒飯:無想過真係有火焰出現,老人家見到好歡喜,炒飯有菠蘿粒,提子乾,蛋,肉鬆,蔥炒成,唔會太咸同太油,適合老少咸宜。Movenpick雲尼拿雪糕:靚雪糕果然不同,雪糕好滑,小朋友食到好開心 繼續閱讀
(以上食評乃用戶個人意見 , 並不代表OpenRice之觀點。)
等級4 2019-07-08
434 瀏覽
相信大部分人都去過於ClubONE舉辦的喜宴,只因無論場地的佈置裝修、飲宴的價錢的等,都十分相宜。雖然大家對ClubONE食物的評價好壞參半,但我亦嘗試過五間分店的食物,不論是茶市或晚宴,大部份分店的質素其實不賴。早前朋友說ClubONE推出了新菜單,非常化划算,愛蟹之人立刻訂座,齊齊品嚐。新菜單主打原隻活皇帝蟹,半席價錢不過$2588(ClubONE會員價,更加只是$2088)。半席或一席亦提供足足四斤重的皇帝蟹。皇帝蟹體積巨大,要蒸大約半小時。甫上枱,大家都被它的身型給嚇到,蟹身已比一個嬰兒的頭部還要大。蟹肉嫩滑多汁,本身已經非常鮮甜味美,清蒸方法果然最為適合,蘸上蟹醋亦可,會更為惹味。先吃蟹肉,再吃蟹腳,就會發現蟹腳更為鮮甜,肉質亦更加結實美味。實在是人間極品,全部人亦讚不絕口。至於蟹膏,同樣豐富濃郁,令人忍不住大啖大啖品嚐,十分邪惡。蟹殻內有蒸蛋白,可惜味道較鹹,蓋過了蟹的鮮味。第一次真正感受到,新鮮的皇帝蟹,確實什麼調味料也不需要。吃過皇帝蟹後已經三分飽,同場加映獲獎的西班牙啤酒,除了汽水,半席亦會提供一枝。啤酒味道清淡,帶清清的花香和麥味,女士也會喜歡。之後亦有乳豬、脆皮燒雞、龍躉球、龍躉骨腩等等,有魚、有雞、有肉,作不同宴會場合亦十分合適。西蘭花粉龍躉球亦值得推介,龍躉魚肉紮實,非常可口。另一重點是夏日鮑魚佛跳牆。一般佛跳牆會用上魚翅,這裡就用上鮑魚代替,湯頭同樣濃郁惹味,用料亦豐富。這時,大家已吃到肚滿腸肥,還有飯和麵。飄香荷葉飯與鮑汁炆伊麵,每人也起碼各自吃了兩大碗,份量十分多,味道也不錯。吃過了所有鹹點,還有甜品,椰汁紅豆糕作結。大家非常飽足,卻仍然沉醉在皇帝蟹的美味之中,久久未能忘記。這個皇帝蟹晚宴,確實十分抵吃。 繼續閱讀
(以上食評乃用戶個人意見 , 並不代表OpenRice之觀點。)