曼谷車站

營業中

休息中

同屋企人去左食泰國菜，哩餐真係又平又美味。椰汁冰($23)，好重椰子味，我好鐘意。珍多冰($25)，冇飲過。咖喱軟殼蟹($128)，咖喱味超濃超香，配軟殼蟹真係好正，仲可以用埋d咖喱汁撈飯/薄餅食。辣椒膏炒青口($78)，哩個好辣，如果唔食得辣真係唔好挑戰，青口都幾大隻厚肉。燒牛肉沙律($68)，少少微酸，開胃餸菜，牛肉份量都幾多而且仲好腍。薄餅($28)，專登叫一份黎點咖喱汁食，好正。飛天炒通菜($52)香芒蟹肉炒飯($72)，芒果連埋飯一齊炒，食落幾夾，一樣淋上咖喱汁仲正。

當日落雨放工好攰,經過商場, 立即被他們的裝修吸引。餐廳裝修得好像車上的車卡一樣 大部分座位都係卡位, 好似坐在行駛中的列車中。這個特色相信非常獨有😘第一道菜蒜蓉炒翡翠苗， 翡翠苗炒得咁香，廚師曉得在菜上灑上惹味的蒜片，這樣能做到色香味俱全 簡直就係作認真，對食客有一種驚喜。第二道菜是明爐烏頭魚，配香味濃郁的冬陰功湯。芋頭魚有它獨有的鮮味，配上濃郁芬芳的冬陰功，加上香矛泰國薑，醒胃又提醒。最重要冇幾多餐廳可以做到這麼高水準，價錢又實惠。以上兩道菜是泰國必叫的菜式。第三道菜菠蘿海鮮炒飯。值得一提菠蘿非常多肉，配上海鮮炒飯獨有的魷魚，飯味甘香，色澤鮮美。令人垂涎三尺，是我吃過最好食的。我跟同事非常鍾意這種開放式嘅餐廳，餐廳很大，座位舒服。絕對是新年聖誕，一定要到的餐廳。😘😘😘

平時好少行得寶商場，呢日經過見到商場入邊裝修簡單，好多都係平民相鋪👍🏻，價錢親民！搭電梯上一樓，就見到呢間裝修比較靚小小嘅曼谷車站，價錢唔貴，就同朋友入去試試呢間泰國餐廳。😊呢度同普通餐廳唔同，冇收加一服務費✨😍而點單係客人寫低食物編號落單。冬陰公湯，好足料，有好大隻蝦。餐廳仲特登用咗個爐燒住，啲香味越嚟越濃。👍🏻👍🏻乾炒香葉牛河，炒得好好，好鑊氣氣味，讚！啲牛肉唔似落咗肉鬆粉，大塊同都有牛肉味！同普通乾炒牛河唔同，用咗啲泰式香料，令到整碟炒河更加香！入面仲有啲紅蘿蔔絲同埋啲菇。蝦餅都好抵食， $58有6件大大件！炸得好好，外脆而入邊啲蝦蓉好彈牙好多肉！泰式海南雞飯，已經去晒骨！多數係雞胸同翼位，啖啖肉，點埋啲醬汁同雞油飯好夾！最後，有少少熱氣，就叫咗杯珍多冰同青檸梳打。珍多冰香香甜甜，好有椰漿味道！

德寶商場一直都係美食集中地 所以位於商場二樓既呢間泰國餐廳一d都唔難搵！🇹🇭泰式海南雞飯🐥午市既海南雞飯係套餐形式既 分別有一碟海南雞件 雞油飯 雞湯同埋餐飲海南雞約有八件 今次仲係我最愛既雞脾部份😍雞皮爽脆唔會好厚 雞肉超級嫩滑仲有肉汁 預先去左骨既海南雞啖啖肉👍🏻油飯有好香既油香同埋香茅味 配埋雞件一齊食超夾 果然係必食！我個人更加鐘意先加少少秘制既甜豉油起d飯入面泰式炒金邊粉廚師炒到好高技術 金邊粉有鑊氣而且乾身 絕對唔會痴一舊咁 酸酸甜甜既味道好岩仲好開胃 配料亦都好足 一件件既蝦球爽口彈牙 另外加埋青檸汁會更加惹味！串燒拼盤串燒一直都係泰菜必食！用黎做頭盤小食就最岩 今次叫左串燒拼盤有齊（豬、牛、雞）岩曬我呢d想試曬全部款既人 同埋好岩同朋友share!串燒經過炭烤之後好惹味 仲保持到好juicy唔會燒到好乾👍🏻

叫左三個餸，今次居然冇叫酸辣鳳爪同生菜肉碎包，就返朋友既小朋友唔太食得辣辣椒膏炒青口$78，哩個係超辣，淨係比我地大人食，青口好大隻好飽滿，個汁辣得黎帶少少微甜香草粉絲大蝦煲$148，其實個煲仲有4隻巨型大蝦在底，已經界開埋，肉同殼好易分離，方便食，個煲仲有豬頸肉，見到粉絲都變晒啡色，已經吸晒d汁，好正，我仲淋返青口個醬汁更加惹味。泰式馬拉盞炒通菜$55，食個菜健康一下，炒得幾香，而且辣度唔高椰汁冰$23，超重椰汁味，好好飲

九龍灣好食既泰國菜又抵食又有質素食過返尋味所以帶埋朋友一齊嚟叫咗個泰式生蝦刺身一共有六只大大隻好新鮮邪惡小食拼盤雖然每樣小食份量不多但係每款都有四舊同埋能夠一次過享受晒所有小食咁就最開心醬汁就有甜酸汁同埋雞醬蝦餅：勁有蝦味非常彈牙，外皮勁邪惡，脆卜卜春卷 ：皮薄餡料多，仲炸得好脆口鳳凰丸：我第一次食，口感介乎蝦餅同魚餅嘅中間，外面是炸腐皮魚餅 ：濃濃香茅味，食落好清新，一啲都唔覺得油膩滿足晒所有食感另外仲叫咗個豬頸肉沙律辣辣地豬頸肉半肥瘦非常爽口彈牙豬頸肉份量都多$68 所以好抵食另外叫咗個馬拉盞通菜炒牛肉套餐仲跟埋個白飯食指大動馬拉盞通菜少辣牛肉份量唔會太多最後梗係叫埋個椰青完美嘅泰國餐個感覺簡直係置身係曼谷

自從牛頭角公屋清拆後，我都好少去喇，覺得果度只有公屋居屋，冇野行冇野食，今日去探個朋友，佢話牛頭角都有好多臥虎藏龍餐廳，平靚正任君挑選，佢今晚就帶我去食泰國菜！呢間隠世泰國菜響得寶商場入面，雖則距離地鐵要行十分鐘，要食好西又點可以懶呀！一望入去間餐廳好有特色，以火車站為設計，我仔仔勁like啦，卡位係整到火車車箱，我地不停打卡呀！打開menu見D價錢好抵食，叫左炸蝦餅、咖哩軟㺉蟹、芒果糯米飯。先黎左炸蝦餅，熱喇喇，入口趣卜卜，蝦膠打得夠，好爽口彈牙！咖哩軟殼蟹係我點嘅，估唔到$128大大碟，軟殻蟹先炸再淋汁，咬落仲趣架，咖哩係甜，加埋洋蔥、紅青椒同蛋花，呢個汁撈飯我可以食到兩碗。每次食泰菜必食芒果糯米飯，上枱又係大大碟呀，$48咋，用正宗泰國芒果特別清甜，糯米飯軟糥，happy ending!!曼谷火車絕對係平靚正之選，食物質素比得上九龍城泰菜，但價錢平三成！

好幾個月前去完泰國，當時瘋狂日日食辣 食泰菜，真係食到嘴都歪，因而返回香港後都甚少食泰菜；加上去完泰國食泰國既嘢食，當時已經覺得香港煮既泰國菜不及當地質素，所以都很少再試。日子過後，想念泰國了，就係九龍區中間啲既位置找間似樣少少既泰國餐廳重拾味道通常啲人都會去九龍城 但我那天嫌遠了餐廳既裝修都符合住主題－「車站」，有特色！門前放咗一個stand放餐牌，唔hard sell，任由客人選擇進唔進入餐廳，感覺好和諧隔離仲有一塊黑板列明餐廳聘用既係「全」泰國廚師優惠期間仲免加一添啊，吃貨快啲把握機會去食啦！餐廳大部分客人都被安排坐係旁邊既卡位（影唔晒），餐廳面積都好~大，位置好多，加上當日閒日，相中好似好空曠，但閒日黎講都算ok人多了呢度預備都幾充足佢有一壺熱水畀客人自己斟水啦 另外仲有餐廳上菜速度好快，所以好肚餓既我都影到全部菜我同朋友一共嗌咗5樣嘢食，真心既 每一道菜都似正宗味道，好好味！「泰」好味！最先上枱既係蝦炒金邊粉。佢既份量都唔細，一如正宗泰館 有花生碎同青檸俾我地自己按喜好調味，裡面有蝦、蛋、扎肉、蔥條、芽菜，十分豐富！麵既韌度適中，炒得幾好 唔會好乾身，所以唔會放一陣就一份餅咁

友人剛在九龍灣找到了新工作，在他下班後，特意帶我來到在得寶商場的泰式餐廳用膳。餐廳名字與裝修很配襯，以巴士作主題，而近扶手電梯的坐位則以涼亭作格局，份外有氣氛。就坐後我們先點了泰式金邊粉，下單後約五分鐘，熱烘烘的金邊粉便端上。混在金邊粉內紅紅的碎粒看似是辣椒碎或蕃茄碎，放在口內一嚐得知原來是蝦米乾，鹹香的味道十分配襯。再來點了青咖喱雞，濃郁的青咖哩辣度與咖哩的味道非常平衡，縱使不太嚐辣的朋友也推薦。我們還追加了薄餅以品嚐美味的咖哩汁。當然還少不了冬陰功，蝦膏味濃郁的湯底辣勁不能小看，是非常開胃的必點泰菜之選。最後以芒果糯米飯作結，暖暖的椰漿澆在黏稠的糯米飯上，再配上兩大片切好的芒果肉，是整頓晚餐的完美句號。

淘大開左新戲院，睇戲仲好平。朋友住得寶，佢話有間泰菜係屋企樓下好正，甘愛泰菜既我梗係去試啦！餐廳係商場2樓，有d 入，但係有指示，跟住行都ok 易揾。佢用左old style火車卡，有好多卡位，坐得都幾舒服！入面種類多，價錢都街坊價，唔貴！佢哩度有draft beer, 泰國名牌啤， singha, 正叫左個大size , $38 , 佢有細size $28柚子沙律大份量，好多柚子，上面有d 腰果舖面，同有4隻蝦，佢個汁係秘制汁，新嘗試，幾match 個沙律。椰汁雞湯同友人都唔係好食得辣，所以叫左個雞湯，佢係微辣版既冬陰公湯。超多雞肉同姑，個湯椰味重 同好滑燒牛肉值得一讚！燒到五成熟，入面仲係半紅色，好嫩好軟，配埋辣汁好好味！香葉肉碎飯我的至愛呀，如果隻蛋可以做到半生熟就更好啦。肉碎叫左小辣，配埋魚露食撈飯好好味！埋單一人150,抵食！

今日好友生日，好友想食泰國菜，我們就選了這間位於九龍灣德寶商場的曼谷車站試一試，雖然是平日，但人流都算多，但裡面大部分都是卡位，座位都坐得幾舒服。整個裝潢及主題都是火車站，包括有火車站的時鐘，天花有扶手的手把，窗也特意造到跟車裡的包廂一樣，好想置身於火車裡晚餐一樣，感覺很有趣。我們看了看餐牌，就決定點食泰國菜都必點的肉碎生菜包（$65），冬陰公湯(小）（$68），香葉肉碎煎蛋飯（$62），青咖喱豬肉（$62）和一個椰青（$35）。試試他們的手勢夠不夠正宗！首先上枱的是冬陰公湯，湯都十分足料，裏面有草菇，蝦，蕃茄同香茅等香料，味道不會太辣，像我這種愛吃辣但又不能吃太辣的人剛剛好，偏酸，香葉味和椰奶味都很濃，很好喝，蝦雖然隻有一隻，但咬落啖啖肉！味道很鮮！這個湯很細心，店主怕客人會喝到會冷掉的湯，所以是用小火爐一直熱的，每一口都熱燙燙的湯，好滿足！ 大推介大家點這個！肉碎生菜包的肉碎肉質彈牙，肥瘦比例剛剛好！材料豐富，辣汁鮮味，一流的生菜，很新鮮， 滿滿的肉碎份量十分慷慨，肉碎帶小小辣很惹味，我和朋友吃個不停！每次食泰菜都必點的一款菜式！香葉肉碎煎蛋的金不換味道很重，飯面上有煎得香香的太陽

今日去哩間曼谷車站店舖裝修到好似火車車廂裡面，地方好大，枱與枱位置闊落，環境都唔錯😎。餐廳上菜速度超快，第一道泰式雞腳係我既至愛。酸酸甜甜辣辣地，好開胃。最鐘意就係雞腳口感，有彈性，黏住黏住既質感，正。海南雞飯一碟兩個人食怕唔夠喉，可以學我地點半隻海南雞再加個油飯，份量絕對夠兩個人食。海南雞係無骨既，啖啖肉，爽。雞肉質地超級滑，一啲都唔鞋口👍🏼。另外有三款醬汁點住食，當然雞最夾都係薑蓉❤️。生菜碎肉包，鐘意哩到碎肉乾身唔會太多汁，所以包生菜既時候好乾淨，唔會滴到週圍都係。泰式香草味濃👍🏼。小食拼盤最好食就係蝦餅，外皮炸到好脆金黃色，裡面蝦肉部份就好彈牙。春卷外皮脆卜卜。鳳凰丸同魚餅好重泰式香料味，可以辟除魚肉本身腥味，肉質較淋👍🏽。

為左慶祝十一月生日之星，放工後又去吃好料，朋友工作室在九龍灣，平時多數去德福、megabox、淘大，忽然發現得寶商場，就搵左佢我鍾意佢開放式嘅餐廳，所以就算好多枱好多人喺度傾計食飯，都唔會好嘈聽唔到對方說話車站裝修很用心，餐廳很大，座位也舒服，不會太嘈吵。晚上客人不算太多，街坊為主泰式炒金邊粉金邊粉嘅蝦，亦係非常大隻，而且金邊粉嘅味道炒得好美味，少少甜甜酸酸的，好開胃，我哋就算到最後飽住肚，都清晒海南雞飯呢碟海南雞飯應該有四分一隻雞，份量好足！雞肉本身冇咩特別，不過不失啦。不過對於我黎講，海南雞飯最重要既就係佢既沾醬，呢度既沾醬令人感覺滿意甜鼓油夠傑身，辣醬又夠惹味，撈埋落雞油飯食真係一流 泰式馬拉盞炒通菜泰國菜必食之選，味道濃郁，每條通菜夠晒入味，唔錯椰青水超清甜, 附上長身匙羹刮起內裡椰青肉, 好易起的!

間野叫曼谷車站，裝修真係好似車箱咁好有特色，而且大部分坐位都係卡位，可以坐得舒舒服服❤️馬拉戔炒通菜面頭灑上啲好惹味既蒜片，以為有啲紅紅地係辣椒，所以會辣啦，點知食落好香好好味，唔食辣既我好鍾意!! 沙嗲串燒（半打)有幾種肉，牛、豬、雞，d肉唔會un！好軟好易咬得開。其中雞肉我最喜歡，係好嫩滑，加上食串燒就係為咗佢個汁❤️沙嗲汁加上好香既花生味🤪Pad Thai,炒金邊粉，呢個食泰國野必叫啦！有青擰汁酸酸甜甜有4隻好大既蝦，開左邊方便食，好細心!叫左個蒜蓉飽配咖哩 脆脆地都正😁

今日同朋友去左德寶商場食lunch,見到有間餐廳裝修到成個車站咁，覺得好得意，跟住就行左過去睇餐牌，原來呢間餐廳係食泰國菜的，叫曼谷車站，難怪裝修到成個車站咁~佢地既精選午餐，都有好多選擇，好，就決定食呢間我地點左個海南雞飯和泰式肉碎飯，套餐包埋飲品~另外見到佢餐牌有個寫住招牌泰式咖喱炒大蝦，好心動，最後決定都係點埋這個吃~因為真係好想食招牌泰式咖喱炒大蝦未食都已經聞到好香既咖喱味呀，流口水中。。。果然。。。冇叫錯，呢個真係超好食，好香咖喱椰醬味，甜甜的，不辣，點蒜茸包或淋飯吃一流，好開胃，真係好味到震大愛裏面仲有4隻大蝦，足料好吃又抵食，都只係$158配上蒜茸包，完美組合呀正宗泰式海南雞飯呢個會跟一碗湯和椰醬飯，d雞好嫩呀，碗湯都好清甜，飯都好香椰醬味,正呀香葉肉碎煎蛋飯雖然餐牌見到有2條辣椒既圖案，但都唔會去到好辣，味道剛剛好呀，肉碎連埋辣椒香葉一齊炒， 好野味，正呀粒蛋都好流心😋餐飲揀左龍眼冰同熱檸水溫馨提示，龍眼冰需另加$10龍眼冰又唔會太甜，仲有好多龍眼肉熱檸水都正正常常~雖然餐廳有點忙，但服務員態度都好有善總結，環境特別，食物好吃，服務員有善，價錢抵吃，整體都好好，下次會再