曼谷車站

營業中

休息中

今日去哩間曼谷車站店舖裝修到好似火車車廂裡面，地方好大，枱與枱位置闊落，環境都唔錯😎。餐廳上菜速度超快，第一道泰式雞腳係我既至愛。酸酸甜甜辣辣地，好開胃。最鐘意就係雞腳口感，有彈性，黏住黏住既質感，正。海南雞飯一碟兩個人食怕唔夠喉，可以學我地點半隻海南雞再加個油飯，份量絕對夠兩個人食。海南雞係無骨既，啖啖肉，爽。雞肉質地超級滑，一啲都唔鞋口👍🏼。另外有三款醬汁點住食，當然雞最夾都係薑蓉❤️。生菜碎肉包，鐘意哩到碎肉乾身唔會太多汁，所以包生菜既時候好乾淨，唔會滴到週圍都係。泰式香草味濃👍🏼。小食拼盤最好食就係蝦餅，外皮炸到好脆金黃色，裡面蝦肉部份就好彈牙。春卷外皮脆卜卜。鳳凰丸同魚餅好重泰式香料味，可以辟除魚肉本身腥味，肉質較淋👍🏽。