曼谷車站

營業中

休息中

一入到去坐低，我二話不說就指住個清湯烏頭，最可惜朋友唔食冬蔭公，如果唔係我一定會叫黎食🤣除左條魚，我地仲叫左一個馬拉盞炒椰菜苗，同埋一個青咖哩雞肉馬拉盞炒椰菜苗炒得相當入味，相當適合唔食辣既朋友。椰菜苗炒得好嫩口，唔會太老太un。加上份量都唔少，我地兩個人食都好足夠，價錢大約都只係五、六十蚊，性價比相當唔差青咖哩雞肉佢個青咖哩既味道會比較濃椰漿味，同樣地，唔想食咁辣既朋友絕對適合叫依個青咖哩試下，叫埋白飯或者薄餅送簡直一流。清湯烏頭熱辣辣既烏頭一放上枱，就聞到好香既青檸香葉味。湯係另上既，一路滾一路加湯，咁樣湯既味道就可以維持住。條烏頭既魚肉相當滑同鮮味。廚房相當有心機，起魚腩有界開一份份，每一舊魚腩中放左幾塊椰菜，吸收哂湯同魚味既椰菜好好味道。成條魚都好滑同實肉，兩到三個人食都足夠，130蚊左右條的話相當有水準。叫左兩個白飯，嗌左兩杯泰式飲品，埋單都係每人大約160蚊。起九龍灣區黎講相當高性價比。Ps 青檸梳打既梳打水好有特色，用左一隻好正宗泰國既梳打水，用破璃樽裝住，好有特色

今日同個好朋友聚舊，咁岩想試下泰國野，聽同事講九龍灣有間好靚嘅泰國餐廳，可以舒服咁樣傾下計，所以就㨂咗呢度。一入黎好有鐵路感，因為入面好懷舊，有行李箱，車窗，仲有泰國唔同地區嘅時鐘，仲好有氣油感嘅燈泡，老闆應該好鍾意鐵路啦。我地黎得食泰國野，當然要試炒咖哩，呢個不嬲送飯一流，炒咖哩軟殼蟹，入口香滑，濃濃黃咖哩加埋香脆軟殼蟹真係停唔到口！再黎就係小食併盤，小準平均，最重要就係唔會炸得乾，食落仲有啲juicy，所以整體真係唔錯。跟住就係菠蘿炒飯，原來個菠蘿已經幫忙起埋肉，所以食落真係又海鮮，又菠蘿，又炒飯，口感十分豐富，朋友都食咗好多碗！不過我地仲想試埋個甜品，泰國必食芒果糯米飯，芒果新鮮香甜，糯米配椰漿亦都恰到好處，食完真係好似泰國食嘅一樣。總括黎講，呢間餐廳水準唔錯，價錢合理，想試泰國野嘅一定要黎試下！

自從朋友仔搬左去得寶花園後，我地都多左在佢家樓下的得寶商場食飯。呢個新裝修的商場望落細細地，但就五臟俱全。有唔少餐廳，不同的菜式都齊備。今次我地去食泰菜的曼谷車站，店名同裝修都以車站為主題，幾有特色。兩個人，只能淺嚐幾款菜式。咖哩夠色夠味，亦都幾足料。最好係沾在薄餅上食，雙重享受。我就好欣賞個通菜，微辣夠哂惹味又唔過火。海南雞的賣相不錯。油飯好重油香，粒粒分明有咬口。最後食埋個椰汁糕就係大滿足喇！

今日lunch去咗九龍灣得寶食飯，因為之前有朋友介紹過，話係正宗泰國人開嘅泰國菜，價錢又唔貴，所以趁lunch time就過去一試佢。。。用火車🚞做餐卡嘅概念係特別嘅。。。午餐價錢絶對唔貴平民化選擇都算多泰國金柚沙律🥗除了有金柚，仲有大蝦🍤腰果，配上泰國甜酸嘅香料，很是開胃！正宗泰式豬手飯肉質十分嫩滑，沒有豬臭味！正宗泰式海南雞飯雞肉唔嚡！有雞味，配上三種醬汁，加上黃油飯。可以完成一整碗飯！飲品係龍眼冰及椰青值得一提嘅係，今日天氣較涼，店員都主動提供一個不太凍嘅椰青俾我好細心呢！

同伴娘突然嚟個即興晚飯，佢話我公司附近有間餐廳佢試過幾好食，帶我去試，聽個名都幾搞笑~曼谷車站一入去覺得環境好寛敞，地方又夠大佢寫住正宗泰國菜我哋嗌咗海南雞柚子沙律金邊粉同埋鹹魚炒芥蘭呢度啲餸最值得讚係夠熱，金邊粉同埋炒芥蘭係熱到出煙我同伴娘重點推介柚子沙律柚子嘅大細唔係碎濕濕㗎，又唔酸而且第一啖食落去有小小椰油味面頭有啲脆脆，我覺得係炸左嘅椰子片所以懷疑D椰油味喺嗰度出嚟沙律仲加咗蝦同埋腰果，個汁係畫龍點睛我哋食到爭啲連塊生菜都係想食埋🤣🤣伴娘果然冇介紹錯另外炒金邊粉同海南雞都好正宗👍🏻海南雞啲肉好滑，伴娘話雞胸肉都咁滑出面少有，搞到我都忍唔住食咗兩舊雞胸肉😆金邊粉D蝦肉又夠爽，又大隻加埋啲青檸汁好味我哋仲見到芒果糯米飯忍唔住叫咗一個芒果唔酸，椰汁又冇過分甜配合埋啲出煙嘅糯米飯，一流呀

又係食泰國菜嘅時間~今次去九龍灣講到九龍灣，相信好多人都同我一樣，首先會諗起德福或者淘大不過呢次去嘅，係一個相對而言，比較鮮為人知嘅小型屋苑商場——德寶花園商場 唔好睇佢商場細細，都有好多各式食肆，今次target亦喺其中之一一去到，先被食店裝修吸引以火車車廂格局為主題，幾有特色仔細留意，連扶手手環同行李架都有，十分細緻，更添玩味點菜方面，由客人於點菜紙上寫低菜式編號及數量，夠晒清晰，減少誤會今次點咗4道菜，有菜、沙律、炒飯同埋魚 青木瓜沙律，所有材料粗幼均一，質地爽脆，咬落有口感，辣度比之前食過其他餐廳嘅同款沙律重，酸度適中，食落健康又開胃炒翡翠苗，就算用蒜頭一齊炒，味道仍比較清淡，正好可以平衡濃味食物的味道菠蘿海鮮炒飯擺脫一般用菠蘿裝住炒飯上枱嘅既定印象，飯同菠蘿分開用碟上枱，但炒飯中亦有唔少菠蘿肉，仲加咗果仁同肉鬆，係以前我食過嘅菠蘿海鮮炒飯無嘅元素炒飯中嘅蝦大隻又彈牙，魷魚亦新鮮，食落口感豐富味道有層次菠蘿細心地已由廚房鎅開分件，方便食用，菠蘿帶微酸，十分清甜多汁，如果份量上可以多D更好 (因為自己鍾意食菠蘿，嘻嘻)但最重點最主打嘅係冬蔭功湯底明爐烏頭真係連爐帶魚上枱，見到明火

happy friday果日約左朋友係佢公司附近食飯, 佢推薦我去食一間泰國菜, 於是我地就一行2人去食~~餐廳叫<曼谷車站>, 成間店既裝修主題都係以火車站為題~~~室內卡位好多, 坐得都好舒適!!!點餐係用點餐紙下單, 我地分別點左香葉肉碎煎蛋飯 , 豬頸肉炒飯, 泰式飛天炒通菜和冬陰公湯香葉肉碎煎蛋飯賣相不錯, 味道方面肉碎裏邊加入了豆角粒, 有少少辣.....加埋d汁簡直係神級超好味 !! 蛋又煎得幾靚豬頸肉炒飯..豬頸肉烤到外跪內軟..切片等細緻位亦做得不錯...飯底都夠乾身食泰國野又點少得泰式飛天炒通菜呢, 呢碟唔太鹹唔太油又不會過辣. 通菜嫩綠爽脆, 炒得很有火侯味道岩岩好~~最令我驚喜的是這鍋冬蔭功湯, 湯入面的材料都幾豐富, 大頭蝦, 菇菌樣樣整....大頭蝦肉質鮮美彈牙...湯水的酸, 甜, 辣度都調較得岩岩好, 令人飲到停唔到口, 正!!!!!

朋友相約一同吃午餐， 朋友對我十分好， 選擇了一個主我十分相鄰的地方。 餐廳位於牛頭角九龍灣附近的商場內，距離地鐵站大約五分鐘路程，還算便利。午餐時段， 人數未算十分多， 不用等位。點了正宗泰式海南雞飯，馬拉盞牛肉炒通菜配白飯，二份午餐。 味道方面，海南雞飯，飯雞油十足， 但未算十分油膩，也算是健康之選。 最重要海南雞夠滑，又嫩口。 配合三個自家製醬汁，更有另一番感受。馬拉盞牛肉通菜， 合格之選， 未算十分辣， 但配合白飯，相得益彰。熱檸水及芒果沙冰， 普通質素，但勝在大大分，還是值得推薦。下次再來都係食，午市套餐夠曬抵食。

估唔到喺呢邊開咗間正宗泰國菜 其實淘大都有間 不過價錢就貴好多 想慳錢就行遠少少食啦 都係見到咁多好評 先去試下啦 發覺真係唔錯 星期一去唔使等位就可以入去 其實個時間鋪頭唔多人 仲有好多空位 四個人食 叫咗咁多個餸每人$150左右 嗰條魚一定要叫 配料好多 都幾大份馬拉盞炒菜都好好食 叫左串燒 佢個醬真係Match d 肉 好入味 不過生菜包嘅豬肉就比較多肥膏 好多都係一粒白色嘅肥膏 佢依家仲係免收+1 但唔知道優惠去到幾時 可以encore位置僻左少少 但位置夠大 坐得舒服 最啱使一班人去食啦

止一止泰菜瘾午餐來到公司附近既曼谷車站，人不算多，卡位都好闊落。叫左兩份午餐，加龍眼冰都只係$10，一解今日既炎熱。午餐分別係冬蔭功湯河同海南雞飯。湯底都幾杰身，好多椰醬，夠酸，可以更加辣! 份量頗多。而海南雞飯上左雞胸同雞翼，岩晒健身中的同事，而雞油飯都粒粒分明，幾香。附上有湯送飯 。馬拉盞炒通菜好夠鑊氣，惹味又唔會過咸，值得一讚。生蝦好彈牙，肉質飽滿，沾上酸辣味同蒜片很有泰國風味! 最後來個芒果糯米飯， 糯米煮得香軟實淨，配上甜甜的椰醬同芒果，是一道滿分的甜品。

泰式食品未必主力靠海鮮取勝，因很多不同區分以泰式餐廳以大大份做招牌不僅賣相盤得漂亮/手工製作/沿用泰國全統手法倍感滋味，味道正宗之餘有別於自己去了異國風情似的令人食指大動泰國熱炒食店亦很符合香港人心水港式口味之選，不僅豔麗色澤有雙重層次口感(菠蘿海鮮炒飯)(串燒一打)(小食拼盤 - 蝦餅 春卷 鳳凰丸 魚餅)(芒果糯米飯) 因很多秘製原材料原汁原味及香料互相配搭的確擦出有一定水準重口味之餘即撈即燒更採用傳統炭爐燒製香香辣辣配送飯品及檬粉及蔬菜食法的確一流性質比高嚟到牛頭角值得一試曼谷車站位於牛頭角商場內餐廳以車站月台車身佈置,全開放式的室內設計注入車廂座架簡約時尚元素尊榮感倍增縱使因個人口味不點套餐系列單點泰國廚師發板主理推薦食材免收加一價格卻很便宜值得一試吧

想食泰國野但係又唔想出九龍城，所以近近地去左呢家餐廳。地方夠方便，食完餐飯仲可以行一陣。因為食飯時間係平日6 點幾， 餐廳內顧客唔多，唔使等位就入得。兩個人叫左一個雜錦小食，炒飯，沙律同埋食泰國菜唔少得嘅冬陰公湯。冬陰公湯用火温住上， 味道好有驚喜。到差唔多飲完嘅時候， 侍應都自動自覺幫手熄左個火。而沙律炒飯就不過不失， 唔難食， 都唔特別。但係小食就真係有待改進，炸得有點油， 而春卷也不脆， 食左兩件就放棄左。不過大致上都算抵食嘅，要求不算太高都可以一試！

曼谷車站在九龍灣 得寶商場2樓， 離地鐵站大概五分鐘距離， 非常方便。 餐廳以卡位為主， 坐得舒適。海南雞半隻 85這裏的海南雞雞肉 肉質 很嫩， 雞肉看起來白白滑滑的，油汁很香， 最欣賞是吃時已經去了骨，最適合懶人一族。吃海南雞怎樣不吃雞油飯呢， 所以我們也叫了一碗。 雞油飯吃到微微的鹹度根淡淡的雞油味， 不算過肥， 唯一美中不足的是， 這裏的三款醬油比較普通， 沒有留下深刻的印象。青咖哩牛腩 72青咖哩是泰國眾多咖哩之中辣度最輕的， 青咖哩味道層次豐富， 而且看得出 煮青咖哩的材料也很多， 有泰國茄子紅蔥頭檸檬葉金不換當然還有椰奶等等， 那奇妙的粉綠色和辛辣的風味， 讓人越吃越上癮。 當然牛腩的份量也挺多。 我們還叫了一份薄餅去配青咖哩醬一齊吃呢。 唯一美中不足的是這裏的薄餅有點油啊。冬陰功湯細 68這裏的冬陰功湯做得出色, 上菜時一看冬陰功 顏色, 口水就不自覺分泌旺盛。 味道酸酸辣辣， 有香茅南薑紅辣椒泰國檸檬和魚露等味道， 集齊酸甜鮮辣， 可謂五味俱全。 天氣漸漸涼，來喝一碗香辣的冬陰功湯，真的可以暖身呢。芒果糯米飯 48芒果糯米飯是泰國的受歡迎的甜點街邊小吃， 芒果非常清新

一個人去左食泰菜，店鋪以火車做主題，卡位裝修得好似火車上座位。叫個飯同菜食下先。香芒蟹肉炒飯，個飯份量都唔少，而且散發到陣陣既芒果香味，好清甜，同蟹肉一齊撈埋食唔錯，腰果可以中和返芒果甜味之餘，仲可以增加口感。飛天炒通菜，好大碟炒得唔錯，首先最重要夠熱，有微辣味道，好惹味。有d口乾又有d辣，叫返個椰青飲，大大個，清甜多汁，雖然食完飯餸都已經有d飽，但椰子肉都唔可以浪費，當飯後甜品咁刮晒出黎食，早知撈埋個飯黎食應該幾正。

曼谷車站位於得寶花園商場， 餐廳不算十分寬敞， 但2個人也可以分得卡位坐，所以還算坐得舒服。 今天叫了幾道菜108 泰國金柚沙律 68金柚果肉晶瑩剔透味甜多汁， 金柚肉厚， 而且澀味也不算太苦。沙律配料豐富, 除了有金柚, 也有大蝦和腰果,  沙律配上各式泰國香料有蒜頭， 乾蔥花生金不換葉芫茜和魚露等等，沙律除了酸辣開胃 可以有效地 清清主菜的油膩感。411 香草粉絲大蝦煲 148粉絲炒得夠爽口夠乾身, 氣味更有層次, 蒜頭、 紅蔥頭、 大蔥 等等, 粉絲完全索曬泰國香料和大蝦嘅鮮味， 惹味得嚟又開胃 。 大蝦夠爽口彈牙， 而且都有四五隻。 除咗有蝦嘅鮮味之外， 煲底下其實還有幾片豬頸肉， 有少少豬油香， 讓味道 不會太過單調709 菠蘿海鮮炒飯 72菠蘿又甜又香 ，但海鮮的份量也比想像中多, 有青口有魷魚有貝類等等， 炒飯也炒得乾身， 而且鋪在飯上的肉鬆魚炒飯是出色的配搭。但唯一美中不足的是菠蘿的分量沒有想像中的多。