曼谷車站

營業中

休息中

今日放工去左探住在九龍灣得寶花園的舊朋友，約左一齊食晚飯，冇去得寶有一段時間，那兒的商場裝修過，靚左好多，店舖多元化左，朋友提議去一間叫曼谷車站食晚飯，店舖裝修擺設真的好像火車站，地方寬敞，座位以梳化為住，坐得舒適！正宗泰式海南雞(無骨)半隻：朋友知我喜歡食海南雞，即叫了半隻給我試試！雞已去骨，肉質鮮嫩，配以三種醬料，提升味道。雞油飯好夠味，飯軟硬適中，十分美味！炸蝦餅：即叫即炸，外層酥脆，內層彈牙，點些泰國式酸甜醬甚惹味！泰式炒金邊粉：用料有豆腐乾和鮮蝦，金邊粉炒得夠香帶甜味！芒果糯米飯：芒果香甜，糯米飯軟糯，加入椰漿又香又甜，美味的泰式甜品！椰汁西米糕：底層有西米、少許粟米和芋頭，上層是椰汁糕，椰香味十足，甜甜的，好味！

黎過呢一間曼谷車站食泰菜好多次，今次終於的起心肝幫佢寫返一次食評，平時都會入嚟呢一間食泰菜。因為師傅夠正宗，價錢又相宜，絕對係高性價比嘅選擇，今次揀咗幾款平時都叫嘅泰國美食，明爐蒸烏頭，海南雞半隻，泰式炒金邊粉同埋飛天通菜。明爐烏頭夠大條，做法也相當類似泰國食既味道。海南雞夠滑，老人家小朋友個個都愛，要加杯青檸梳打，一餐美滿既晚餐正式完結。

九龍灣徐咗有德福商場和陶大商場，原來還有個得寶商場，商場雖然細，但都有唔少食肆，有日本料理同埋中式餐館，但我同朋友阿Dee今次選擇咗係(曼谷車站)食泰國菜，商場人流都算多，但就好快有位，侍應招呼我地坐下，俾咗餐牌同兩杯水，跟住就同我地介紹菜式下面有号碼，可以寫低落點菜紙上面，我地叫咗炸春卷，蒜茸包，蝦炒金邊粉，黃咖喱牛腩，飲品叫咗青檸梳打，甜品係芒果糯米飯，先來係梳打，味道好清新，跟住係春卷，炸得好香脆，沾少少甜酸醬，味道一流，蝦炒金邊粉，加啲青檸汁令味道提升唔少，再來係蒜茸包同黃咖喱牛腩，咖喱牛腩又多又冧又香，又唔辣，啱哂我口味，蒜茸包就咁食都OK，加埋嗰咖喱汁，味道更加突出，最後上埋嗰甜品，芒果糯米飯，芒果又多又好味，糯米飯都保持水準，阿Dee話佢下次可以帶啲朋友來。

曼谷車站 (牛頭角)牛頭角牛頭角道3號得寶商場1樓218號舖食物：冬陰公湯$68每一次去食泰國野 冬陰公就必叫而呢間既湯 辣度適中 唔會過辣而且配料都好多菇 蝦肉爽口重有有個爐養住 確保夠熱美中不足係蝦無分2節飛天炒通菜$52每次食泰國野都叫馬拉盞今次見到呢個名幾型 就試下岀奇地幾入味 又幾香唯獨係菜炒得唔夠淋串燒6串$68豬牛雞各2 配獨有既汁 整體上樣樣都唔錯 不過唔知係燒既技術肉好痴條竹籤 要用d力咬出黎無骨海南雞飯$68呢個不得了 個飯無黃油飯 勁香配埋無骨既雞肉 配埋3款汁 十分開胃 由其是中間果款汁 龍眼冰$25呢杯龍眼冰比較似港味 因為都幾甜下不過係清甜果隻甜 掂啊珍多冰$25勁甜 對於食完辣野既人黎講係好適合既 因為可以解辣環境：呢到設計好有心思整到好似火車卡位咁配埋高位既行李唔知似為食緊便當

收工同 fd 去左九龍灣行街，想發掘下d 新野食，就行左去 德寶商場個頭 ，估唔到屋邨商場都有間環境幾靚既餐廳，地方幾大。設計到好似一個泰國車站甘 ，裡面仲有唔少卡位 ， 睇落個menu 都好齊全既泰國菜 ，於是就入左去試下。叫左幾個餸，全部都黎得好快，個店員都幾有禮貌！第一碟上係馬拉炒通菜，食落好香口，仲要好嫩好新鮮，唔算好油 。第二碟係泰式咖哩炒蟹，要重點讚下個蟹 啖啖肉，蟹蓋有蟹膏正~d 汁好濃味，完全唔稀 。仲要好貼心甘送埋套手套俾我地兩個女仔 ，唔洗整污糟隻手 ，同埋呢，平時係岀面係食蟹次次食到損口損手 但呢度個蟹本身幫我地夾過下個殼 我地一咬就食到 個蟹鋼一扯就成舊扯岀黎 唔洗自己夾到損哂口haha！為左唔好食得太飽食唔落個蟹 我地叫左薄餅代替飯 薄餅新鮮岀爐 熱熱地 點落咖哩蟹個汁度好夾賣單都唔貴，叫埋 椰汁冰（好重椰奶味）同椰青都係 三百到。都幾適合成班 fd 或者多 d 人食 ，應該仲抵食 。

星期五落班約左同事到淘大曼谷車站吃泰國菜。餐廳位置交通算方便，九龍灣地鐵站B出口步行7分鐘就到，餐廳內裝修擺設好有特色成個車站一樣，坐在車廂里亨用晚餐別有情調、浪漫氣氛、坐位夠曬寬闊，企理乾淨好舒適我地睇左餐牌，點左一個海南雞飯套餐、一個碎肉生菜包、一個馬拉盞炒椰菜苗、2個泰國椰青。海南雞飯來了，充滿油黃香飯煮得軟糯適中，分量十足，啱曬我地兩飯氣之人海南雞做到嫩滑鮮甜，連皮一齊吃好好味碎肉生菜包，是兩個辣椒🌶️的辣度，連碎肉、香矛、九塔香的配料一齊炒非常惹味！用新鮮生菜包住吃非常夾美味！吃到停不了口！馬拉盞炒椰菜苗一樣炒得甘出色，椰菜苗炒到翠翠綠綠的，十分爽脆惹味，加上秘制的馬拉盞醬勁炒美味可口，再飲番個清甜椰青汁，十分滿意的晚餐！

曼谷車站-平靚正嘅泰國菜相信唔少香港人都會鍾意去泰國旅遊，我諗最吸引人嘅原因就係因為當地食物全部都平靚正，平均$100一個人，已經可以叫到成枱都係。偏偏係香港食泰國菜就比較偏貴啦，九龍城雖然有幾間質素都唔錯，但如果要食得飽就要差唔多$300。今日經朋友介紹，終於搵到呢間平靚正嘅泰國菜-曼谷車站。餐廳喺德寶商場2樓，裝修簡約，座位寬敞。一般平常食嘅泰國菜式，例如沙律，咖喱，串燒，泰式炒粉麵⋯⋯等，依度都可以搵到。蒜蓉炒翡翠苗 - 菜苗好嫩，食落好爽口，好有鮮味！蒜蓉味更加令到呢度菜嘅味道進一步昇華！青咖喱牛腩 - 牛腩牛筋都煮得好琳好入味，青咖喱好香椰汁味，濃而不辣，送飯一流！串燒（豬，牛）- 串燒牛柳啖啖肉非常高質，唔使$70就食到半打串燒！非常抵食！蝦醬炒飯 - 蝦醬味道極濃，呢度菜亦都係最有泰國嘅風味，誠意推介！最後以一杯珍多冰作為呢餐嘅總結，大滿足！

今晚同友人嚟到呢間特色「車站」食飯。見個外觀裝修得好別緻，坐入去真係好似坐緊火車咁好特別。小食併盤，有蝦餅、春卷、鳳凰丸同魚餅。Kiwi我覺得最好食係蝦餅，好酥脆，啖啖蝦肉，點埋甜酸醬味道好夾。椰汁雞湯，好足料！好多雞肉同菇等，飲落重椰汁味，去到喉嚨又有啲辣味，好啱冬天凍凍地飲。半隻無骨海南雞，份量都幾多，又冇骨啲雞又滑，好味道！炒金邊粉，酸酸甜甜好開胃，金邊粉硬度剛好。甜品係千層糕，一層層咁食好過癮，甜甜地有啲椰子味好滿足。兩個人叫咗咁多嘢都係約$320，好抵食呀，估唔到呢到會有間咁正嘅泰國菜，會再嚟試。

今次係九龍灣搵食。呢間泰國餐廳係一個九龍灣一個細商場得寶商場入面嘅二樓。裡面嘅樓面都唔細，個裝修都幾有主題真係做到好似係車箱入面咁。講返野食，menu嘅選擇都唔係少。一般大路泰國餐廳有嘅都有。生蝦刺身 $78生蝦刺身呢個價錢都算幾合理，唔使過百。蝦幾新鮮，爽口。而個汁都幾夠味。唔錯!椒鹽軟殻蟹 $113份量都唔算少，裡面有2-3隻軟殻蟹。雖然放埋辣椒一齊煮，但真係唔算辣。都炸得唔錯，唔會蟹本身唔會好吸哂啲油，而本身蟹嘅調味都夠味。係啲炸蒜硬左少少。豬頸肉炒飯 $68份量幾夠，豬頸肉嘅份量唔算少。味道正常，無伏。68蚊都食得過。最後呢間餐廳係唔使加一，以呢個價錢咁嘅質數，真心抵食。

身為泰菜控，知道牛頭角有街坊價泰菜，就约埋都係九龍東街坊的朋友去飯局，餐廳係得寶商場內，經過玩懷舊 feel 的地下，上2樓就見到曼谷車站，用火車頭做主題，装修清雅有特式，坐位寬敞，燈光柔和,令人好放鬆。一睇 menu 嘩甘平嘅😍，原來九龍城食泰菜都幾貴下喎🤭小食拼盤有蝦餅、魚餅、鳳凰丸、春捲全部都炸得金黄，唔會過火太深色👍蝦餅彈牙有鲜味 ，魚餅就軟滑，鳳凰丸好特别外脆入面鬆軟，唔油膩，超正!香草生胡椒炒海鲜，綠色生胡椒香味清新但一D都唔辣，同鲜鱿、蝦、青口等海鮮非常夾，令鲜味提昇不少。馬拉盞炒通菜係食泰菜必點，一樣冇令我地失望，通菜爽脆唔老又唔會太咸，諗住一陣再encore😜朋友話要食D 主糧，甘就叫左個濕炒海鮮河，係吖又係海鮮😝因為我同明友都唔好肉類嘅，個汁好鲜味捞埋河粉一齊食好滑吖，而且份量超大，唔似其他泰菜食肆，细细碟小小河粉，以$65呢個價錢，抵食到無朋友啦!staff 個個都笑臉迎人非常 nice 上菜又快，太興奮揾到間又抵又好食既泰菜 😊

上次已經黎食過，已經知佢抵食。所以今次又帶朋友黎食先，朋友都話佢哩度好多款，價錢絕對街坊價。佢都多卡位，佢卡位既設計係火車呀芒果沙冰重芒果味，大大杯，如果夏天飲真一流！炸蝦餅唔油，好脆口，甘就好熱氣入面蝦肉彈牙，味道ok,無炸過頭！蒜蓉炒介蘭正常炒菜，小油，炒得乾身，唔錯！黃咖哩雞小小辣，椰汁味唔重，唔會太傑，d 雞份量多，其實裡面d 洋蔥都好好味蒜蓉包用黎配茄喱一流，一上枱好香，即焗！芒果糯米飯D 飯係熱同軟林林，d 芒果甜，同芒果分量多

試過幾次經過這裏睇醫生都見到有間泰國菜館叫 曼谷車站，一路都很想入去試下，昨日下午終於有機會。場內裝修得像坐在火車上品嚐食物， 又新鮮又有趣。 每次到餐廳都最鍾意睇餐牌， 睇完一輪之後決定點海南雞飯$68，蝦炒金邊粉$62， 馬拉盞炒椰菜苗$59， 芒果糯米飯$48， 熱奶茶$32。海南雞飯 ~ 黃油飯香噴噴，雞肉肉質鮮嫩。蝦炒金邊粉 ~ 每次吃泰國菜必叫的，喜歡甜甜酸酸的味道，又開胃又好味。這個金邊粉炒得夠乾身， 一碟大約有三至四隻蝦。馬拉盞炒椰菜苗 ~ 有少少辣夠惹味。芒果糯米飯 ~ 泰國甜品首選， 糯米飯熱辣辣夠煙韌， 芒果是用泰國芒果又甜又香， 配埋椰汁的香味，食到停唔到口。熱奶茶 ~ 反而飲品方面就沒有特別，如果可以做到泰式奶茶的效果就更好了。第一次到曼谷車站，個人感覺食物質素唔錯和價錢優惠， 是一間可以繼續幫襯的餐廳。

同朋友O係德福睇完場戲, 附近冇乜野岩食, 行左黎淘大得寶呢邊. search到呢間泰菜, 朋友至愛泰菜所以一試!餐廳以火車車廂設計, 好有特色!同埋一入到去就聞到好香既冬蔭功味生蝦刺身生蝦都幾爽口, 而且個汁調校得好好!椰汁雞湯(小)2個人食, 叫個細既, 份量岩岩好. 有個底座細火暖住, 非常好!個湯唔算好重椰味, 但帶有少少酸辣,飲落肚好暖笠笠~個湯好多料, 所以好夠味, 而且仲有好多雞肉同雜菇食~泰式炒金邊粉我就至愛食Pad Thai, 所以必叫.呢度個Pad Thai炒得幾夠乾身, 酸酸甜甜微辣~好岩我口味~配料亦有好多, 好豐富~泰式馬拉盞炒椰菜苗D椰菜苗鮮甜爽脆, 唔會炒到過火! 加埋用馬拉盞炒, 更加惹味~椰青椰青水好清甜, 食到有D辣野後飲返啖, Cool!!個椰青都幾大個, 滿滿既椰青水~芒果糯米飯糯米飯暖暖地, 而且煙煙un un~芒果清甜~一口椰漿糯米飯, 一口芒果~食落唔會太甜!如果有埋炸綠豆粒就更正喇~

放工後不想走太遠，所以去這裡吃泰國菜。我當日的正餐是無骨豬手及無骨海南雞飯。豬手肉質比較鞋，但味道不錯，而且份量很多，十分抵食！海南雞肉質不算十分細滑，但醬料味道正宗，濃淡適中，整體合格！我的飲品及甜品分別是芒果沙冰及芒果糯米飯。芒果沙冰的芒果味道很濃，甜味不會過重。糯米飯椰漿味比較重，質地軟糯。總結餐廳價格合理，份量多，十分抵食。食物質量不過不失，雖非特別出色，但在這區，這個價格水平，這餐廳是值得到訪。

係九龍灣返工，當然要搵下附近有乜野好食啦。去到得寶商場，見到一間裝潢到成架火車既餐廳，一於就試一試。餐廳係泰國菜，食物種類非常多，基本上主流既泰國菜色你都可以食到。基於太多選擇，所以我地就揀左幾款最鐘意食既黎試下啦。串燒一打，豬、牛、雞，各四串。串燒賣相非常靚，而且即口即燒，可謂色、香、味俱全。加上秘制既沙嗲醬，真係食唔停口。再黎就係一個小食拼盤，由於太多小食既選擇，我地就揀左個拼盤，咁就可以樣樣都試D。拼盤有4種食物，炸蝦餅、炸魚餅、炸春卷、炸鳳凰丸，樣樣都非常有水準。食左咁多野，當然要食D菜啦，叫左個泰式馬拉盞炒通菜，非常惹味。餐廳食物好有水準，而且價錢好平，份量又大，值得回頭再食。