曜嚐 · 吐司 (已搬遷) 新店位置

四點幾，食吐司又太飽，原本見食評說它的吐司出色，但看見其他人食緊嘅吐司相當大件，怕自己吃不完。左揀右揀，最後叫了一個蝦三文治當下午茶吃，唯一美中不足的是，只有order 吐司才有烏龍茶（一罐）送，我買小食就要另外買飲品了，幸好它和茶匠有聯合優惠，抵。雖然唔係主打食物，但製作一點也不馬虎，兩片麪包夾著的蝦膠十分新鮮，有蝦的鮮味，切開一小塊一小塊再拿去炸，即炸即食，用竹簽一口一件，超級正，下次一定要試試佢嘅吐司。😬鱈場蟹腳吐司相當吸引，不過價錢有點貴，不過偶然一次，值得試試。😊

繼續太安樓掃街之旅由於本身自己都好鐘意食toast去之前search到原來太安樓都有一間toast於是黎到既第一間就決定試佢因為係掃街既關係，只係叫左一個餐今次叫左韓風豚肉吐司HKD38仲送左一罐烏龍茶傍晚6點幾既時候唔算太多人前面大概有一至兩個人我個Toast大概等左5分鐘就有呢間舖頭既出面有兩張企枱方便客人買完即刻企係出面食呢個位值得加分講返個toast麵包係厚身既多士 而且烤得非常脆口韓式豚肉既份量正常 而kimchi味亦十分濃郁食到下面有超爆多既滑蛋 多到一口係食唔到個toast而滑蛋亦都整到十分綿滑多士既脆 + kimchi既微辣 + 滑蛋既豐富口感令到每口食落都好多層次

太安樓一向都多野食，今次就去食TOAST，賣相好似韓國既街頭小食，睇落去都吸引既，叫左個辣炒雞柳吐司。包做得幾好，好香，有烘過。入面除左雞柳，仲有蛋同埋椰菜絲。炒雞柳就正正常常，但蛋就有D老，椰菜絲有d苦。同埋食到一半已經冇曬D料。後半淨係得番個包。不過個SOURCE係好食，甜甜地~

太安樓一直都臥虎藏龍，有唔少性價比高又有特色嘅小店要去發掘下。今次就試咗呢間專賣爆餡吐司嘅小店，三十幾蚊就有大大份吐司，加多十幾蚊仲有小食加配，好抵食😛😛門口仲有兩張枱可以極速立食。鹹牛肉吐司即叫即整嘅吐司，牛油味飄晒出嚟，勁濃郁，我自己就覺得唔使咁多🤣🤣吐司烘到表面脆脆地，入面嘅蛋份量好多好滑，鹹牛肉份量適中，唔會過鹹，食到有少少膩又可以食埋最底嘅生菜絲，可以平衡返，整體都幾好食😋炸雞粒食得太快冇影到添，加$12就有6粒炸雞，雖然個皮唔算好脆不過勝在肉質嫩滑juicy，點埋他他醬一齊食都唔錯。人均消費：$50推介指數（10分為滿分）：7.5分

見呢間舖頭都開咗一段時間，其實都一直想食下，見啲食評都OK，今日決定一試，點知非常之失望。嗌咗個韓式豚肉吐司，得個面有三片牛肉同兩片泡菜，再食落去有一大舊蛋冇味，之後再食落去有啲沙律菜撈千島醬。冇食過咁樣嘅三文治，啲食材分成三層，得個面有肉。影相就靚，食落去入面乜都冇。個麵包都OK，加咗牛油都冇得難食，屋企都整到嘅水平。舊蛋大到食極都食唔完，醬又冇，過完個蛋地獄之後先至有啲千島醬。不過都幾飽肚，簡簡單單食個午飯都可以嘅

嚟到香港美食街之稱嘅太安樓😋，食物款式實在太多啦🥴最後俾呢一間嘅吐司吸引咗💛本來想試吓佢最出名嘅龍蝦吐司，可惜已經出售晒啦😢所以就決定試吓鹹牛肉吐司，仲加咗$12要四嚿炸蝦三文治🥰🌟鹹牛肉吐司🍞 $36賣相非常吸引！先試一啖🤩佢嘅吐司唔單止鬆軟，仲好脆添。佢嘅鹹牛肉味道濃郁配埋厚厚嘅滑蛋簡直係一流🥳不過如果鹹牛肉嘅份量多少少就好啦！我本人覺得呢個價錢送埋一罐烏龍茶簡直係抵食😚🌟炸蝦三文治🍤 $18 (四件) 唔好睇佢細細件呀，佢個炸蝦非常新鮮，食落有口感，而且唔會淡而無味👍🏻推薦大家食！果然係高質嘅吐司小店😚食咗個抵食又飽嘅下午茶👍🏻店員態度友善，支持小店啊！

好耐無去太安樓食野，好似好多舖頭都摺佐同無咁熱鬧呀🥺支持小店💛💛鹹牛肉吐司($36)第一件事要讚下佢細心既包裝💛除佐有張牛油紙之外，仲特登用張膠紙痴係吐司面蓋住，唔怕行既時候入曬啲塵落去✨所以好放心咁拎佐去海旁食💕加分無抱好大期望去食，但出奇地驚喜💥吐司有加牛油烘過煎過，口感鬆軟‼️滑蛋超厚又滑💥份量超多起碼有兩至三隻蛋🥚加埋鹹牛肉簡直係絕配☺️好滿足，仲有罐裝烏龍茶送，行5分鐘去海邊嘆住食，又過一個寫意既下午💛為食指數: 3.5/5性價比指數: 3.5/5推介指數:3.5/5

如果我話你知，我第☝🏻次去太安樓……唔準笑🙈🙉🙊買左份吐司🍞去海邊🌊黎個海景Tea🌅~•~•~•~•~•~•~•~•~•~•~•~•~•~•~•~•~•~•~• ▪ 和風牛肉吐司 ($40) 🇯🇵🐃🍞即叫即整，熱辣辣🔥吐司用左牛油🧈烘到外脆內軟💥夾住既餡料好多🤤用紙盒裝住🥡仲用左塊膠封住面頭，左⬅️➡️右2邊就🙅🏻‍♀️冇封實既，唔洗怕焗到淋晒😌揸住紙盒黎食，幾方便又唔會整污糟手🤲🏻牛肉🐃有汁唔乾💦加埋洋蔥🧅一齊煮，好好味😋仲有勁大份量既炒滑蛋 🍳🥚本身諗住得個面有餡，點知食到尾段都仲有👍🏻去到底仲有沙律菜嫁🥗食晒成份真係超飽🤰🏻💁🏻‍♀️買吐司仲送一罐烏龍茶 ($0) 🫖烏龍茶係無糖🙅🏻‍♀️🍬個罐仲寫住無糖我最愛🤣食完份吐司🍞飲番啖茶落去🍵去下油🥰岩晒。▪ 炸魚手指4️⃣條 (套餐加配 $18) 🔥🐟🖖🏻炸到脆卜卜💥炸漿算薄身🤏🏻幾香魚味👃🏻仲有少少千島醬係面😈~•~•~•~•~•~•~•~•~•~•~•~•~•~•~•~•~•~•~• 🔺依間係後一條街間<🍽曜嚐>既分店黎💛🔺淨係吐司都有成十幾廿款揀😍🔺除左吐司仲有豬仔包🐷🌭同小食🔺 店舖門口有2️⃣張圓枱可以企係到即食😎🔺 太安樓

👣 曜嚐•吐司 👣🐮🍞🐮🍞🐮🍞🐮🍞🐮🍞🐮🍞🐮🍞🐮🍞🐮🍞🐮🍞《太安樓覓食記》曜嚐•吐司一間台式吐司專門店🍞係西灣河太安樓剛剛開咗間新分店無耐！吐司價錢唔太貴而且餐單都幾多選擇！除咗吐司🍞仲有豬仔包🐷同埋小食🥓🍟可以揀！仲見到有一款係香濃朱古力脆豬仔包🍫唔知究竟係伏唔伏架呢？🤣🤣——————————————————————————⭐️⭐️鹹牛肉吐司🐮𝘾𝙤𝙧𝙣𝙚𝙙 𝘽𝙚𝙚𝙛 𝙏𝙤𝙖𝙨𝙩 HKD$36⭐️⭐️免治鹹牛肉碎滑蛋微咸🤪唔會太濃味 而滑蛋幾滑溜🍳不過份量比較少只有面層頭幾啖先有鹹牛肉🥩食到中間有千島醬 酸瓜同生菜絲 好爽口吐司則烘烤得微焦 外脆內軟麵包有牛油香之餘🧈幾鬆軟食到最後都唔會覺得太乾😌雖然分量大概係一隻手掌心咁大🖐🏻個人覺得幾抵食因為仲會送多罐烏龍茶🍵味道：🌕🌕🌕🌖🌑價錢：💰💰

到咗10:00左右，突然之間覺得有啲肚餓，就經過啲外賣平台去叫咗呢一間嘅一個吐司食。因為本身都有喺嗰邊買過嚟食，所以想對比一下如果外賣嘅話會唔會有啲輸蝕，因為可能送到過嚟嘅時候，有機會會凍哂🥺我就叫咗個十分邪惡嘅雙層午餐肉吐司，因為冇食晚餐嘅關係所以就叫多咗個芝士薯條🍟送到過嚟嘅時候不單止冇凍哂，而且個包裝都好靚，特登用塊膠去黐住上面，令到個吐司唔會散左，但係同時又有左右兩邊俾佢通風😚令到個吐司仲係好脆❣️雖然個吐司剩係得上面有好多料，下邊嗰啲大部份都係醬加菜😻但係可能因為我叫嗰個吐司比較油膩嘅關係，所以我覺得呢一方面可以接受😚至於個芝士薯條，我覺得個價錢同個質量成正比，個份量都好多，所以就唔詳細講啦😚

韓國大熱吐司，已經在香港出現一段時間，位於西灣河太安樓的「曜嚐 · 吐司」，店鋪走藍白小清新風格，更放置左兩張高檯可供即場食用。🚩 黑松露野菌吐司＄32＋芝士片＄5 黑松露唔算好濃，但係味道係幾足夠，加左芝士片，但我食唔出芝士片既feel～🚩 培根吐司 ＄33＋邪惡拉絲 ＄10近排電視日日loop，B FOR BACON，培根吐司似乎非叫不可，Bacon鋪左係面，味道唔算咸，咬落啲就係滑蛋，店家冇偷工減料，滑蛋好重本咁比左好多，不過同樣都係冇芝士味，亦唔見任何拉絲。🚩 炸薯角12粒 ＄10食到最尾，已經飽到上心口，其實細食真係可以唔洗嗌～炸薯角番到屋企已經淋哂，不過都依然好食，係連皮薯角，仲落左啲芝士醬另外買吐司送一罐鳥龍茶，正好解膩！

西灣河一向都好多美食，今日黎到太安樓呢度掃街，見到呢間新開冇幾耐既台式吐司店諗住試吓，點知食落有驚喜喎😋佢有唔同口味既吐司同豬仔包🍞選擇都幾多款，而且買任何一款包都會免費送一罐烏龍茶，價錢都好合理🤗🥪鹹牛肉吐司 $36佢既吐司係即叫即整，食落口熱辣辣，吐司口感外脆內軟，配料都好足料，有鹹牛肉同炒蛋🍳呢個配搭真係冇得輸，炒蛋幾嫩滑，加埋千島醬同生菜絲成件事好夾🥗大家去開太安樓既可以試吓😉

新開嘅吐司店 我一開始就比menu吸引咗😍😍款式實在太多 價錢由$30到68不等 真係款款都想試🤩 原條鰻魚吐司連一罐茶都係賣$68 係幾吸引🤪 但最後我都係試啲common 少少嘅款😋😋因為愈簡單口味愈試到佢哋嘅製作質素如何🤓🤓呢間位於太安樓新開嘅吐司店😍一開始就比menu吸引咗😍😍款式實在太多 價錢由$30到68不等 真係款款都想試🤩 原條鰻魚吐司連一罐茶都係賣$68 係幾吸引🤪 但最後我都係試啲common 少少嘅款😋😋因為愈簡單口味愈試到佢哋嘅製作質素如何🤓🤓-📌培根吐司 $33 （連一罐烏龍茶）吐司即叫即製 由落單去到拎大概用咗10分鐘都可以接受 同一般食到嘅吐司唔同 呢款唔係特別脆卜卜 反而食到麵包鬆軟嘅質感😗食落比較實在 飽肚感十足😋 配料方便炒蛋真係好嫩滑 吐司有好多沙律菜墊底 令到口感好豐富但如果吐司面頭有醬汁食落就唔會咁乾（而家係千島醬汁同沙律菜墊底 食到最後太多醬覺得好heavy) 另外煙肉煎得香脆啲香口味相信會更夾更好食😋😋呢個分量同價錢真係幾抵食 附近學生當lunch食都係唔錯選擇😙

培根吐司 $33 + 邪惡拉絲$10 💛.本身諗住幫襯齊柏林食薯條 但見到有新開既良心店 唯有衝過去課金試下味🤗.個日我係選擇係個張細枱食 店員very nice 又拎tissue 消毒叫我地用 又話睇熱之類 未食都已經加晒分💛.炒蛋好嫩 唔會話好老 係有汁個隻 吐司都有用牛油烤香過 正正😋😋😋塊麵包都幾厚下 bacon都大大塊 有d脂肪☺️最後就係個芝士 我覺得應該多d再多d 因為我感受唔到好邪惡 仲要加$10😅 .但overall都值得一試👋🏻👋🏻👋🏻唔貴 又送野飲💛💛💛 如果話台式個間有伏 吐司肯定令你改觀😋

良心認證💛🥪豚肉漢堡吐司 $34吐司入面有兩塊漢堡扒，仲有生菜同炒蛋。因為係即叫即整，所以堂食熱辣辣，不過鋪頭只提供站位，冇得坐低食。兩塊多士煎得脆卜卜，有好香嘅牛油味。豚肉漢堡食落同普通漢堡差唔多，冇話特別出色，而且食到一半已經冇晒啲漢堡肉，變相食到後面個多士淨係食緊啲菜同埋醬，少少失望，不過價錢又唔算太貴，所以尚可接受。成個吐司都算份量足夠，下次可以試一試其他餡。👅評分：7/10📍西灣河太安樓第一街A25A號鋪