曜嚐 · 吐司 (已搬遷) 新店位置

西灣河一向都好多美食，今日黎到太安樓呢度掃街，見到呢間新開冇幾耐既台式吐司店諗住試吓，點知食落有驚喜喎😋佢有唔同口味既吐司同豬仔包🍞選擇都幾多款，而且買任何一款包都會免費送一罐烏龍茶，價錢都好合理🤗🥪鹹牛肉吐司 $36佢既吐司係即叫即整，食落口熱辣辣，吐司口感外脆內軟，配料都好足料，有鹹牛肉同炒蛋🍳呢個配搭真係冇得輸，炒蛋幾嫩滑，加埋千島醬同生菜絲成件事好夾🥗大家去開太安樓既可以試吓😉