影片
以上資料只供參考, 請與餐廳確認詳情
✔️Sugar Mama 心太軟專門店講起屯門 你會諗起咩？屯門公路又塞車塞到天荒地老？定系屯門周圍都系牛呢？🤣今次想同大家分享一間甜品鋪 食佢地好好食既招牌心太軟🤤🤤🤤🍴朱古力味心太軟 $48系呢到既招牌甜品 朱古力味香濃 甜度適中👍🏻一切開心太軟個陣 入面既朱古力醬湧晒出黎😍外層厚度適中 做到外脆內軟😋配合埋冰凍既雲呢拿雪糕 有冰火交融既感覺🤭而Size比一般既心太軟大 除左朱古力味之外佢仲有好多其他口味既心太軟 例如芒果味 抺茶味🥭🍵而雪糕都有好多唔同口味 除左最常見既 仲有好多特別口味 例如伯爵茶同泰奶中意心太軟既朋友一定唔可以錯過😤🍴蘋果金寶 $52店主教我地要一啖雪糕 一啖熱辣辣既蘋果連曲奇碎一齊食🤩口感好豐富 既有曲奇碎既脆 再有冰火結合既感覺 令甜品提升到另一個層次😳加上蘋果有好香既肉桂味❤️但未至於好濃郁 適合初嘗肉桂既朋友🤟🏻而雪糕都系揀左雲呢拿味 係甜品既最佳拍擋😎
繼續閱讀
要講屯門最多野食嘅地方 一定係紅橋但紅橋有一間小食店 佢嘅朱古力心太軟好食到街知巷聞 大家又知唔知呢?🤣朱古力心太軟 $48🤤🤤🤤呢個心太軟我夠膽講係我食過接近最好食嘅心太軟 絕對唔會輸俾出面高級甜品店/酒店cafe質素唔單只外層蛋糕好足朱古力味 好軟熟入面嘅流心朱古力醬夠多之餘 勁香濃同軟滑 加少少水果粒做點綴 fit曬!招牌純蛋白梳乎厘 $44😋😋😋外層焦糖燒得好脆 內餡食到濃濃蛋味 空氣感好足雖然味道可能淡過出面食到嘅梳乎厘 但絕對係 egg lover流曬口水!!值得一提嘅係 呢間小食店係採用自助付款 所有食物價錢都只係參考價錢 大家鍾意俾幾多就俾幾多錢 會主動呼籲有經濟困難嘅食客俾少啲 咁有良心嘅食店宜家真係好難搵啦😆
繼續閱讀
.📍智勝所小食店📍 #饅頭去屯門 #饅頭食甜品 呢間小店聽聞準備要轉手，所以小編趕咗去試佢哋嘅心太軟。入到去你即刻會feel到好濃厚嘅黃店氛圍💛，老闆仲會幫手寄信比一啲坐緊監嘅義士，而且仲好信任客人，比錢方式係自己擺喺個罐度，大家要誠實喔！------------------------------原味朱古力心太軟配雲呢拿雪糕 ($48)佢嚟呢度嘅心太軟除咗外型取巧之外，味道亦係一流，蛋糕皮薄薄嘅一層，外面焗到微脆中間鬆軟💯， 非常香口😋，又唔會比流心醬搞到好濕；朱古力流心嘅質地濃稠，好似熔岩咁流出嚟，散發著香濃嘅朱古力味🍫，又唔會過甜。配埋香滑嘅雲呢拿雪糕同新鮮水果balance流心嘅膩，呢個甜品我會比好高分。------------------------------整體評分：8.8/10小編回頭率：8/10
繼續閱讀
經過幾次不過第一次入黎食聽講心太軟同雞髀飯出名，今次係聞名而來（睇左智勝所老闆移民嘅post）店面不大，內裡坐到十人左右 但野食都多選擇由中午做到夜晚，有快餐、甜品、嘢飲同咸食我地叫咗雞髀飯、經典嘅原味心太軟、蒜蓉多士同清漉嘅烏龍茶結果真係超出想像，同埋D嘢真係好平好抵食！平時都鍾意食心太軟 但第一次食到咁流動嘅熱辣辣嘅原味心太軟上到台 用羮打開一條縫超流動嘅餡不停湧出黎我同partner 都似沒見過世面咁不停哇哇聲同埋加埋會員89折45蚊都唔洗不愧是屯門第一心太軟下次會想試金寶同芭菲partner話雞髀好好食好滑，豉油好味，如果多D仲好😋店內都見到不少文宣 屯門D社區活動覺得真係要珍惜這類辛苦經營，本地嘅黃店小食店 尤其食品素質不差同埋價格很抵店主四月到六月原黎都發過告急相信智勝所老闆去台灣後，要頂下成間鋪壓力更大老闆係真係好關心年青人一路有做請有需要嘅年青人免費食甜品嘅活動同埋野食都係自由定價 有餘力嘅俾多D 困難嘅俾少D （本身係有參考價）希望更加多人認識這間出色小店
繼續閱讀
📍Sugarmama💛屯門呢間黃店告急呀〰️〰️病到半死的我都決定要出po招兵買馬去吃〰️😭6月30號前快啲去幫襯啦😭真係好怕過左30號冇得再食，決定今日起日日都去食！但係首先出個靚post告個急，希望大揸快啲去幫幫手😭 店主店員都十分友愛架，如果經濟有困難仲比你自由定價添架，比錢係入個桶仔，自由度好高😢 好怕佢因為咁而冇得賺😣 做左會員仲有得89折/ 64折添！抵成咁真係要多多懲罰啊！！————————————————————-🥚 招牌純蛋白梳乎厘 $45 蛋白梳乎厘係排第二嘅招牌菜黎架～ 仲+3蚊加左個自家製鳳梨雪糕😝🍍 查實自從細個食過呢款甜品之後一直都好想再試，好懷念🥲見到呢度有就決定第一日就食蛋白梳乎厘開個靚齋先～ 展開禾既sugarmama馬拉松(╬•᷅д•᷄╬) 一見到佢嘅真身，ohmygod超級巨的一個甜品，我諗佢收70蚊以上都唔會過分🥲 食完飽一飽～～面頭蛋白加埋砂糖一齊燒超脆超好食！唔會過左火！好想食一百舊😆 手作雪糕好有誠意，鳳梨味唔會太濃太甜剛剛好啊！我係街食都唔會好快溶〰️🤍💛 原味朱古力心太軟 $47朱古力心太軟係第一位招牌菜黎〰️🥸👍🏻一定要試下啦～ 加左5蚊轉芒果芭菲😆芒味芭菲係三層嘅，頭尾似係果汁雪芭，中間就係雪糕咁，食落好似細細個食個條鳳仙雪條既味🤣丫唔係，質感都有啲似啊🤤 又係好懷念唷～ 一切開啲朱古力洪水咁湧出嚟😂😂係條街哇左出黎，不過個外皮就有些少厚～不過對比番其實都正常，因為佢個心太軟又係極巨既🥸👍🏻 朱古力味頗濃，啲朱古力漿食落唔會似粉漿，似貨真價實的朱古力流心yumyum！！！賣47真是太過良心價了😭〰️老闆啊，就算你加價都會大把人食架🥲 好啦介紹完呢兩款天日等我再試埋其他再打過🤤 好嘢值得推介等佢百世流芳，唔希望有良知嘅店舖再有一日會好似蘋果咁被消失左係呢個自由嘅時代😢💛 今日去到都唔見好多人光顧😢😢但都keep住走一枱入一枱人咁，希望多啲人認識呢間高質小店啦🙏🏻🙏🏻 好多謝店主的善良同美食，令我認識到sugarmama🤍🙏🏻————————————————————-📍地址：智勝所小食店 (屯門)屯門青柏徑6號鹿苑地下3號舖ps其實佢早午餐都有開架，不過就係唔同既店主黎～都係黃店，大家可以多多支持啊😝 我黎緊都試試佢先🤤
繼續閱讀