晶晶甜品 (已搬遷) 新店位置

年三十晚行完維園年宵就梗係去北角搵食啦。記得好耐之前食過呢間，冇乜印象好唔好食，見到裝修又唔錯，所以再戰！試左兩個燉奶。黃金燉鮮奶，可揀熱/凍，我問侍應哥哥熱好食定凍好食，佢同我講熱會香啲，但我食落係唔覺得好食 奶同蛋仲分左兩層，應該唔係特登 反而！有奶雪既燉奶就好食好多，名太長唔記得全名 淨係知簡寫係奶雪 雪花冰夠棉，啲奶又滑啲香啲，唔知點解凍會香過熱 另外叫左糖不甩，都唔錯！ 好煙韌，又唔會水lel lel 年三十太多人，所好快趕人走haha 但態度都好好

同阿寶落天后買玩具食甜品，來到睇落好似老字號晶晶甜品。入到去最吸晴可以話係蔡生兩塊題字。成本餐牌，楝了杏仁茶，而芒果布甸俾阿寶。杏仁茶唔太甜但亦都無咩味。阿寶食布甸，食咗一半已叫飽⋯⋯我試食一啖⋯ 味道較淡，唔太滑，香味欠點。普通了點。

入完大坑食飯，朋友想起早幾年前係天后讀書每次放學後都會係附近食糖水同一班同學吹水hea下就俾個機會佢懷念下好時光，順便請我食碗糖水估唔到天后有咁多糖水鋪最後我地揀咗間中式糖水的晶晶甜品西瓜西米鮮奶布甸@ 坐咗一陣，然後叫咗朋友推介的鮮奶布甸。鮮奶布甸賣相靚到極，奶味勁香濃唔係講笑！ 布甸唔只味道好，仲要好滑。雖然看來好簡單，但加埋西瓜西米露出奇地配合西瓜少少甜同多汁，令淡淡只有口感的西米添上色彩但又唔會搶走另一個主角鮮奶布甸香濃的味道

今晚外賣了一碗芒果西米豆腐花，實在太難食，首先一打開已覺得有點伏，因成碗豆腐花偏多水狀態，賣相已經覺得好唔掂，食落芒果係超酸，豆腐花沒味道，成碗甜品根本只得芒果既酸味，實在未食過咁難食既甜品，忍不住要立刻上來寫食評！其實佢既價錢也不便宜，但味道真係一點都不值！

叫左芝麻糊，蛋白合桃露，芒果豆腐🌹，全部水準一般，只可以用合格黎形容。最離譜係有個超無禮貌阿姐，枱面有頭髮，叫佢過黎抹枱，佢黑面，找錢居然用錢黎掉客人，一定唔會再來

食完晚飯，當然要食飯後甜點🍮食碗中式糖水，應該唔錯。行經天后，見到晶晶甜品，就入去了。這間店以前都幾大名氣，不過一直都沒有試過，一睇餐牌點解一碗中式糖水甘貴，餐牌選擇種類多，有傳統的中式糖水，也有甜品，雪花冰類。一碗芝麻糊要$32，如果加湯圓要$43，比一般中式糖水店貴。朋友叫了最傳統的芝麻糊，店員很快就端上台，夠熱，但是比較稀，味道很淡。我點了合桃糊同樣味道好淡，就好似用水溝淡那感覺，完全不值這個價錢。對比起其他中式糖水店，這店的味道和價錢都比較遜色，下次應該唔會再來。

心血來潮事件簿(10)😋本尊係附近食完晚餐之後，就帶朋友黎依間歷史悠久的晶晶甜品食野😋之前都黎過食過一次，但係就排左好耐先入到去，今次好彩見到有位，就即刻入去食，真係走遲幾步都要等好耐😪今次本尊就一嘗另一款風格的甜品，依次就試下依款薑汁奶冰，薑汁撞奶大家應該就試得多，但係奶冰應該都係第一次聽，本尊見到有依種特別嘅配搭都嚇左一跳，就決定試下😇一黎見到佢泛黃色，應該都係落左薑嘅效果，一試，果然即刻充滿薑味，朋友試完之後都話好有薑味，不過可惜就缺少奶味，應該就俾薑味覆蓋左😐不過對於鍾意食薑嘅本尊黎講就最好不過，近排天氣突然轉冷，但係又想食凍野，依款就可以幫助大家驅寒❄️，一次過滿足你兩個願望，薑味愛好者不妨可以試下✌️朋友叫左一個凍的西米豆腐花好滑好食，比較大眾化，都係另一個不二選擇👍

晶晶甜品屹立於天后都有一段頗長時間，較早之年口碑係唔錯。由於太耐冇去，心郁郁又走去食碗糖水。款色都依然多，咁我就食最基本嘅薑汁芝麻湯圓（黑芝麻饀）。薑汁味香又濃，但唯獨是湯圓饀有點失色。黑芝麻饀沒有口感，似蓉多啲。感覺超市嘅利X湯圓仲好食過佢。至於價錢就真係貴左啲，可能天后舖租愈泥愈貴嘅關係。

今晚天氣突然轉冷，而且雨紛紛，吃過晚飯後很想吃熱騰騰的中式糖水!經過看到晶晶甜品入面座無虛設，就選這家吧!我和友人點了 核桃糊豆腐花 及 核桃芝麻糊。核桃糊豆腐花 :  核桃糊一般，不夠濃郁。不過豆腐花有很濃的豆腐香味，而且很滑溜! 即得一讚!核桃芝麻糊 :  因芝麻糊的味道較重，所以搶了核桃的味道。整體味道OK!價錢方面算合理。服務態度不錯。座位還可以。其實除了傳統的中式糖水，還有新式的糖水，不過quota有限，唯有下一次再試啦 !!!

吃晚飯前 , 由於口痕痕的關係 , 先去吃個甜品 , 反正區區一個甜品不會佔我胃部很多空間 ~心態上就是求其想吃個甜品而已 , 所以不用研究去哪間甜品店 , 於是就入了這間晶晶甜品 ~可能是時間尚早的關係 , 甜品店內只有我們這一枱客 , 這樣實在很好 , 因為我最怕人多嘈雜的環境 ~Menu ~生磨杏仁糊 $ 32 : 煮出來是滾熱辣 , 杏仁糊的糊質偏稀 , 口感似杏仁露 , 磨得不夠滑口 , 杏仁味道不算濃 , 不甚理想 , 甜味少 , 連害怕杏仁味道的某人也可接受得來 ~本篇完 ~

Hadn’t been to Ching Ching for years and definitely will not be going back. Our group ordered 4 desserts and we all agreed the desserts lacked substance and way too watery. Can get better dessert from a packet at the supermarket. A waste of money!

雖然知道天后嗰便啲租金好貴....不過呢間糖水舖啲品質就.....一般般糖水品種的確選擇多......不過我叫左一個傳統糖水.....芝麻湯圓紅豆沙.....淨係見到個賣相.......就真係.....不過可能我唔識叫拉....因為餐牌上都有一啲真係幾吸引嘅糖水嘅.....可能我仲會去幫襯....希望下次會比番一個超出預期嘅機會我啦.....💥💥☄️☄️🔥🔥🌹🌹💥🔥☄️🌹🔥💥☄️🌹💥🔥

栗子芋蓉雪冰($48)-雖然佢地主打中式糖水，但司令心思思想食冰，所以揀左個好少見既冰黎試，一上枱有啲驚中伏，點知勁有驚喜😍。個冰其實係牛奶綿花冰，奶味好香好重，碗入面係有栗子露同芋蓉，食落好多芋頭粒，正啊😱，而且兩種味道都幾出，又唔會有衝突，岩曬司令尼啲又鍾意栗子又鍾意芋頭既人，食到一半啲冰融左入去，又係另一種食法，可以一戰😎。舖頭裝修好復古，但充滿好多好有style既相，成個感覺令人好舒服，可惜坐得比較逼啦！

年三十，傳統上，當然是一大班人去維園行花市啦！行完花市，大家都滿載而歸，拿著一袋二袋，行動開始有點不方便，但係大家都仍然未捨得回家，所以最後決定行去天后電氣道，為的，就是一口湯圓，寓意團團圓圓。大時大節，要等位，是必然的，我地沒有甚麼要求，所以看見那一間甜品店，等位的人不多，就ok啦。最後揀佐呢間 - 晶晶甜品。餐廳室內位置，已經坐滿，餐廳特別加設了一試室外座位，我們一行5人，室內座位，比較難等，所以有位安排俾我地就算了。室外比室內的缺點，主要是吸室外的廢氣，臭煙味，同埋有經常被行過的途人行過撞到，其實都幾惡劣，但係一大班人食，冇辦法。打開餐牌，嘩，都幾貴，一碗腐竹湯圓糖水索價$35，但係坐低佐，都冇辦法，頂硬上。落完單，店員要我地先俾錢，才安排食物，可能是室外座位，怕我地走數吧。糖水，是用發泡膠碗，加膠匙更，賣相都幾差，糖水好熱，都幾驚會溶佐d膠落碗糖水度。腐竹糖水比較稀，感覺水感較重，腐竹已經溶哂，冇乜咬口，每碗跟2粒芝麻湯圓，湯圓比較淋，感覺是浸得太耐的口感，湯圓皮亦厚，軟而輕既膠匙更要筆起一粒湯圓都唔容易。我明白，年30，人比較多，質素比較難保持，但假如是這樣的質素，還要索價$

年三十晚，當然要同屋企人一齊食飯團年啦，係長沙灣食完好味潮州菜，時間都只係8點鐘，決定要舉家落維園行花市！行左唔係好耐我地已經有收穫，為免我地既靚靚盆景花會俾人撞爛，所以就決定走人去食湯圓啦團年日要食湯圓呢d傳統習俗點都唔少得既，一於行落電氣道搵食晶晶今晚黎講都唔算要等好耐位，但就唔係咁鐘意佢坐地起價，今日所有湯水比起平時貴左大約$10，加幅都真係幾多，但無計，都要俾佢禁住黎搶仲有要坐outdoor,食食下要聞到路人d煙味真係不太好受腐竹薏米湯圓 （$37）相信係貪方便關係，今晚係用發泡膠兜裝湯水，但咁熱既湯水裝落去，我真係有點擔心發泡膠會溶腐竹已經煲到溶晒係糖水度，豆味都算幾香，薏米亦落得唔少，芝麻湯圓有兩粒，但就應該係貪快煮定的關係，有點過淋溶溶地的感覺我諗下次我都係寧願係超級市場買包現成湯圓，番屋企煮黎食好過