普慶餐廳

營業中

休息中

之前有個FRIEND都已經極力推介嚟呢度，長期星期六日都FULL，可能LUNCH BUFFET都有蠔，又有長者優惠，而閒日食更抵D，300幾算係抵，所以請假都嚟試一下。。。BUFFET 12點開始，我地4人行，我先行一圈睇下有D咩食，其實呢度真係好多款式，有凍盤區、沙律、麵包區、日本刺身、壽司冷麵區、炸物燒物區、燒肉眼扒區、中式燒味餸菜區、西式PASTA區、泰式食物區，雪糕甜品生果PANCAKE區.....我先嚟飲個中湯~花生眉豆煲火鴨，一般啦，之後攞生蠔及凍蝦，都新鮮，之後攞刺身、天婦羅，個脆漿吾錯，好過話好出名嘅香格里拉蝦天婦羅，但可惜呢度冇蝦，燒味我試咗叉燒、鷄，冇乜特別，其實呢度好多嘢食但我冇全部試過……呢度服務ok，但啲枱放得密麻麻，都吾知係咪有遵守食肆限人數，而呢度放食物嘅地方分得散，好似food court 咁，食客在中間，四圍係攞嘢食地方，但因吾係一個大堂，四圍有柱或樓梯遮住，又四通八達，所以會忘記咩食物放邊度……總算試咗，都ok呀

本身好期待，諗住咁難book 同多好評，應該唔差，但點知大失所望。1. 只有一部分地方燈火通明，其它地方有點昏暗，向好方面想是有格調，但向唔好方面諗就好似停屍間2. 食物質素比較參差，生蠔係唔錯，但熟食未能夠吸引到人，甜品更是令人失望3. 環境比較污濁，冷氣不足，更看到有小蚊子在飛舞所以唔太理解咁多好評嘅原因，唔太能夠接受618一個人，冇環境氣氛，食物都唔得，應該唔會有下次。ps 個人觀感而已，僅供參考，可能中午或早餐會幾好

食咗12球movenpick雪糕🤪🤪佐敦逸東酒店嘅平日下午茶推出任食movenpick雪糕加朱古力火鍋，128起另外加一，就可以揀一款main course，同仼食雪糕，當日雪糕就有7款口味，好多未食過嘅，例如焦糖、藍莓芝士蛋糕、芒果、青檸、薄荷朱古力。。。主食我叫咗沙律，諗住留返d quota俾雪糕🤣沙律麻麻地，d菜有少少苦，同埋太大舊，好難優雅地食🤣不過南瓜幾好味。好多人未食主食已經開始食雪糕😂味道始終係平時食開嗰幾隻口味好食d，例如雲尼拿、朱古力同士多啤梨。另外焦糖都好唔錯，完全唔會太甜，啱啱好，加上脆脆餅乾粒，比想像中好味好多。藍莓芝士蛋糕都唔錯，食得出芝士蛋糕嘅口感，又唔會過甜。之後就係薄荷朱古力，我就嫌太多朱古力片，可以減少啲🤣最令我接受唔到係芒果同青檸，真係好酸，雖然預咗雪葩會酸d，但係冇諗過咁酸，我就唔鍾意喇。總體性價比高，環境又舒服，適合三五知己一齊食😊

又黎到普慶,今次因為staycation關係,試到佢個自助早餐!見網上都好評佢個自助早餐,所以好高期望!一開始就咩都想試小小,見到有人排隊就去左排隊,原來排緊炒奄列,奄列可以簡大量洋蔥!爽口!又嫩滑!正為我個早餐打開序幕!伏小小就係見到有粟米糕呢樣野,入口好硬,唔識形容個味道!,最令我覺得得意係,佢放左好多本土元素的野食比人做早餐,好似係雞蛋仔啦～車仔麵啦~同埋維他奶,好有回憶!同埋親切感發現佢個吉士酥餅同菠菜係幾好食!建議每樣食左小小再決定邊d拎多d!

普慶係我覺得最穩陣嘅選擇之一 但係最近見多咗負評 所以同大家分享一下我上個禮拜食完之後嘅感覺 首先講生蠔之前係即開 而家係開定嘅 細隻咗又冇以前咁甜 同其他同價buffet比又未算好差 起碼洗蠔嗰位服務員有認真洗同埋見到啲唔靚嘅會抽起 但係鍾意食蠔嘅我仍然係好失望跟住我發現食咗咁多次都有一個同樣嘅問題 頭一二輪嘅質素同之後有好大分別 海鮮冷盤同燒豬腩開頭都好食 之後就真係可以用差嚟形容 冷盤 - 頭一兩輪排隊食啦 臨尾雖然唔使排隊但係明顯有差別生蠔 3/5 上面講咗翡翠螺 4/5 爽 脆 鮮 甜 比其他我食過嘅都好麵包蟹蓋 4/5 今次好甘香龍蝦鉗 1/5 肉霉 勁鹹刺身 3/5 八爪魚外其他都正常熱盤燒烤 - 燒豬腩燒豬腩燒豬腩 重要嘅講三次燒豬腩 4.5/5 皮勁脆肉嫩 油而不膩 用德國酸菜或者加啲芥辣一齊食都OK手切牛扒 2/5 鞋 冇肉汁 唔係特別有愛可以唔食烤白筍 3.5/5 口感有啲似薯仔 好特別海南雞 3/5 油飯 1/5 剩食海南雞啦 幾嫩 飯係撈黃姜粉 麻麻地焗豬肋 1/5 淋嘅不過勁鹹甜品 - 又係嗰句 鍾意食雪糕嘅對你冇影響Movenpick有八款定十款 酒心朱古

呢間自助晚餐價錢$618，無任何信用卡折扣兼要自行付費泊車，但一般都好滿座，最好提前大半個月訂位吖餐廳好大係地庫全層，食物平均分布每個位，唔會坐到好逼，疫情關係就更加鐘意甘保持下距離安全d回本必食涷海鮮有龍蝦、生蠔、螺、大蝦、青口、剌身，天婦羅最驚喜，有去左日本餐廳單點嘅水準，有炸蝦、軟殼蟹、白身魚等同蔬菜類中西熱葷都好齊全，片皮鴨都有得食，甜品雪糕係movenpick，食物質素中上，款式多，侍應收碟有效率，家中2老食得好開心🥳乜都值啦

同好姐妹難得有半日假,即book左個下午茶放任一下,不過由於我地book個陣係無睇過食咩,去到先知食雪糕同朱古力火鍋😂😂😂餐牌定左主食 再加雪糕buffet主食叫左 青口辣椒意粉呢個唔洗加錢意粉帶辣勁,青口食得出係雪藏青口加 $100就有羊架同龍蝦五成熟但有回過熟,羊架有焦糖面,味道剛剛好!唔會比過熟影響,反而都有驚喜好食雪糕有7隻味任簡,每人限3球每次由於本人唔食黑朱古力,簡左白朱古力,甜到糖尿佢有配料比大家簡,個人覺得菠蘿係超好食同場仲有杏仁咖啡曲奇

上次試完下午茶自助餐，對逸東酒店內嘅普慶餐廳自助餐都幾有驚喜，今次再試下自助午餐。.自助午餐就有下午茶無嘅海鮮冷盤同埋生蠔，兩者質素都不錯，新鮮有味道，值得一試。.同時亦唔少得壽司刺身區，壽司普通，壽司飯偏硬，刺身就正常質素。麻醬豆腐以及冷烏冬都非常好食，同時驚喜竟然發現關東煮大根，夠淋夠入味，好食可惜一旁嘅串燒就麻麻，豆腐非常硬而無味，不值一試。.當然亦有牛扒、羊架以及腩肉啦，竟然亦有提供燒菠蘿三款肉類都好食，特別喜歡腩肉，皮卜卜脆，肉質多汁唔會硬。燒菠蘿亦有驚喜，酸甜酸甜味道啱啱好.最後太飽，就淨係食左雪糕窩夫，估唔到放咗咁耐嘅窩夫依然卜卜脆，配合埋雪糕，十分正.餐廳大約坐滿九成，因為食物區域分得比較開，拎嘢食時唔會覺得擠迫或者需要排好耐隊，員工亦非常主動。另外值得一讚嘅係普通餐廳提供各類懷舊糖果餅乾，大人食到懷舊零食開心，小朋友亦喜歡兩次自助餐體驗都非常唔錯，推薦俾大家！💛

之前一直都聽過鼎鼎大名嘅Eaton😎今次藉住同朋友生日 終於有機會黎試下佢個buffet🤪下午茶buffet 只係 200幾蚊 但係已經有勁多嘢食如果係平日黎食仲抵 只係$128🤩.🌟下午茶Buffet ($248)下午茶唔似得其他高級酒店咁有海鮮、刺身食但係咁唔代表佢冇吸引力呢度嘅熟食好出色平日呢d熟食係其他高級酒店冇咁受客人歡迎所以擺得耐就冇咁好食但係呢度真係食得出好用心去煮同設計 亦都有特式所以大部份都好新鮮同高質.前菜方面有唔同款式嘅沙律同芝士🥗🧀除左最common嘅caesar salad之外 仲有甜薯沙律.熟食比較特別嘅有日式蝦多士整得好脆 味道好出色 fusion得黎又保留到港式同日式嘅特質 另外佢嘅蕃茄肉丸🧆同菠菜芝士批都好好食!.仲有一個角落有得拎sausage roll酥皮略為唔夠鬆脆 可能係因為佢嘅size比較大不過香腸嘅調味好好 所以我都收貨😆而且仲會附上蕃薯條.呢度仲有一個燒烤corner有唔同種類嘅燒香腸、牛仔骨🍖除左肉類之外仲有焗茄子.雖然下午茶冇壽司刺身食但係就有日式茶漬飯 啱晒鐘意日本菜嘅朋友!🍚.呢度嘅蛋糕都好吸引  4月係以花做主題🌷所以造型都好有

諗住係staycation加食個好既自助餐，好多人推薦呢間食落唔會背脊骨落既餐廳。直接去左官網訂，同其他酒店比較唔係特別平。準時去到等左5分鐘左右已經安排到座位，地方好大，座位唔迫，攞食物唔使點排。其中日式燒烤幾特別，有燒鰻魚，炸蝦，炸魚......質素一般，但好少係其他酒店buffet食到。員工服務態度好好，好勤力，好快手，出去攞野食後返埋位枱面上食完既碟一定已經清左。重點係無長腳蟹，其他野食都算可以，種類比其他酒店多。上個月見到有長腳蟹至黎食，去到話無左，非常失望。性價比中下，無長腳蟹既話唔推薦呢間。

麵包蟹蟹膏龍蟹肉都冇味，蝦冇味，青口腥冇長腳蟹，刺身唔係腥但係無味。連焗薯仔都可以好難食，調味完全唔知發生咩事。我以為想食返碗車仔麵壓驚，d生菜苦嘅。食返甜品開心下？窩夫唔會有熱嘅，姐姐話我整咗一大堆㗎啦。麵包連烘熱嘅機都冇，第一次食自助餐禁失望，真係由頭嬲到落尾我真係唔明點解咁嘅質素都可以拎出嚟俾客人食，每樣嘢食你只係可以諗放唔放得入口，唔係諗好唔好食，佢影嘅相太靚，大家真係唔好俾佢呃倒。。。仲要星期日坐滿晒人。。。。

今日去左佢去酒店食早餐buffet, 職員都幾nice 首先介紹左個場地同埋野食分佈 之後先帶我地入座食物同飲品方面都有進步空間咖啡略淡食物方面最推介係沙律菜 好新鮮 咬落口都仲脆炒麵 煎蛋都正常 藍莓乳酪都係👌🏻可以一試 仲有其他酒店無ge雞蛋仔tim 不過我飽左就無食到今朝拎 omelette 有個小插曲有3-4隻小虫虫係洋蔥度 因為負責個staff 要身夾多職 希望酒店可以派多個人係廚房幫下手就好la同佢哋講左有虫之後酒店職員都有盡責跟進👍🏻

平時都聽聞逸東嘅buffet好高質 今次終於有機會食到🤤 食物種類款式好多好欣賞佢夠衛生 尤其係拎海鮮 有專人幫你拎同埋拎嘅份量好足夠滿瀉咁滯 最鍾意係佢嘅蟹腳 夠晒大隻好多肉同埋就算唔落檸檬或者其他醬汁都好鮮甜 生蠔就正正常常偏細隻 不過都好有鮮味 而其他海鮮好似蝦 龍蝦都高質 佢仲有好多唔同選擇小龍蝦同螺都有 但個人就唔喜好螺啦至於魚生同壽司款式唔算特別多但都係我鍾意食嘅款 帶子同三文魚好鮮甜 都算好厚肉 唔好意思因為我跌咗啲壽司飯落去碟度🙈😂牛扒同羊架相對上比較遜色 肉質有少少鞋口 但個醬汁係幾夾而佢嘅燒烤主題嘅食物 都唔錯 尤其鍾意佢嘅燒牛舌不得不提嘅就係佢嘅北京填鴨真係好好味個皮夠薄塊肉又好厚 可惜食咗一次之後就已經冇晒 好想佢會再refill🥺至於甜品方面款式雖然好多但係味道就一般般 好彩有movenpick雪糕搭救 冇記錯有八款可以揀 可以試唔同味好開心😍飲品選擇唔多 有仙草奶茶 柚子梳打等等 如果有平時嘅飲品就更加好啦總括嚟講 食物款式同選擇好多 尤其海鮮係好高質同埋好多款式可以揀 會再戰🤣不過如果鍾意食甜品嘅人可能就會失望少少

早一個月上網預約平日星期四食夜晚自助餐，三個大人兩個老人家一個小朋友，一家六口去食，預約7點，準時入座唔需要等，餐廳環境夠闊落，食物選擇亦都多，屋企兩老有讚呢樣野好，而且拎野食基都唔需要排隊就拎到，美中不足係人唔算多嘅情況下收碟速度仍然有啲慢，食咗兩轉都未收，扣小小分，但職員服務態度良好，加返分，整體嚟講呢個價錢對比其他酒店自助餐，我覺得算比較好，希望餐廳能夠繼續維持住質素，我都會再帶身邊嘅人再幫襯。

貴為香港其中1間最受歡迎既自助餐餐廳，普慶餐廳自然有佢既吸引力響度。今晚就由小編帶大家參觀下呢排推出以燒烤為主題既自助餐啦!普慶餐廳位於佐敦與油麻地之間 (佐敦會稍為近少少)，當大家沿彌敦道，經過永安百貨對面，以及壽司郎後，就會見到餐廳所在既逸東酒店喇! 沿樓梯或升降機落到地庫二樓就係餐廳所在地。餐廳有個好大既中庭，雖然食野既同時會俾樓上地庫一樓既Foodcourt客人所見到，不過夠開揚既感覺都唔錯。餐廳最大既特色係唔同種類既食物會被安置於餐廳唔同既範圍，響分散人流既同時就可以令你身邊坐位既附近都有1-2個系列既食物! (當然，如果你唔鍾意周圍發掘食物既話就會俾呢個美食迷宮所困擾喇!事不宜遲，都係介紹下有咩野食先，傳統黎計小編都係先以冷盤為自助餐既開端既! 生蠔會黎自紐西蘭 (無提及品種)，雖然唔係即開但員工都會以每隻沖洗5-10秒時間去處理生蠔，確保所有殼碎已沖走先給予客人。雖然每人每次最多只可拎2隻，不過因為唔算多人排隊既關係，所以重複去拎所花既時間都唔會太多。海鮮方面，餐廳用上大量既海鮮去堆砌一座座既海鮮山 - 唔好以為會因為大家爭先推後搶夾而令情況混亂，餐廳因為防疫既考慮會由員