時新快餐店 (已結業)

十多年後的一次偶遇! 她從前也常在身傍擦過, 但總是沒有留意! 今回再次遇上就不會放棄. 晚上約八時, 還末用餐的我, 眼前吸引著我的五個大字"時新漢堡飽"; 落單一客"芝堡"外賣, 在途中吃出不明的滋味? 好像回到從前的感覺…………., 今後我會再試! 再試! 再試! 再試!

日前, 早上去過兩遍街市, 原本無意再外出, 但晏午時有人提議到尖沙咀, 盛情難卻.乘上巴士, 應可直驅目的地, 不過想吃飽, 所以早幾站於紅磡落車.走到時新, 初打算堂食, 怎不知店內無開空調, 比外頭還熬人, 於是買了兩個漢堡飽出外面食.飽是烘過, 倍增香氣, 而漢堡裡今次鹽放得略重手, 不過仍可接受.事後, 有人指出, 若漢堡改為稍煎再入焗爐, 味道會更好.哽完飽, 兩人繼續邊聊邊上路. 抬望眼, 23點鐘的太陽, 實在太耀眼.

上次寫呢度嘅食評時，一時唔記得補番張靚相，今次冇走雞嘞...跟太太行過。抵受唔住誘惑，點都整番個港式cheeseburger...依舊好滋味，包、芝士、牛肉，全部新鮮滾熱辣。芝士並唔係什麼brie、parmasen；牛肉亦唔係什麼wagyu、angus。但依然食出好味道...今次老虎蟹都要追加波浪薯條一碟。又係現炸，加大量ketchup，又係食到嘴郁郁...

去左呢間店2, 3 次. 次次都係食雙層芝士漢堡, 因為覺得兩層漢堡o既肉汁同味道好好多, 其實整呢個漢堡整到咁好食, 好大原因都係佢\係即整即食, 熱辣辣o既漢堡扒加上半溶o既芝士, 想唔好食都幾難啦. 同埋佢\o既價錢實在係平喎, 以佢\咁新鮮整出黎, 呢個就係佢\比其他快餐\店優勝o既地方喇.

呢間最近人氣十足嘅小店，以漢堡包及波浪薯條為賣點，多次緣慳一面，遺憾...今次跟太太路過，機不可失，就算之前食咗車仔麵，都要再嚟過...兩份share個double cheeseburger。典型舊式漢堡扒，真材實料，即叫即做，熱騰騰，難食極有個譜...麵包微微煎過，微脆口...用嘅係卡夫芝士，雖並唔係乜嘢貴價料，但食落別有一番滋味...忽然想起以前細細個時食嘅港式漢堡包...懷念...

曾經路過這間店幾次因為間鋪好舊所以沒想過要幫襯個「舊」字用e + 的潮流用語尼講就係「集體回憶」但對未到廿歲的我來說是很新鮮的係度睇過其他人ge 食評我就覺得一定要試下不過搵左兩次先搵到openrice呢度寫佢係31A 鋪位原來係1A 有4 種漢堡包芝麻漢堡$ 8芝士漢堡$10漢堡加蛋$10雙層漢堡$10(我諗雙層芝士應該係12蚊掛)我叫了平價的14蚊套餐1個芝麻漢堡+ 一杯凍檸茶再加一隻炸雞髀10蚊最好味係個熱辣辣ge 包同其他人d 食評一樣真係「包外鬆內香脆+ 漢堡肉味濃」食左呢個8 蚊ge 包, 諗返起m 記6 蚊果個以後唔想食m 記果個了亦都唔會再想去mos burger排隊了呢度平之餘個包唔係軟林林的但佢又唔係脆卜卜, 總之就烘得岩岩好即叫即整又唔係等好耐但新鮮熱辣我諗. 個芝麻漢堡都咁好食咁個雙層芝士漢堡仲得了? 過幾日要再去食先得!

星期六下午有試酒活動, 之前當然要先"打個底". 想起很久沒有吃時新快餐的漢堡包, 而最近這間快餐店頗受注目, 便專程來看看水準能否保持.我記得以前吃過的芝士漢堡, 售八元, 今時今日已加至十元了, 但幸好水準仍能保持. 漢堡扒仍是即叫即做的, 洋蔥和免治牛肉, 永遠是好朋友, 再兩面煎過, 味道當然不會差. 個人喜好, 明知加兩元只是換來一片無味的卡夫芝士, 還是會選擇芝士漢堡, 是滿足心理多於口腹之慾吧? 另外要了一個沙嗲牛即食麵, 這裡的牛肉並非軟趴趴的梳打牛, 總算有點牛肉味及咬口; 而沙嗲甚香, 相信是因為湯底本身都有下沙嗲醬去煮過, 香味足, 比其它地方的"一羹沙嗲醬" 貨色, 高出不只一籌. 麵上還有一隻太陽蛋, 弄穿它, 讓蛋黃汁流進湯底, 令整碗麵更添一層蛋香及口感, 這是我從中學時代開始的習慣. 這餐一包一麵, 頂級滿足. 再配上一杯凍奶茶..........噢......忽然覺得, 能活在香港真好.

上次上黎睇呢間食店o既食評,跟住去食,今日再睇, 再睇真d,乜全部食評都係呢半個月出o既... 呢間舖都開左十幾廿年,以前碼頭未搬都已經係呢度,點解咁突然o既.. 言歸正傳, 芝士漢堡+凍奶茶... 第一個感覺係好有份量, 入口,個包同件扒夠熱喇, 仲有少少脆添.. 沙律醬甜甜地, 好厚o既漢堡扒, 感覺就係香港快餐店o既漢堡包, 冇花冇假. 十幾廿年都冇變. 凍奶茶, 冇咩好唔好, 唔會差先囉.話時話, d芒果黃色o既凳同d牆身瓷磚, 又係一絕, 直頭好似同蔡楓華,鍾保羅拍d青春片放學食下午茶咁. 哈哈, 除左冰室外, 又一香港特色...20蚊o既價錢, 帶係時光倒流. 抵喇...

上星期五一假期專程試食。芝士漢堡10蚊個，即叫即做，絕對熱辣辣。漢堡扒中混有洋葱，有自己風格。唯一不滿是當日幫襯時收錢同整包都喺同一對手....有人冇所謂，但我幾介意，病蟲絕對有機從口入。

又係因為雜誌介紹所以至發現到依間好野, 本來係因為俾佢d舊式包裝吸引住, 然後再睇埋內容, 更加好似不可不試咁.咁啱今日我男友過嚟接我收工, 但大家又唔係咁肚餓, 正頭痛食乜野好時, 突然諗起依間小食店, 所以趕快開車到黃埔, 都搵咗一陣至搵到, 去到小食店, 己經差不多接近店舖關門時間, 所以都以最短時間嚟選取食物, 我本身不喜歡食芝士的, 但因見雜誌特別介紹, 所以最終都選了芝士漢堡包, 但好彩都無令我失望, 芝士味唔係太強, 但恰到好處, 好好味.另外, 老細亦都非常熱心, 就算要趕住收工, 都會同我男友詳細解釋, 因為其實漢堡包係有三款式選擇的, 但佢都會解釋: 如選芝士漢堡, 最好就唔好加任何汁, 只是芝士+ 漢堡扒就係最好味既, 依度真係好好味, 下次會再試吓其它味道既漢堡飽

上次睇雜誌介紹, 先知到屋企附近有呢間快餐店, 今朝一早就試過呢度最出名的漢堡包, 簡直令我一試難忘... 漢堡包即叫即整, 大約等左3-4分鐘, 漢堡扒入面加有洋蔥, 約1.5cm厚, 麵包經烘製過, 再配上秘製沙律汁. 食落好多肉汁, 真係比連鎖式快餐店好食好多. 呢度無論收錢, 執檯, 廚房都係只有老闆一人, 可以話一腳踢...

呢間食肆好多年前巳經幫襯,只因為佢夠平,當時最平飯盒只賣$5.5一個,信不信由你.時移勢易,後來好少再幫襯.最近睇到食友推薦又再試佢地漢堡飽.漢堡飽即叫即做,阿叔好有心機慢慢做,地道快餐店,又了美式快餐的效率但又多了一份感情.做出來的味道當然比流水作業的工廠式食物好.

路過紅墈南道,見到有個仿古招牌,寫著"係香港未食過時新漢堡包,點算係食過漢堡包?"那麼大口氣?!好,就試一試你.這間幾十年歷史的老店,長年一直不見,今天發現已後知後覺.一直愛死這類老香港快餐店,幾十年不變(價錢除外.)開放廚房下的白汁,紅汁,那些兩三分鐘就上桌的粟米石班飯,已是少年時的一餐很好的午餐.當然,還有漢堡包,薯條.此等舊式快餐消費,不比老麥平.漢堡包薯條加汽水,已超越一個至尊漢堡的價錢.與其他舊式快餐店不同在,此店沒有汽水機.只得罐裝汽水,風味差一截.即叫即製,麵包烘過,吃落鬆軟,漢堡扒即煎,以芝士放底,本末倒置.面頭淋上自製的醬汁.簡簡單單,漢堡扒肉香充滿,在這個年頭大多人吃老麥的"六四"扒,吃到叫苦連天,吃回這個漢堡包,實在有點反樸歸真.,其實之前在樂富食棧附近,有間名叫"美麗華"的舊式快餐店,一樣水準的漢堡,可是已行先一步.薯條為波浪薯條,無論口感,味道,也比French Fries勝一籌,尤其老麥的空心貨.近年保育文化也被大肆粉飾一番,這些舊快餐店,好應該替其塗上口紅吧.畢竟對我輩長於八十年代的世代,港式漢堡,波浪薯條,維他汽水等等....滿載著昔日美好,而實在的回憶

如果唔係quayteow，真係唔記得呢間快餐店！是日因為要上深圳見客，特登行多兩步到火車站旁搵呢間快餐店，其實都好近好易搵，只係佢嘅外貌太過沉實，唔多起眼。有三十幾年無食啦！以前細細個住係紅磡，真係三兩日就幫襯一次，最鍾意就係食熱狗、漢堡包同炸雞脾，所以自自然呢次都係食返呢三樣。首先叫咗個漢堡包加凍啡。凍啡合格，漢堡飽quayteow都介紹得好清楚，可以補充嘅，只係個麵包係烘得好香，而且係即做，所以係好好味。再來熱狗同炸雞脾。熱狗先到，基本上同係漢堡包做法一樣，只係換咗用熱狗包同雞肉腸而已。不過比起細個時，d汁好似小咗d，但係因為即做，個包真係好香好脆，所以依然係好高分。最後係炸雞脾。嘩，做得好到呢...真係唔識形容。首先隻脾係即炸，所以係好熱好香，而且塊皮係又薄又脆，好吃到不得了；雞蠔位（英/法式叫法，即上脾與身體連接部份個塊橢圓形嘅肉，西方視為全隻雞最好味嘅地方，好比魚面頰一樣）差不多完全焦糖化，好香但係又唔鞋；其他部份嘅肉好滑，d肉汁仲係度慢慢咁浸出來；而且隻脾唔細又唔肥。簡直係快餐店雞脾嘅經典！呢度嘅裝修真係三十年不變！而且老闆都幾cool吓！反而d街坊客就好平民。真係香港嘅經

從火車站「往紅磡」的天橋走到盡頭，一落樓梯，一轉右，或再轉右，你便會一而再的錯過這爿店-因為，它就是瑟縮在天橋底下，任何人下意識都不會直望的當眼處。都那麼多年了，依舊那麼簡單，依舊那麼直截了當：包餐、麵餐，熱飲、凍飲…一目了然。漢堡包的味道，依舊那麼簡樸：肉依舊傳來牛肉香，但依舊食到絞豬肉、雞肉同黑椒的口感；麵包雖是來貨，但煎一煎，烘一烘，加上有青瓜粒、胡蘿蔔粒、茄汁的醬汁，風味依然，神態依舊。還是五、六十年代，此處實為海旁（對，紅館、紅隧同大部份黃埔也是填出來的），亦是黃埔船塢（又「九龍船塢」）的出入口（所以叫「黃埔街」同「船塢街」），它理所當然的萬千寵愛在一身。時移世易：修理廠、石屎廠沒有了；人去，樓空了；旺區，也成舊區了…它，竟奇蹟生還了。心想，若不是有老街坊老顧客支持，若不實為自己地舖，它哪可能撐下去？至少，有這樣的生存意志，足以是「香港第一」。倘若你覺得到「大酒店」附近若無其事的吃頓飯足以耀武揚威的話，何不嘗試感受一下這爿店的魅力。[ 事後發現（竟然最近）有傳媒報道過，亦不約而同的稱之為「香港第一（的港式漢堡包）」…]