時新快餐店 (已結業)

近期大熱既burger非時新莫屬﹐點都要試試~ 叫返個雙層芝士漢堡﹐口感一絕﹐同老外o個d完全唔一樣﹐加埋溶化中既芝士& 秘製沙律汁(真係唔係出面普通o個d)﹐真係好味~ size唔太大﹐gf話o岩晒佢~凍奶茶都係推介之一﹐唔識形容﹐茶味濃﹐可能工勞歸於老闆(沖得好﹖)另外一定要叫炸薯條~ 波浪形﹐粗粗壯壯﹐落少少鹽再加埋茄汁真係人間極品﹐m記完全給比下去....最重要係包又好﹐薯條又好﹐全部都係即叫即做(d薯條辣到我利都鞋埋....)原本想試埋傳說中既炸雞脾﹐但礙於當日小弟quota有限﹐都係留待下round 先啦....

同朋友仔到紅館睇陳奕迅，終於有機會一試近期大熱既港式漢堡包。一入到去，老闆已經問係咪要包，可想而知呢排係幾咁多人黎食野。本來只想要2個雙層芝士漢堡，但想起KC讚呢度D炸雞腿係最好食，當然唔可以錯過啦。漢堡扒肉汁豐滿，邊咬邊流汁，而且入口即溶，啖啖都充斥著洋蔥香，再加埋半溶狀態既卡夫芝士。哈哈，真係無得彈。建議等塊芝士俾漢堡扒熱溶先食。至於炸雞脾，如KC所言，"皮很脆...油膩了一點...表面上看來乾身...肉質卻十分嫩滑，肉汁充凝"，可惜都不合我倆的口味。

放学買番屋企再用micorwave 叮都仍然好好味唯一不足係唔夠醬

雙層牛肉漢堡, 口感極佳牛肉不是那種死實實的漢堡排, 食完會有好滿足既感覺!!!!同行友人一致讚好加上那種七十年代的格局, 很有風味呀!!!!可惜服務態度就差了少少....但可接受的p.s. 雖然未試過沙律汁, 但個伙計話沙律汁係佢地祕製, 出面食唔到, 如果去食應該要試下喇

見到這麼多人讚好, 一定要去試試啦, 今天上班前特登去找一找, 在黃埔區工作了七年, 都不知黃埔街在哪裡, 真汗顏…….終於找到, 由於有心理準備, 見到這間外表頗舊式的快餐店, 並沒有要走人的感覺, 要了一個雙層芝士漢堡和一個魚柳包, 朋友的漢堡要走沙律醬, 而我的就除了要走沙律醬外, 還加了兩片芝士, 還要求一片上, 一片下, 中間是魚柳, 師傅笑笑說: 無問題,服務態度令人滿意。買回公司食, 一打開袋, 芝士已溶到一袋都係, 感覺:嘩! 正! 朋友說漢堡好味, 而我的魚柳包簡直是一流, 最厲害的是它的魚柳不是一般有很厚槳粉的那種, 而是真的只有魚肉的魚柳, 唔…………超美味!! 唯一不足的是, 不是十分大塊, 但這個價錢, 也不能要求太大塊的了, 下次我會叫雙份魚柳……….嘻嘻這樣的服務, 這樣的食物, 這樣的價錢, 大笑臉一個!! 讚!! 下次我會堂食!!

這裡似乎成為近期大熱,差不多每日都有這裡的食評,而且食評中對這裡的評價不錯,便想來試試。襯著有空的日子,逛逛黃埔,順道來試試。下了天橋,走到店外,見曱甴活生生走來走去,也有些反了肚,橫屍街頭。曱甴數目不是一兩隻,而是十隻以上,沉了一沉,心想:點解咁多曱甴?走到店內,點了個雙層芝士漢堡,便找個地方坐下。在舊式快餐店,下午茶時間人客頗多,有專程來的,也有小學生買個漢堡包,開放式廚房讓人看到其製作。漢堡可以取時熱得燙手。漢堡扒即叫即煎,除了新鮮熱辣,也肉汁豐富,一咬,肉汁滲出,除了濃厚肉味也夾雜了洋蔥味,使食落覺得更香,慢慢細嚼,肉味與洋蔥味充滿口中。包經烘暖暖的,包面微脆。酸酸的沙律醬,份量有點不足,加上溶化中的芝士,與包、漢堡扒得以配合,發揮其效用。幸在店內見不到有曱甴橫行。食畢步出店外,曱甴仍然走來走去,見坐在店外的呀伯忙於用拖鞋勃走路過腳邊的曱甴,也沒空喫他放在檯上的漢堡...

第一次來吃，覺得這裡的漢堡包做得用心，味道好又賣得便宜。多來幾次，試了一大埋其他的食物，如沙律、多士、炸薯條、炒粉麵、碟頭飯、湯粉麵等等等等，發現最好吃的，原來是炸雞腿。慢火油炸，出來的效果是皮很脆，炸雞腿當然是油膩一點，但表面上看來也算是乾身。雞腿理所當然是雪藏貨色，但肉質卻十分嫩滑，肉汁充凝，炸雞腿吃了幾十年，這裡的，也算是有水準的了。好像是十蚊一隻，絕對的超額完成。不過因為炸雞腿也需時，要吃此品，要有至少等十分鐘的心理準備。有一次見一位行動不便的伯伯來吃，主理人見狀，立即拋下手頭上的工作，親自出來扶著其慢慢的進來及離開。好人好事，值得表揚。

英國有位人兄正苦惱著個report要點死出來﹐繼而再加上思鄉情緒就打來比小妹。講下講下各樣香港美食﹐佢就叫我黎哩薯試試佢個burger。咁我立刻好聽話地拖馬來﹐叫左個雙層芝士漢堡配黑椒汁﹑雙層牛肉蛋漢堡包配咖喱汁﹑魚柳飽配沙律汁﹑熱狗一隻同炸薯條一碟。評語係: 好食過麥記﹐抵食過MOS burger(其實beef burger黎計的話係好食過MOS添), 都好食過Freshness (算吧喇...我唔會再去架喇!)﹐好味過HK既Burger king(英國同美國好似好食d咁但我係用幾年前既memory黎計)﹐好難同triple O或者係shake'em buns比較因價錢差太遠。beef patty幾大塊﹐夠軟熟有少許肉汁但牛肉味唔夠出。但係$12一個double cheese burger你想點先?? 抵到暈喇﹐所以係物有所值咁喇~ 個人認為黑椒汁香過咖喱汁﹐因為咁愛食茄汁既我食完成個黑椒汁burger都無話覺得要加任何野落去。食到好messy﹐但好enjoy! 至於個fish fillet burger就無樓下影個幅相咁莊觀囉! ok喇﹐勝在熱辣辣﹐即叫即整。熱狗$9隻﹐好味過某些

見or食評勁讚,今日去黃埔街兜左個圈,叫左個芝士漢堡同炸薯條外賣,行出門口都忍唔位咬左幾啖,個包又真係幾好味,芝士溶溶地,塊肉juicy,包微脆,至於薯條,偏向幼身的波浪形,剛炸起即食幾條,算脆,但過左十分鐘度就腍囉,十蚊一包,若然唔係堂食,又或者唔係諗住邊行邊食,唔好叫外賣囉~~~圖為灣仔樂景快餐店的芝士漢堡,同樣平靚正,九龍區又時新,港島區就有樂景~~~

本身並非超愛食漢堡，不過聽很多人都誇這裏的包，又守在紅磡，地理條件優越，何不試試呢~反正不過十來蚊，就算不愛食都無太大損失，結果一試就愛上。是次要了芝士魚包，大概因為現叫現烤，香氣撲面，不過看起來整個過程就唔特別，所有原料都可以在超市搞到，和canteen的魚柳包會有咩唔同？但試過先知，魚肉烤得o岩o岩好，滑嫩鮮美，配上自製沙律醬與入口即溶的芝士，實在惹味！平凡外表都有非凡美味，真是不可貌相嘎！朋友則揀了芝士蛋包，亦盛讚，熱乎乎的雞蛋伴著芝士和塗有牛油、外脆內軟的麵包片送入肚內，幾滿足，仲話其實自己都可以整到呢樣個包，豈非更平嘎。話雖如此，可是又會有幾多人在忙碌之餘，有此閒情去整個包呢，倒不如享受10蚊買片刻休閒同埋美味，唉……

一路行一路食，當到達時新快餐店時，主人覺得有點兒飽，所以吩咐奴隸獸：『買一份漢堡包兩份食啦！』奴隸獸當然心中不服，但不敢宣之於口。決定要買一個大小小份量的漢堡。奴隸獸：『我想要一份雙層牛肉蛋漢堡包配黑椒汁，但仲要加芝士喎，得唔得呀？』店員：『無問題，十四蚊啦！仲要D咩呀？』奴隸獸：『一罐Coke Zero。』店員：『一共二十蚊啦！』等了一陣子，一個熱辣辣，香噴噴的漢堡包就在眼前，一口咬下，充滿肉汁，發現漢堡內有大量洋蔥，令牛肉餅更加鮮味。奴隸獸進食時已經打定主意，下次再光顧，它要買一個三層牛肉、雙蛋及兩片芝士配大量黑椒汁的超級巨型漢堡包。哈哈哈！！

這一刻,時新的漢堡包,突然紅了起來,難道保育文化,吹到來飲食界?士別數月前來,已經不能同日而語.店內有很多年青人,一人一個漢堡包,似乎是其中一批"潮聖者".小弟依然故我,一樣要個比老麥好吃萬倍的芝士漢堡,再加碟波浪薯條.大多年青人應該自小比老麥薰陶得入骨,所以第一次遇上其他品種的漢堡包,也覺得很新奇.不講其他貴價美式漢堡,單講好像時新的港式漢堡,身為香港人,真的要試.始終肉汁豐滿的漢堡扒,加塊平凡的卡夫芝士,再加點地捫茄汁,簡單直接,三樣加埋,便是百份百香港味道.回流自美加的港人,或者會喜愛三個O,Shake Em Bun,好像我輩100%港仔,就一定愛這個.去港快要去舊式,聽廣東歌就聽舊歌,睇電視要睇無線經典台,著波鞋就著復刻版,難怪比某人label我是八十年代人了.

岩岩睇完食評落左去買左個雙層芝士漢保+凍奶茶$22蚊一個字....正!!!食完拒地既漢保包保證你以後5想食M記

係紅磡工作2年,呢度真係越黎越多好野食.一入去見到廚師煎緊幾塊漢堡扒,已經勁肚餓,我見佢間唔中就淋d油咁既野上去,但食落又唔覺好油喎,利害!環境親民,有電視有雜誌...一定要試~~~~~~~~~~~~~~~~~~~

同女朋友一人要左一個雙層芝士漢堡,一個要沙律醬,一個就要咖喱汁。食落去,um,的確係幾新鮮整,幾熱,但如果係係「辣」手會好o的。食落去覺得普普通通啦,可能係覺得味道唔重,得肉味,但食唔到咩肉汁,咖喱汁同沙律醬都唔太夠,我自己覺得冇味既最大原因係得一塊芝士,如果芝士味多返o的應該會唔錯。總體來說,okay,因為都幾平,又唔可以太高要求。